風雲丸 (已結業)

風雲丸在灣仔是極具人氣的拉麵店，每次我經過時總有一條長長人龍等候入座。今天星期三下午茶時段約四時半我經過風雲丸，居然只得兩三枱客人，幸好今天我因事忙沒有吃午飯，於是即入內光顧。看到精美的餐牌，我點了石鍋咖哩豚骨魚介沾麵及沙拉唐揚炸雞。石鍋的作用是用來保住沾汁熱力外，沾麵上枱時會沙沙作響，增加食慾。但仍是夏末初秋季節，仍然悶熟，加上點選了冷麵，本人認為沒有太大特別，如果過了中秋，或會多加印象分。咖哩沾汁我認為只是夠濃，味道口感一般，可能咖哩粉味道掩蓋豚骨和魚介的味道。至於炙燒豚肉，本人是非常喜歡霸嗎的豚肉，脆邊肉厚肥脂多，一入口有溶化的感覺另外筍片亦是脆口多汁，吃下去有爽脆的感覺，粗麵條夠彈牙，除了沾汁外，其他都值得一試。至於沙拉唐揚炸雞有五件炸雞，炸得脆口但味道普通，沙拉醬感覺好，不能提昇美味度。

拉麵既款式好多！我自己會鍾情於沾麵！係日本試過後一試難忘！但香港好多都係湯麵！同係香港食一碗好食既一啲都唔平！今日揀左一間係港島區既！心理感覺應該會好食啲！一入門口感覺好日本！好有氣氛！連字體都好日本！有感覺係日本到！只要唔望窗口！佢最吸引既地方係用石鍋燒黎試上個湯底！一黎到已經好吸引！個湯底係滾住咁上！麵量可以選擇唔同份量！我為左可以試下其他野！我揀左最少量既麵！但有啲後悔！早個揀多少少！佢個湯可以keep到好耐都仲好熱！麵佢都可以揀涼定溫！將麵放入湯到好快變熱！個湯底好濃郁！唔油，叉燒肥瘦好明顯！但咬落一啲都唔會覺佢係肥肉！（好邪惡☺）一路食一路覺得好好食！佢好甜心會準備定檸檬比你！就係因為佢食少左麵！唐揚炸雞！好好食呀！熱辣辣，感覺唔到佢有油！好脆身，但入面又好滑身，呢個真係好好食！仲有檸檬比你！加埋係好夾！檸檬真係要加！飲埋桃梳打好滿足！好香桃味！但唔太甜！岩岩好！

有一段時間冇食拉麵, 於是決定試下嘅呢間好多人都讚, 而且絕冇分店既風雲丸!!!!離遠已經見到門外排晒長龍, 最後都排左半個鍾先入到。店裡面既裝飾似足日本地道拉麵店, 掛滿燈籠。同朋友叫左兩碗豚骨魚介味玉沾面再加白飯。魚介湯用石碗裝住,可以保持溫度, 食到最尾D 湯都仲保到湯仲係熱。湯既底十分之"杰身", 味道又夠濃,而且唔會好咸, 食到最尾仲加左白飯, 可以食盡湯既精華, 呢道啱晒鍾意重口味既拉麵朋友~~~

朋友推介這間日式沾麵點，我未試過所以決定今日去試試。店內裝修好有日式風味，感覺置身於日本享受午餐。餐牌很精美，點菜紙也中、英對照，外籍顧客也能輕鬆點菜。這裡沾麵分了冷、溫兩種，冷麵較煙韌、溫麵蕎麥味較重。每款湯底均用了加熱至200度的石鍋盛著，麵可按喜好選擇份量。我選擇了辛辣豚骨魚介沾麵，冷麵300g。湯底很濃很鮮，麵質非常彈牙，配上檸檬汁感覺更出。$93店鋪很細心，每張枱都張貼了食麵指引，啱晒我第一次黎食既朋友😬朋友叫了這裡的signature豚骨魚介味玉沾麵，我也試了一淡湯底，魚湯味很濃。$93我們另外也叫了一客羽根餃子(5件) $35共享，餃子外表煎得很脆，但內裡依然保持肉汁。店鋪剛好在做推廣，埋單結賬會送你一張$20現金券，一碗沾麵可用一張，可留代下次來用👍🏻

第二次食呢間位於灣仔既風雲丸喇！佢個位置位於集成往銅鑼灣方向行過啲，係銅鑼灣同灣仔地鐵站之間，夏天行過泥真係幾熱下～豚骨魚介味玉沾麵($93)影得有啲樣衰，一上菜當然要試下呢個石鍋豚骨魚介湯，好濃好惹味配埋個麵岩岩好，座位仲有張溫馨提示講解沾麵既食法，加埋檸檬落個湯度會無咁油膩。麵底就揀左冷麵，掛汁食更煙韌，岩岩好。蛋就略嫌蛋黃邊熟左少少，再流心多少少就會岩岩好，不過都夠哂香夠軟滑。肉既部分好香，入口即溶既肥腩真係不得了，最鐘意呢種口感，呢個加左好多分一個女仔嗌特盛400g又真係飽得滯，並盛200g其實都夠，每次食親沾麵，ko完個麵就已經好飽好飽，加唔到湯總覺得有啲可惜。其實我仲想試埋個香鬆飯架，但真係食唔落費事浪費，有機會真係要留定個肚再試埋個飯！！

係日本食過魚豚骨拉麵覺得好好味，見到呢間沾麵都係主打食魚介豚骨就過黎試下個麵可以揀冷熱冷就會有口感d 熱就有麥香味d麵有得比你揀要幾多，都幾貼心女仔可以揀300g就夠無論揀冷熱麵 個湯都係熱鍋上 熱辣辣 湯既質感好杰身比較推薦冷麵，真係比較有口感。叉燒好大舊，係腩肉黎，有成個手掌甘長，有宣傳貼紙介紹係慢煮叉燒，不過我覺得唔好食，肉太肥，肉質唔夠淋同埋會痴牙個人比較鐘意肩肉叉燒(一片片圓型嗰種) 整體黎講沾麵食第一啖覺得幾好味幾咸香，但食多兩啖就覺得味精好重好鹹，魚介粉冇鮮味，加埋檸檬汁都無補於事。係日本食過魚介豚骨既拉麵，個湯係濃厚得黎又食得出魚同豬骨既鮮香，亦唔會太鹹，可惜呢到做唔到嗰種感覺可能我抱既期望比較高，未試過都可以試下既，不過我就未必會返食啦。

第一次聽風雲丸嘅名其實係因為有人派傳單，接到手嘅時候完全估唔到會去到呢家咁出名，上一次食沾面已經唔記得係幾時嘅事，其實香港沾麵店似乎唔多，之前食過過江龍Tetxx真心令人回味，唔知呢間會唔會都會咁令人回味呢？離遠已經會見到門口，好好彩，一去到等左5分鐘就入得，因為聽身邊嘅人講排隊要排好耐，所以開頭都有啲驚，真係好幸運。店內有數張椅子比人坐系度等候，但如果企系度等就會阻住人，夏天企又驚出面熱，最好就緊系即刻有得入去～裝潢好colourful好特別確實有日本既風格。個湯一嚟到嗰陣係滾下滾下，10分新鮮滾熱辣，小心睇熱，湯底好濃郁，超級濃郁嘅豚骨同埋魚介味，不過沾面嘅湯底照常應該冇咁稀？之前係其他沾麵店見到湯底系比較稠身，可能呢個係落得多水左姐。叉燒又厚又有咬口，不過系偏硬但吾會十分乾身，論大細真系毫不遜色於其他既沾麵/ 拉麵店，嫌就咁食單調嘅話仲可以將叉燒點湯嚟食麵條偏向軟身，鍾意硬麵條嘅人就可能冇咁鍾意呢隻麵。爭啲唔記得講，成碗麵嘅大小係可以分為並盛(200g)、大盛(300g)、特盛(400g)、富士山盛(800g)，除左富士山盛要加$45，其他都系吾洗加錢架👍🏼驚唔夠飽既嘅食大盛同埋

今日經過灣仔，朋友想食好西，便提議到風雲丸試下個沾麵。lunch hr左右去到都幾多人排隊，等左30分鐘先有位。叫左個熱鍋豚肉溫泉蛋沾麵，好快食物就送到黎。個熱鍋上嘅沾麵汁好熱辣辣，d汁仲響個鍋度翻滾左5分鐘。叫左特盛，碗麵真係好大碗一個正常食量嘅女仔食唔晒。我中意食冷麵多d因為個麵底夠彈牙，好好𡁻😋但係可能我食開重小小口味，個沾麵汁唔夠入味。

龍神丸會話: 機會嚟啦，飛雲！風雲丸則會話: 好好味ge拉麵嚟啦，飛雲！無錯，今日來到了風雲丸一嘗甚有名氣的拉麵和沾麵。之前已經聽聞過這間拉麵店很是好評，這天有時間便過來品嚐一下。而這傳聞果真如此！一去到已在門外看見長長的人龍，等了一會就可以進去了。肚子餓了便點了:燒汁唐揚炸雞, 石燒豚骨魚介沾麵-肉盛豚骨魚介沾麵, 和一支綠茶汽水。燒汁唐揚炸雞，燒汁和芝麻灑在炸得可口美味的唐揚炸雞上，十分配合，令人吃過不停。^_^肉盛豚骨魚介沾麵的石鍋和麵是分開上的，嘗得出這個豚骨魚介湯底真材實料，湯香味濃還有一些櫻花蝦在內裡，感覺好濃郁，只要輕輕沾上麵來吃便會感受到這份感動。煎香的豚肉也很討喜，半肥瘦的香噴噴的烤肉，令人感到滿足！如果覺得還未夠喉，其實可以叫碗白飯配合濃湯，多吃一個回合！😋😋😋綠茶汽水則有偏甜的綠茶味和汽水味，算是不過不失。真心推介！

Recent years there's been an addition in Hong Kong to the traditional Japanese ramen, I see more and more operators tapping into the so called "dipping" ramen (sorry I'm not sure about what the actual term of 沾面 is and I'm too lazy to Google). Being different to the soup based ramen that is more mass market, the soup (or sauce I should say) and the noodle are separate. As you can imagine, the sauce will be quite rich and thick as you need to dip the noodle into the sauce in order to get the tast

一路想試風雲丸拉麵，但每次都大排長龍，難得今次波有排隊而店面也不繁忙。準備下單，舉手示意侍應下單，很久也沒有人理會。其一中位侍應看見友人舉手沒有反應，於是我也加入舉手。看見2位侍應跟一個廚房的聊天，做廚房的看見我們舉手，我們眼神接觸幾回也視若無睹，繼續聊天，直至我開口說「唔該」，也施施然來寫單。可能生意太好，不想落單都大把生意，夠哂有性格，香港人最鐵意！食物是還可以，辣度比想像中辣，但可以接受。要不要再來就看心情吧。

去旅行時在日本食過沾麵後，經常都在回味和掛念⋯所以回來後找到了風雲丸，有時經過門外都會有人在排隊，懶惰的我卻步了，可是今天經過時人流不多，決定一試！每張檯面上都有介紹，例如溫麵較有麥香而冷麵更有嚼勁、將一箸麵輕浸沾湯即可享用、湯底加上檸檬會更開胃、湯底可加香鬆飯或魚介清湯去食用或飲用。（$93）辛辣豚骨魚介沾麵⋯冷麵，沾湯十分滾，而豚肉很香口，魚介味不夠重可能因為辛辣味蓋了點，本人喜歡冷麵，的確有嚼勁就是彈牙的感覺。另一款（$93）豚骨魚介味玉沾麵⋯冷麵，兩碗沾湯顏色的分別，兩個湯比較原味的魚介味會較明顯，不過辛辣又有另一類感覺。總括而言，沾麵的口感很好，很喜歡！

聽同事講呢道嘅tsukemen好食。went afterwork and it was quite busy.my friend had the ramen in fish pork broth and i had the tsukemen.there is a choice of noodle portions.the tsukemen came in a sizzling metal bowl!!the noodles were firm and chewy just as required.the dipping broth was strrong with bits of fish.個湯有好多魚乾碎，很美味。個湯麵類似但無咁濃。

每次夜晚經過風雲丸都一定會見到大排長龍，想食咗好幾次，最後都放棄。今日下午嚟灣仔買野，見到唔洗排隊就梗係即刻要食啦😍用高溫300度嘅石鍋盛住啲湯，新鮮滾死辣！入面嘅design好正👍🏻自助落單好方便，仲可以跟返個人嘅喜好揀冷熱或者麵嘅份量～檯面有張紙教你點食沾麵👍🏻我同朋友一人揀咗一款再share食😝朋友揀咗豚骨魚介味玉沾麵（$93）上菜嘅時候會簡介一下，同埋提我地小心個石鍋👍🏻豚骨魚介味好濃郁😍魚油味好香，忍唔住飲咗幾啖😂豚骨味亦都唔會搶咗味，鹹度適中👍🏻我地都係配冷麵，好爽口，個湯好夠熱！味玉有點熟，醬油味唔夠濃😕我就叫咗咖哩魚介沾麵（$93）咖哩味比魚介味更濃郁，同平時嘅日本咖哩一樣都係微辣，有少少黑椒味😛件豚肉好大件，同埋都幾厚😍不過脂肪嘅部位比較多，同埋好腍，唔係好爽口個種～浸落個湯到吸晒啲味好香！啲筍都幾好味，爽爽地又唔老👍🏻仲試咗咖哩味嘅彈珠汽水（$25）😂有咖哩嘅香味，飲落係甜咖哩嘅味，怪怪地😂🙈整體覺得好好，果然大排長龍都係有佢嘅原因！下次再嚟食都要係下晝啦，又唔洗排隊，慢慢食，同朋友傾下計都得😚

灣仔人氣沾麵店 挑戰400g沾麵成功💪🏾仲唔使加錢添經過灣仔見到風雲丸竟然冇左平時條長長既人龍 既然唔使排就擇日不如撞日去試下啦 沾麵可以揀冷麵同溫麵 份量有200g 300g 400g揀 同一個價錢 黑洞胃諗都冇諗就tick左400g😆.#豚骨魚介味玉沾麵 $93 😋: 8/10第一次黎試左個招牌先 揀左400g冷麵 一上枱已經好吸引 麵汁用超熱既石鍋上 滾足成分鐘 食到尾麵汁都keep到溫度👍🏾 之前食#三田製麵所 就係因為個汁好快凍哂食到尾覺得好難食 呢度就冇呢個問題喇 冷麵煮得好彈牙而且掛汁 溏心蛋都好好味 食哂400g麵底都仲有汁剩 唔錯架！*****************************風雲丸 Fuunmaru地址：灣仔軒尼斯道314-324號W Square地下B舖