風雲丸 (已結業)

本身很喜歡吃日本拉麵、沾麵。見店子已開了好幾個月，經常見人排隊，今天就嘗一嘗沾麵如何。結果非常失望，那個沾麵湯，好好好咸，不是「濃湯」，呈現糊狀，似茨汁多些，沒有魚介香味（就算後加的湯也不夠熱且似暖水多些）。就連䓤也少得看不見！蛋及义燒也不好吃唯一麵質尚算有咬口。而且服務也非常一般，枱上有一壺凍水供應，但我見鄰桌水壺已空，換了第二枱客也不更換。其實已過了繁忙時間，侍應應該較空閒可以跟貼一些。以$93一個沾麵，一定不會再試！

去完日本就愛上沾麵，作為沾麵super fans,終於約到人嚟食呢間人氣沾麵店啦😍😍😍期待左勁耐排左一陣就入得，出面有得比你斟水飲都幾貼心，大熱天時呢下好梗要。嗌左個豚骨魚介味玉沾麵，揀左冷麵。因為係冷麵所以比較彈牙，湯底石鍋上熱辣辣超正！湯好香魚味，仲有小小蝦味添！味玉流心，撈麵食一級棒！另外再嗌個肉盛，足足有4塊厚叉燒！好淋身唔痴牙，肥瘦適中！湯底一樣重魚味，小小辣咁 掛麵能力一流。小食嗌左燒汁唐揚炸雞，有5大粒 ，皮薄雞肉嫩口，又好juicy! 唔洗一下就輕鬆ko lu!!

係灣仔返工既我每次經過都見到呢間鋪頭有人排隊，終於比我搵到一晚約到同事一齊去試下呢間沾麵係咪真係排咁耐隊黎食啦！！我去食果日係平日黎既，我地８點幾去到，前面都排左十個人到，等左二十分鐘到就有位。入到去緊係睇下ＭＥＮＵ先啦，沾麵選擇唔算好多～個麵底可以揀冷／溫，同埋可以根據自己食量揀返要幾多，有２００Ｇ、３００Ｇ同４００Ｇ，再唔夠可以加錢要８００Ｇ都得！最後我揀左咖哩豚骨魚介拉麵，要溫麵４００Ｇ，同埋叫左一枝波子汽水，大約等左十幾分鐘左右就黎到啦個咖哩上枱既時候熱到有小小ＪＡＲＪＡＲ聲架，犀利～不過食既時候都要小心唔好掂到個碗　食既時候夾一啖麵就點一點個咖哩湯底，咖哩唔算好辣，不過都好濃味，超正！舊豚肉都好大舊，比例大約一半肥肉一半瘦肉到，又係超正！！本來諗住加多個＄２０既香鬆飯黎送埋個咖哩湯，好彩無一早叫定，食到最後真係飽飽地，叫左就食唔晒了。下次一定要試下個湯撈香鬆飯係點！可能要叫個３００Ｇ麵先食得到啦～

港島區朋友又多一間食沾麵既好選擇啦！Weekend夜晚真係搵食艱難呀！食肆例牌爆滿，呢度都唔例外，舖頭入面坐滿晒人。我係咁多款之中揀左豚骨魚介味玉沾麵。其他既有辣有唔辣，任君選擇。份量方面分別有200g, 300g或400g嫁，可以根據你自己既食量揀返。食得沾麵既最concern梗係另上既湯啦！呢度既係用石鍋上，包保熱辣辣。當然我就建議揀返溫既麵條，咁一路食到臨尾d湯仲係會暖粒粒。個湯好濃郁，不過唔會太鹹。麵條掛湯能力亦好高。蛋係流心既，豚肉肥瘦適中。貪心既我會覺得如果有多d筍就好啦。野飲係咖喱彈珠汽水。開頭都係抱住一個試下既心態，心諗咖喱同汽水點會夾得到嫁。估佢唔到竟然味道係咁得意！放心個汽水飲落去依然係甜既，個咖喱味可以係講係聞得到多過飲得到呢！

香港既沾麵店越來越多，當然有讚有彈。之前經過灣仔，留意到有間叫風雲丸既沾麵店，據知係霸嗎拉麵既姊妹店，又係人龍店。今日終於試到啦~沾麵定價$88-$128，有辣同唔辣，亦有以蔬菜為主既，可以揀冷麵同溫麵，冷麵既口感會較煙UN一行兩人，分別叫左石燒濃厚豚骨玉子沾麵同石燒野菜豚角豚骨魚介沾麵由於湯頭係以熱熱既石頭鍋端上，所以要小心小心。溫度不用擔用會因為放得耐左而變凍。等左十分鐘左右終於有得食。兩款我較喜歡石燒濃厚豚骨玉子沾麵，熱湯雖濃，但不會喝了就覺得口渴。濃郁既魚味有點蓋過豚骨味，不過好香好惹味。蛋係半生熟，做到流心效果又好嫩。肥瘦均勻既豚肉烤過更為香口，唔會太乾身。另外一款石燒野菜豚角豚骨魚介沾麵，以蔬菜為主，有4-5片豚肉片，湯底較為淡味，嚐到野菜的鮮甜味，沒剛才的咁杰身。有點似住家湯「煲豬展」的味道，芽菜味很出。整體兩款麵質不會太軟身，濃厚豚骨那個可做到掛湯的效果。另外，湯底可以加點檸檬汁，可減些少咸味的。一般女仔食200G都夠。

很有人氣的店，特意選平日(星期一)去，排隊的人就沒那麼多，很快就可以進去囉~桌面上很貼心，有教大家怎麼去點餐。首先，你要先選有溫的麵還是要冷的麵，它還會告訴你差別在哪裡。冷的會比較有嚼勁，溫的就比較有麥香。我比較喜歡嚼勁的，所以就選了冷的。第二，教我們怎麼去吃這個麵，夾一些麵浸在湯裡就可以吃。第三，教我們另外的吃法，可以加入檸檬汁去提味。第四，吃完麵，可以加香鬆飯在湯裡，攪拌成湯飯。第五，如果不想吃湯飯，也可以加入魚介清湯來喝。~完成~除此之外，還有很細心的點是，點餐紙上面還可以選擇沾麵的份量，可以選200g、300g、400g跟800g，800g要加$45，其他都不用，這樣胃口比較小的就不用怕浪費食物，胃口比較大的也不用怕會不飽，讚喔！另外也可以選少蔥，不要蔥跟走筍。點拉麵的話也可以選麵的軟硬程度，少油等等。超乎合有要求的香港人。😆 這次我點了:1. 豚骨魚介味玉沾麵(冷)(300g)$932. 辛辣豚骨魚介沾麵(冷)(200g)$933. 羽根餃子(5件)$35湯頭很濃，但魚味相對上就比較少，加上有嚼勁的麵，彈牙的感覺，讚喔！加上檸檬汁後，湯相對味道會變比較淡，變得比較清新，看大家

有幾次由灣仔去銅鑼灣都會經過風雲丸都會見到人龍排隊，就令我萌生想試下既念頭。睇一睇openrice，原來同霸嗎拉麵係姊妹店！霸嗎拉麵又是一人龍店呢。食過一次霸嗎拉麵覺得不錯的，所以今次都感覺會不錯呢！我地lunch hour時間去到，人流都頗多啊！我地就order左一人一個沾麵。而麵量就可以揀200/300/400G都可以免費的，我就揀左200，朋友揀左400！見到有一個配搭係可以試晒味玉同埋叉燒，就揀左石燒濃厚豚骨魚介味玉沾麵 $93有一塊長長既叉燒，幾厚的！側邊仲有幾塊荀片。石鍋燒可以保持住溫度！隔離有檸檬丁，我用左去唧啲落湯度，食落清新啲，定吾知係for個叉燒呢。麵質係圓圓地，同平時沾麵吾太一樣，但都幾彈口既，可能因為係冷既麵，所以彈牙啲。而個湯都算濃，就無其他店甘咸，所以都幾岩我食。直至食完個湯都熱既，同埋200g係夠我食喔。朋友食既石燒辛辣豚骨魚介沾麵 $93辣湯過癮啲啊，又吾會太辣！整體泥講當一個Lunch都好滿足，但係略貴，如果男仔食400就抵食喔！！

沾麵，一項小弟極其熱愛的食制。每逢一知道有新的沾麵店登場，自己自是毫不猶豫，攀山涉水也要過來試.... 這所來自日本廣島的連鎖過江龍麵店，剛開張時門口人龍多得令人卻步。小弟總是怕排隊，心想店又不是馬上倒閉且又不屬pop-up store，那為什麼要浪費人生中如此寶貴的光陰來去花時間在門外呆企 ? 看，過不了多久，就可以直行直入不用排了.... 一場來到，當然是要吃沾麵.... 看來是這兒的招牌豚骨魚介味玉沾麵。於我而言，最吸睛吸引的自是那熱得發滾起泡，置於熱燙石鍋內的沾湯。平常遇到的沾湯，溫度大多溫溫吞吞毫無火氣。這兒懂得用石鍋上，弄得湯熱得發滾，讓麵沾上入口夠熱度，安排得甚見心思.... 不過很可惜的是，這麵的優點亦光是只得這一個..... 首先，麵身粗度是夠但咬勁欠奉；近輪要戒食筍這一類如此"毒"的食物所以沒吃；五花肉雖大片厚身但瘦的那部位卻是柴硬得忍不住要吐，而醃味亦太重手了吧，灸過的痕跡亦不見得能帶來燻香；蛋嚴格上不算特別流心，睇睇我照的那個shot就知.... 至於最重要的麵湯，熱是夠熱了，但入口卻毫無個性一味死鹹，更沒有半分魚介粉帶來的鮮以及豚骨熬出來的膠口及甜味....

早前去灣仔做嘢, 做完後, 便係附近揾野食, 見到一間叫風雲丸食日式拉麵的食店, 便入去試下. 原來這裡主要食沾麵, 正心我心意. 我點了石燒濃厚豚骨魚介味玉沾麵. 客人可以因應自己的喜好去選冷或熱, 要唔要蒽和筍, 最好是連麵要標準, 大盛或特盛也可以, 也不用額外加錢. 最後我選了熱湯底, 而麵就要標準, 保留蒽和筍. 天氣炎熱, 點了信州白桃蘇打. 呻一口冰涼的凍飲, 特別令人舒服. 石燒濃厚豚骨魚介味玉沾麵上枱. 賣相已經好吸引. 湯以石鍋承載住, 一直保持熱度. 而碗裡除了麵外, 仲有义燒, 温泉蛋. 湯底相當杰和濃郁, 而麵條偏向粗身一點, 這樣更能掛多一點醬汁，特別好味. 义燒是厚切, 較有口感, 入口完全不覺得乾和硬. 還有我最愛的温泉蛋. 一整開, 蛋黃流出, 師傅控制時間不錯, 食的時候, 口中滿滿流心蛋黃. 另外, 點多了一個小食, 就是炸雞. 我選了沙律醬. 上枱時香味撲鼻. 雞外層炸得夠香脆, 但粉漿又不會過厚. 而雞肉則嫩滑, 外脆內嫩. 下次來要選下其他款式的沾麵.

自問我寫的食評一點都不出色, 加入openrice差不多10年, 只是為了自己在無聊的時候抒發下感受, 遇到好的壞的餐廳都分享一下, 希望其他人睇到好的去試下, 唔好的就三思而後行, 加上自己又怕重唔想成日拎住部大相機周圍走, 只有用手機輕輕拍過照便是, 將日常所吃的, 最真實地放在這裡。慚愧的說, 沾面熱潮在香港已經一段時間, 我都沒有去食過......最主要是唔想排咁耐隊, 今次3位舊同事聚會, 選了一間不可訂座的餐廳, 多得其中一位早放工的拔刀相助, 先去排了20分鐘, 我後來到才等了20-30分鐘就可入座。這間店要等晒所有人先比你入座, 所以門口的人龍, 有部分其實是未齊人所以先企在門口, 入到去其實都有位的, 見到有D一個人唔駛等位, 即刻可以行入去。一入到去有個開放式面檔, 轉右變是座位大廳, 窗口可以望到出面。個menu花多眼亂, 其實大部分都係石鍋魚介沾面, 我地3個都點了同一樣野, 不過點了不同size, 細食可以點200g, 大食可以點400g, 都一樣價錢。未食之前, 發現呢間餐廳都好貼心, 細碟仔通常第一隻都會沾到塵, 所以佢地第一隻碟仔用了保鮮紙包住, 讓食客

［2017/07/25 灣仔 風雲丸］書展最後一天，跟友人行逛書展後見餓，就走入風雲丸。實際上，昨晚選了幾間拉麵店，最後決定要試試新開張又是霸嗎姐妹店的風雲丸。-說實話，風雲丸的地理位置不太好。不是說它很難找，位置是顯眼的，而是「不就腳」，無論從哪來都要走一大段路才到達。-不過，風雲丸的沾麵會令你覺得一切都是值得的！-不用等位，但以4時多非正餐時段來說，算是多客人。餐廳環境很有日本特色。-風雲丸主打沾麵，而我們又想多嚐幾塊「邪惡」而美味的叉燒，就點了「肉盛豚骨魚介沾麵」和「豚骨魚介拉麵」，追加了味玉（即是溏心蛋）。沾麵選冷，特盛（400g）；拉麵選軟，少油。賣相吸引，味道濃郁，先嚐一口拉麵，魚介湯味很正，夠味但又不會口渴，麵條夠軟身，叉燒是極級邪惡但非常惹味，所以沾麵點了肉盛豚骨是正確決定！然後嚐一口沾麵，魚介湯放在石鍋裡熱滾著，所以湯的溫度能保持較久。在此需介紹一下風雲丸的麵條比多數拉麵粗身，比較像幼身烏冬，但吃下去還是拉麵的口感，正因麵條較粗，湯汁掛麵效果加倍每一口沾麵都能享受到湯底的濃味！很、好、吃！相較之下拉麵就比下去了，但沾麵實在很有水準！味玉就不過不失。吃完後加入魚介清湯然

話說肥仔有一次由灣仔行去銅鑼灣嘅時候，經過呢個"風雲丸"，就Bookmark咗下次食！我地去嘅時候，正正係晚餐時間，雖然條排唔太長，但等下等下都等咗45分鐘，入到去就發現有2張枱因為滴水嘅關係，冇俾客坐。當差不多排到你嘅時候，就會排menu俾你揀定。特別在佢地有小朋友餐，分量應該係少點。但我地發現沾麵係冇得揀麵嘅軟硬度。平時其他沾麵店都有得揀麵質嘅軟硬度同湯嘅濃度。不過佢有4款麵既份量，啱晒不同食量嘅人。我揀咗，溫麵，並盛(200g 最少的)。先飲一啖湯，湯唔太咸，都幾濃郁同'傑'身。麵質比較粗，而且幾彈牙。叉燒好大舊，但脂肪比例多咗，同埋好鞋....肥仔揀咗，冷麵，特盛 (400g)咖喱味係重嘅，我坐對面都聞到，但叉燒都係偏肥同鞋囉.....肥仔個咖喱湯食到最後唔夠湯，向職員要求加湯時，可惜只可以加普通魚介湯，令咖喱味啖咗好多。如果麵店可以應因返客人若order嘅份量，俾返適當份量嘅湯就好喇！最後，同日本餐廳一樣，佢地係有圍裙提供嘅！著白衫嘅、食飯唔小心嘅，記得問職員拎喇！ 

每次巴士經過，無論任何時段，都見到長長的人龍，生意好得很，早就非常好奇…適逢前晚九點左右在附近做完工作，已過了晚飯peak hour，見人龍尚可接受，就做下久違的排隊動物。等了約半小時，老公也剛好下班來到，就一起進去了。坐不到廚師枱有點小失望(常常覺得對住廚師食才有日本feel)，只能講這店真厲害，都這個鐘數還是逼爆每個角落....坐下來首先吸引我看，是這張圖文並茂，教食沾麵的方法。很小心閲讀，因為想要食最正宗的味道！店內有三四枱都是外國人，難怪點菜紙有英文版。看高頭大馬的外國人塞在小小的座位，吃得津津有味，這令我更加食慾大増！這店有不少少見的飲品,叫了一支桃汁，賣相像酒，相當清甜，喝這個感到自己很有少女感覺炸雞是老公要吃，粉漿薄，完全不油，有水準！主角來了！！！！用石鍋盛湯很聰明，這樣湯汁就一直能保持滾燙………沾上涼又彈的麵條，湯汁很快就吸收到！魚湯很濃郁很濃郁，基本上不用另外加肉，光品嚐魚湯和麵就已令人滿足！老公點了辣味的，另外還有野菜，味道頓時很韓式，也不錯,但我還是喜歡不辣的，能嚐到魚湯汁的原汁原味！份量多，一人一個麵都幾飽，但還是拚命參考了食法，叫了一碗飯來埋尾……………把所

早前吃過位於尖沙咀的霸嗎拉麵，超濃郁湯底令人回味無窮，餘猶未盡。今午與男友再來同屬廣島霸嗎拉麵集團的姐妹店- 位於灣仔軒尼詩道的風雲丸。正是「一霸去，餘韻尤在，風雲再起」！有別於霸嗎，風雲丸主打沾麵，標榜超濃郁「雙湯頭」沾汁-以豚骨熬制且加入以原條沙甸魚乾磨成粉的魚介，以三百度石鍋盛載以保持沾汁溫度，獨特魚、肉香氣飄四里，驀然回首。中午12點半左右來到時，門口已見人龍，熱潮依然。内裝橫像一艘漁船，牆壁上鮮明字體與用色，桌上冷水自斟，細節處處顯露日式風情。風雲主打3款沾汁-原味「豚骨魚介湯」、「辛辣豚骨魚介湯」，以及「咖喱豚骨魚介湯」。麵條份量可選並盛（200克）、大盛（300克）、特盛（400克），不另收費；如以上份量仍未能滿足，800克的富士特盛（加$45）份量是大食朋友的恩物。麵可選冷或溫：冷麵彈牙；溫麵帶陣陣麥香，隨君選擇。「豚骨魚介味玉沾麵」$93 &「肉盛豚骨魚介沾麵」＄128沾汁比拉麵湯底來得濃縮，淨喝一口，陣陣魚乾香味彌漫舌尖上，濃稠略鹹；熱麵微沾湯汁數下，只見麵條掛湯功力不錯，盡收精華，麵條彈牙鮮美。叉燒燒的焦香、甘腴肥美、而且肉身特厚，非常有口感。糖心蛋切開裏面，蛋汁

很喜歡風雲丸的門面，用很獨特字體寫出來的「風雲丸」3隻大字很吸睛。晚上9點多門口還排了好幾位等食的客人，見排隊人數不多，當然也趁機會一試這家來自日本廣島的日式沾麵啦。等了約10分鐘左右就已經能入桌，一如平常的拉麵店般，一般枱櫈都以木為主，有對住廚房的BAR桌，和其他的獨立桌。有7種口味的沾麵和2款濃湯湯麵以供選擇，小食主要以餃子和雞翼為主。最令人驚喜的是麵條份量有並盛(200G)，大盛($300G)大和特盛(400G) 可供選擇，而不用另外收費。如點800G的富士山盛，則要另加$45(聽名字已經知道會很大碗，誰可以一個人食得了!?)。辛辣野菜魚介沾麵($108)追加味玉($12)魚介濃湯用石鍋送上，所以一直都保持著高溫。先飲一口濃湯，真的很重魚介香味，而且點了野菜的關係，湯內還有芽菜和生菜絲等，令濃味之中帶有一絲鮮甜。湯的質地不算稠，把麵放到湯內再挾起，湯底不會稠到有掛湯的效果，不過由於本身味道很濃，食落還是很香很夠味。麵條屬於粗身，食落不是有咬口的那種質地，不過粗身而偏硬，口感挺不錯的。配料有翠肉瓜和菜苗，我喜歡單食不點湯，可以清新一下滿口的濃郁魚介湯底味道。味蛋外甜內香，溏心的蛋黃