霸嗎拉麵 (屯門市廣場1期)

营业中

休息中

屯門市廣場三樓又出現新餐廳了，我當然要去試新食物喇！坐下並自行剔選食物便可，餐廳內更可看到師傅煮食物過程。炙燒豚肉味玉拉麵  $88我選擇麵軟硬度為適中，吃起來麵質既有嚼勁又不會過於軟綿。麵質粗幼度及長度適中，可以一撮撮地並沾上湯汁吃用。這碗麵湯汁以豚肉湯為主，亦有醬油味道，整體味道偏向濃味和咸味，感覺香味更加濃郁，令每口拉麵都非常吸引。豚肉較為厚身，脂肪和肉比例相等，一起吃用時感覺很鬆化軟綿。而豚肉是經低溫慢火浸煮超過十小時，令肉質軟綿，最後以明火炙燒令脂肪位置脆邊而香噴噴。豚肉味道吸收湯汁後更加濃郁，慢慢咀嚼都嚐到肉香。不過，如果肉比例比脂肪較多會更好，因為我較喜愛啖啖肉的主菜呢！味玉是溫泉蛋，香濃蛋香，半流心效果，大家必試呀！雞叉燒味玉雞白湯拉麵  $83我選擇麵軟硬度為適中，吃起來麵質既有嚼勁又不會過於軟綿。麵質粗幼度及長度適中，可以一撮撮地並沾上湯汁吃用。雞白湯湯汁比較清淡，清清的，適合不愛濃味的食客；雞件份量都算是多，而且每件都是厚切的，可以說是啖啖肉呀。雞件肉質鮮嫩夠滑，容易咀嚼，而且吸收了不少湯汁，令雞味道更濃郁。加上雞件偏向瘦，不會連帶太多雞皮或者雞脂肪，這點是我較為

雖然知點鬧拉麵都喺多人排隊！但喺要抒發一下！首先食拉麵排隊就梗㗎啦！你整個㩒飛仔機又唔係真係用㗎喎！見到入咗幾pair 人個number 都冇郁過就去問下咩事啦！點知佢話齊人就入得😨！入都去就得番一個字耐！叫咗兩碗麵一個餃子，餃子就10min到啦！食完餃子就繼續等啦！見中間個兩個MK拉麵師傅又唔似好忙以為miss咗單啦！追下去啦！佢話整緊咁繼續等啦！再多15min仲未到再問佢點解咁耐！仲要俾個中間個疑似拉麵師傅怒啤😡！結果由落單到有麵食起碼50min!等咗咁耐都可以覺得碗麵難食嘅！我地一個㨂麵質硬一個適中！兩碗都一樣係超淋！個湯就咸到爆！完全唔掂呀！俾好嗰啲評論肯定喺收錢㗎！希望呢間野快D執！個兩個MK師傅快D去學下師先！

每次在尖沙咀經過時，也看到這家食店的門口站滿一群食客，我就在想：這家食店為何這麼多人呢？真的這樣好吃？ 一直到現在，在屯門也有分店了～終於在星期六，我跟好友一起在這分店吃午餐～屯門分店和尖沙咀分店一樣，由早到晚也是這樣多人，店員也沒停過的一樣～我們取了票～就在門口等候～看著日本風格的裝潢～聽著301號、302號...廣東話、日文，輪流播著，等了很久，到我們了～～～～～桌上整齊的放著一樽一樽調味品，侍應還體貼的問：你們想喝凍水還是暖水？ 我們在看Menu，問侍應雞白湯及豬骨湯有甚麼分別？原來雞白味道較清新，而豬骨湯湯底較濃厚～我跟朋友也是愛口味較濃的豬骨湯底～我點了辛辣炙燒豚肉味玉拉麵，而她點了炙燒豚肉味玉拉麵～我們還點了一個抹茶雪糕～辛辣炙燒豚肉味玉拉麵先來喝一口湯底，先是有點辣，然後再有豬骨湯濃厚的味，兩者配合得很好，不會過辣而蓋過豬骨湯的味道～拉麵軟硬適中（當然拉麵的軟硬度是可以選擇的）、富彈性～至於豚肉，我先吃了一口肉，感到有少少粗糙，但肉再配合豚肉的肥膏一起吃，也不會感到油膩，反而這才是適中～吃後口腔裡仍留著一點油香～玉，就是雞蛋的意思，在這個”溏心蛋”中間夾開，滿滿的蛋汁流出

夜晚九點仲有人排隊，心諗應該好好食。排佐三個字入座，肚餓所以好快落單。煮拉麵應該好快结果等佐五十分鐘！！！期間對住冷氣吹得好勁，吹到頭痛拉麵都沒ready! 覺得等佐咁耐應該好味掛，終於上來，食佐第一口，好失望，湯凍曬，面無質地，雞叉燒係雪櫃凍佐好長時間個種味！88蚊一碗同一蘭拉麵都一個standard嘅收費，但係唔知差幾遠！費時費錢仲凍親自己。失望。

年多前曾於尖沙咀吃過霸嗎拉麵，記得拉麵幾有水準. 近日霸嗎拉麵竟進駐屯門市廣場，既然地點如此方便，就試試這間分店的質素如何呢! 下午3時多，本以為食客不多，卻是相反的. 可能新開的關係，吸引不少食客進來~ 幸運的我們剛好坐到卡座，相比尖沙咀店，這分店的格局更為舒適. 雞叉燒雞白湯拉麵 ($83) 豚肉拉麵吃過不少次，但雞叉燒雞白湯拉麵則相當罕，既然如此，也想試試味道如何! 先呷一口湯，熱度足夠，而有濃濃的雞湯味，很不錯; 雞叉燒既大件又厚身，更有2件之多. 雞肉肉質非常嫩滑，沒想過雞叉燒是如此美味，非常值得一試! 拉麵選了硬麵，都做得到，即使慢慢吃，都不會過淋. 炙燒豚肉拉麵 ($83) 友人則要了豚肉拉麵，不過評價是豚肉偏肥，喜歡吃偏瘦豚肉的友人說，早知就吃雞叉燒雞白湯拉麵la! 唐揚炸雞 ($35) 一客5件的炸雞，外皮炸得金黃，雞肉嫩滑，擠了檸汁更為好吃~ 屯門屯順街1號屯門市廣場1期3樓3233號舖

最近屯市裝修後，開了不小新的餐廳，而這間霸嗎拉麵亦是其中一間。環境上， 裝飾很日式，令人感覺舒服。木椅子也是很闊很大張的，坐得寛闊。服務亦周到，喜歡酸的我，十分喜歡它的檸檬水。我們點了兩個拉麵，灸燒豚肉海苔味玉拉麵 $98豚肉十分大件，而油脂與肉身的比例各佔一半，所以口感十分柔軟，入口易溶，一點也不鞋。而海苔有3大片，沾湯後吃，煙煙靭靭，很惹味。而拉麵我選擇了適中的軟度，咬起來十分彈牙可口。另外，它有一隻溫泉蛋。我是十分喜歡吃溫泉蛋的，所以充滿期待去嚐試它。溫泉蛋的蛋白沒有爛開，而裡面的蛋黃完全是流心狀態。果然廚房的技巧十分厲害。味道也是超級好吃，甜中有點鹵水汁。吃完很想再吃多一隻呢！湯底是正宗日式拉麵的豬骨湯，所以味道很夠味，鹹中帶點肉的甜味。雞叉燒味玉雞白湯拉麵 $88雞有兩大件，肉質十分鮮嫩。雞肉中間不會有血水，但又不會煮得過了火，火喉控制得剛剛好。而它的湯底比起剛才的豬骨湯不會那麼重。若果不太喜歡重口味的朋友，可以一試。整體而言，環境的佈置與氣氛也十分日式。而食物的水準也不錯，若果在屯市中想找好吃的日本餐廳，也可以參考參考喔^^

其實真係唔明點解整個拉面成等成半個鐘, 煮面得兩個人,既慢動作又黑臉...門口排隊等半個鐘,入去坐底又起碼等半個鐘, 怪唔知成日門口咁鬼多人啦!!! 跟本只係員工手腳慢而唔係生意好.最平都八十幾蚊一碗拉面, 咁嘅服務質素, 仲要難食, 不可一,更不可再

排隊等好耐都算 入都去仲要等咗就嚟半個鐘都仲未有野食到 十五分鐘變三十分鐘真係燥 啲嘢食又咸咁樣做野真係好唔掂 啲豚肉冇味 湯底唔掂 辣嘅湯底還可以 又貴又唔好食 唔會再嚟 食完又唔飽

服務態度差，d 店員真係不知所謂，一直係度吹水煮碗拉麵要半個鐘？成間鋪得2 個人煮麵，有冇攪錯完全唔明白點解要選軟硬度，煮左出黎又係一pat野影衰晒其他分店唔洗錢都唔會再幫親

上個月嘴刁朋友和我同一個月生日，可是她忙於公務，沒有時間出來聚聚。咁岩呢排她終於得閒，而且我們都住屯門，於是便相約去屯門巿廣場新開張的霸嗎拉麵吃飯。每逢晚上這裡總是大排長龍，所以今次我們約了下午三時才去，這時客人較少，不用排隊便馬上可以進去了。店內的座位分開兩區，這區感覺比較開揚。我們今次坐在這區，裡面的裝修很有日式傳統拉麵店的氣氛，單人匹馬的話亦可以坐在吧枱前望著廚師烹調的過程。座位尚算寬敞，有梳化椅背都讓人坐得很舒服。每枱都已備有餐具、調味料、水、紙巾及落單紙等，非常整齊方便。自助室溫水加了檸檬，吃完濃味的拉麵後便喝多些，我覺得加了檸檬的水都很能解渴。自助落單的形式亦很方便，可以選擇麵的硬度、走葱、走油等，填好後交給侍應便可以了。尤記得兩年前在銅鑼灣的分店，吃過那裡的廣島拉麵，其獨有的肥騰騰豚肉，至今仍然回味無窮，於是今次我便 encore「炙燒豚肉海苔味玉拉麵」(硬麵)。拉麵的用料都幾豐富，有馳名的炙燒豚肉、筍、青葱、味玉 (流心蛋) 及紫菜等。豚骨湯底的油量適中，味道相當香濃而不是死鹹，吃完拉麵後亦忍不住飲了很多。硬身的拉麵頗為爽口彈牙，而且都有點嚼勁。原隻味玉 (溏心蛋) 的

位於屯門的霸嗎拉麵，是一間人氣拉麵店。尖沙咀分店常常大排長龍，曾經嚐過幾次，覺得味道不錯，這次帶好友們一齊來吧。辛辣炙燒豚肉味玉拉麵$93雖然我有點感冒，又有點囗龍痛，但囗淡淡想吃一點濃味的東西，我便選擇 辛辣炙燒豚肉味玉拉麵。辣豚骨拉麵湯底，形成一層辣油，紅通通的非常吸引。湯底較尖沙咀分店稠身濃列，辣得過癮，刺激食慾。叉燒厚肉大片，肉味濃郁，瘦肥雙間，質素較尖咀店更好呢。拉麵軟硬適中，直身白麵，把湯汁掛上，沒有食慾也吃

一向有冒險精神既我，雖然見到有好多負面既食評，大部分都話服務差，等候時間太長，食物質素普通，但我相信日本既過江龍應該總有佢獨特之處，於是就抱著探險既心態試一試！去到平日晚上八點幾，仍然有少數食客排隊，但我相信呢個情況已經好左！座位分左兩邊，一邊室內，一邊室外，數量都算多正門口一入就見到師傅門努力地準備食物座位方面有卡位，但今次得我地兩個人，所以就揀左個旁邊位置的座位店鋪十分貼心，清楚地標示各調味料餐廳食物的種類尚算多雞是剛炸起的，雞皮脆，肉質鮮嫩我揀左中辣，對我黎講其實唔算太辣，因為我本身都好食得辣，下次一定會試大辣！但整體黎講，辛味濃郁，好惹味，搞到我停唔到口豚肉肥瘦分明，一齊食既話，都唔會有好油既感覺！豬骨湯底濃郁，麵質我揀左適中，食麵既時候會夾雜住個湯底，兩者簡直係絕配！價錢尚算合理，份量足，味道佳下次會再試其他拉麵

聽朋友講尖沙咀霸嗎好好食，見屯門有就諗住黎試下。去到嘅時候見到部機讀緊飛，所以就㩒張飛等位。我排第一個，之後排多個人，再之後排多對情侶。見到有人比錢走都無叫no. 就以為執唔切枱，所以諗住繼續安靜等位。後黎對情侶問企出面個員工。個員工竟然同佢講就咁走入去坐就得。我心諗其實你部機要黎做咩。我當因為真係無人所以唔洗拎飛。到我跟住對情侶同排我後面嘅人走入去嘅時候，個員工又叫我拎飛。我就同佢講我拎左飛，排我後面果D人已經入左去坐底左，佢淨係識話佢會安排會安排。但根本無人叫no.. 囉。入到去坐低，叫左碗豚肉拉麵。佢算係難食嘅拉麵之中數一數二。湯底勁咸，隻蛋無切開又無味，舊豚肉硬得黎又無味，但碗麵收費88蚊。呢個價錢食呢碗麵勁唔值。到比錢嘅時候，D員工係掛住吹水。其實間舖嘅員工比人嘅感覺係完全唔想做你生意咁。同樣向屯市，其實用更平嘅價錢，絕對可以食到比佢更好食，服務更好嘅拉麵。

廣島拉麵屯門人終於食到 好感動 開張第一個星期六日 已經超級多人 我都唔執輸 嗱嗱聲走去試下水温先😂查實諗住早啲去 冇咁多人 點知🙈同一般拉麵店唔同 佢可以一張單落全枱人食嘅野💁🏻店面都比普通拉麵舖大 可以坐得好舒服 醬燘雞叉燒拉麵本來黎到應該食岀名既醬油湯底 奈可口味偏淡 唔想咁heavy 之下 就食咗雞叉燒 麵質就選擇咗偏軟 湯頭雖然清 但都好夠味 一食麵落口 雖然冇咗平時拉麵嘅爽口 但就多咗滑既感覺 超得！ 雞叉燒咬落去 唔肥 仲帶少少爽 好食🙈 木耳絲同葱同蒜既配合 good good 三矢汽水最後仲叫埋汽水都係22蚊枝 正啦😂

尖沙咀永遠都見到長長的龍原來佢一次過開左好幾間新店～今日陪愛吃拉麵嘅朋友黎到屯門市中心嘅新開舖😍一黎到發現要等成一百張枱 果然真係名氣無減😳好在原來好多應該拎左飛就嚇到走左～我地等左半個鐘左右就入得💓.裝修好日式呀 仲有d日式嘅卡位仔我同朋友二人各嗌一款拉麵 大家share少少每樣試d再嗌左餃子一齊食🤤.朋友嗌左招牌嘅辛辣炙燒豚肉味玉拉麵 ($93)豚肉好大一塊呀😍超多脂肪好滿足呢～～～我自己好鐘意呢個辣嘅湯底呀 愈飲愈上癮🙈.另外一位朋友嗌左炙燒豚肉海苔味玉拉麵 ($98)紫菜有大大嘅三大塊呢 湯底非常濃郁原味個豬骨濃厚味道更加出！但由於本人太愛辣 所以認為原味比辣味相對遜色😣.而我就嗌左雞叉燒辛辣雞白湯拉麵+味玉 ($88+$10)加味玉是常識吧🤤 首先味玉真係超超超超流心蛋漿會一咬就一湧而出🙈 同埋用醬油醃過 好香好好味而個拉麵用左直麵 配濃郁嘅豬骨湯剛好 唔會太膩好快就食哂成碗😚而雞叉燒真係超驚喜 比我想像中厚肉同大塊好～多！超香 雖然厚肉亦好嫩滑！.餃子我地揀左照燒餃子 ($38/5pcs)個汁甜甜地 配餃子幾好食啊～ 同埋餃子外型好討喜 有燒到焦焦嘅一大塊餃子皮熱辣辣食個皮