駿景軒

营业中

休息中

呢間駿景軒由跑馬地搬左去灣仔, 地點方便得多我地叫左個三色鍋 有麻辣  果香魚湯同野生菌係湯底黎之前仲可以係出邊自己配加調味料仲有磨芝麻的麻辣湯 ::真係好適合食得超辣的人食完好想繼續食果香魚湯::比較健康的湯底 仲要好濃魚湯味野生菌::清淡菌香 食落又係不同感覺叫野食啦~ 叫左好多樣 重點推介以下:麻辣魚頭:: 放埋落麻辣湯 真係好食 而且肉質好好美國牛肉:: 每一片都好分明 食落好香牛肉味 桂花蚌:: 好鮮甜 夠新鮮 爽口的鮮淮山::第一次食 感覺很特別 好好食仲有叫左其他不同的食物 食到好飽~下次會試下叫小菜食好滿足的一餐

**放工啦~ 同朋友一齊去食火鍋 上到去環境很不錯所有侍應都好有禮貌 睇下有咩食~ 呀　～仲有個調味料位置 ~我地4人叫左個三色彩鍋底(麻辣,果香魚湯,野生菌) **麻辣- 一黎到就好紅 感覺好辣 陣陣麻辣味 正**果香魚湯-裹面有好足料 有雪梨同蕃茄 甜甜的**野生菌-裹面有好多菇菇 好香濃到食野啦 D野上得好快. .. 介紹下先-粟米-真係超香甜 比平時食的更加好食 真係好甜甜甜甜 XD-桂花蚌-好新鮮 份量好多 -鮮麻辣魚頭-呢個滿滿麻辣 好YUMMY-美國牛肉- 大大片的 果果都好似搶食咁 哈哈-鮮淮山-粉粉的感覺 好好食喔 ~仲有好多野食----瑤柱鮮墨魚滑-香菇貢丸-潮州魚皮餃4個人真係可以試多D不同的野食~大家鐘意食麻辣真係可以試下呢間！ 

之前同舊同事們去過跑馬地食過舊嗰間駿景軒，因為駿景軒拎到幾年米芝蓮星星，同埋好多明星都會去食，有時都會見到佢地去食嘢。 聽聞駿景軒搬左， 仲要好近公司，一於去試吓！ 九層塔川辣明蝦球 $328 員工端上這餸嘅時候，有一陣九層塔香味飄過，見到粒粒蝦球都大粒，外貌有啲似咕嚕肉，但實情佢地肉質好爽口之餘仲好咬口，有啖啖肉嘅感覺，炸蝦嘅粉漿都算薄，同啲汁好夾。酸酸甜甜幾醒胃。 川味口水雞 $158 朋友係口水雞Super Fans,無論大大小小餐廳吧酒店啊，總之佢見到menu 上有依三個字都會叫。 佢依度嘅細心位係將雞同醬料分開，鍾意幾辣幾重口味都可以自己調教。雞嘅份量多，同埋佢拼到好靚，增加食欲。 佢嘅醬料好香，但我就覺得唔夠辣，唔好俾佢嘅紅色嚇親！ 醬中的粒粒有啲脆口，食嗰時有啲過癮！ 酸菜桂魚片 $308 川菜之中，我最喜歡食酸菜魚，依度在魚窩中嘅酸菜何其多， 而且酸菜都煮得得很“林”，很出味，令成個魚湯都很有香香的酸菜，少少辣，有啲刺激，魚片又新鮮而且入味，鍾意佢無骨同唔鞋，裏面有好多魚，份量大， 食極都食唔完咁，如果有埋薯粉就更好了！ 正宗四川擔擔麵 $48 出面嘅擔

工作咁辛苦，放工之後當然要食餐好嘅慰勞自己。連續多年嘅米之蓮中菜餐廳，位於灣仔區，裝修清新典雅。瓦罉焗胡椒蝦＄428這種胡椒蝦嘅蝦肉已經同平時非常不同，不是平時一般吃的蝦，肉質爽口彈牙，另外因為有好多粒胡椒係表面，個胡椒味係非常突出，已經入味係蝦肉裏面。而且用咗瓦罉可以保存溫度非常耐。酸菜桂魚片＄308裏面嘅桂魚嘅冇骨，酸菜嘅份量亦都非常多，個湯底酸味適中令人頓感開胃。最緊要係最緊要係啲魚質感非常滑呢！菠蘿咕嚕蝦裏面每一隻蝦都有好香嘅咕嚕香味，而且肉質比較結實，顯得出師傅嘅工架。杏汁燉白肺湯＄90見到＄90一碗湯可能會嚇親，但係因為裏面真係落足料，除咗有豬肺之外，仲有豬肉等等材料，杏汁味道突出，香得來唔會太過濃郁。紅油雲吞＄98平時食上湯雲吞，今次就試吓佢個紅油雲吞，味道都幾香辣，令到平淡的雲吞增添風味。夜晚都幾多人㗎 ，所以最好訂位費事冇得食！

駿景軒搬左黎灣仔LEE邊，對老饕們黎講最緊要都係味道一樣好食就得！不過LEE間中菜攞左米芝蓮一星幾年，絕對有水準！先飲翻個老火湯，係粉葛煲鯪魚湯，夠哂祛濕兼下火，仲好足料阿！口水雞用左新鮮雞，雞肉味道濃郁又夠滑溜！口水汁係分開上，怕辣可以點少D醬，所以唔食得辣都唔洗驚食唔到！不過我就好鍾意個口水汁辣得黎有好香既花生味，我係會加好多既！LEE個蟹肉帶子炒鮮奶係新嘗試，炒鮮奶做得好滑！蟹肉同帶子嘅份量好慷慨，黑色一粒粒好似魚子醬既係黑醋粒，令到菜式賣相更加高貴！瓦罉焗胡椒蝦一上枱，就已經充滿胡椒既香氣！D新鮮海蝦係炒完再炸，連個殻都脆到食得！蝦肉好彈牙，有少少麻麻辣辣！安格斯牛柳粒好惹味，再加上黑松靈就更加香！牛柳粒好嫩滑，肉汁豐富！紅椒黃椒同露筍除左顏色好睇，亦都炒得爽口，好好食！上湯雲吞每一隻都好飽滿，食得好有滿足感！

是日老闆提議帶我們來他喜歡的中菜廳慶功聚餐，聽到是米芝蓮一星餐廳的駿景軒真是超期待的說！餐廳在英皇駿景酒店一樓，擺放了不少別緻的中式擺設，整個格局都十分高雅氣派入座後店員先幫我們開茶，點菜的工作當然交給老闆拍板了哈哈～ 冬去春來，特意選了熱騰騰的杏汁白肺湯來滋補潤肺一下這個湯很講究功夫，用上豬肺、雞腳、白菜膽及杏汁足料熬製，豬肺的味道濃郁，入口陣陣杏香，絕對是水準之作前菜是一客蒜泥白肉，連擺盤也是十分精緻哩白肉捲著一條條的青瓜絲再淋上惹味醬汁，肥美和爽脆在口中相遇，非常開胃色香味俱全的黑松露野菌安格斯牛柳粒小菜的火侯拿捏得剛好，黑松露香氣撲鼻，蘆筍鮮嫩，牛柳粒肉質柔軟，仍帶點誘人的粉色，百吃不膩超下飯！這道酸菜桂魚片也是得到全枱的歡心平實的酸菜湯底下放滿了嫩滑無比的桂魚片，魚肉入口即化！湯底濃厚不膩，酸辣度適中，完全把我的味蕾勾住了～黑醋珠蟹肉帶子炒鮮奶是這裡招牌菜之一，聽名字就知道這是新派粵菜菜式。肥厚的帶子底下放了滿滿的蟹肉和滑溜的炒鮮奶大廚將意大利黑醋化成一粒粒的水珠，有爆爆珠的口感，特別之餘令菜式味道更有層次這餐吃得極為盡興，菜式高水準之餘又有創意，店員服務也是一流，難怪勇奪米

今晚同朋友聚舊食飯,距就介紹咗呢間系銅鑼灣附近ge中菜餐廳"駿景軒"餐廳ge裝修有檔次,而且侍者都好有禮貌.黑醋珠蟹肉帶子炒鮮奶炒鮮奶系一道幾巧功夫ge菜式,呢度炒得好滑,而且奶香味好濃,旁邊仲有d黑醋珠系度,令到成道菜式唔會好流,個帶子夠曬大隻,而且好新鮮,2面煎得啱啱好,表面金黃,內面鮮嫩.照燒黑松露野菌安格斯牛柳粒呢個牛柳粒系令我印象深刻ge,首先牛柳好滑,好嫩,煮得好好味,帶點野菌味之餘,又依然有牛果個味道系度,好味!而且d野菌好新鮮,煮得好唔錯呢個真系.菠蘿咕嚕肉呢道菜都係香港人好中意食ge一道菜,啱曬口味,咕嚕肉炸得好靚,食落唔會好肥膩ge感覺,反而好香口,而且個酸汁好出色,唔錯.旁邊有d菠蘿,好清新.酸菜桂魚片呢度ge推介菜式之一,好大鍋酸菜桂魚片,好濃郁ge湯,足料,魚片好多,而且去骨,方便客人食用.魚片亦都好滑,魚味濃,個酸菜鍋底味道夠,唔會好淡.川味口水雞口水雞肥美,雞油夠香,而且肉質好嫩滑,有點咸香味,旁邊有個辣醬點,辣醬好刺激,夠曬川味.四川擔擔麵擔擔麵好香ge花生醬味,但又唔會好流,好香,味道啱啱好.幾好食ge中菜廳,煮得幾有心思.好適合同屋企人黎食.

黎到呢間米之蓮一星四川菜，招牌已經勁有氣派入面環境好靚，果然係酒店杏汁燉白肺湯 $90/位好濃既杏仁味，雞腳同豬肺都煲到好滑好淋，清潤既感覺川味口水雞 $158超級好食既口水雞🐔 雞皮薄肉嫩滑，中間仲有層啫喱(骨膠原黎)辣汁另上，要幾辣任君選擇🌶望到咁紅以為勁辣，但又唔算太辣，不過勁香同埋好麻，食得好過癮😋瓦罉焗胡椒蝦 $428充滿胡椒嘅砂鍋入邊有八隻大蝦🍤胡椒味非常濃郁，蝦肉彈牙入味~食到最後都仲係熱辣辣酸菜桂魚片 $308超級大煲勁震撼，桂魚切薄片，魚肉嫩滑，完全無骨啖啖肉🐟湯底同埋魚肉都有淡淡的酸菜味正宗四川擔擔麵 $48/位湯底麻辣味同口水雞差唔多，但係如果多番啲花生味就好喇～仲有值得一提嘅就係，店員服務態度超級好，一見到你隻碟有雞骨或者蝦殼就會幫你換

上星期帶了老爸吃四川菜, 老媽睇完啲相片之後, 也嚷着要吃…..老實說, 我又點會咁偏心呢? 一早已安排好帶她去一間榮獲多年米之蓮一星的中菜廳進餐, 唔好話我偏心啦! 希望為她帶來驚喜。餐館位於英皇駿景酒店, 一入門口便看到一塊金碧輝煌的店名招牌, 很有氣派。沿長長的樓梯上一樓, 內裏裝潢高貴雅緻, 有優雅的掛畫、時尚的吊燈、精緻的枱燈和高貴的餐具。分有兩個大廳, 設有多張四人至八人圓枱, 座位闊落, 坐得舒適, 還有數間大型貴賓房, 地方寬敞。一早來到不多人，環境寧靜；坐坐下便全場爆滿，好熱鬧！餐簿封面設計優雅, 內裏分門別類, 相當清晰。菜式有四川菜, 亦有粵菜, 分別有南北小食、魚翅、燕窩、鮑魚肚參、燉湯羹、海鮮、家禽、肉類、蔬菜、豆腐、素菜、小菜、麵點、主食、特飲等等, 還有四至八人套餐。其實除了小菜外, 還供應火鍋, 選擇不少。而我們今晚就被多款選材上乘的矜貴小菜吸引了, 故捨棄了火鍋……不知老媽看中了什麼?****************************一安坐，服務員便為我們安排茗茶 ($24/位)，有多款茶選擇，擇了一壺菊花茶。茶身清澈，味道很清香，入口幽香順口，

一般在新年的時候，我們一家都會出去吃一頓好的，感覺就是在為去年非常努力的自己，當作是一份犒賞。今年去的是駿景軒，貪其有川菜的菜式，因為我們一家人都喜歡吃辣的，哈哈。地點在伊莉莎伯體育館附近，還挺容易找的。這裡的環境相當清雅，而且位與位之間很闊落，坐起來很舒服呢。我們首先點的是湯，看菜單的時候，這個杏汁燉白肺湯($90@1位)瞬間吸引了我的眼球。由於煮一碗白肺湯工序多而繁複，在家基本上是沒可能喝到，哈哈。杏汁燉白肺湯端上來時，陣陣杏香撲鼻而來，呷一口暖入心扉。好喝！主菜方面，我們分別點了一個魚、一個蝦，每一款據店員所說，都是這裡的名菜哦。瓦罉焗胡椒蝦($428) 當瓦罉蓋揭開時，胡椒香味四溢，之前沒有想象過會這麼香！輕輕撥開面頭的胡椒，瓦罉內的海蝦原來全都是大大只，吃起來蝦鮮甜得來帶點胡椒香味，感覺這個菜我可以自己一個吃完，哈哈。酸菜桂魚片($308) 這個菜，媽媽對它讚口不絕，說桂魚片「甜、鮮、嫩」，而且吃起來酸酸辣辣的，非常開胃，配飯吃是一流的選擇。最後一大盆的魚我們都是吃光光的哦。砂鍋唐生菜(蝦醬)($168)。想不到這個看似普通的家常菜也做得這麼好吃，即使是用了蝦醬但也不會太咸，

今晚朋友話帶我去一個神秘地方，原來帶左我黎英皇駿景酒店1樓，係酒店內的餐廳當然會有一定水準，無論在裝修擺設上或是食物上都很高評價而且還是米之蓮名銜，十分期待川味口水雞(小食) ($158) 辣汁分開上，方便不吃辣的朋友，雞件滑溜而醬汁也很醒胃，作為餐前小點也是不錯的小食。杏汁燉白肺湯 ($90/位)識得養生，燉湯點少得，今晚安排了杏汁燉白肺湯很滋潤，燉煮方式烹調能完全保留食材的原汁原味，味道十足。黑醋珠蟹肉帶子炒鮮奶 ($328)這道菜很考功夫，炒鮮奶不可過火，當黑醋珠咬開後再配以很滑的炒鮮奶，而醋亦調出了蟹肉和帶子的鮮味。瓦罉焗胡椒蝦 ($428)很有特色的菜，以瓦罉用以胡椒入味，一開蓋就香氣噗出，整隻蝦已被胡椒香氣包住，蝦很彈牙，而味道就熏入了胡椒味道在內很易入口上湯雲吞 ($98/位)清清的鮮湯配上大大粒雲吞，十分滿足的完結了這晚晚餐。

過農曆新年係想食中菜既，可能係情意結啦，因為平時唔多會揀中餐不過中菜都有好多選擇，見過年就揀左既高級又坐得好舒服既四川菜，一於麻一麻，慶一慶餐廳唔近地鐵站，但正係呢個原因餐廳唔會趕人走，可以舒舒服服、慢慢享受晚餐😌杏汁白肺湯（$90），湯夠濃，白肺連湯吃一流水煮魚片（$368）簡直係大滿足，魚滑滑的，食極都仲有，仲有我至愛既薯粉，沾滿麻辣汁食簡直一絕，停唔到呀口水雞（$158）比較特別，汁係另上，岩曬一齊食又唔同口味既人，個人覺得個雞唔加汁都有味，兩種食法都美味啊泡椒蒸魚雲$208味道酸酸辣辣的，魚雲夠新鮮，大大個，大家都帶住滿足既心情完成呢餐，要等下次再encore 了

前排去了這間朋友極力推介的星級中菜館。 中菜館位於酒店內，位置比較吊腳。裝潢當然不俗，佈置也比較偏西式。餐館有提供散菜單和打邊爐，我們選了散菜單，點了幾個餐廳主打菜。杏汁燉白肺湯 $90 以盅上的杏汁燉白肺湯，一上枱已經聞到杏仁香味。 材料有豬肺，菜膽， 雞腳等，頗足料。這個湯入口有濃郁而清香，杏仁味不俗，清潤而美味。瓦罉焗胡椒蝦 $428這個餸上枱效果頗震撼! 將大蝦隻放入滿佈胡椒的砂鍋內，感覺與傳統鹽焗雞的做法有點相似！陣陣濃郁的胡椒味，除了聞得到也食得到。蝦隻彈牙而入味，就算吃到最後依然熱辣辣的，十分美味！酸菜桂魚片 $308桂魚片切成薄片，魚肉嫩滑; 加上酸菜的鹹鮮味，十分匹配。湯底也帶有陣陣魚湯味和酸菜味，如果魚片的幼骨少一點就更好了！菠蘿咕嚕肉 $178賣相不俗的咕嚕肉，汁醬份量和稀杰度剛剛好，味道酸酸甜甜，全都掛到咕嚕肉上。外層的炸粉不會太厚，入口酥香。內裡的肉件肥瘦適中，肉質嫩滑而富有豬肉味，友人說是吃過最好的一間。咕嚕肉雖然是很普通的一個餸，但是要煮得好，卻一點也不易，由此可見廚師的功力甚為不俗。正宗四川擔擔麵 $48/位看起來十分對板，但吃起來卻另一回事。湯底麻醬味

聽說英皇駿景酒店駿景軒由米芝蓮一星大廚操刀、其烹調的新式粵菜和四川菜都非常地道，這晚跟家人前來一試。位置有點偏僻的、但酒店設計時尚帶點chic、餐廳亦佈置得典雅。杏汁燉白肺湯是我最愛點的湯之一。燉過的白肺軟滑、杏汁味濃但不會有嗆喉感、吃到出是無添加的燉湯。為著馳名的水煮魚而來、果然這紅彤彤的一鍋沒令我們失望。味道不太辣反而麻味更甚、桂花魚片滑溜、浸在湯裡味道很香、吃完停下來嘴巴立刻發麻、但還是有要吃下去的衝動。瓦罉焗胡椒蝦、蝦完全被胡椒粒蓋過。大蝦肉質非常爽口、胡椒味香濃、亦有乾烘過的微燻。照燒黑松露野菌安格斯牛柳粒惹味非常、野菌炒得爽脆而牛柳亦腍滑。蒜泥白肉蒜泥跟辣椒分量都多、比我想像中辣、但一卷卷的造型挺精緻的、裡面卷著青瓜口感較清新。看似簡單的砂窩唐生菜 炒得很有鑊氣、生菜爽脆好美味。上湯雲吞大大粒皮薄夠足料、很飽肚呢。