霸嗎拉麵 (屯門市廣場1期)

营业中

休息中

好鐘意食拉麵，今日去開天水圍揾朋友，揾完朋友就黎到tuenmun依間拉麵舖食拉麵。一早就知依間拉麵舖既存在，佢係尖沙咀既分店，冇一刻係唔洗排隊，真係好誇張，我今日終於就黎左食啦。期間限定 檸檬豚肉拉麵$78其實我唔算太鐘意食檸檬，但見到期間限定依四隻字，冇理由唔試下既。檸檬拉麵，真係聽都冇聽過，一個豚骨既湯底加左三片檸檬，好似奇奇怪怪咁。如果唔咭檸檬，湯頭既味係清新過佢主打既炙燒豚骨拉麵。但如果你咭檸檬，酸味好出，好似唔小心淋左啲凍檸茶落個拉麵湯到咁，我覺很原味好食啲。不過唔習慣食拉麵既人，可能會幾鐘意好fresh既湯既。

位於屯門的霸嗎拉麵 ，是一間長期人氣高企的廣島拉麵店。已吃過超多次的拉麵店，今晩帶男朋友來，慶祝我們的四個月。炙燒豚肉味玉拉麵$88好吃的東西不怕吃得多，身邊有太多拉麵朋友，使我吃這個拉麵吃了好多次阿。主打濃厚豚骨湯的拉麵，湯頭微微黏囗，入囗有濃香的豚骨味道，甘甜中帶鮮帶濃，感覺豚骨的精華都溶入湯中，喝了一大半阿。極度厚切的叉燒，肉質並不靭煙乾硬，反而是肥美軟腍，不論是肥膏，還是瘦肉的部份，勻同樣軟腍，好好吃阿。麵條是微粗的白直麵，有麵粉香氣，吸收豚骨精華，配搭得宜，好美味呢。

霸嗎拉麵在2015年引入香港，近年更開設在新界屯門市廣場三樓，成為首間霸嗎拉麵進駐新界區。開業將近一年但仍未品嚐，所以當日決定一嚐霸嗎每晚一到7點半至8點便會出現人龍，需要取票等位。取票的話只需在大門旁的取票機點選入座人數，號碼票會自動從取票機印出。當日7點已到所以只需等大約5分鐘☺️霸嗎拉麵鋪頭延伸至廣場中庭每張枱都放在調味架，有蒜粉、黑胡椒、七味粉和餃子汁供應，亦有調味碟、筷子和牙籤，以方便客人自取。最窩心的是每張枱都會供應面紙和檸檬水☺️經常忘記帶廁紙和愛喝水的我覺得非常貼心❤️筆也有供應方便點菜😊客人只需在點菜紙點選想要的拉麵/丼物/小食/飲品，拉麵可點選軟硬度(軟麵/適中/硬麵)，拉麵更可點選少油、少蔥、走蔥或走筍，非常能夠照顧到不同客人的需要。————我的選擇：炙燒豚肉味玉拉麵拉麵軟硬度- 適中油份 - 少油拉麵真的做到軟硬度適中！不會煮到過淋而且仍保持到爽口彈牙。但油份方面仍然略賺偏多，尚未做到少油的效果。豬骨湯底頗濃郁，所以掛麵程度都不錯，但不建議喝光湯底，因為湯底偏咸。如果不喝湯底味道便剛剛好！一定要講下豚肉味玉拉麵的主角-豚肉。豚肉經過低溫慢火浸煮超過10小時並用明火炙燒

依間拉麵店開到嚟屯門，每次行過都見到好多人排隊之前係中環食過，覺得一般般；但今晚朋友話想食，咁就去排下隊咁八點左右去到，等左15分鐘左右就去到，都算快一抬頭就見到師傅煮麵睇完menu就自己落單沙拉唐揚炸雞($38)炸雞嚟到，夠熱夠脆個沙律醬幾特別，配埋炸雞幾夾，唔錯我同朋友都係嗌左炙燒豚肉味玉拉麵($88)豚肉一如既往，好厚，而且肥瘦均勻咬落啖啖肉，而且煮到好入味，每啖都好滿足不過溏心蛋就一般般，個蛋黃煮得太熟整體嚟講，湯底濃郁，唔會太鹹，都算唔錯依碗拉麵$88，都算正常價錢，味道就稱唔上有驚喜如果唔使排隊既話，都可以間唔中嚟食下

之前見facebook推介日本拉麵，早前屯門有分店今晚同朋友黎食，唔需要排隊但店員都較為無禮貌...有meun同餐單紙，自己落單我地兩個人，分別點左羽根燒餃子、辛辣灸燒豚肉味玉拉麵、雞叉燒味玉雞白湯拉麵。首先上菜係羽根燒餃子...外貌不錯，外邊的皮都脆，但包餃子的皮較為厚，肉沒有太大特別，是有點偏咸。$35有5隻，一般，沒有驚喜。之後就到拉麵，首先係辛辣灸燒豚肉味玉拉麵整碗感覺好油，辣味不重，湯底不太香。都是一般。豚肉都係偏肥，但味道不錯！而拉麵有點失望，不是日本拉麵，是香港平價拉麵的感覺。而蛋都係香港蛋，較為失色...拉麵蛋也很重要，本期望為日本蛋，但不是但幸好它是流心...另外點叫一個雞味玉叉燒雞白湯拉麵...相對比較淡味，而肉也沒有特別，如果要食，豚肉較為好食一點！

今日同朋友去屯門行街，其實呢間野想試好耐，之前知道銅鑼灣有已經想試，屯門開左分店，有幾次都想去試啦！今日終於試到，吖叫左一個灸燒豚肉海苔味玉拉麵同埋一個辛辣灸燒豚肉拉麵，在點餐紙上可選擇辣度,麵既軟硬度，要唔要少油，走蔥同走筍都可以選擇！啲豚肉唔算太肥，淋淋地幾好食！叫左小辣,整體都可以接受，食到中段啲辣味終於出黎，不過都可以接受！好好味！價錢都唔算太差！

舊拉麵鋪摺左。新拉麵鋪開 叫霸嗎，日本開到黎香港坐商場位 唔洗等。 叫左兩拉麵一炸雞辣味炸雞好好食 勁juice.. 平時唔食雞皮 麻麻地炸野都食晒！ 好味！5星$38拉麵等好耐 等左25分鐘先黎白雞湯 清清地 鮮甜 雞卷唔錯 蛋就普通$88濃湯豚肉拉麵 普普通通啦 不過不失。有d似薯片味$98整體來說 好味 唔錯 可以再食。唯一係男員工態度惡劣。用茶餐廳呼渴客人的態度招呼客人。在客人面前說客人是非。女店員下單時我要求蔥另上 ，她說 ok， 後來差態度的男侍應說"話唔可以，麻煩野緊係唔理"，女待應回頭說 唔可以! 男員工服務態度同語氣跟深水埗茶餐廳一樣差！

今日去到屯門市中心買聖誕禮物，經過見到有間之前在另一個地區覺得好吃的拉麵小店，就決定來吃作為午餐。去到和其他地區的店舖裝潢差不多，以木和日式為主，點完食品後不久食物和飲品就來到。。 抹茶雪糕 $28 係每次黎都會叫的甜品，芝麻夠濃但抹茶更是我的最愛，抹茶味濃又雪糕滑，最重要是紅豆夠大粒味道剛好，仲要裝的木器皿勁靚。。每次都必定食清光。雞义燒味玊雞白湯拉麵 加粟米粒 $98..平常食開濃郁的豬骨湯，但今次就試下雞白湯，味道比較清新帶點雞湯味，雞义燒夠厚身又嫰滑而帶點甜，面質要了硬面好有口感，份量120克，份量剛好，加了大量粟米粒，甜甜粟米配上拉麵白湯吃十分好食。辣度如果再辣就更好，下次會叫大辣。嘩..勁厚身而且仲有2大件雞件义燒.信洲蘋果梳打 $28...因為有50%果汁，所以飲落去都幾濃蘋果味再加少少梳打口感味道討好。雞白湯都有吾少選擇,鐘意食辣的我二話不說食這個啦.其實都有其他吾同選擇,這間店都多野食而價錢都合理

照燒餃子 $38呢個日式餃子皮薄又細長，一件岩岩好剛放入口，而且入面有一定肉汁同肉，出面脆口入面軟綿，口感唔錯既。而且表面仲有一片薄脆，夾埋餃子一齊食，感覺幾好。不過個照燒汁過咸同濃味，有啲蓋左餃子既香味同肉味。後期我撥走左照燒汁，淨食個餃子，感覺都幾好，個餃子都好值得食。以下兩款麵揀左軟麵同少油，因為最近胃消化唔太好，想食軟麵。不過後期都覺得正常麵質都可以，唔需要揀軟麵，因為拉麵都係襯爽口感高Ｄ。灸燒豚肉味玉拉麵 $88　呢個配左味玉，但個味玉半生熟今次處理得唔太好，入面都幾乎七成熟＞＜今次個湯無咁濃味或重口味，係無咁杰，我偏好呢款既拉麵湯多Ｄ。豚肉好大塊，而且肉質夠軟綿又肉味重，有時唔記得咀嚼真係幾容易吞埋入口；不過，豚肉肥膏多左Ｄ，如果肥肉少Ｄ，肉多Ｄ就好了。雞叉燒雞白湯拉麵 $83雞叉燒有兩大塊，個湯比起豚肉再清Ｄ，感覺清新Ｄ。而雞叉燒無咩肥肉或者肥膏，感覺無咁邪惡。同時，雞叉燒厚身一Ｄ，可以話係啖啖肉，雞件係幾嫩滑既。不過雞味係淡左少少，好彩個湯比較清，唔會蓋左個雞味。信州蘋果梳打 $28記得上次我去飲係密瓜飲，果個甜Ｄ又好好飲。呢個蘋果感覺酸度高Ｄ，但梳打夠氣都幾好飲。

見到呢間拉麵店在不同的地方都持有高評價，難得佢在屯門開分店，當然唔少得！取址於屯門市中心，十分方便，午市到店內，人不多，可即時入坐中間位置有一個小屋台，好有日本🇯🇵風味係日本食過天下一品的雞湯拉麵，一直念念不忘，故此見到有呢個湯底就即時選擇！可惜飲不出湯底有雞味，而且極為淡味，而雞肉肉質好稔身，雖然有醬汁伴口，但係仍能食得出雞件不太新鮮，充滿著雪藏味，不好食面則是幼身面，彈牙，如特別想軟或硬身可另外再同店員要求。辣味湯底點選了中辣，配上一條辣椒🌶️仔，不會太辣，味道足夠，豚肉會比雞件較好，稔身濃味，有一部分是肥肉；溏心蛋只是溏心，沒有蛋的香味。午市加$12可配一份炸雞或餃子， 餃子共有五隻，配上餃子汁，不過不失，而需留意，店內的餃子汁醋味較重。成為會員的可免費一碗枝豆，枝豆表層佈滿黑椒及椒鹽，在進食豆時會多點味道。總體而言只是中等，沒有驚喜，也不是太過差，可能真的如男朋友所言，我的要求太高了，以香港🇭🇰質素的拉麵而言，應尚算中上吧。

今日忽然又想吃拉麵，於是自己一個去屯門市中心吃霸嗎拉麵。今天很快就入座，相信是熱潮減退的關係，也少了食客光顧，不知是否因此，而推出光顧任何拉麵可加12元配餃子或炸雞，我當然也善用這優惠。但是我覺得整體都比開業時倒退，羽根燒餃子外皮煎得太過焦黑，過了火喉，吃起來焦焦苦苦的。肉餡也不夠飽滿，最不能接受是居然有一隻餃子一半餡料有超大塊薑片，完全沒有肉餡，太差勁吧。同樣，辛辣炙熱豚肉味玉拉麵也倒退。唯一符合我的心意就是麵的硬度，保有麵條的彈性。可性湯頭不像首次來吃是香辣中帶豚骨的香醇，這次只有辣味，很失望。味玉也滷得不入味，儘管蛋黃汁一咬而傾，可是也挽回不了我那失落感，我要邊喝湯邊吃味玉才有味道。豚肉是絕度有厚度，肉質未至於過老，亦不夠軟嫩，那入口即化的滋味只能懷緬上次所吃的。

自從霸嗎開左就成日黎食，因為有雞肉可以選擇，而且鍾意佢可以自選麵硬度，湯多少油，可能扮食得健康啲😂一如以往，亞女食兒童餐，拉麵有一件雞肉叉燒，一杯橙汁，一塊朱古力，拉麵選軟身，少油，走蔥走木耳，好方便，唔駛幫佢揀返出黎我就梗係食味玉雞叉燒拉麵，麵中少油多蔥，湯真係好濃好香，飲落口唔會覺得涸，加上炸蒜就更加惹味，真心鍾意食佢隻蛋，漿口嘅蛋黃極有蛋味，當然我唔知係咩品種啦，但的確係好少食到咁重味嘅蛋之前食過幾次都等好耐，可能今次係tea time，所以唔駛等位，麵亦上得好快，十分鐘左右就食得店員好有禮貌，亦對小朋友表示關心，欣賞

拉麵控試新店，試埋期間限定，雖然original先可能見真章，但第一次食，對呢碗檸檬豚肉拉麵認真失望（仲要本身都無咩期望）。賣相係唔差，但湯唔夠味，麵無彈性，豚肉半肥瘦可以接受，蛋都叫半生熟嘅但唔入味。好普通好普通一個拉麵🤷🏻‍♀️

記得有一次約咗朋友去尖沙咀食飯經過呢間覇嗎拉麵店見到好多人幫襯時已經好想試下(小弟很喜歡食拉麵)最近發現屯門有分店終於有機會了。今日剛好姐姐來屯門購物順便接我收工，買完東西經過霸嗎正好一試。入到去環境唔錯，至於廚房開放式衛生與否一目了然睇返餐單除拉麵外仲有小食丼飯等選擇，至於拉麵湯底除豚骨仲有雞湯 我和姐姐分別點了雞湯味玉和豚骨味玉拉麵(有䓤花是雞湯)拉麵底是幼麵有點似一蘭，姐姐點的是雞湯味玉，我嚐一下湯底比較清淡無咁濃郁，至於豚骨姐姐話比較濃而我覺得ok，如果個人口味清淡建議雞湯評語:雖然唔算太抵食，但食物,衞生,環境服務都唔錯，如果評分會比8分

<霸嗎拉麵>終於霸氣登陸屯門，放工後過來一探虛實。餐廳佈置充滿和式風情，紅色燈籠及木趟門，份外顯眼。看到期間限定的"檸檬豚肉拉麵"，十分好奇檸檬和拉麵之間化學作用，決定一試。檸檬豚肉拉麵 $78賣相令人食指大動，肥美厚身的豚肉，油光亮澤，邊緣微微焦紅。呻一口濃湯，先感受到櫻花蝦的鮮香，再散發檸檬清香，比一般的湯底特別及清爽。豚肉入口軟腍，肥瘦均勻，脂肪位置肥而不膩，十分窩心! 拉麵彈牙，吸收了濃湯，帶淡淡檸檬香，夾合脆脆櫻花蝦入口，口感豐富。雞叉燒味玉雞白湯拉麵 $88點餐紙很詳盡，拉麵的軟硬度、少油及少蔥等，都可以自由選配，十分貼心。雞白湯很濃郁，滿滿雞汁精華，拉麵香滑。雞叉燒很厚切，加上蒜蓉粒及蔥粒調味，惹味誘人。咬開温泉蛋，蛋黃洶湧流出，絕對是不可或缺的精髓! 照燒餃子 $38照燒餃子連著一層薄薄的脆衣，入口酥脆十足，餃子皮薄，包裹著少許豬肉。表面灑滿芝麻及香甜的燒汁，脆卜卜口感中，帶蜜甜的滋味，令人深刻。