駿景軒

营业中

休息中

心血來朝想食川菜，老豆話食好d，預先訂好位，帶我地來到灣仔既一家酒店川菜-駿景軒~地點位於灣仔與銅鑼灣之間，識路的話不難找，腳程15分鐘內到達，當然駕車或的士最方便吧~枱面上整齊精緻既餐具作為今餐既好開始~杏汁燉白肺湯 $90白肺湯工序煩複，要清潔得非常乾淨，所以好少地方有食得到~呢碗白肺湯，入口清香既杏汁味道，順喉滋潤，真材實料，嚐不到丁點味精~川味口水雞 $158雞肉嫩滑有肉汁，雞皮爽滑，皮下脂程水晶狀，醬汁香，辣，麻，酸，惹味醒胃~黑醋珠蟹肉帶子炒鮮奶 $328炒鮮奶非常滑溜，與黑醋珠同時放入口中，黑醋珠係口中爆開，味道酸中帶甘，估唔到同炒鮮奶味道夾得來，帶子底面煎香，半熟狀態，味道鮮甜~瓦罉焗胡椒蝦 $428一上枱已香氣撲鼻，大量的胡椒埋藏著數隻原隻大蝦~大蝦爽口味鮮，蝦殼脆得整隻連殼吃也沒問題，而且連殼吃更能吃到胡椒的香味，咸咸辣辣，十分惹味~紅油雲吞 $98皮薄餡飽滿，餡料是豬肉和菜，紅油醬汁甜甜的不會太辣~酸菜桂魚片 $308魚肉份量多，肉質爽滑，湯頭濃郁帶微酸~

由於餐廳位於酒店內，位置亦不就近地鐵站，所以當晚的客人都是旅客居多，但仍然滿座密集恐懼症是時候要剋服一下！海量的白胡椒淹埋着多隻大蝦，以高溫的瓦罉盛焗，更能發揮白胡椒的香氣！一開蓋便是濃郁胡椒香😋蝦肉非常鮮甜有彈性！不愧為鎮店名菜之一好有特色！餐前的豬肺湯亦予人驚喜！杏仁味好香濃，白滑的杏汁當中有幾件豬肺及瘦肉。啫啫唐生菜煲雖然看似只有生菜好單調，但其實醬汁香濃惹味！中菜的炒牛柳粒好多時候要麼過韌、要麼太多鬆肉粉而過腍，但這裡用的是澳洲和牛所以牛肉口感嫩滑彈牙！紅油抄手顆顆都豐盈飽滿皮做得極薄！調味偏重醋酸。

記得好耐之前已經有聽朋友介紹過「駿景軒」呢間中菜廳，能夠連續七度蟬聯米之蓮一星美譽，質素當然有一定既保證，亦正因為有一定既保證，所以價錢應該也一定不簡單，要不是有特別慶祝，或者中佐頭二三獎的話，我這些平民也未必會來訪。今日就係因為朋友升職之喜，我作為老友既，當然為佢開心，特別揀選佐呢間餐廳俾佢請我食飯，慶祝一番。餐廳位於英皇駿景酒店，由銅鑼灣地鐵站徒步前往，大概10分鐘吧，而餐廳也附有代客泊車服務，還算方便。以平常日子，加上這個價位來說，餐廳都算幾多人，大約也有7-8成滿，看來大家也很捨得洗錢，或者，美食真係有一種魔力，能令人著迷。由於餐廳最近才遷店，所以新張期間會有9折優惠。細看餐牌，其實也沒有想像中那麼貴，餐廳主打四川和粵菜，小食的價錢也平過$100，有時去一D比較decent少少既酒樓，可能價錢也差不多。餐廳既餐具也份外精美，不竟係米之蓮一星的餐廳呢！杏汁燉白肺湯 $90/位呢碗湯用佐杏汁白肺湯以豬肺、雞腳、白菜膽和杏汁去燉製，飲落迎來陣陣既杏仁清香，朋友平時唔係咁鐘意杏汁那陣味，但飲落都覺得好正，因為佢真係非常濃郁，而且杰身，可見佢既用料絕對唔馬虎。瓦罉焗胡椒蝦 $428呢個焗

兩公婆搵地方撐枱腳，想食中菜，又想地方靜d decent d，所以揀左駿景軒，裝修靚又靜又服務好。平日都全場滿座。餐廳分兩面，一面食小菜，一面打邊爐，坐底後我有心郁郁想轉去打邊爐，哈哈，女人就是三心兩意，但最後都係揀左食小菜。首先叫左個例湯，二人份量啱啱好，都好大碗下，熱辣辣，天寒地凍有碗熱湯飲好正，飲落都幾開胃舒服，清甜好潤，對平時無乜湯水飲既返工一族都係一個唔錯既推介。我地叫左幾個小菜。黑松露野菌安格斯牛柳粒，黑松露好香，牛肉味好濃，切得幾厚，唔韌煮得啱啱好，柔軟有肉汁，忍唔住都想吃多兩件。好味！！胡椒蝦一早就切開兩邊，真體貼，面頭舖滿胡椒，好香口，食落口煮啱啱好，唔會過鹹，蝦肉亦都夠彈牙，冇痴殻。啖啖肉一啲都唔油膩，仲要好多隻，食極食唔完咁。推介！！菠蘿咕嚕肉，賣相非常靚，又夠酸，非常好既開胃菜，掛住食，唔記得影張close up相。最後上湯雲吞，皮薄餡靚，口感一流。呢餐好滿意，食物美味高質素，坐得舒服，下次會帶媽咪黎。

外國朋友到港想食四川菜, 於是我帶他來駿景軒(曾七年獲得米芝蓮一星榮譽)食晚飯。 駿景軒裝修雅緻,走著中式現代風格,環境寬闊又悠閒舒適。*卓上碗筷也好精緻。* 綜合朋友意見,由我拍板ORDER食物。*【杏汁燉白肺湯】 $90/位 我最愛飲湯,選了平時好少飲的特別湯。 這款湯是清熱滋潤的湯水,裡有好多足料材料,入口有濃濃杏仁香味,香滑十足, 滋補美肌。**【蒜泥白肉】 $108 薄薄每片豬肉包著青瓜絲,食時用夾開時,有濃濃花椒和蒜泥等調味,使人食慾大振。**【瓦罉焗胡椒蝦】 $428 蝦好似係度焗桑拿,有香味四溢的白胡椒焗住,加上蝦外皮脆口,而肉也非常爽脆彈牙, 同時吸收了胡椒鹹香味道,令人回味無窮。**【酸菜桂魚片】 $308以大大碗盛載, 啖啖桂花魚片好嫩滑,因沒骨刺可放心大口大口食,而湯有好多酸菜底等配料,香濃十足, 讓人食上去勁開胃呢!**【上湯雲吞】 $98/位 這雲吞皮薄餡靚,餡料有菜加豬肉足料, 加上好甜菜心,有得食及有得飲湯呢!

又到了每月最少一次的好友聚會，到了這天大家都一定說東說西 Bi Li Ba La 吵個不停。有人帶頭說這個月要到這家有米之蓮名銜的高級中菜廳試一試，光是名字跟名銜都已經很吸引，沒有不試的理由吧？！這天，一來到就覺得這環境非常優雅舒適，先加十分！服務員很細心地為我們帶位，又有耐性為精選菜式做解釋及介紹，服務態度超好，再加十分！蒜泥白肉以腩肉包著的青瓜條，帶有蒜泥跟辣椒油，什麼是清新？就是這口感，作為前菜相當醒胃！麻辣水煮鮮魚片朋友們都超愛吃辣，又怎可不點這個水煮魚片！大鍋中滿佈辣椒跟麻籽，辣油的紅色視覺效果令人相當血脈沸騰，再來聞到陣陣麻、辣、香，令喉嚨愈嗅愈癢，想要立刻開動了！魚片超鮮，肉質又嫰又滑，白雪雪的魚肉沾上陣陣麻香，無敵的味蕾享受！瓦罉焗胡椒蝦推介！好一個瓦罉焗胡椒蝦，新鮮大蝦除去頭部的蝦腮，炸得脆香並放入瓦罉中，最後再把他們埋到炒得香氣四溢的海量白胡椒粒中，以高溫把胡椒味灌入大蝦的肉中。因此大蝦會有非常非常濃烈的胡椒味，爽口超彈牙而且超惹味！照燒黑松露野菌安格斯牛柳粒嫰身牛柳粒，連同翠肉瓜、露荀、什菌一起下鑊炒，火喉超足令牛柳粒的肉汁得以保留，牛肉既香，肉味又濃！霸王炒辣子

上次同朋友黎過駿景軒一次覺得質素非常好決定今次再黎 不過唔再叫餸決定打邊爐!!佢地醬料既選擇非常多應有盡有!我同朋友選擇左鴛鴦湯底 $198鴛鴦湯底有魚湯同麻辣湯底魚湯幾濃幾青 飲落都唔腥 唔錯而麻辣湯底就有少少失望因為係一啲都唔辣佢連譚仔既麻辣十少都冇岩唔食得辣既朋友!由於我同朋友得兩個人打邊爐都驚啲野食食唔哂但想食多幾款原來佢地係可以叫半份食物!咁就可以試多啲唔同既野食了~食物既款式都算幾多而且質素都幾高~有牛肉 有牛腩條 就連花膠都有同上次食小菜一樣都感到非常滿意食物質素唔錯 服務都一流~各位朋友可以一試

駿景軒之前已經來食過晚飯，今次再來試下佢個邊爐先點左個湯底先，我地揀鴛鴦底，可以食麻辣之餘更有清湯呢到既清湯就唔係普通味精湯咁，係魚湯來，所以奶白色，可以先喝一碗。麻辣湯底就有啲失望，因為對於我呢啲唔係好食得辣既人來講都一點也不辣可能係就返香港人口味，雖然唔辣，但就非常香，香而不辣。配料就選擇左唔小野手切本地牛，羊肉卷，牛百葉，牛腩，手打魚蛋，更有原隻花膠全部都非常新鮮，高質貨而且呢到9成火鍋配料都可以選擇半份，咁大家如果人小就都可以試到唔同既野。非常方便總括來講都係唔錯既，只係個麻辣底麻麻，但如果比我再選擇，我都係食飯小菜算

昨晚準時放工，朋友駕著他的車子接我下班，然後我問他「今晚我們去那裡?」他簡單回答駿景軒，我沒聽錯吧，他說一星米芝蓮中菜駿景軒。把車泊好，去到駿景軒門口我才知道他真的不是說笑。入坐後，店員詢問我們想喝甚麼茶，這裡的茶選擇挺多的，有龍井，鐵觀音，菊花等，朋友交給我決定，我就選菊花，以免晚上喝濃烈的茶而睡不著，菊花溫和多了。我們先淺嚐酸辣海鮮羹，海鮮羹用料豐富，每一匙羹都可撈起蝦肉，帶子等配料，而且非常鮮甜。湯羹其酸辣香氣十足，光是聞已讓我口水一湧而出，那迷人的酸辣滋味剛好，令我們胃口大開。紅油雲吞滑彈的外皮配上鮮香飽滿的菜肉內餡，吃起來飽足感十足。雲吞稍微久放一點特製的紅油，讓外皮可吸附更多醬汁，雲吞帶點微微酸辣，又有點肉的鮮美，肉汁豐富，齒頰留香。養顏至上的我怎會錯過黑醋珠蟹肉帶子炒鮮奶，果然它沒有令我失望。黑醋珠在白滑的炒鮮奶上如寶石般耀眼生輝，鮮奶火喉恰到好處，混合絲絲的蟹肉滑溜好入口，再嚼一口柔嫩的帶子，清甜餘韻不絕，女生定必愛上。酸菜桂魚片特別將桂魚片去除所有骨刺，客人方便進食，魚肉細緻滑嫩，甘甜無比，真的很讚。酸菜湯除必備的酸菜，小青辣椒外，駿景軒的還加入薑片，炒香的蒜片，蔥花

閒時我都中意食下中菜覺得叫餸食飯飲下茶先係正宗中式嘅感覺！知心好友生日，大家咁多年好朋友就食豪啲！帶佢食米芝蓮中菜啦！位於灣仔嘅駿景軒係英皇駿景酒店嘅中菜廳係一間米芝蓮一星嘅川菜中菜廳曾經連續七年獲得米芝蓮！好有實力！餐廳位於酒店一樓，位置唔算好大裝修係帶時尚感嘅中國風，有落地玻璃窗景！座位闊落舒適，有空間感亦有高級餐廳嘅氣派杏汁白肺湯先叫個靚湯飲下！一盅上嘅燉湯岩哂兩個人飲湯係奶白色，先聞到香濃嘅杏仁香因為火力夠，煲到湯帶小許杰，吸盡精華用上杏汁、豬肺、雞腳同白菜膽燉，好足料燉湯夠哂健康養生口水雞一般嘅口水雞係混好醬汁上枱呢到比較特別係醬汁另上可以按個人口味添加先讚嘅係雞肉質很不錯，肉質嫩滑唔會肥，而且雞味濃郁，皮爽肉滑係好難得係香港可以食到嘅質感醬汁亦令人難忘酸和辣的調配很適合，加入咗花生芝麻更香口整個味道非常開胃，香麻而唔會太辣黑醋珠蟹肉帶子炒鮮奶帶點創意嘅一道菜黑醋一粒粒珠珠咁，配搭炒鮮奶入口時爆開好似食爆爆珠咁，一股酸味係口腔散開酸酸甜甜同炒鮮奶幾爽，酸味令人增加食慾炒鮮奶好滑，奶味香濃加上一絲絲嘅蟹肉，味道鮮甜帶子亦都毫不遜色，用上超巨型size厚肉彈牙，而且煎得金黃酸菜桂

朋友升遷之喜，請了幾名好友飯聚，有幸獲邀一同來到來米芝蓮一星的駿景軒聚會。杏汁燉白肺湯白肺湯順滑清潤，杏汁味突出。白肺處理得宜，不帶羶味；湯盅內尚有煲得很腍的雞腳、菜膽和瘦肉。蒜泥白肉紅通通的醬汁，把半肥瘦豬肉的外層也染上了醬油色。色澤把我們都騙了，並沒有預期的辣度，不太能吃辣的朋友也吃了幾件。五花腩捲著的青瓜絲也頗爽。照燒黑松露野菌安格斯牛柳牛柳粒切得比較大塊，肉粒中間呈紅，七成熟。肉質帶少許肥，鬆化有油香。露筍也炒得脆嫩。瓦罉焗胡椒蝦瓦罉中鋪著很多原顆胡椒，焗過的蝦殼顯得很乾身，胡椒味沁入殼內，肉爽鮮味。麻辣水煮鮮魚片我們點的是小窩份量，而且特別要求小辣。水煮魚用上桂魚，肉質嫩滑，麻度比辣度更甚，惹味度滿分。吃的時候不覺很辣，過後嘴唇在發麻。這裏吃薯粉是如烏冬般粗幼，而不是常見的闊條狀。薯粉Q彈掛汁，又是吃到停不住口。一向比較少吃四川菜，駿景軒每道菜也製作出色，而且服務員細心周到，果真不負米芝蓮一星之譽。

多年來獲得米芝蓮一星既中菜館， 慕名已久，今日終於有機會一試~瓦煲胡椒蝦 裝滿極大量嘅原粒胡椒，配上走過油既鮮蝦，簡直色香味俱全~我會食埋個脆扑扑又香口既蝦殼~😛咕嚕肉，雖然係普通菜色，但平凡中自見真章，採用半肥瘦嘅肉塊，即使淋上醬汁依然非常香脆，內部好鬆軟~黑松露安格斯肥牛粒，牛粒當然牛味濃而且超淋超好味，但我覺得啲菇同菜，甚至比牛粒更加出色，食到停唔到口~酸辣海鮮羹，非常足料，開胃~擔擔麵，好細心咁將辣椒油另上~~

白色情人節選擇吃四川菜這家店來頭可真不少是日例牌湯品是西洋菜湯最後還是選了杏汁燉白肺湯此湯從準備到烹煮都極花功夫白濁湯頭帶有杏仁香點了四川名菜麻辣水煮鮮魚片一盤滿江紅堆滿紅辣椒盤底有芽菜和水晶粉魚片是無骨的桂魚口感極嫩滑而充滿鮮味吃得出是新鮮魚才有的味道麻味濃烈吃罷雙唇發麻再來是霸王炒辣子雞又一大堆乾辣椒作陪襯炸過的雞肉辣味不可小看進食前請預備一杯白開水麻婆豆腐是我一直的最愛嫩滑的豆腐配上辛香的豆板醬又麻又香辣吃得過癮是首屈一指的白飯殺手今夜和你過了一個染紅的白色情人節

識得我嘅人都知道我食嘢係講求味道多於環境，環境我就唔係好介意係咪一定好靚，但係有時除咗味覺嘅享受之外，有埋視覺嘅享受都係唔錯嘅。呢度嘅裝修十分之優雅，除咗一般嘅二人枱同埋四人枱之外仲會有一張非常之大嘅大枱，啱晒10幾個朋友又話成家人嚟食，夠晒睇頭。蒜泥白肉係常見嘅餐前小吃，但係呢度做得非常之精緻，將青瓜切絲然後用薄薄嘅豬肉片包住。呢度最馳名嘅胡椒蝦，係用瓦鍋裝上一粒粒原粒嘅白胡椒同大蝦。煮出來的蝦係絕對唔會有油膩嘅感覺，係較乾身嘅。但係佢嘅每味已經充分咁樣吸收左係蝦嘅外邊，所以食嘅時候外層就會有胡椒香味，內層就會有大蝦嘅鮮味。杏汁白肺湯超考功夫嘅一個湯，通常係出邊有得嗌嘅我就會叫，因為自己煮嘅唔單止冇佢住得咁有火喉，而且仲要花上好多嘅時間。酸菜魚嘅酸菜魚冇辣嘅感覺，而且油亦都唔會好多，所以佢個湯除咗可以調味之外，飲番一兩啖其實都幾醒位。最後就係呢個擔擔麵，雖然佢係一個中式嘅餐館，但係煮上海出名嘅擔擔麵都非常之有水準。但係就建議食嘅時候要快啲食，因為本身汁已經唔算多，再遲啲食個話嗰啲面就會吸乾汁，無甘好食。

今日去左英皇駿景酒店入面有名的川中菜館—-駿景軒。一嚐米之蓮之味。可以叫小菜、亦可以打邊爐、調味料選擇很多呢個紅辣椒粉見到都覺得辣，但好想試杏汁白肺湯，杏仁味幼滑順口。飲完一定成個靚晒呢個黑松露野菌安格斯牛粒，牛肉軟淋無根，每料都充滿牛肉的香味，一定係靚牛無誤。野菌同紅椒都炒得惹味，值100分呀水煮魚每啖都充滿麻香，魚肉肉質彈牙，分量十足，內有芽菜和紅薯粉。後者吸收了麻辣湯汁份外好味，但可惜份量少左啲粒粒雲吞都爽口彈牙，因為用新鮮蝦包成，雲吞皮亦做得透薄。蝦醬唐生菜煲極度惹味，蝦醬味由廚房拎出黎香味由遠到近，上枱熱辣辣，非常好味食到最後仲有甜品送，有蕃薯糖水、豆腐花、紅豆沙、腐竹糖水。我的豆腐花滑嘟嘟有豆香、朋友的紅豆沙用料十足，煲到起沙，雖然係免費但一啲都唔求其。