霸嗎拉麵 (屯門市廣場1期)

营业中

休息中

今日同妺妹黎呢間拉麵店試，其實開業至今一直想試，因為我在日本公司做過野，知道日本公司講求禮貌和質素，但今日喺呢間店舖我無見到呢d出現，反而覺得仲差過其他本地既店舖，仲有拉麵的蛋係凍唔係暖，等既時間用左15-20min,可惜食物質素其差，服裝態度也不用說。所以我唔會再黎，平時我影既相很有心機，但今次...

霸嗎拉麵由市區開到新界，終於開到屯門。大紅燈籠高高掛，裝橫華麗而引人注目。這裡的樓底不高，沒有大型連鎖店的氣氛。我喜愛大型連鎖店的統一，又愛日本小型拉麵店的小巧精緻。這裡是兩者兼備，既有大型連鎖店有系統的整齊，又有小型拉麵店的地道。遠看是連鎖店，近看是小居酒屋，在乎觀點與角度。餐廳有飯類提供，價錢相對拉麵便宜。適合無飯不歡，又要跟朋友到拉麵店食拉麵的人。看餐單上還有日本直送的飲品—有趣的綠茶可樂、日本代表的彈珠汽水及梳打酒等，正正代表了日本過來的店不只是虛有其名，與日本是名副其實有關聯。雞叉燒雞白湯拉麵($83)，理所當然採用的是雞湯。這一碗的奶白色的湯頭帶有微微的雞香，整碗不會過油，飄著香氣、清而不膩，讓人很是驚艷。有兩塊雞叉燒，大量蔥花和灑在叉燒上的炸蒜蓉。炸蒜蓉為拉麵點綴，帶出雞湯的濃味。拉麵獨特之處是雞叉燒。雞肉捲成的雞叉燒很厚身，每一口都是稔滑。炙燒豚肉拉麵 ($83) 豚肉中間點了一點豆瓣醬。豬骨湯底濃厚，醬油味重，比雞叉燒雞白湯拉麵濃得多。入口香醇而完全不覺油膩。在麵的粗幼選了適中。麵質滑身，不像博多拉麵幼細，份量多。炙燒豚肉不愧是餐廳招牌，肥瘦適中，厚身、大塊、香口、入

一向都大好日式料理，於屯門市中心閒逛間發現這間新開的拉麵店，受店舖甚有日本居酒屋風格的裝潢吸引，決定入內一試。點了小食及拉麵各一，小食選了較常見的餃子，羽根燒餃子($35)。餃子一上即被它的薄脆吸引，餃子上連著一層薄脆，令口感更為豐富。餃子外皮底部煎得香脆，皮夠薄，菜肉比例恰到好處，但奇怪為何會有苦澀味，一問職員之下才發現原來混合了芥菜在內，所以不喜芥菜的朋友就不宜選擇了。要試拉麵店的真功夫當然要選最基本的款式，我點了豬骨豚肉紫菜玉子拉麵($98)。湯底是拉麵的靈魂，而這裡的湯底不會令人失望，湯質感濃厚，豬骨味道香濃。 拉麵麵質彈牙，亦無梘水味，經炭烤的豚肉十分香口，美中不足是豚肉脂肪較多。 玉子充滿驚喜，有於日本吃的感覺—流心、香甜。 只可惜眼闊肚窄，還有不少想試的菜色都未能品嚐，唯有下次再“安哥”吧！

口味呢d野，真係好個人化不過拉麵黎講，呢間小編就真係覺得好味！果間 x 蘭真係唔係對手 (香港黎講🙈)。今次小編去左屯門分店食，其實品質同尖沙咀既差唔多，一樣好味，店員既服務亦都唔差，絕對食得過同值得讚賞下位於屯門市廣場中心位置最高層既佢，一上至黎就好容易見到架啦呢度係餐廳正面一入去既拉麵bar枱位，當晚等候既人數唔多，亦係兩位或以上，所以呢d位應該係安排返比一人黎食既客人坐既，都幾好喎小編同友人被安排坐到卡位位置，餐牌同尖沙咀分店既一樣，圖文並茂，按味道款式分類，非常易睇睇完餐牌後，其實都要用返order紙去落單既，只要跟返個人喜好去選擇你自己果碗拉麵既配菜分量或輕重味等就可以了如果唔想只係飲清水既朋友，餐廳亦有提供其他飲品架，例如啤酒梅酒汽水等等左上係友人點既 : $98 豬骨豚肉紫菜玉子拉麵右下係小編點既 : $93 辛辣炙燒豚肉味玉拉麵友人表示佢既拉麵味道很不錯不過小編就當然重點推介我食既果個 *辛辣炙燒豚肉味玉拉麵*啦呢個拉麵既賣相同一般既拉麵無咩大分別，不過辛辣既佢，小編點左中辣，佢辣既程度都真係幾勁，碗拉麵既湯都變曬紅色不過味道就真係好唔錯，唔會只得辣味，濃厚既湯底亦包含

服務態度離哂大譜！原本見日本拉面餐廳 都心諗食得過碗面就實情正正常啦 10分有7分流心塘心蛋很好！唔錯！可惜店員 後生仔女服務態度惡劣 （雖則本人都是後生）但出來做野有番基本禮貌係應份吧短短逗留係餐廳只有半小時店員與店員之間以粗口對話不再話下一次湯翻滾落地 一次碗差點碎在地上還差點被店員中頭獎！還一面輕浮態度女服務生更用毛巾一下一下把食物殘餘物掃在地上 差點掃在我的鞋上！！黑名單！！

每次日本旅行回來，短期內都不愛吃日本菜，總覺得有很大的落差，還是讓味蕾停留於在日本時美好的感覺較好😝。但今日朋友堅持要打破我的傳統，要我陪她在屯門吃拉麵。若不是她，我也未必會山長水遠走過來吃飯。以為友人帶我去什麼小店，原來是在屯門市廣場的一間連鎖拉麵店。來自廣島的拉麵店，在香港已有幾間分店。店內設開方式廚房，部分靠近廚房的卡位能看到師傳煮麵的情況，頗有和式的格調。難得的清閒點多了一客汁燒唐揚炸雞($38)及麒麟生啤($46)，來個浪漫的炸雞啤酒。 炸雞外皮香脆，內裡鮮嫩，表面淋上燒汁，多吃幾塊也不覺膩， 再加上新鮮清爽的麒麟生啤，簡直是完美的配搭。小食只是配角，拉麵才是主角。醬燜雞叉燒味玉拉麵($88)麵條幼細彈牙，一口雞白湯，全是清甜的味道，可見足料熬製。雞叉燒亦保持水準，嫰滑又多汁，而且醃得入味，有提鮮的效果。味玉流心效果不俗，帶點甜味夠入味，貼近在日本吃到的質素。以連鎖拉麵店來說，能維持一定的水準實在難得，下次要去屯門吃飯就有選擇了。

據聞呢一間係喺市區勁排隊嘅拉麵店，平日未到7點又係唔洗點排隊，一於入去試試佢嘅味道掂唔掂先！叫得做霸嗎拉麵，入嚟呢度梗係食拉麵啦！本身想試下期間限定嘅拉麵，最終都係決定叫番d正常野試番佢平時嘅水準先。叫左一個炙燒豚肉味玉拉麵同埋雞叉燒雞味玉拉麵另外仲叫左野菜餃子。炙燒豚肉味玉拉麵見佢都應該係主打野，不過食落有少少失望。拉麵嘅湯底對我嚟講有d，豚肉反而味道係OK嘅，可惜湯底真係濃味左少少。另一個叉燒雞味玉白湯拉麵相對湯底無咁濃，而且用雞肉做拉麵都比較特別。佢將雞肉卷成一個圈，幾特別，而且雞肉卷嘅味道都唔錯，麵質亦都唔差，亦都只係略嫌佢個湯底鹹左些少。至於野菜沙拉炸餃子諗住健康少少，點知佢嘅野菜沙拉係放喺炸餃子下面。結果野菜沙拉係充滿左油，所以最後都係無咩點食過。味道普普通通，唔洗排隊都可以試下嘅，如果要排好耐就要諗諗值唔值得喇。

👫屯門分店係8月尾開幕，經過成日都見到好多人排隊，無機會去食，今次收工終於的起心肝排隊同男朋友👱🏽‍♂去食啦！其實等左15分鐘到已經有位，我地都幾好彩🧐#雞叉燒味玉雞白湯拉麵 <$88>呢碗拉麵係用雞肉材料做湯底，名符其實嘅雞湯，所以個湯都幾清下，有啲似住家湯嘅樣，飲左啖，無乜味精味，好重雞味，都幾特別。而塊肉係雞肉嚟，有兩大舊，仲有少少雞皮痴住，啲雞肉都幾嫩，唔會食到成口渣～總括嚟講，呢款麵都幾有新鮮感，雖然食落一般，但鍾意食雞肉嘅朋友可以試下㗎☺#辛辣炙燒豚肉味玉拉麵 <$93>👱🏻‍♀揀左中辣，麵質就揀左硬，因為想有咬口啲😆 碗麵好大份足料，勁多麵！麵質咬落幾有嚼勁，都幾掛湯～湯底仲紅卜卜，飲左一啖湯，發現無想像中辣，雖然都幾香濃但可惜唔夠熱，只係暖暖地，👱🏽‍♂仲咬左舊辣椒，話一啲都唔辣（平時👱🏽‍♂係唔食得辣嘅人嚟😂）豚肉層次分明，雖然勁大舊肥膏但食落唔算好油膩，而且仲食得出有炙燒過，肉質都幾嫩滑，幾焾，又唔痴牙～而溏心蛋真係最正，蛋香十足，仲有流心效果，加埋啖湯一齊食真係一流❤#羽根燒餃子 <$35>食落同普通煎餃無咩分別，最

很久以前曾帶媽媽吃過一次，今天和另一拉麵愛好者來到重回美味。炙燒豚肉海苔味玉拉麵$98好友點選的拉麵，是餐廳的招牌濃厚豚骨湯。拉麵配有溏心蛋，厚叉燒，荀，蔥，紫菜，配料非常豐富。湯底入口濃香，呈上時已形成一片黏膜，濃厚美味。羽根燒餃子$35其後我們更追加餃子一客，餃子已鐵板煎成，形成一片薄脆，味道不錯。霸嗎拉麵                                                           屯門屯順街1號屯門市廣場1期3樓3233號舖

好似所有連鎖野開到黎屯門都水準直插冇水花 schoolfood如是 beerliner如是 茶木如是.. 連霸嗎都唔例外 早幾個月知道霸嗎喺屯門開分店超開心 但開喺嗰個風水唔多好既位(冇一間做得長)都有啲擔心 果然不出所料 啲食評彈多過讚 好啦平日8點幾唔使點排隊一於試下佢啦 果然係失望既😐雞叉燒味玉雞白湯拉麵 $88 😋: 6/10唔係周圍有雞叉燒食就叫一碗試下 一上枱已經知道出事 好似好多食評咁講 碗湯只可以叫暖 食拉麵唔夠熱真係死罪 幾好味都假 揀左適中麵質 正正常常 但食到尾覺得好難食因爲又腍左又凍哂 溏心蛋係流心既不過冇乜味 雞叉燒個味道幾好 不過係凍 浪費左炙燒豚肉味玉拉麵 $88 😋: 5/10試返招牌先 呢碗揀左硬麵 口感好過雞叉燒嗰碗 不過又係唔夠熱 得一塊豚肉 週邊啲肉乾到好似紙皮咁 係近脂肪啲肉先好少少 個湯底可能因為唔夠熱既關係一啲都唔香 整體唔叫難食 但真心普通 好彩唔使排 要排隊仲要食呢個質素真心會好嬲

一直很喜歡霸嗎的拉麵湯底，夠濃郁，難得屯門開新店，唔洗去到咁遠食，當然要試一試！店面好搶眼，裝修幾有心思，日本小店嘅設計但其實位置幾多，比較夜去排隊人潮少d。食拉麵最方便，想食甚麼自己點，還可以選麵的口感。信州蘋果梳打（$28），有50%果汁成分，所以好濃蘋果香味，好清新；綠茶可樂（$25），比起一般可樂甜度較低，綠茶味唔濃，慢慢飲會feel到少少回甘嘅感覺。點了餃子做小食，辛口真的好辣，不過比普通的更香口，但如果不太能食辣還是點原味吧朋友點的豬骨湯好濃郁但不會太咸，拉麵點偏硬會比較有咬口；豚肉不是平時常食的薄叉燒，因為厚身令入面肉汁可以鎖住，唔會乾身，微微燒過表層就更香口，如果可以更入味就完美。雞白湯味道比較清爽，要求少油令湯的油膩感更少；雞肉嫩滑入味，而且份量幾多，同朋友share都夠。最愛拉麵嘅糖心蛋，煮嘅火喉剛剛好之前都會去銅鑼灣、尖沙咀店食霸嗎，係屯門開左就更方便！唔知之後會唔會有屯門店限定款呢

話說位置對住新界西人好完美，正中心，平時行屯市其實諗唔到食咩，黎黎去去都差不多，由細食到大都悶😂 一於試下新野我同媽媽一人叫左碗拉麵，分別係雞叉燒味玉雞白湯拉麵，同炙燒豚肉味玉拉麵。食拉麵最鐘意飲曬成個湯，炙燒豚肉個款，湯底飲落去都好濃郁，但唔太油。豚肉入口即溶，炙燒嘅味令到佢香口冇咁油。雞白湯湯底會偏清，但都唔會覺得係加味精開出黎，飲完都唔口渴。雞叉燒同日本叉燒做法類似，好少見到有雞叉燒，食落去就仲好嫩滑。整體不錯，麵用幼麵但麵幾爽口，湯底濃度剛好，重要係飲完唔口渴。

今日與友人到屯門逛街，見到新開張的霸嗎拉麵，愛吃拉麵的我當然要試一試。門口裝潢精美，讓人感到置身日本拉麵店一樣。幾位拉麵師傅在鋪頭中間煮食。食客可以坐在寬闊的木椅欣賞師傅煮麵的手勢我們點了雞叉燒味玉雞白湯拉麵和雞叉燒辛辣雞白湯拉麵。我們選擇雞叉燒的原因是因為店員向我們推介時說雞叉燒是由雞腿肉卷成，我們都很喜歡食雞肉所以另外再點了一份雞肉叉燒小食先說說雞叉燒味玉雞白湯拉麵友人選擇麵軟硬度為適中，所以吃起來麵質有嚼勁又不會過於軟綿。雞白湯清淡而有濃厚的雞味，配合粗幼適中的麵條掛上雞白湯，非常美味，適合喜歡清淡湯底的食客。此拉麵有兩塊厚切雞叉燒，肉質鮮嫩綿滑，配合雞白湯一起吃味道更上一層樓值得一提的是玉子，一隻好的溏心蛋絕對會為一碗拉麵畫龍點睛，而這裡的溏心蛋做到了。切開一半，蛋黃即時傾巢而出。將一啖掛了雞白湯的拉麵再加上流心蛋汁，只能說這是天堂的味道而單點的雞肉叉燒小食，配上多蔥，食落又是另一番滋味。師傅將雞肉外層煎至金黃色，內裡雞肉依然保持嫩滑，達至真正外脆內軟！配合一口青蔥真是食肉獸的一大享受！而我選了雞叉燒辛辣雞白湯拉麵（小辣）喜歡較硬的麵，所以點選了更麵質。由於是小辣，配合雞白湯不

好老實講，我係為左呢個評價而開acc既。今日我4點到去食拉麵，入面人唔多，所以唔洗排隊，喺我點完野食後，食客亦續漸減少，當時鋪面只剩兩枱客，我問侍應可否轉到卡枱，佢回應番如果轉既就要兩個人坐一邊，我就冇轉，但之後有兩枱客入黎同樣都係兩個人，佢地可以坐卡座，鋪面仲有咁多吉位，但侍應亦冇叫佢地坐二人枱，呢件事令我覺得好唔公平同好唔開心，我當時好想走，但無奈已經叫左野食，而我亦唔想浪費食物，如果多人之後轉坐一邊我冇問題，始終係做生意，但而家呢個待遇真係令我以後都唔想再去呢間食，亦唔會推薦身邊既人去食！真係好失望！拉麵同價錢唔成正比，唔好食，得個咸字都算！最重要服務真係差到好嬲

期待了很久終於決定星期五晚上來初嘗,7點半左右拎票,已經要等7-80個位,只好附近逛逛吧,逛了15分鐘回去看,只過了10個號碼,再逛逛15分鐘,亦只過了10個號碼,來來回回都有3~4次,在還差40個號碼的時候,就再去逛了15分鐘,但一回來號碼已經過了,還超過了成10個號碼,問過店員但都只是叫我們從新排過,然後足足等了1個小時結果都沒能吃,當時即刻火都黎,決定不會再去吃了。我也明白他們有權不讓過了的客人進入,但也希望理解一下客人吧,他們的系統都很有問題吧.