霸嗎拉麵 (屯門市廣場1期)

营业中

休息中

真係好掛住呢間拉麵店，特別係燒豚肉，真係好好食。我相信，香港無邊幾間拉麵店，塊豚肉係厚切又燒過。今日未到6點去到，唔駛排隊！太好了，因為之前每次都排大半個鐘或以上。今次貪心啲，一口氣食咗兩碗拉麵。一碗係最出名嘅燒豚肉豬骨拉麵，另一個碗係雞湯拉麵。燒豚肉依然好正，燒得好香，無乜豬油。雞湯則好清甜，但我覺得淡味咗啲，配料係一塊燒雞义燒。佢地近排做緊推廣，每次惠顧都會送20蚊贈劵，留返下次使用，變相每碗七十幾蚊，好抵食！

今日去到屯市唔知有乜食，見到有間拉麵都好似幾好，仲要咁多人等緊，一於試試佢喇。我個Fd 太肚餓，一黎就叫左個唐揚炸雞比佢醫下肚先。本來諗住炸雞應該都唔會有咩咁特别，都係個d 味喇。點知一上枱就出事喇。 啱啱炸好既唐揚雞香味十足，口感鬆脆，加埋燒汁令味道更為豐富。肚餓到極點既我地好快一人一件就清哂 d 雞塊。 新鮮香脆既炸雞食到咁上下，今餐既主角拉麵就啱啱好出場...... 呢個豚骨味王拉麵湯底非常濃郁，鐘意豬骨湯既食家就啱哂。仲有輕輕煎過既豚肉半肥半瘦，可以享受一流口感之餘又唔會肥過頭。 至於呢個雞叉燒湯拉麵湯底就相對地清淡，兩大塊雞叉燒用幾片雞肉整成，可以享受啖啖肉既口感。清新既白雞湯味道不太濃，飲多兩啖就停唔到口，飲下飲下都冇左一半 LOL筆者同朋友一人碗麵加個炸雞都係一百蚊多少少，絕對可以一戰。 門面

本身自己好中意食拉麵，咁岩行開屯門市中心，諗起有一間開業幾個月的拉麵分店，就諗住入去食返碗。打開第一頁見到呢個豚肉拉麵就叫黎試下，點知真係好失望！！！👿👿👿等左20分鐘，碗拉麵係暖嘅！而唔係熱都算啦。個湯底偏咸，似味精湯，唔好飲，返屋企自己煮都好味過佢！果一塊豚肉真係好差！！細細一塊，入面三分之二都係肥膏連皮！！只有三分之一嘅肉係可以食得入口！！咁嘅質素你收我$88，唔係會覺得值得呀？仲有嘅係員工服務態度好差，我明白好多後生仔都係打份part time過日子，但d員工表現得咁無禮貌，又唔幫手，仲指d食客自己填表，我好想問請佢地返黎齋托呀？總之一句講曬，呢一間垃圾拉麵店，食一次都嫌多！👿👿👿

第一次覺得要寫食評，食過尖沙咀果間，呢間野真係不得了，服務態度唔得，後生唔係罪，我都係後生仔，但禮貌呢樣野係基本常識吧，真係要培訓下，食物仲死，湯同麵都唔熱（已經死得）我真係未食過咁暖既麵，可以凍過沾麵既，塊豚肉係3/4肥油。有一點辣醬，但真係一點，少到唔覺有佢既存在，想叫佢比多d，店員一口話唔得。碗野細到兩三下食曬，得一塊肥膏，湯同麵都冇乜味，唔講都唔知係豬骨湯底...一丁個棒丁麵仲好食過佢.....如果佢收我四十幾蚊都仲可以...但呢碗野88蚊....一個字，垃圾，兩個字垃圾中既垃圾

10月8號去屯門分店食午餐,等了40分鐘，先上得嗰一碗拉麵，另外果2碗拉麵還未到，食完一碗拉麵另外同行的兩個人仲要喺度等。煮麵的員工圍住係到笑同傾計，催促他們為什麼這麼久,侍應們沒有反應只係話整緊,共催促了三次都冇人理,結果都是忍不住了，便離開結帳了，員工不但沒有挽留並解釋原因,仲要係我地面前同廚房大叫唔好煮喇！簡直沒有好好培訓，員工們不瞅不睬似機械人工作。食了咁多間拉麵店是令我最勞氣的拉麵店！最後搞到兩個人冇食過野，一個人就食咗碗拉麵，食物上啲唔上啲又唔解釋！上咗嗰碗期間限定嘅檸檬拉麵，個湯底酸酸怪怪的重要唔夠熱係和暖...

霸嗎拉麵開到黎屯門喇，多數係尖沙咀同港島先見到嘅拉麵店，開到黎屯門喇。星期六日去食嘅朋友要比少少耐性啊，因為要等一陣位。我同屋企人2個人一坐底，就有一位侍應黎介紹各款拉麵比我地，禁我地就選擇左炙燒豚肉味玉拉麵（$88），依款簡左軟麵，少油另一款簡左雞叉燒味玉雞白湯拉麵（$88），麵款簡左適中同少油湯底，再加個辣汁糖揚炸雞（$38）。先講炸雞，有五件，都算大件，炸得好香口，同埋好好味，但係個辣汁唔係一般嘅辣，我覺得係辣醬多過似辣汁，我自己本身好鐘意辣嫁，所以覺得好惹味，但屋企人就辣到頂唔順。唔鐘意辣都仲有其他選擇嫁，例如沙拉同燒汁。論到主角拉麵喇，炙燒豚肉味玉拉麵個湯底比雞叉燒味玉雞白湯拉麵湯底濃。豚肉入口即溶，雞肉同叉燒都煮得岩岩好。個人鐘意湯底濃一d，所以覺得豚肉果款正d，我仲飲左大半碗湯。流心蛋都好好味，橙黃色流心，做得好好。最後埋單$214，無加一，食到好飽，住屯門嘅朋友又多一個選擇喇。

仲記得霸嗎拉麵剛係香港開時，openrice 長登榜首，當時一試，唔敢話驚為天人，但覺得排隊排得都叫有道理所以由屯門一話開，已經好期待至開張初期，見openrice 好多negative comments, 都覺得可能係打手攻擊所致今次一食，真係不能不說，大失所望係門口等叫飛等左15分鐘，唔算耐入到去要搭台，其實都ok. order 後等等下已經30分鐘仲未有食物好彩我之後唔趕，聽到搭枱話趕電影，都替佢地滴汗食物到後，目測外表ok不過我果碗少蔥成為全枱至多蔥果位食落豬肉偏肥，expected麵係幼麵，掛湯能力高湯出晒事，鹹到唔好食蛋係半生蛋，完全唔關糖心蛋事，蛋味都無朋友食雞，話d 雞有好大陣雪藏味如果今日我俾$40味食呢碗麵我會覺得過得去但今日我係等左前後1小時，付出$88食呢碗麵，sorry 我覺得好浪漫時間同金錢

衛生、等候時間、食物品質同價錢唔成正比1. 等候時間過長：點10坐定落單，到5點20分都未有order紙番，追侍應，追番張單番黎，上面落單時間係5:23唔排除落單機時間錯誤，但感覺真係好差附近既客人都係差唔多時間落單，大家都一齊追單，好少可顧客會咁齊心⋯⋯一齊追單最後5:50碗面先到，下午茶變晚餐2. 唔好食：我揀硬面質，朋友揀正常，但我碗面仲林過佢埋單時見到廚房有6個位煮面，但得一個timer 計緊時，極度懷疑無論咩面質，都係同時一齊煮3. 衛生極差，廚師冇帶口罩手套，親眼見到有個廚，除左頭巾r痕，冇洗手直接拎面去煮唔知其他分店係點，但呢間真係完全唔掂強烈建議店方可以加電話叉電位、mute背景音樂、坐位加隔板，整到自修室咁，比客人可以帶本書去溫習，玩下電話咁

霸嗎拉麵之前要喺尖沙咀同銅鑼灣先有分店，依家屯門都開咗啦。咁梗係就同婆婆來試吓啦，咁近屋企。其實呢度嘅裝修同兩間分店都幾類似。點餐都係寫落紙，咁就點都唔會落錯單啦。不過依家未有酒賣㗎，因為未拎到酒牌。唐揚炸雞:食拉麵之前，就梗係食下小食啦。個炸雞都唔差，都保持到嫩滑。我同婆婆各自叫左炙燒豚肉味玉拉麵，而我就要左辣。辣度唔算高，不過少少辣令人胃口更好。拉麵係比較幼身，湯底都幾稠，掛湯能力尚可。老人家就會認為味道太濃了。我鍾意嘅溫泉蛋啊。都好流心呢。

從未寫過食評，為左呢間，行出人生第一次昨晚早左，連出面都未開咁我3個人叫左3碗啲侍應塊面黑過我老細，落單後等都等左20分鐘唔好計入面又熱又嘈離到碗「野」，所謂拉麵煮都一pat 野（我選擇是適中麵底的）豚肉$118.00食左一啖頂唔住，啲所謂拉麵，夾都夾唔起，煮到爛到好似粥咁，所以好有禮貎咁叫佢地換過另一碗是雞味煮到好似上海煨麵咁湯又無味啲雞又難食換都廢事換換左果碗豚肉野食都食唔落啲麵始終係一pat 野啲豚肉一啲味都無最好食應該係我個女果碗兒童餐入面果包仔Kit kat比左261蚊，食左不知所謂嘅拉麵其實「武x」後期都難食不過對比呢間，贏左起碼10條街

果日行過見到開左間新嘅拉麵店，仲好多人排隊，就決定要搵日嚟試下。好彩平日去，唔使等位就有得入。 坐呢個位仲可以見到師傅喺入面整拉麵，都幾正。 同一般嘅日本拉麵店一樣，選擇唔多，主要係食叉燒同埋雞叉燒，有拉麵亦都有飯，仲有好多嘢飲可以揀。 綠茶可樂飲落好似雪碧，唔係好飲到茶味，唔算好甜都幾好飲。 朋友嘅雞叉燒味玉雞白湯拉麵嚟先，望落去個湯幾清，飲落去好濃郁嘅雞味，清甜唔算漏，嚿雞叉燒應該係用雞髀肉去整，大大舊夠嫩滑同鮮，亦都有少少甜味，唔似平時食開嘅雞，幾特別。 而我就叫左炙燒豚肉味玉拉麵，賣相好吸引呀，舊叉燒雖然得一舊，但係好厚身亦都大舊。睇menu先知舊豚肉係經過低溫慢火煮超過十個鐘，所以肉質非常之腍滑，加上炙燒令到成舊叉燒更加香口，一試難忘！湯底係醬油豚骨湯， 比較濃稠，但係飲落去好濃嘅豬骨味，加埋豉油嘅鹹香，雖然會比較重口味，但係我鍾意。 拉麵係幼身嘅麵，掛湯能力好好。可惜嘅係坐得較入，後面果家人有幾個細路，嘈到好似開party咁，啲聲焗住，食得有啲辛苦。

一星期一次同老公拍拖。平時帶住2隻薯寶根本冇機會可以入到去食拉麵。可能時間尚早， 只係五點幾所以都唔需要等好耐就有位坐了。點好了等了10分鐘先送上餃子唔知點解有少少苦苦地嘅味道.. 撇除苦味煎得都幾好味。 冇煎到乾爭爭， 入面都幾juicy. 下次會再叫 （但當然希望下次冇苦澀味）兩個拉麵等咗超耐， 差唔多半個鐘先到。老公的辛辣炙燒豚肉麵， 小辣其實我哋兩公婆都唔多食得辣。小小辣都幾嘢未， 不過食到最後我就覺得10分辣，佢似係辣椒油味， 會越食越辣咁。不過一碗拉麵對男人嚟講太小份量了。小女點了最普遍豚肉拉麵。隻蛋不能不給100分， 咬落小小流心， 超好正! 豚肉都幾大塊同厚， 不過好肥可能就係咁所以做到入口即化。 湯底濃郁， 未至於喺某啲拉麵店食完會超級口渴嘅感覺。不過個人下次會走蔥，因為我不太喜歡吃完之後那種氣味 （已經點了小蔥）如果下次人唔多我都應該會再試一次

霸嗎拉麪肯定是食過的拉麪中最最最最最難食的從來未寫過食評的我也禁不住要寫一次。 晚上6點左右, 店內未算多客人, 見唔洗排隊就試下啦, 點知落單後, 先上兩碟野菜都等了15分鐘, 野菜全碟水汪汪的, 極大草青味, 似白烚芽菜, 已經失望。 再呆等了30分鐘, 拉麪才送來, 這碗雞叉燒白玉湯拉麪將我推到谷底。 從來未食過如此難食的拉麪!!!!!!!!!!! 完全無味!!!! 雞叉燒好大陣雪味, 拉麪煮到一pat野, 全無質感可言。結果食到一半最終都要放棄。另一碗嘅叉燒達"痴肥"級數, 我掂都唔敢掂。 呢間拉麵永遠唔會有下次呀

之前係尖沙咀食過一次，見屯門都開就想食多次啦，但就真係兩個分別.....尖沙咀個間好有效率....叫完大約5分鐘左右即刻送上，相反屯門等左就快30分鐘，仲要好好態度問大約仲要幾耐，服務員態度一般，之後廚房已經有人黑面睥住我，等30分鐘，食左10分鐘。無耐隔離枱都已經再問。真心你太得閑都可以去坐下

屯市新開張的拉麵店, 我和朋友一共4人去試一下, 排隊的情況比想像中厲害更多, 等了差不多 個半鐘, 而且入座後表明要等30-40分鐘烹調時間;食物的評價如下:唐揚雞: 算是店中最好的, 份量很足, 炸得蠻香脆羽根餃子: 中規中矩的餃子, 但個人認為新墟那一家餃子店更好燒豚肉味玉拉麵, 辛辣燒豚肉味玉拉麵, 雞叉燒味玉雞白湯拉麵:很遺憾, 每一碗拉麵都各有一個較大的缺點; 燒豚肉味玉拉麵, 豚肉肉太硬很難咬開, 而蛋不是流心蛋; 辛辣燒豚肉味玉拉麵, 最大問題是麵是黏在一起, 6-7條麵黏在一起很難弄散; 雞叉燒味玉雞白湯拉麵, 雞塊偏肥, 但麵沒有問題其中一位朋友忍不住跟其中一位員工直白反映不滿, 那位員工都沒有表示什麼差態度, 這個是不錯的; 其實如果就屯門分店看, 好,差評比較接近1:1, 可見水準不穩定, 希望未來日子可改善, 以下為個人評分表: