風雲丸 (已結業)

嗰日同Mr. C 經過灣仔，記得有間新拉麵。咁中意食拉麵既我當然要去試試啦！可能嗰日有微微雨，等位唔係等咗太耐。15分鐘左右啦。好肚餓！我已經知道自己要點啲咩， 但選擇困難症既Mr. C就要問waiter有咩推介。我點咗豚骨魚介味玉沾麵，冷麵，大盛，走蔥走筍 $93對我黎講，大盛剛剛夠，唔太多唔太少。個味玉（蛋）半熟，味道適中，唔會太咸但夠入味。我自己中意冷麵多啲，相對Mr. C點既溫麵，冷麵比較單牙。有質感。而湯底方面，好濃厚，粗麵條沾落湯底裏面，好滋味。因爲個湯用石鍋裝住，所以熱力好夠。一直食都好好味，唔油膩。其實我本身不太好魚湯，但係呢個我完全接受到，因爲我覺得佢哋個湯豚骨個味道重啲。好味！Mr. C點咗辛辣豚骨魚介沾麵，溫麵，特盛 $93個侍應話溫麵麥味香重啲，所以Mr. C就點黎試下，同我嗰個compare 下，但發現麵麥味唔係真係差太遠。所以如果中意口感單牙啲，都係揀返冷麵。Mr. C話個辣都辣辣地（唔係微辣嗰隻）。而Mr. C最欣賞呢度個豚肉。豚肉雖然得一塊，但勝在夠大夠厚。炙燒叉燒，有肥有瘦，正！另外我哋點多咗個沙拉唐楊炸雞 $38好新鮮，咬落外面脆，裏面雞肉鮮嫩多汁。

大約六點左右來到，剛好未有人龍，等一會就可以入座。食完就見到外面排隊了，不過門口提供免費的茶，很是貼心的安排。一場來到當然是選沾麵，我點了豚骨魚介味玉沾麵。沾湯熱騰騰的，未食已感覺好味！麵有分冷麵和温麵，店員介紹前者較有口感，後者麥香濃點。我主要是想食熱食就選了温麵，哈哈。把麵沾一沾就可以食，魚介香濃不過鹹，非常美味！亦可以加點檸檬汁到沾麵，口感更清爽。叉燒肥瘦適中，厚身的一塊，令人吃得滿足。温泉蛋有一整個，流心得很。女朋友的綠茶可樂，喝了才記得拍照，好特別的日本飲品。味道比一般可樂的甜度低點，但多了少少茶味，頗清甜。小食選了沙拉唐揚炸雞，雞肉非常嫩滑！外皮香脆，再加上沙律醬，相當滋味！我發現每枱都有一幢醬油碟，全部第一隻都是包住。女朋友説由第二隻開始用會比較乾淨，包住第一隻就不怕客人用錯。果然是用心的店。

聽人講灣仔開咗間新嘅沾麵店，除咗嘢食正之外，裝修都好有feel。入到去發現真係好似去咗日本咁，另外好彩係午飯之後黎，所以等左唔太耐，上網睇到食飯時間真係要排成半個鐘先入得架!!呢間食沾麵為主嘅鋪頭有幾種唔同嘅面，有普通濃厚湯底同特製嘅辛辣湯底。就算唔關食沾麵嘅，都有普通拉麵比大家選擇。不過嚟咗呢度當然要試吓佢嘅石鍋沾麵啦，我就叫左普通嘅魚介湯底另加一隻糖心蛋碗面來嘅時候個石鍋好熱，出哂煙咁食嘅時候要小心辣到嘴啊~特別嘅地方係個面可以揀冷或者熱，熱嘅就會比較淋，冷嘅就會比較有口感。佢塊叉燒超大夠超好食呀，燒到岩岩好咁之後仲叫咗支日本直送嘅綠茶味可樂，之前去日本一直都好想試，綠茶味真係好特別最後就叫咗個柚子雪笆，個甜品亦都係日本直送架，好fresh好正。係呢個咁有氣氛嘅地方到食真係好似返咗去日本嘅麵店咁

專程去試試新晉沾麺店〈風雲丸〉！由銅鑼灣站行去，沿著軒尼詩道一直行，行了接近15分鐘，終於見到門口了！雖然近7時晚飯時間到達，但尚未需要等位！被安排了吧台門口位置，每次開門都好大風😑吧台上有一應俱全的調味料：餃子汁、一味粉、蒜粉等。店內還有提供紙圍巾，以免醬汁彈到衣服！👍🏻 如果能提供橡筋就更好了！【豚骨魚介味玉沾麵】$93👉🏻冷麵、特盛400g 麵：點了冷麵，尚算冷，粗度不錯，400g份量剛剛夠飽沾麵湯：用鐵鍋上，上菜時有沸騰的氣泡，吃到最後湯亦保持熱度👍🏻 缺點：湯份量不足，吃到最後只剩下一點點湯，根本不能加飯作飯炊味玉：蛋黃有流心，但蛋不入味，外表可見不上色，不試也可🙁🙁🙁叉燒：厚身，半肥瘦，但燒的程度可以再更多木魚湯：自行加入，倒出來不夠熱，感覺放了很久🙁附上的檸檬，吃到中途加了幾滴入湯內，效果不明顯，一反而滴入麵中會嘗到少少檸檬清新的味道！✨

行開灣仔搵朋友, 佢suggest佢公司附近有間沾麵好似幾好食, 於是擇日不如撞日, 即日就去食食.   地方幾特別, 睇得出design上係有花心思, 好多木嘅素材, 模仿番日本當地嘅特色, 而且個"bar枱"同牆身都貫徹返成件事個感覺, 幾好feel. 食物方面, 我地order左一個辣嘅, 一個唔辣嘅. 先講唔辣呢個啦, 我地叫左肉盛. 肉盛就真係幾多肉, 有四大片, 算係多料, 一定滿足到大胃王. 個湯上嘅時候真係好熱, 你可以見到一直仲有泡泡出, 啲煙又好香, 真係聞到已經勁想即刻食. 啲麵蘸落去之後拎上黎食, 個感覺一流 (麵可以揀凍或熱, 揀凍就有呢個contrast嘅效果喇). 我地仲加左隻蛋, 味道更佳.  至於辣嗰個, 係辛肉爆彈野菜豚骨魚介沾麵. 開頭食頭一兩啖, 都唔覺得有咩辣, 但慢慢食落就會feel到, 非常惹味. 又熱又香咁辣住食, 冇得頂. 辣嘅肉碎加上啲洋蔥碎, 辣上加辣, 爽!! 而且啲汁可以掛得好好, 令啲麵味道都好豐富, 令人回味.見到menu上有特別介紹之下, 就叫埋香鬆飯, 呢樣真係未試過. 因為我地食完麵先上個飯, 佢地仲好貼心咁, ext

風雲丸是一間新開業的拉麵店，位於熙來攘往的軒尼斯道，午膳時間人流如鯽。一如其他拉麵店，舖面面積不大，其紅白色調的裝潢布置甚為搶眼。 風雲丸源自日本廣島，以沾麵起家，首次到訪，當然亦以品評招牌沾麵為目標。 這碗石燒豚骨魚介味玉沾麵，湯汁先以日本豚骨肴煮了十多小時，最後加入鰯魚介粉引味。濃厚的豚骨魚介汁以燒熱的石鍋盛載，熱辣氣泡沸騰，能在整個用餐過程保持滾熱的湯溫。 麵食方面，以日本小麥精製，並有冷熱兩食任君選擇。熱食出味，冷食富咬口，各有所長。除了麵食溫度，麵食份量同樣可選，有 200 克至 400 克的選擇滿足不同胃納的人士。 掛滿湯汁的拉麵味道十分濃郁，魚介味明顯，微微的辣勁增強了惹味感。隨拉麵附上一塊豚肉叉燒及一隻流心玉子。叉燒半肥瘦，經輕燒後份外搶香。玉子名乎其實流心製作，滑溜可口。 風雲丸的沾麵熱辣味濃，間中品評實屬滋味，可以試試。

聽說都要排隊，但當天幸運地沒人在排可以立即入內，而且侍應知道天氣熱有立即拿上涼水非常細心。而且環境有濃濃的日式裝潢，另人感覺甚好(傳說中既食裝修都抵(≧∀≦)ゞ)小食既辛口沙拉燒餃子最好食♥(´∀` )炸雞係平均值上(^ρ^)/可惜的是主食的麵，不是爽口是硬Σ(ﾟдﾟ)，湯頭不是濃郁是咸｡ﾟ(ﾟ´ω`ﾟ)ﾟ｡，麵類完全是不行，拉麵沾麵都是，對於這個真的非常失望(◞‸◟)另外劃單有點飲品，但下單的人忘了入就懶得再叫了。_(´ཀ`」 ∠)_ 

見呢期風雲丸賣沾麵賣到好行 就即刻黎試下 排左大概20分左右就有位 叫左個原味沾麵 同 拉麵 2個都分別覺得太咸 而且麵有點過硬 本身叫適中 湯底就真係好重魚味 我地仲叫左個辣味餃子 同 抹茶雪糕 反而有驚喜 餃子好香 抹茶雪糕味好濃 不錯 另外仲叫左個薑味檸檬氣酒 就一般 可能本人唔喜歡太甜既酒 好似汽水咁 而服務態度其實都一般 有點亂

終於都有機會食人氣拉麵風雲丸啊，新開嘅時候一早已經有好多唔同地方介紹二間拉麵店，拉麵愛好者點可以唔去試吓呢，今次已經揀咗平日嘅午餐時間去食，但係仍然都有人龍，差唔多10幾個人喺度等緊位啦，可能係撞正左lunch hour所以灣仔附近有好多都會陳午餐嘅時候過嚟，如果想少啲人嘅話我諗一點半打後會比較好。餐廳嘅座位其實都幾闊落，而且店員嘅效率都幾高，好快就點完餐有嘢食。我就叫左一個石燒肉盛魚介沾面，因為係肉盛嘅關係足足有5塊肉咁多，而且塊塊肉都係非常之厚，其實細食嘅女仔真係唔應該叫依個，因為食到第3塊嘅時候其實已經好飽，照返正常嘅份量已經足夠，同埋拉麵都有分唔同份量，而且去到400g都係免費加大，不過眼闊肚窄嘅人就千祈唔好浪費食物啦。講返個拉麵先，湯底非常之濃郁因為係沾面嘅關係所以會比較濃同埋鹹同埋沾面個湯底嚟到嘅時候係非常非常之熱野所以都要等一陣先會擺到入口，但係熱嘅沾面湯底配埋凍嘅拉麵食呢就會有一種好彈牙嘅感覺，如果係暖嘅拉麵呢就會冇甘硬嘅口感所以睇返自己鍾意食蛋呀定係鍾意食冇咁硬嘅口感嘅拉麵啦。本身自己都食過幾款魚介拉麵，覺得依間拉麵店嘅禦街湯底都唔錯而且好香濃我都比較鍾意食龍尾嘅湯底

由開店到依家一直無時無刻都大排長龍嘅風雲丸，今日我終於的起心肝乖乖排隊挑戰！等咗大半個鐘就入去就坐。打開餐牌掙扎咗一陣，都係決定試風雲丸招牌豚骨魚介石鍋燒沾麵。因為太肚餓，所以選擇咗400g拉麵，如果細食嘅都有200g選擇！沾麵好快就送到嚟，有啲意外佢嘅蔥係幾條唔知咩苗...如果真係大蔥會開心啲。而個沾麵汁真係一流，先浸一大駐麵條落去，睇住佢泡泡翻滾真係好過癮，而且豬骨味好出，雖然咸咗少少，我仍然十分滿意叉燒好香，油脂比例恰恰好，本身仲嫌佢一塊太少，不過食完就覺得啱啱好

風雲丸主打石鍋沾麵，新開張個陣我已經好想去 (🔚沾麵控)，而家周末下午三四點來到都要排十分鐘到。上個陣個湯真係好滾，滾到起哂泡😍 即刻食指大動。沾麵其中一個缺點就係沾汁好容易變凍，尤其是我呢啲偏心爽口彈牙麵質嘅人，會嗌凍嘅麵條，一冷一熱，沾汁就會極速變凍，影響食味。好多店家都有出招tackle呢個缺點，例如tetsu會將滾燙嘅熱石擺落沾汁，富士山55會有電熱爐比你滾翻起個湯，風雲丸就選擇用石鍋嚟保溫。食過咁多間，風雲丸嘅溫度控制係做得最好，佢唔使reheat都可以將熱度由頭帶到落食完嘅一刻。前兩間even係reheat左，未食完都已經變翻凍....呢點我係好欣賞的😼200g麵，得一舊叉燒....燒到焦香好出，不過稍嫌太多渣....唔夠軟腍。本身個沾汁質地都相當濃稠，麵條掛湯能力都唔錯。麵質彈牙帶嚼勁，滿意。味道方面好多人都話偏鹹同重口味，我都同意。 睇翻個沾汁油份比較重 (睇個surface上面層透明layer就知) 調味上除左豚骨湯加魚介粉，仲加入頗多嘅黑椒同七味粉。咁嘅做法會更香口更惹味，所以於我而言算討好嘅。食到最後，沾汁一直興住嘅關係，質感變得更杰身，甚至變成醬狀。呢個時候就要

每次搭巴士經過軒尼詩道都會見到這家「風雲丸」門口大排長龍，週末吃飯時間更是穿過旁邊的休憩公園。這晚剛好在灣仔附近下班，晚上8點半左右，外面有6個人排隊，全是年輕人，排了10分鐘便有位了。座位算是可以啦，不算寬倘，總算鼻子不用碰灰吧，背囊等隨身物品可以放在座位下，桌上就顯得相對狹窄，還沒上菜就用了一半的位置擺放筷子盒、餐紙盒、調味料和餐牌，而且餐牌會時不時滑落，建議店家可以用磁石之類的文具把餐牌貼在隔離墻上，既美觀又省位。這裡主打的是豚骨魚介口味的沾麺，我點的是不加玉子(蛋)的「石燒濃厚豚骨魚介沾麺」，麵條方面，由於點餐的時候已經過了8點半，只點了200g的份量（注意：200-400g是同樣價格）；另外，桌上提示客人溫熱的麵條更有麺香，所以我就點了溫麺。也許是我肚子餓了，等了10分鐘還未上菜，不過我見比我早入座的客人也在等候，只好繼續等，過了15分鐘終於送來我點的食物。沾汁是盛在韓式的石鍋內，還冒著煙，我先嚐一口沾汁，沒有想象中那麼滾燙，也不會過鹹；200g的麺果然份量很小，沾麺之前我也先吃一小口麵條，嚐嚐麺的原始味道，口感和其他沾麺店差不多，也是從日本預先做好送來的packaged 貨

由開店而今 都一直想嘗試報章雜誌推廣 加上看到openrice排第三終於有時間可以到風雲丸！😋大約7點到 一直擔心需要排隊幸好 剛剛有兩個位置😍約7:15 已經開始需要排隊😶因為已經想好要吃什麼😋所以一進去就可以點餐石燒豚骨魚介沾麵 $88點了 冷麵 400g一上餐 沾麵湯是用石鍋裝上所以可以保持熱度 還有熱辣辣的感覺湯底 不會太濃或太咸而且 還有少少辣的感覺湯底很適合我的口味😋但是明顯地 湯的份量很小吃400g 擔心不足夠最後亦只淨下小小的沾麵湯加上木魚湯 變淡的湯 更加好喝😋麵條 有口感 冷的麵真的更適合一向大食的我 毫不猶豫選400g對我來說 400g是剛剛好 有七八成飽叉燒 厚切 可能我喜歡較淋 而且不夠入味🙁所以覺得很普通餐沒有跟溏心蛋 朋友放一半給我 我覺得可以不用吃溏心蛋 因為沒有味道 十分普通 超級失望 🙁

沾麵之旅入到去 店員同我地介紹佢地既麪其實當時我有d飽 但男友好餓所以陪佢食我叫左個梅酒開下胃先 可能係完熟的關係 好飲過我平時飲開個d飲左幾啖 食野傾計mood都好d我叫左個細野菜沾麵 其實對沾面印象麻麻 上年係另一間食過 排左勁耐 但不外如是今次又試下 叫個最細既 冷既 因為當日天口興 !!到喇 石鍋上 好多汁 好濃 我輕輕咁遂少放面條落去 夾番上泥吃味道好豐富 唔喊唔spicy 岩岩好 我怕肥所以冇飲d湯Btw!! D野菜係勁清甜ga!!!!!食完 想同男朋友坐陣我死都唔走 俾佢睇穿我開左個胃 想食甜品佢鼓勵我嗌 咁我就嗌左 柚子sorbet特別d ma! 呢個決定係冇錯 因為勁好食!!!****提議大家除左叫麵之外,不妨叫埋野飲/甜品,有意想不到的驚喜啊😋

今日去完銅鑼灣經過風雲丸, 平時都多人排隊, 今日諗住咁大雨又差不多兩點幾，應該有位卦，就去碰吓運氣。雖然要排隊但好在同時有幾枱客食完走人，所以等左1,2分鐘左右就入得。我地點左一個沾麵同拉麵, 因為我地無食早餐既關係, 比平時叫多左個辛味炸雞同埋其他配菜半熟雞蛋,竹筍,叉燒。個辛味炸雞好惹味, 辣得岩岩好,入邊炸完都仲有汁,good。主菜黎喇, D沾汁用個預熱左既石窩裝住,上黎仲滾緊起哂泡, 相當有氣勢。 無論個沾汁同個拉麵個湯都好重魚介味,正。不得不提個火灸豚肉, 望落好肥但可能因為燒過,食落好做到即溶帶甘香既感覺, 無咩肥膩感。最後可能個石窩令到我地太熱, 要食番個雪糕降溫。雪糕係日本直送, 個texture 好實唔會好似平時個D 好多空氣, 而且綠茶味濃,為而餐起左畫龍點睛作用。