影片
更多
2017-11-07
79 浏览
👫屯門分店係8月尾開幕，經過成日都見到好多人排隊，無機會去食，今次收工終於的起心肝排隊同男朋友👱🏽♂去食啦！其實等左15分鐘到已經有位，我地都幾好彩🧐#雞叉燒味玉雞白湯拉麵 <$88>呢碗拉麵係用雞肉材料做湯底，名符其實嘅雞湯，所以個湯都幾清下，有啲似住家湯嘅樣，飲左啖，無乜味精味，好重雞味，都幾特別。而塊肉係雞肉嚟，有兩大舊，仲有少少雞皮痴住，啲雞肉都幾嫩，唔會食到成口渣～總括嚟講，呢款麵都幾有新鮮感，雖然食落一般，但鍾意食雞肉嘅朋友可以試下㗎☺#辛辣炙燒豚肉味玉拉麵 <$93>👱🏻♀揀左中辣，麵質就揀左硬，因為想有咬口啲😆 碗麵好大份足料，勁多麵！麵質咬落幾有嚼勁，都幾掛湯～湯底仲紅卜卜，飲左一啖湯，發現無想像中辣，雖然都幾香濃但可惜唔夠熱，只係暖暖地，👱🏽♂仲咬左舊辣椒，話一啲都唔辣（平時👱🏽♂係唔食得辣嘅人嚟😂）豚肉層次分明，雖然勁大舊肥膏但食落唔算好油膩，而且仲食得出有炙燒過，肉質都幾嫩滑，幾焾，又唔痴牙～而溏心蛋真係最正，蛋香十足，仲有流心效果，加埋啖湯一齊食真係一流❤#羽根燒餃子 <$35>食落同普通煎餃無咩分別，最
屯門分店係8月尾開幕，經過成日都見到好多人排隊，無機會去食，今次收工終於的起心肝排隊同男朋友👱🏽♂去食啦！其實等左15分鐘到已經有位，我地都幾好彩🧐
#雞叉燒味玉雞白湯拉麵 <$88>
呢碗拉麵係用雞肉材料做湯底，名符其實嘅雞湯，所以個湯都幾清下，有啲似住家湯嘅樣，飲左啖，無乜味精味，好重雞味，都幾特別。而塊肉係雞肉嚟，有兩大舊，仲有少少雞皮痴住，啲雞肉都幾嫩，唔會食到成口渣～總括嚟講，呢款麵都幾有新鮮感，雖然食落一般，但鍾意食雞肉嘅朋友可以試下㗎☺
#辛辣炙燒豚肉味玉拉麵 <$93>
👱🏻♀揀左中辣，麵質就揀左硬，因為想有咬口啲😆 碗麵好大份足料，勁多麵！麵質咬落幾有嚼勁，都幾掛湯～湯底仲紅卜卜，飲左一啖湯，發現無想像中辣，雖然都幾香濃但可惜唔夠熱，只係暖暖地，👱🏽♂仲咬左舊辣椒，話一啲都唔辣（平時👱🏽♂係唔食得辣嘅人嚟😂）豚肉層次分明，雖然勁大舊肥膏但食落唔算好油膩，而且仲食得出有炙燒過，肉質都幾嫩滑，幾焾，又唔痴牙～而溏心蛋真係最正，蛋香十足，仲有流心效果，加埋啖湯一齊食真係一流❤
#羽根燒餃子 <$35>
食落同普通煎餃無咩分別，最得意應該係個賣相😂 但其實食落無咩特別，大家想食餃子可以試下其他口味🤔
🗣：落單（有得自選辣度、麵質硬度同追加配料）加水或醬料（黑胡椒、蒜粉、一味粉及餃子汁）都係自助形式，而且全日免加一服務費喔☺
张贴
