風雲丸 (已結業)

風雲丸不嬲大排長龍，好唔容易遇到午市一輪空檔，即刻貢入去食番個沾麵暖下胃。點左個石燒豚骨魚介沾麵，麵我覺得可以免費揀100到400 gram, 非常體貼到女性顧客需要。我當然揀到最大，上到黎好大份，足足係隔離檯兩倍size，但係麵質好麻麻，唔夠煙韌，亦唔係硬身爽口，反而好粉質，唔算好食。個沾麵汁就非常濃郁，唔太膩口，不過榨幾滴檸檬汁落去會好食好多。味道係魚介為主，豚骨味唔太搶，我覺得係ok ge。叉燒好大塊，都唔薄身，肥瘦兼備，我覺得係水準以上。最尾試埋碗香鬆飯，用黎撈汁，點知米唔係全日本米，有溝泰國米，之後份量又細碗，確係有少少失望既

係灣仔番工，放工既時候諗住行去銅鑼灣搵野食，行到半路發現風雲丸好似幾正咁，就誤打誤撞搵到依間好野我就叫左一份石鍋濃厚豚肉魚介味玉沾麵($93) 本身並唔係太中意沾麵，但見隔離位既人個個好正咁，所以就試下麵有得比你揀份量，由200g到400g麵都係免費！而麵麵有得比你揀冷定溫，冷就有咬口啲，溫就淋身啲，個人比較中意冷既一上菜既時候石鍋入面既湯不停沸騰，menu上面寫住有300度，睇見都覺得好食 湯既味道好足夠，麵既掛湯能力都好勁，完全唔會覺得好dry而豚肉都好好食，雖然係凍上，但仍然有炭燒既味道美中不足既係味玉（糖心蛋）有啲太生，如果熟啲同入味啲會更好！

星期五放咗學之後，去搵嘢食。食物今次我叫左石燒辛辣豚骨沾麵。沾麵幾特別，用石頭煱上。沾麵汁比較稀，所以啲沾麵點上汁上面， 一啲都唔掛汁。沾其實最緊要掛汁，所以有少少失望。魚介湯都幾濃魚味而且都幾辣，果種辣好堅實。夠叉燒好鬼肥，所以我揀咗啲肥膏走。肉就夠晒林，肉味都幾重。舊肉都幾厚。麵都比較粗身，食落去粉味比重。餐廳提供檸檬，係當食完第一啖之後張檸檬搾汁到魚介湯。服務態度服務態度一般啦。 上菜嘅時候，侍應會講菜式名稱。用托盤擺成個餐 ，斟水係自己斟。

個個黎食沾麵嘅時候，因為我唔太肚餓但唔食又挨唔到去夜晚，所以就入黎食少少野🙈🙈間店有樣野幾好，就係有自閉位😎 唔洗同人搭枱同人面對面尷尷尬尬咁。唐揚炸雞：本身好驚佢好乾身，諗緊要唔要有沙拉個款，但餃子已經有沙拉所以最終都剩係嗌唐揚炸雞。吱啲檸檬落啲雞到，令到冇咁膩。第一啖有驚喜，一啲都唔乾身😋 又唔會好多油，外皮係脆嘅👍🏼啲雞肉都幾嫩口辛口沙拉羽根餃子: 餃子皮夠薄，個底係脆嘅👍🏼 不過都幾辣下，鍾意食辣嘅人可以試下😎

經過灣仔軒尼斯道的W Square見到一間勁有日本色彩的店鋪仲以為是哪霸拉麵，細看是間叫風雲丸以食沾麵為主打的店鋪。沾麵香港比較少有提供，就試試食個午餐啦。裝修內外都咁有日本feelㄡ整潔，唔錯。看介紹此店是從廣島過江而來，我點的是豚骨魚介味玉沾面。 沾麵的湯是用瀬戶內海的魚製成的魚介粉加上長時間熬製的豬骨湯而成的，工作枱上有大大樽魚仔的擺設，讓我一睹原材料用的魚仔模樣。湯濃度比在曰本食的稍稀了點，但味濃郁食得出有魚味，滋味唔錯，湯雖稀但都有掛面效果。就是想不出是甚麼質料的窩令湯翻滚翻滾着，食完碗麵，湯還保持着暖暖的。麵啖啖麥味，QQ的，仲有不同的麵量選，逢100g遞增，100g,200g,300g及400g都是免費的，要800g才加收$40。塊慢煮叉燒真心說頗厚，油脂部份可能是這原因故煮到入口溶化，肉質軟但又不太亁，配上也是厚切的芛片，味很夾，入口增甘香。味玉，鹵耐些更好，但堅正流心又爭回點分數。羽根餃孑，皮薄餡多汁，不錯。石窩牛油玉子豚角飯送上時，香噴噴的，侍者細意提點別碰石窩小心燙手，後來更親自幫我拌均牛油。窩飯增了牛油的香味，使醬汁更有層次，啖啖好味。食到飽腹心足出門，已見排了

總體來說食物都偏鹹，拉麵的湯沒得挑濃淡，但可以選少油。豚骨魚肉很大塊，麵條份量適中。沒什麼太大的驚喜。石鍋豚肉飯上得比較慢。桌上有檸檬水提供，可以用來解渴。菜單上沾麵的選擇較多，估計沾麵會更好吃吧？

因為係石燒的關係，魚湯係keep住火滾，所以食到尾保持溫度，而叉燒我見咁大塊厚切，以後係口感派，但中間夾起就斷開了，原來都係入口即溶派雖然我係選擇400g麵底，但因為個湯我其實仲可以再食，想再加香鬆飯撈湯汁食，但個叉燒太多😂食到第3塊我已經覺得好頂胃一邊諗我叫飯唔食叉燒，定食埋個叉燒唔叫飯，最後腦海唱住咪做大嘥鬼，硬頂埋塊叉燒，估唔到我係衰係塊叉燒到

霸嗎拉麵姐妹店，主打廣島沾麵，湯底加入魚介，味道超濃厚。麵條可選冷熱，也可免費增量至400g，啱哂大胃王，但溏心蛋有點過熟，扣分。座位有點逼，如喜歡濃味可以一戰🍜

多數去拉麵店都是吃拉麵, 較少吃沾麵, 因為大部分拉麵店所供應的沾麵款式不多, 僅僅兩至三款, 不過今次來到這間拉麵店有點不同, 沾麵比例多過拉麵, 足足有八款選擇, 而拉麵只有三款。無錯! 沾麵是這店的賣點。店子門面設計很吸引, 採用富動感的字體、掛上日式布簾和兩盞紅燈籠, 而大型的招牌就用了多個閃亮的燈泡圍着, 在人來人往的大街中顯得特別搶眼。店內的裝潢更具特色, 單單色彩繽紛的牆身圖畫和多句日語已令人注目。另一處搶眼位是掛滿多個日式燈籠的“L”字形吧枱座, 坐在這個位置可清楚看到師傅們的製作過程, 是我最喜歡的。靠牆設有多張二至四人枱, 而中間則有一張面向木板的長枱, 感覺係自閉位, 但我也喜歡, 哈!看看枱上的物品, 放齊餐具、紙巾、檸檬水、調味料、餐牌和點菜紙, 都算幾齊備, 而調味料分別有餃子汁、黑味粉、蒜粉和七味料, 但今日就未需要用上。餐店雖主打沾麵, 但亦有供應拉麵, 還有子供套餐、羽根餃子、唐揚炸雞、追加配料、石燒飯、丼物、小食、甜品和飲品, 選擇不少。既然是主打沾麵, 當然不能錯過, 不計小童餐, 共有七款選擇。跟一般拉麵店同樣, 也需要用點菜紙剔出自己所需, 可

Happy Friday，和同事們到了這間，剛開張已經想來，不過每次見，都是大排長龍；難得今日來到排頭位，大概15分鐘就入得。等位期間，可以睇住餐牌先揀食乜，而門外有茶提供，值得俾個讚。5個人都揀左豚骨魚介味沾麵，再加炸雞，試齊原味、辣、沙拉、燒汁。我就鍾意原味，大家都話有媽咪麵的味道，好搞笑。辣的炸雞稍嫌過辣，沙拉唔好味，燒汁就太甜。說回沾麵，在西九龍那間是第一次食，今次係第二次。覺得沾麵的湯要夠熱，不然到最後會唔好食。這間風雲丸的沾麵，湯上來時熱辣辣，在冒煙，不過食到中段就覺開始變暖，呢樣要扣分；西九龍中心那間係食到尾都咁熱。湯係好味，而麵也能揀份量同冷暖，我地唔執輸揀400g，麵揀冷的，話好味d喎。麵的口感夠彈，也很易沾上麵汁，掛不上就變了麵和湯分開食了。蛋就一般，而那舊豬肉，覺得係最差的一項，有得走左佢慳幾蚊，我一定走肉囉。不過今餐重點係個麵，我係會俾Above average的分數。又講回那自閉位，因為冇大枱，所以同同事們排排坐自閉位。有人說這樣才可以真正品嚐食物的味道；我就覺得，有氣氛，食物味道就更好。其實食野也要慢，才能嚐其味原味炸雞沙拉炸雞辣味炸雞燒汁炸雞教埋你點食

呢間風雲丸，已經食咗幾次啦，今日終於的起心肝去寫。我最喜歡食佢嗰個石鍋沾麵 ,當個餸過嚟，石鍋啲醬汁熱辣辣，好醒神。最特別嘅係佢可以揀面嘅份量，你可以根據個人嘅喜好及食量，而作出適當嘅要求。佢有兩種麵，冷麵就比較有口感，溫的就比較有麥香。幾次來我都係中午時間來，所以長期都好多人，今日食咗佢啲叉燒，覺得幾滑，因為啲叉燒真係有啲肥，肥都有啲怕。而啲面呢就有啲粗，不過通常啲沾麵都係咁樣。另外當你食完之後，其實你可以加魚介湯，咁樣佢都會幾好味。

過左午飯時間，下午茶時間去食拉麵，舖頭唔多人坐落叫左個石鍋豚肉玉子沾麵。麵嘅份量有大中細 特大(要加錢)，我一個女仔食，所以揀左細嘅，份量岩岩好，唔洗食唔哂晒左啲野食。麵又有得揀冷熱，佢寫冷麵會爽口啲，不過我食熱食果個啲麵都好彈牙吖講反個沾麵，我覺得真係普普通通啦，石鍋的確係唔錯，夠哂熱，啲麵軟硬都ok ,.不過我覺得個汁喊左啲，豚肉又唔會好似食瘦肉咁，都ok 啦。不過不失嘅沾麵，香港咁多拉麵店，所以我未必會特登過去再食。

Having tried quite some times ramen in Wan Chai area, first time to do Tsukemen here. Something different from Ramen but still in Japanese style - most suitable for Japan-lovers, like me!It was around 12:30pm on a normal working day and there had been quite some people waiting upon our arrival. But good that we just had to wait around 5mins and were seated.It was quite spacious and got quite some tables. Apart from normal tables for groups, there were also bar table for single eaters. Really con

日本餐廳,拉麵館,居酒屋近年開到周街都係， 但質素參差， 今日一個熱愛日本拉麵 嘅朋友極力推薦風雲丸， 話啲到嘅沾麵必食， 小編就同佢特登出嚟灣仔。淨係睇餐廳門面，真係以為自己去咗日本某條食街😆入到餐廳店員詳細地介紹餐牌，特別推薦幾款嘢食同飲品， 咁就唔會花多眼亂啦(特別寫俾有選擇困難症嘅朋友)等咗幾分鐘好快就有新鮮煎出嚟嘅羽根燒餃子啦！ 薄薄嘅脆皮切落去卜卜聲。店員特別介紹餐廳提供嘅餃子汁， 醬汁味道食落去酸酸哋有啲似平時食嘅喼汁， 估唔到又幾襯呢種有雞肉豬肉野菜餡料嘅餃子。呢個炸雞不得了，小編其實唔係好鍾意食炸嘢，但呢款炸雞認真唔油膩，外皮脆卜卜，唔會一pat pat粉， 再加咗少少沙律醬做調味， 味道配搭認真不錯。煮炸時間剛好， 完美地鎖住雞肉的鮮味和肉汁， 咬落去好juicy！ 喜歡食炸雞的朋友大讚！跟住就到期待已久嘅沾麵啦~高溫石鍋盛著濃濃豚骨魚介湯， 喺面前不斷翻滾沸騰， 香味除蒸氣上升， 未開始食都流曬口水， 咁嘅情境當然要拍片😆店員介紹沾麵來自日本廣島， 有兩種溫度供選擇， 暖暖哋既沾麵會較有麥香， 夜冷沾麵就比較彈牙煙韌， 小編鍾意食有口感嘅麵，就揀咗凍嘅。 面嘅份量

喜歡吃沾麵，微溫的麵加上濃濃的湯，你可以自己控制湯同麵的比例，如果湯太濃，沾少一點就可以，每人都可以調教你嘅黃金比例。今晚行經風雲丸，就被他的Retro 又帶點江戶裝潢吸引了進去，看真，原來模仿係漁船的裝飾，不難發現”魚”應該係全店重點。首先點了份唐揚炸雞，外脆內軟，雞肉嫩滑，5件份量剛剛好！ 飲品選擇有很多，當中有咖喱味波子汽水，我唔敢試😂，最後揀左白提梳打汽水。枝豆當然唔少得啦，風雲丸的枝豆是煮好了以後再雪到冰凍的，豆變得更爽口。戲肉來了，熱鍋辛辣豚骨魚介湯沾麵個熱鍋話說有300度高溫，看着湯像熔岩搬翻滾，等了大約5分鐘再慢慢平息下來。微溫的麵係粗粗的，入口很有滿足感，就好似拉麵加烏冬嘅合體。湯底是用魚同豬骨製成，十分十分濃味，而且又熱又辣，所以今次我的黃金比例是半匙羹湯一匙羹麵。食到最後，湯仍是熱的！豚肉厚切，真的啖啖肉。最後，忍唔住試佢嘅紅茶雪糕，奶味很濃，帶有淡淡嘅紅茶香，為晚餐劃上完美的句號。