霸嗎拉麵 (屯門市廣場1期)

营业中

休息中

大大小小的拉麵店,香港多的是, 連日本知名的一蘭拉麵香港也有, 但又如何? 其實, 最緊要啱口味, 係日本, 最深刻印象的,就是池袋的無敵家, 到呢刻還記掛它的拉麵 來自日本廣島的"霸嗎", 跟其它日本知名的拉麵店, 有咩分別呢!!!霸嗎拉麵除了上面的正室外, 還有別室 (被商場相隔)裡面裝橫, 很有日本FEEL由光猛的商場環境, 經時光機似的, 進入日本江戶時代的拉麵店從點菜紙上, 拉麵主要係"濃厚豬骨豚肉" 及 "雞叉燒白湯"檸檬豚肉拉麵, 很FRESH很特別, 真的很想試, 但最後都無選擇它, 皆因........ 個人認為溫泉蛋配豚肉, 才是最美味加多五蚊, 還可嘗試"辛辣"炙燒豚肉味玉拉麵 來自靜岡蜜瓜梳打, 輕輕的蜜瓜清香,不太甜, 解辣就最啱 火紅色的"辛辣"炙燒豚肉味玉拉麵, 湯底火辣程度真的不野小, 好在蜜瓜梳打可以減下辣湯底雖然辣, 但那啖湯濃而不鹹, 且豚肉經過炙燒, 肥廋適中, 才最唯欣賞溫泉蛋生熟恰到好處, 這是喜歡日本拉麵原因之一食食下, 睇見隔離十多歲的小弟弟食緊多塊, 係多塊的炙燒豚肉, 果然係發育時期 ( 個人覺得一塊豚肉係唔夠嘅, 兩塊就足夠 )很滿

本人今日中午約三點到打算去此拉麵店食拉麵，並取壽161號，當時叫到157號，我見店對面有位問店員可否坐對面座位，他說對面位已收起，企係度等一陣就得，咁我企係度等，見叫到160後叫162號，還以為我三人位無位，所以繼續等，叫到168見到有兩個大人帶一輛嬰兒車入內便有所懷疑，見到他們坐四人位，便問店員為何遲入有位，我們一早無位，他話叫左我地唔知，其實部機跟本無顯示161，我怎會知道呢？話不投機，我去第二度食無咁嬲，反正成九十元一碗大把地方食到，不過你這樣做生意，我執到錢都唔會食你

新開時見好多人幫襯，隔左幾多個月終於冇乜人黎試下，點知一試就中伏。首先係佢個餃子，不單只啲油多到癲左咁，仲要煎到燶晒，味道平平無奇。然後係個辣豬骨拉麵，個湯唔夠熱又淡，叉燒雖然肥但無冇乜味，不過最誇張既地方係啲麵超級超級少，仲細過普通一碗雲吞麵。最後不得不提係依度既員工服務態度，莫講話日本餐廳，連一般茶餐廳都好過佢多多聲，唔叫都唔俾水你飲。個人食過無數間拉麵，但差到佢咁就真係第一次見。當然依個只係屯門分店既表現，不排除其他分店會俾依間好，但霸嗎依個品牌真係俾間分店搞彎晒，食過依間都唔敢再試其他分店了。

今日來品嚐這間新開張的拉麵店拉麵，到了時間約下午三時左右，店內坐滿人客，大約等了十五分鐘後安排我們入座。入座後，侍應拿着餐牌介紹每款拉麵有什麼不同，面帶笑容而且很有禮物，值得一讚。我點了【辛辣炙燒豚肉味肉拉麵】，辣味足夠，不會太油膩，豚肉軟淋淋，入口即溶，湯底味道濃郁。小孩點了兒童餐，迷你的拉麵份量，小孩吃的剛剛好，還有橙汁、巧克力及小玩具送，女兒吃得很開心，說下次一定要再來。總結來說，是屯門頭三位的拉麵店，不錯。

喺尖沙咀行街，每次經過霸馬拉麵，都見到長長的人龍，想食都食唔到今晚係屯門，居然比我見到佢，又唔使排隊，就即刻入去試一試唔好睇佢鋪內座位少少，原來對面仲有好多座位。我要了'濃厚豬骨豚肉玉子拉麵'： 湯底味道濃郁不太咸，叉燒大大塊，肥瘦適中，配埋滑滑的溫泉蛋，蛋白軟滑，切開一半，見到半熟的蛋黃流出，非常誘人。蛋黃味濃郁又香，一咬落去，兩種口感；拉麵煙韌有咬口。照燒餃子：餃子很juicy, 加埋燒汁，另有一番味道完熟梅酒：香氣濃郁, 口感醇厚，配上又大又飽滿的梅子, 真係我的至愛今晚呢餐真係大滿足

真係嬲到要開個ac寫劣評，早兩日同朋友去食，等位等左陣，心諗今日咁好彩既，平時要排好耐，入去果下心情明明好好，你睇落去都會炆。我地坐近門口果張枱，叫左兩碗麵，一份餃子，一份炸雞，等左陣d野食都齊哂。我一路食一路同朋友傾計，其實由坐低開始已經有幾個廚房員工係到嬉戲，大聲講跟住又大聲xx老母，男又係女又係，大佬啊！我係黎食野消費唔係要聽你地制造嘈音。仲有，諗起佢地一路講野一路噴哂d口水出黎即時無哂胃口，我未見過有一間飲食業既廚房行為係差到咁，我對於你地教育員工既手法真係不予置評。講返兩碗面，湯吾夠滾，面唔夠熱，尤其是我點既雞叉燒拉面雞唔夠熱，就算係幾好味既拉麵麵會大大扣分。仲有啊，食食下有條頭髮係入面，都已經無咩胃口啦，埋單果陣都見到佢地既態度唔好得去邊先想請貴公司教育下佢地同埋唔好欺騙其他客人。總括而言：1）環境需改善，餐廳有口號，有氣度，但希望無粗口。2）出品希望你地認真對待，$88一碗簡直比多你。3）一間餐廳既質素好重要，而質素係取決於員工方面，咁基本一碗麵入面點解會有頭髮？因為無處理好儀容囉，我都無見過d人返工返到出街咁貪靚。

愛情就似手錶，秒針，分針，時針雖然一直在轉動，當然是要依靠齒輪一直在磨合。愛情不就是一齊磨合一同相處，才能走下去嘛？但殘酷的是，這刻你會珍而重之那喜愛手錶……但過後你有新的手錶，那舊的手錶就只能默默被藏錶盒中，沒可能再為你效力。當一隻又一隻新款的錶出現，你開始漸漸忘記了第一隻你喜愛的手錶……… 愛情……就是你遇到了更好或你想嘗嘗新鮮感，就會拋下往日的那一位為你負出過很多的人。如果你願意再次在錶盒找回那隻手錶，它一定會在。但你會發現那色澤已經不像往時那般帶光芒，反而有點失色，你還會好好珍惜嘛？自動機械錶的手錶更甚，若你長期不戴上手，更不會轉動…… 愛的人就一直守待著，等有一天他會再次欣賞你的好……但你忘掉了他在外面見識過的世界是五光十色，能回頭的機會不會太多。別忘掉，你也是位值得別人愛的人……霸嗎拉麵從銅鑼灣第一所開至新界港九也有分店，最為有名的當然是那厚身的灸燒豚肉，小妹跟友人J點了兩個濃厚豚骨湯拉麵，J點了灸燒豚肉味玉拉麵，而我點了辛辣灸燒豚肉拉麵(中辛)。飲品則點了信州蘋果梳打及葡萄酸梳打酒(3%酒精)，小食點了唐揚炸雞$35。枱上放置七味粉、蒜粉、胡椒、餃子汁供客人調味，有提供檸

上網見好出名，竟然開到黎屯門，於是試一試，其實本身都唔打算寫咁多字，但原來要寫夠200個字先至可以劣評！我為咗一定要俾個劣評佢而努力地寫，就係為左話比大家知佢幾咁令我失望😡1）個拉麵係暖，唔係熱 拉麵要熱辣辣是基本常識吧2）d 麵個質地好粉，我點既係適中硬度 令我一度懷疑自己落錯單3）個餃子好油，油過搽左BB油既吳剛師傅 D 油係會滴出黎，我有相為證好失望，仲要收我$88一碗😐諗清楚至好食，$88可以食其他好味既拉麵

之前係fb見啲人講到咁出名其實一直都無試過，咁岩尋日趕睇夜場，就入左黎呢間拉麵。正門叫人禁票取位，但側門就比人自己搵位，點解呢？一坐低我同仔仔已經填好order紙交比服務員，上菜啦，老公點個碗係辛雞肉拉麵，唔係豚肉。叫職員黎換，佢對左勁耐都好似唔明我講咩，問我係咪想轉雞肉。我張order紙從來無填過要豚。有另外兩位同事再好認真咁睇張order紙同佢既入機單。落錯單好普遍，你轉番張單同碗麵就可以，唔洗動用三個人去confirm我係咪自己填錯。

剛剛見到有位（我三個人），便走去座，問待應有否時間限制，她覆沒有，跟著有個長髮待應走來，要我取票並說繁忙時間，我說：吓都無人，跟住過去取票，部機顯示：無需輪候，食到咁激氣，為咩？

市面上, 到處都是拉麵, 到處都是標榜日本餐廳; 這次來到屯門, 也發現了一間, 肚子餓了, 就來吃上一頓。這拉麵店有小吃及拉麵, 餐單款式不算多, 但這裏擠滿了人, 可見味道不差, 於是就找了一個小卡位坐下;我點了一碗炙燒豚肉味玉拉麵; 濃濃的豚骨湯底, 黏稠綿綿的口感, 長長的麵條吸沐浴在濃湯裏, 口感特為幼滑, 更加綿綿; 豚肉, 一大塊, 半肥瘦, 肉質幼滑, 入口即化, 油香可口; 糖心玉子, 咬一半, 金黃色的蛋汁緩緩流出, 蛋味無比香濃; 流進湯裏, 使湯及麵條的口感更為幼滑; 吃完也不膩的口感。另外, 我也點了一客沙拉唐揚炸雞; 熱騰騰的炸雞, 金黃色的外皮, 一口咬下去, 外脆內軟, 類似芝士的醬汁緩緩流出, 鹹鹹的, 香口的味道難以形容;一個人的午餐, 時間慢慢地流動, 不用趕身邊的人和事, 十分舒適寫意。

好鐘意食拉麵，今日去開天水圍揾朋友，揾完朋友就黎到tuenmun依間拉麵舖食拉麵。一早就知依間拉麵舖既存在，佢係尖沙咀既分店，冇一刻係唔洗排隊，真係好誇張，我今日終於就黎左食啦。期間限定 檸檬豚肉拉麵$78其實我唔算太鐘意食檸檬，但見到期間限定依四隻字，冇理由唔試下既。檸檬拉麵，真係聽都冇聽過，一個豚骨既湯底加左三片檸檬，好似奇奇怪怪咁。如果唔咭檸檬，湯頭既味係清新過佢主打既炙燒豚骨拉麵。但如果你咭檸檬，酸味好出，好似唔小心淋左啲凍檸茶落個拉麵湯到咁，我覺很原味好食啲。不過唔習慣食拉麵既人，可能會幾鐘意好fresh既湯既。

位於屯門的霸嗎拉麵 ，是一間長期人氣高企的廣島拉麵店。已吃過超多次的拉麵店，今晩帶男朋友來，慶祝我們的四個月。炙燒豚肉味玉拉麵$88好吃的東西不怕吃得多，身邊有太多拉麵朋友，使我吃這個拉麵吃了好多次阿。主打濃厚豚骨湯的拉麵，湯頭微微黏囗，入囗有濃香的豚骨味道，甘甜中帶鮮帶濃，感覺豚骨的精華都溶入湯中，喝了一大半阿。極度厚切的叉燒，肉質並不靭煙乾硬，反而是肥美軟腍，不論是肥膏，還是瘦肉的部份，勻同樣軟腍，好好吃阿。麵條是微粗的白直麵，有麵粉香氣，吸收豚骨精華，配搭得宜，好美味呢。

霸嗎拉麵在2015年引入香港，近年更開設在新界屯門市廣場三樓，成為首間霸嗎拉麵進駐新界區。開業將近一年但仍未品嚐，所以當日決定一嚐霸嗎每晚一到7點半至8點便會出現人龍，需要取票等位。取票的話只需在大門旁的取票機點選入座人數，號碼票會自動從取票機印出。當日7點已到所以只需等大約5分鐘☺️霸嗎拉麵鋪頭延伸至廣場中庭每張枱都放在調味架，有蒜粉、黑胡椒、七味粉和餃子汁供應，亦有調味碟、筷子和牙籤，以方便客人自取。最窩心的是每張枱都會供應面紙和檸檬水☺️經常忘記帶廁紙和愛喝水的我覺得非常貼心❤️筆也有供應方便點菜😊客人只需在點菜紙點選想要的拉麵/丼物/小食/飲品，拉麵可點選軟硬度(軟麵/適中/硬麵)，拉麵更可點選少油、少蔥、走蔥或走筍，非常能夠照顧到不同客人的需要。————我的選擇：炙燒豚肉味玉拉麵拉麵軟硬度- 適中油份 - 少油拉麵真的做到軟硬度適中！不會煮到過淋而且仍保持到爽口彈牙。但油份方面仍然略賺偏多，尚未做到少油的效果。豬骨湯底頗濃郁，所以掛麵程度都不錯，但不建議喝光湯底，因為湯底偏咸。如果不喝湯底味道便剛剛好！一定要講下豚肉味玉拉麵的主角-豚肉。豚肉經過低溫慢火浸煮超過10小時並用明火炙燒

依間拉麵店開到嚟屯門，每次行過都見到好多人排隊之前係中環食過，覺得一般般；但今晚朋友話想食，咁就去排下隊咁八點左右去到，等左15分鐘左右就去到，都算快一抬頭就見到師傅煮麵睇完menu就自己落單沙拉唐揚炸雞($38)炸雞嚟到，夠熱夠脆個沙律醬幾特別，配埋炸雞幾夾，唔錯我同朋友都係嗌左炙燒豚肉味玉拉麵($88)豚肉一如既往，好厚，而且肥瘦均勻咬落啖啖肉，而且煮到好入味，每啖都好滿足不過溏心蛋就一般般，個蛋黃煮得太熟整體嚟講，湯底濃郁，唔會太鹹，都算唔錯依碗拉麵$88，都算正常價錢，味道就稱唔上有驚喜如果唔使排隊既話，都可以間唔中嚟食下