陳儀興玫瑰餐廳

营业中

休息中

中午要攞野俾比老公，俾完佢周圍蕩下搵食都唔知食乜，lunch time周圍都好多人，咁就是但黎呢度食午餐，叫左蒜蓉雞扒煙肉飯，大大塊雞扒，雞皮煎得香脆，2片咸香大煙肉，餸底墊椰菜，醬汁好香蒜蓉味，好大碟我同個仔都食唔晒~睇電視見到煮緊蜆，好正，攪到好想食豉椒炒蜆囉，問店員有無，點知有喎，太好啦~ 原來午市餐牌都有得食，仲跟飯連餐飲都係58蚊咋~ 大大隻蜆絕對唔係細蜆仔，其他食客行過見到都話: "嘩，咁大隻蜆架~" 有成10幾隻，炒得岩岩好，蜆肉好飽滿無甩殼，啖啖肉好新鮮，完全無沙洗得好乾淨，豉椒汁好野味，夠晒鑊氣，連埋青椒洋蔥一齊炒，亞仔鐘意食到連所有配菜清晒，青椒爽脆洋蔥甜，仲好過自己係街市買再煮啦~ 亞仔見到碟野即刻攞叉吉黎食每日午餐款式多選擇，見對面個男人食泡菜牛肉炒飯，炒得好靚，一粒粒飯勁香泡菜味，可惜同個仔share食試唔到辣野😥見人地d小菜都大碟頭，炒得好香好靚~ 估唔到午市同晚市炒野質素都咁高。乜而家仲有20蚊下午茶架咩，仲要雙拼3文治，我住個度單款3文治都唔至啦~ 夠晒經濟。炒野即叫即做保持質量，難怪人頭湧湧👍

某網上飲食雜誌推介 預售價238有個海鮮船有4款海鮮4人用咁抵 一定要試下虛實我3位用 上枱堅大煲 流口水 只求快熟滾起有得食海鮮就是快熟 食得 4隻大鮑魚新鮮彈牙 10隻左右大海蝦鮮甜爽口蝦頭爆膏 4隻花蟹仔多膏鮮味尚算多肉 多隻大蜆爽滑夠大隻 大量蜆仔鮮甜重蜆味 小量菇墊底 還有粟米蕃茄 食完飲湯底 非常鮮甜 之後加湯繼續打邊爐大蜆絕無揸流灘蝦亦大隻 一剝蝦 膏從蝦頭內爆出 鮮甜爆另加本地手切肥牛 油脂分佈完美 牛味濃厚嫩滑 不薄不厚適中保持口感 高質點了黑栢葉售罄轉白 大片爽脆 雞子 非常大粒肥美金菇菜 乾淨正常睇食評介紹 果然堅 黃金魚皮非同凡響 即炸脆過薯片 痴滿鹹蛋蔥花 不得了 不消一分鐘清光第二碟第三碟 好食到停不了 絕無誇張 即使生飛滋暗瘡都無有怕 連店員都過 又黎 好鐘意食喎

天寒地凍，梗係打邊爐的好啦，友人甩底，一條友打邊爐嗌唔得多款，退以求其次唯有試一下小菜，一個人都要食得好~蒜蓉粉絲蒸象拔蚌，滿滿粉絲鋪面，索晒蒜蓉蔥味加吸收埋蚌既精華，好正，簡單係呢碟野既靈魂! 精髓位~象拔蚌鮮甜無比，蒸得岩晒火候，啖啖肉好爽呀~ 海鮮還是蒸的好，原汁原味。炒芥蘭，用油量剛好，粒粒蒜頭一齊炒好香，芥蘭清脆又嫩，平時出面食，會帶小小苦澀味兼萬年油味，呢度完全無。咕嚕肉，應該用左肉排，小骨多肉，肉質軟淋，薄薄粉槳，吸收晒d酸甜汁，好醒胃，配菜有3色椒洋蔥，保持到菜既爽脆度，唔覺唔覺清晒成碟。茶餐廳出到大排檔水準，菜同肉都好有鑊氣，好正，一定會再黎。

今晚突然好凍，咁凍既天氣梗係打返個邊爐先啦~ 同事介紹黎呢度仲話，新浦崗有間隱世小店食肥牛食上癮，咁誇張，一定要試下啦~門面大，一入去，e… 茶餐廳咁得意? 地方算大，一排長長卡位，中間有一排大圓枱~坐底店員介紹有新出品，黃金魚皮，呢期咁hit,唔試下點得呀~ 新鮮熱辣辣炸出黎，份量多，落重本好多咸蛋，非常香口脆到爆，好食過新加坡一包包個隻啦~ 大大塊，完全食唔停口，好掂!沙嗲湯底，輕微辣度，香噴噴，湯底濃但唔會搶過食材味道~貴妃蚌，打邊爐點可以無海鮮食架~ 好抵食，120蚊4隻，大大隻好厚肉，好新鮮超鮮甜，食完再encore!今日主角出場啦，手切肥牛~ 油脂分佈好靚，以為叫左和牛囉，刀功好好切薄片，快熟唔會流失肉汁，牛味重勁juicy，非常滑流但0油膩感，真係好正~ 推介!脆肉鯇片，薄片放到好似擺刺身咁靚，晶瑩剔透，新鮮爽脆無骨，配沙嗲湯一流!睇得出鵝腸有誠意，將部份脂肪整走左，留返d係度，食落唔會好似淨係食肥膏咁，爽得黎滑口，好好食呀~蟹子墨魚滑，又係個人推介，入面有粒粒墨魚好鮮味好真，0槳感，好彈牙，加埋蟹子脆卜卜增加口感，好好食呀~~

今晚老公加班加到10點幾，附近食店差不多收晒，行下行下，離遠見到呢間仲開緊，門口仲有枱食緊，咁就試下啦~入到鋪好多人打緊邊爐，香噴噴~ 但亞仔嗌晒肚餓，咁就叫小菜啦~鼓椒炒象拔蚌，個汁好濃郁又杰，配菜好多有青椒洋蔥，亞仔不停食青椒，象拔蚌炒得岩岩好，唔會過熟好un。燒汁炒野菌牛肉，好大碟，好有鑊氣，牛肉嫩口，好多唔同既菇，又係有青椒同洋蔥，甜甜既燒汁味，好食，送飯一流。鮑魚雞啫啫雞，一上枱“炸"緊，好大煙，有4舊切左一半既鮑魚，好多雞同埋乾蔥，雞肉好滑雞皮小小脆，濃濃醬汁帶微辣，好食。

同老友吹水梗係搵間打邊爐順便可以啤啤去既地方 呢度茶餐廳格局 坐位闊落 有圓枱同卡位 服務就是茶記服務快手 晚市主打小炒同打邊爐 絕對一試難忘I手切肥牛 無得頂 睇個樣都知正野 淥半生熟食非常滑流唔洗用力咬 淥到全熟食牛味濃有口感 一碟都未食完即刻再黎多轉I南瓜海鮮湯 店員介紹 滾起先飲一碗 鮮甜得誇張 濃濃蝦味配南瓜甜味 用黎淥任何野都一流內有栗米蕃茄等配料I蒜香骨 香脆可口絕對無形容錯 配啤酒一流呢個海鮮船睇落細細窩 但入面塞滿海鮮 鮑魚 青口 蟹 蝦 窩底藏左蜆 食完後飲啖湯 正到無野講

早陣子天氣冷了不少，又是吃火鍋的時間。這天來到新蒲崗的玫塊餐廳陳儀興，看餐廳名不像吃火鍋，事實是這裡既有小菜，也有火鍋。玫瑰雞煲套餐(2人用) $298這個二人火鍋餐太吸引，一看到便決定要點。吃火鍋必有的自助調味。椰子雞煲上場便聞到超香的椰子味呢，雞的份量不少，而且雞肉鮮嫩有雞味，醬汁啖啖椰香，好味道。吃過雞煲，便上湯轉成火鍋了。安格斯肥牛安格斯肥牛從顏色也看得出質素不錯，色澤紅潤，油花分佈平均，入口啖啖牛味手，口感軟嫩。豬腩肉油脂比例恰到好處，入口潤滑而不膩。響鈴為鮮炸，貢丸口感爽彈，芝士腸和蟹子丸都不錯。什菜籃有菜又有幾款菇類，算豐富呢。如果不夠，還有很多單點配料可供選擇。自家韮菜餃 $42做到皮薄餡多，韮菜和肉的比例剛好，很重韮菜香，這個價有八粒真的很值得點。豆腐 $18比起盒裝豆腐，還是布包豆腐更好。油麥菜 $18夠新鮮沒爛，份量亦不算少呢。凍檸樂 $18吃火鍋來一杯冰凍檸樂就是最爽。這裡的雞煲套餐價錢吸引、份量不少，單點配料的價錢都好合理，整體質素不錯呢。

一連幾日的寒流，實在令人忍受不住。寒流下最令人興奮的活動，莫過於同三五知己去打邊爐，烚下烚下。步行距離內，最喜歡就係陳儀興。小小的餐廳，湯底同配料選擇好多。最重要係價錢親民，而且無加一。親切又熟悉的圓檯，陪我地渡過多少個寒冷的晚上。不同的湯底都有做推廣，每一款都好抵好吸引。但凍冰冰，最適合就係食個醉雞鍋，藥膳加花雕，諗到都㷫烚烚。醉雞煲好足料，一上檯就傳來陣陣酒香，藥材味好濃郁。半隻雞份量都幾多，雞件用花雕酒浸住，確保每件雞都入晒味。加$38的肥牛亦絕不遜色，係高質貨，每一件都見到均勻的油花。個個都係牛魔王，一客細肥牛當然唔夠分啦。我哋揀咗客大的手切肥牛，上檯非常靚仔，每一件都切得好均勻。輕輕淥一淥就食得，入口有融化的口感，而且牛肉味非常濃郁。其他食材亦有一定水準，而且價錢都好相宜，蔬菜更加係由$18起，坊間絕跡。脆肉鯇魚腩真係卜卜脆。豬頸肉的份量好多。羊肉稍為失色少少， 脂肪部份太多，影響口感。午餐肉同竹笙都好好味，每件切得細細， 正好吸收晒湯汁。手打丸有得揀三寶，一次過試晒三款口味。最鍾意墨魚丸，口感好彈牙好正。游水海鮮方面我哋就揀咗象拔蚌，每人一隻過下口癮，鮮味十足。蔬菜雖然每款

因工作關係，今日整天都在新蒲崗與同事忙了一整日。到八時多終於結束成日既工作，大家都十分餓，於是在新蒲崗隨便找找一間餐廳食飯，怎料喜出望外，在這個不是經常踏足既地方找到一家隱世食小炒雞煲等既老餐廳。點解話老，因為一望餐廳外面殘舊既招牌，你會覺得應該普通喇咁。不過入面裝修是是正正，與外面看的確有些對比。呢度菜式種類繁多，有小炒、煲類、什至火鍋，林林總總，岩哂唔同口味既眾人。而我地都不遑多讓，叫左一個玫瑰雞煲 + 花膠粟米羹 + 椒鹽脆鯇魚腩。火鍋雞煲提供各樣常見既配料，亦提供洗餐具既設備，幾細心的玫瑰雞雞煲一上時，香味四溢，而且色澤亦頗豐富，我地叫左小辣，都接受到就算唔太食得辣既人都，而雞肉質算嫩滑，而份量亦多，2個人食的話加上配料什至加一個白飯，基本上一個煲已經好足夠。而配料中竟然有辛辣面，而且當加湯後放入辛辣面，面吸哂湯底既精華，比起落調味粉更好食，有點喜出望外！而肉既花紋同質素都非常好，不過可以多幾塊就更好！唔夠既大家仲可以額外點再加邊爐配料，價錢都相宜呢個真心推介，花膠係食極都有，極之重手！而湯羹濃度亦適中，我地3個每人都飲成2-3碗，即刻飽左一半佢既食物與小炒質素都非常唔錯，有時

新蒲崗是窩夫與蝦子餅比較少出沒的地區，日前去試了一間口碑不錯的玫瑰餐廳陳儀興，單看它的名宇根本不會聯想到火鍋。火鍋配料選擇很多。落單後店員送來醬油和其他配料。點了一個椰子雞煲(半隻$128)，一上桌便聞到香濃的椰汁味。自家手包雲吞(8隻$42)隻隻脹卜卜，每隻雲吞都包有一隻鮮蝦。美國桶蠔($158)一客有六大隻，脹卜卜很肥美，煮熟後縮水情況不太嚴重。窩夫與蝦子餅都愛吃薯粉，點了手打薯粉($10)來試試，份量不少，很抵食呢。薯粉只需滾一滾便可以進食，口感軟滑煙韌，加點椰子雞湯來吃更加滋味。這是椰子雞煲附送的蔬菜籃，有冬菇、金菇和唐生菜等，冬菇很滑，吸了美味的湯底很好吃。另點了一客西洋菜($18)，新鮮爽脆。壓軸登場的是松露墨魚丸($98)，窩夫很喜歡手打丸的口感，咬到不少墨魚粒，可見真材實料，加入松露更具特色。凍檸芬即芬達橙汁加檸檬，窩夫從來沒有喝過，見有火鍋優惠價每杯18元，便點一杯來試試看，味道不錯呢。

冬天想食邊爐意欲大增，路過見到係花膠雞咁補就忍唔住要去食。滋補濃湯花膠雞($168半隻)上碟見真章，花膠都幾大塊，雞份量也不少，仲有紅棗杞子，傳來陣陣酒香。雞很滑嫩，連雞胸肉都唔會柴; 花膠有嚼勁，質素有返咁上下。招牌手切本地肥牛($148)肥牛雪花分佈均勻，肉質鮮嫩，切出厚度，很有咬口。蟹子墨魚滑($88)墨魚味道不錯，食到粒粒墨魚肉，連蟹子一齊食增加口感。炸魚皮($32)脆卜卜，放完湯後，仲聞到魚香，鹹度適中。油麥菜($18)完全不需要另外加調味，菜已吸收花膠湯底精華，令到菜格外鮮甜。點鍋物送唐篙。

新蒲崗係一個舊工廠區，自從區內有大型住宅落成後，多了很多人和食肆進駐，我在Openrice 睇食評已經知道這裡，而今晚天氣非常凍，又係打邊爐的好時候，便來試試。這裡裝修係工廈茶廳格局，不過店內地方很大，座位闊落，我從來是吃東西，不是吃裝修，我喜歡這種街坊餐廳的感覺。我們點了一個＂好事成雙＂，花雕醉雞煲138元，安格斯肥牛38元花雕醉雞煲138元，煲滾個湯，酒味一流，自從上次火鍋店經理教我哋點樣煮食醉雞煱之後，依家一定會煮4分鐘然之後焗4分鐘，D雞滑到不得了，又嫩又好味。以呢個價錢，半隻雞肥瘦剛剛好，完全冇得彈。安格斯肥牛38元，十分低食又大碟，牛味十足，又柔軟又滑，煑極都唔會又硬又鞋。所以我們追加了一份細安格斯肥牛108元，份量梗係多些，不過明顯＂好事成雙＂係最低食。蜂巢豆腐38元，吸盡醉雞煱D花鵰酒香味呀！脆魭魚腩58元，十分新鮮，又爽又脆，甘香肥美，唔會有搭魚頭和魚尾，全部都是腩。花膠48元，又大件又低食，唔似三両咁少，補下啲骨膠原真係正，女仕之選呀！凍檸樂18元，凍檸七18元，大大杯又好多冰，打邊爐解渴一流。總括食物價錢平，大大碟又質素好，坐得舒服又衞生，下次再嚟打鑊金你陳儀興。

一直都好鍾意食椰子/椰汁，細個媽媽會煲椰子煲雞湯，大個自己又好鍾意食椰汁西米露，最喜歡椰子的椰香味!!今次俾我發現公司附近的餐廳居然有椰子雞煲，真係椰迷的天大喜訊!!於是約埋公司同事，準點放工過去試，當係提前做冬椰子雞煲 並非在常規鍋底的MENU上，要另外跟店員講，冇得劃紙仔椰子雞煲本身已配有雞半隻，同配左生菜所以都要再加少少火鍋配料火鍋醬料選擇相對比較少，畢竟這餐廳日間是做茶餐廳嘛不過最重要那幾款都齊: 辣椒、蒜蓉、炸蒜、葱花、豉油如果有芫茜就仲正湯底先上~~~椰香撲鼻，湯底是以椰漿調配，比椰青水湯底款更香濃湯底不單有椰子片，還加了 蒜頭、大葱、洋葱、芫茜，增加香味雞件先走油，在湯底餚煮的過程中，椰香會慢慢滲入雞肉當中即使是雞胸位置，肉質不會乾硬美國桶蠔($158)桶蠔顏色新鮮，大大粒十分飽滿，隻隻都長過隻手指淥完都仲係好大隻入口充滿鮮甜味，蠔味濃郁蟹子墨魚滑 ($88)墨魚滑真係打邊爐的絕配，雖然價錢比墨魚丸貴，但墨魚滑的鮮味及彈牙口感，實在是墨魚無法相比的白雪雪的墨魚滑，入口彈牙，又有墨魚的清甜牛柳粒($98)牛柳粒的脂肪比例不俗，因牛柳粒SIZE比較大粒，所以要花多一點時間才能

近來天氣比較寒冷，女兒提議去食火鍋，記得上次去過新蒲崗的玫瑰餐廳陳儀興，果度D火鍋吾錯，食過翻尋味！所以今晚我們一家齊齊去尋味！美食當前，老公叫定枝啤酒，啤一啤。火鍋混醬:不另收費。女兒預先訂左玫瑰海鮮船，因為早一天訂有優惠的！玫瑰海鮮船:每天5款不同新鮮海鮮。湯底鮮甜！今天海鮮就有鮑魚、蟹、蝦、青口、蜆。海鮮新鮮，味道鮮甜。特別是蟹，有蟹膏，很鮮甜！]極品西班牙豚肉 ：手切的豚肉，有口感又鮮味！脆鲩魚片：魚片都好大片，爽脆鮮甜！鬼馬墨魚膠：黑魚膠彈牙，加左蟹子增加口感！自家手包雲吞和自家韮菜餃：皮薄餡飽滿！即叫即包，保持新鮮！]彈牙鮮蝦丸：真的很彈牙，蝦膠混合蝦肉，增加口感，鮮味又彈牙！]]皇帝菜：新鮮夠嫩。

前幾日在新蒲崗見客，講起打邊爐 推介， 近Mekiki 行返落爵祿街有间茶餐廳打邊爐小菜都好掂。 最喜歡 發掘小店往往會有新驚喜。除咗火鍋完來仲有小菜， 但今晚實在太凍，我們當然選擇火鍋。 火鍋湯底有很多選擇， 有海鮮，藥膳， 羊腩煲，四川烤魚，雞煲林林總總 價錢由八十幾到三百幾都有，最後 我們選了 "玫瑰海鮮船" 鍋底。橙紅色的海鮮鍋極度豐富， 目測之下已有數隻鮑魚，五六隻蟹和大量 蜆 ，大花甲， 海蝦等等。。 眾多海鮮放在南瓜湯底上， 鮮甜無比。 蟹雖細隻但係勁多蟹膏， 加埋鮑魚鮮甜彈牙，滿足滿足!凍檸樂隻冰底杯極爽， 還有久違了的芬達， 原來打邊爐飲芬達都幾夾， 仲可以有芬達加檸檬的選擇。 啱喜歡 試新嘢的朋友。喜歡吃牛的朋友也點了手切"本地肥牛"( 細 $148)。 肉質勁滑， 即使淥過了時間也不失牛味又唔韌。 細size 份量也足夠兩位不是食肉獸的朋友，以$148 價錢來說相當抵吃， 其他地方吃手切肥牛都要 二百蚊起步價兼且質素冇這裏咁高。蟹子墨魚滑， 爽甜彈牙。羊肉片頗新鮮， 沒有羊羶味 ( 但朋友卻喜好羊羶味)。唐蒿菜很當造， 想再encore都售罄了，今晚實在太多人打邊