陳儀興玫瑰餐廳

营业中

休息中

餐廳地段有點隱蔽，因為四周工廈地鋪已經收工，遠處已經望到那處光線，就感覺到就係個間餐廳！😍見到有得打邊爐，好似都唔錯！我地兩個人就叫左個好意頭套餐-好事.成雙👫滋補花雕雞（$138）上枱個時湯底周醉雞係分開上，湯底好多葯材-有紅棗、杞子、川芎，其他葯材都唔識個名🤣🤣🤣 ，花雕酒味好重，唔單只味重，飲落都好重酒味，成個人都興個合~花雕雞浸夠紹興酒入到，浸到d肉質好滑嫩，食落都好重酒香味，真係唔洗飲酒都醉😝安格斯肥牛（加$38）十級抵食，絕對唔係將貨就價，真材實料，牛肉厚身，雪花分佈均勻，好正👍🏻松露墨魚丸（$98）餐牌"玫瑰推介"，好重黑松露味，重味到食唔出墨丸味，好彈牙！😋👍👍脆鯇魚片（$58）🐟塊塊魚片大大塊，塊塊都爽口又彈牙!食落好鮮！食到我地兩個好飽😬😬

假日來到新蒲崗朋友家作客，朋友建議到附近有名的玫瑰餐廳吃飯，有家工廈地下「玫瑰海鮮船」好想一試，其中有至少5款時令海鮮，全部由老闆當日親自到街市採購，保證新鮮。先來混醬主角來了終於等到玫瑰海鮮船了，有足足四人份量，而食材天天不同，實在令人期待。湯底充滿了海鮮的鮮甜味。湯底以蝦頭熬製，加入了蔬菜如南瓜、蕃茄、粟米、洋葱。充滿了蔬果的清爽和海鮮的鮮甜味。大連鮑魚仔夠爽口大蜆厚肉鮮甜，另外還有海蝦和肉蟹等。不夠的話還可以加點火煱配料。加入蔬菜，一點也不油膩自家製韭菜餃及鮮蝦雲吞 ，店家自家鮮製，雲吞啖啖蝦肉，十分足料。手切本地肥牛,牛味十足，十分適合食肉獸。蠔亦十分肥美，煮後不太縮水。豬肉肥瘦均勻再來一杯冰檸樂！

延續愛吃火鍋的習性,這次和3名友人來到新蒲崗的“玫瑰餐廳”,很美麗浪漫的名字。點了玫瑰海鮮鍋,材料非常豐富,又很新鮮,海鮮的鮮甜精華全進了湯裡,不消一會,海鮮連湯已給我們幾個清光光。意猶未盡,我們又點了個鷄鍋,醬料濃郁味道豐富,又消光光了。真的不要小看幾個女人的胃口另外還點了生蠔和豐富的火煱配菜,加上檸樂,真的是大滿足的一餐。還有,我們發現這裡的以食物價錢和質素來說,性價比是十分高的。所以喜愛火煱的朋友不妨考慮下這裡,而我已在盤算下次什麼時候再回來。

朋友帶路，原來這間店，之前星期日公休，新年後改為星期日加開晚市。經商量後，貪心的人又想炒野又想打邊爐，咁不一齊黎啦!黃金蝦，蝦新鮮爽脆，每隻黏滿咸蛋黃，蝦頭有膏，蝦殼炸得鬆脆，份量大碟。 豉椒炒蜆，size比細蜆大d，蜆無沙，夠鑊氣味，好食。南瓜海鮮湯底，又鮮又甜，濃縮蝦湯一樣，湯底有蕃茄南瓜粟米配料豬什拼盤，有豬潤豬腰豬大腸豬肚豬腸豬頸肉，非常大盤量又多種類亦多，豬潤烚得耐都好滑，豬腰有用酒同薑醃過，食落完全無尿臭味反而陣陣酒香，好食。 手切肥牛 切得夠薄片，快煮嫩滑，烚耐左牛味更濃不過口感無咁好啦有相有真相，不多講，再追加2碟就知堅好野。

天寒地凍，冇嘢可以幸福過約埋三五知己，在屋企附近打個邊爐！今晚又再一次同陳儀興夫婦（住在陳儀興附近的夫婦朋友），前往屋企附近的玫瑰餐廳（個名真係好鬼浪漫）打個邊爐，過一個暖笠笠的晚上。花雕酒我就冇飲過，但係呢個花雕醉雞鍋，真係好得！通常之前食嗰啲醉雞鍋，其實我覺得係幾香，但係好多時我唔太想酒味或藥材味會太重，甚至帶點苦，但呢一個調味剛剛好，藥材味同埋酒味都唔會太濃，而且可能花雕酒的作用，個湯底仲略帶微甜。幫襯醉雞鍋，得到優惠＄38有碟安格斯肥牛！雞肉好新鮮。嘩！手切肥牛超靚仔！脆鯇魚腩，好爽口，幾厚肉，口感好好。爭啲忘記咗呢個性價比極高，巨型大碟粉絲。豬頸肉都幾肥美，而且份量都幾多。總括來講，呢度真係一個平靚正嘅打邊爐好地方（當晚仲見到有網紅幫襯！不過怕羞冇過去同佢影相）

唔聽同事講都唔知原來呢間餐廳喺新蒲崗咁出名架，有得叫小菜食，又可以打邊爐!！我地四個人叫左個花雕醉雞鍋，上枱果陣湯同雞係分開嘅，我地等個湯滾就可以加雞加落去。個湯底一上台就已經聞到好大陣藥材味同花雕酒味！個爐火力十分強，好快已經食得啦。由於個湯底加左藥材，個湯真係好香呀，而酒味都冇因為滾太耐而消失！飲完成個身都好暖！至於個雞都有驚喜，大大件，雞肉好嫩滑。食晒d雞，我地就開始打邊爐啦，叫左好多野食！火鍋配料選擇都幾多，而且質素都唔錯！招牌手切本地肥牛我地揀左細份都好大碟，最緊要牛味好濃，無根而且食落肉質嫩滑！安格斯肥牛依個係個花雕鍋加$38就有一碟，雖然咁平，但係份量都唔小，而且質素都唔差架！性價比極高！牛柳粒一上枱完全呆左，超大粒！係平時見到既四倍咁大！鍾意食牛柳粒既一定唔可以錯過！響鈴+炸魚皮雙併魚皮質地偏硬小小所以浸多左幾秒都唔怕淋，最正係可以索多啲湯汁！響鈴就浸一浸就得啦！蓮藕片平時都好鐘意食蓮藕，打邊爐仲好正！藕片清甜又爽口，食完肉再食就岩哂，所以我地一下就掃哂！薯粉打邊爐又點可以唔加粉麵呢，一碟已經勁多！薯粉出名超索湯，口感煙韌好正呀！飽到上心口都忍唔住食左成碗！

唔聽同事講都唔知原來呢間餐廳喺新蒲崗咁出名架, 唔些有小菜食, 仲有岩咁凍天氣既打邊爐! 我地四個人叫左個花雕醉雞鍋, 其實仲有個花膠鍋我地都想試架. 上枱果陣湯同雞係分開等我地加落去, 以免咁快蒸發哂啲酒精. 其實一上菜就已經聞到好大陣藥材味同酒香. 個爐火力十分強, 未幾已經食得啦. 由於加左藥材, 個湯真係好香呀, 而酒味都冇因為滾太耐而消失, 飲完成個身都好暖. 至於個雞都有驚喜, 大大件又滑, 半隻雞夠四個女仔食, 開左個胃就正式打邊爐啦.招牌手切本地肥牛我地揀左細份都好大碟, 最緊要牛味好濃, 無根而且好淋, 食完一塊又一塊安格斯肥牛叫個鍋加$38就有一碟, 雖然冇手切肥牛咁好食, 但性價比極高, 食啲油花就知比街邊既高幾班.牛柳粒一上枱完全呆左, 超大粒! 一啲都唔誇張, 係平時見到既四倍, 鍾意食牛柳粒既一定唔可以錯過!松露墨魚丸一粒粒既墨魚有咬口又彈牙, 由於好重松露味所以細細粒食極都唔膩凍豆腐最正係可以索多啲湯汁, 好邪惡但同個湯真係好夾蓮藕片超驚喜, 完成冇諗過會咁好食! 藕片清甜又爽口, 食完肉再食就岩哂, 所以我地一下就掃哂!薯粉打邊爐又點可以唔加粉麵呢, 呢

同一家人黎到新蒲崗，梗係你試下呢度好出名嘅玫瑰餐廳陳儀興啦，之前睇openrice見到有好多好評，所以就嚟試下 。玫瑰海鮮船 ($238，要提前一天預訂)，性價比高，四人一齊食，份量足夠，每人約＄50鮑魚－肉質Q彈鮮美，柔嫩細滑扇貝－帶子肉飽滿番薯蜆－體積一般比花蛤和沙蜆大，約有三分之一隻手掌般大小，鮮甜和肉厚煙韌蝦－彈牙鮮嫩花蟹足足四人分量，每人約＄50即炒的黃金魚皮 ($68)炸魚皮鬆脆可口魚皮香脆且無腥味，脆度十足安格斯牛肉安格斯黑牛位於胸腹左右兩側油花分布均勻每片肉，含有豐富的蛋白質，如雪花般的細緻油花分佈，油脂含量豐富，肉質鮮嫩而不油膩，油花均勻!肉質超鮮嫩，肉質濃香，完美油花與鮮嫩多汁幾有咬勁，但不會嚼不爛，入口帶有非常香濃的牛香味

上兩星期天氣真係好凍食飯一定係揀打邊爐近近地都係跟返我哋住嘅附近新蒲崗食飯本來好想試試花雕雞煲不過朋友生日梗係食好啲啦所以就叫左一個海鮮船因為唔知有幾大煲由於得我地兩個女仔食嘢 一於等埋個海鮮船嚟到之後先至再額外點嘢食海鮮船 點知原來都真係幾大煲其實二百幾蚊真係好抵佢每一樣野都起碼有四隻佢有扇貝海蝦鮑魚蟹花甲一黎我哋就食咗個海蝦同埋扇貝先個海蝦超甜好新鮮啲肉好實呢個佢有成八隻咁多添而佢個扇貝都好好食出街食來講佢都算係幾大隻真材實料 不過可能唔係當造唔算好甜 但係食得出係新鮮嘅之後就係個鮑魚個鮑魚比起上嚟比較失色入口好軟口 一啲都唔韌不過就係唔夠鮮甜仲有係花甲佢個花甲處理得十分之好食蜆同埋食花甲都好最怕就係有沙我食咗好多隻都係冇沙又甜海鮮船入邊最後就係蟹啦不過我冇影相我本身都想影㗎不過食得蟹就一定落手所以就冇咁到啦呢一隻唔知係唔係叫做三點蟹呢？佢係水蟹雖然啲肉唔係好多但係超級甜！超級新鮮！有成五隻咁多，淨係咁樣都已經值回票價啦同埋我發覺食蟹冬天食啲膏係特別香講真食海鮮真係唔算好飽不過兩個女仔食都夠都講咗唔算好飽 所以我哋係有再叫第二啲嘢嘅特別要推介脆鯇魚片#我係海鮮控超好食！係香港真係

網上睇到呢間食評唔錯，登特嚟食!地方大，一圍圍食緊晚飯似公司圍年，我地嘅位置係茶記款卡位，平日都咁煩忙，應該有番咁上下質素吧重慶雞煲，微辣版，醬汁濃郁，極惹味，加埋小小辣醒晒胃，話咁快就嚟食完，食完後問我地繼續打邊爐定食小菜? 商量後決定烚下烚下，之後幫我地係食完既雞煲再加湯加湯後雞煲味仍然濃郁象拔蚌仔極新鮮鮮甜海中蝦一份，極新鮮，蝦仲係度跳緊囉，用竹籤串好，放落去淥都唔驚佢地彈出黎，肉質爽口彈牙!自家製即包韮菜餃，皮薄餡靚，大隻餡多，韮菜同肉比例好，必食!

雖然天氣暖咗少少，但係都想食雞煲+打邊爐～見到有咁多人讚呢間，價錢又接受到，就決定呢間！由於要過新蒲崗買嘢，經過問吓仲有冇$298嘅二人餐（門口搵唔到），肯定有就順便book埋位～想食重慶雞煲但係又怕太辣，出面好多大中小辣都唔可信！但係又唔想食椰子煲，所以最後都揀咗重慶（小辣）。睇咗好耐都只得牆上呢個飲品牌，最初仲冇為意有個「檸」字，心諗一罐可樂原價$31？不過阿姐對答好奇怪......我問：阿姐～有冇飲品餐牌？佢第一句：「嘢飲得呢度咋！（指住個牌）」（但係隔離枱啱啱上咗兩支藍妹...）第二句：「可樂嗰D$12，咖啡、檸茶就$2X」我問：咁啤酒呢？佢先答：「青島$22，藍妹$30」其實......呢兜醬料可以唔要，因為......湯底好濃（鹹）......雞煲賣相唔錯！但份量唔算好多。我唔明，二人餐每款俾三件，點分？係好食嘅，不過份量就......什菜？一款菜算唔算係什菜？呢個犀利啦！係浸好耐都唔會淋嘅響鈴！唔駛一個鐘，我哋已經食晒所有嘢！有諗過追加食物，但係唔知有幾大碟，都係算把啦。總結：$298（即係每人$149）同出面$15X任食兩個鐘嚟比，價錢有少少貴。以食物質素嚟講，當然好過

朋友約係新蒲崗食飯，當堂打個凸，乜工業區有野食架咩？久違的新蒲崗原來多左咁野食仲有個大商場，失敬失敬! 唔知係咪星期六關係爆晒，要等位，好彩咁岩有人準備走，等左10分鐘左右就有位，我地坐後面卡位，見幾張大圓枱食小菜幾靚仔，原來想打邊爐轉戰叫餸食飯!金菇肥牛粉絲煲，新鮮滾熱辣上枱，食物夠熱絕對加分，沙嗲味濃，肥牛新鮮夠淋軟，金菇同粉絲吸味之作，好食! 啫啫豬什，鐵板上，好香酒味，啫啫味濃，豬腰豬潤好滑，豬頸肉爽口，完全無腥味臭味，做得非常好!百花炸大腸，大腸較為薄身炸到好脆，百花個膠打得幾好，彈牙有墨魚味，酸甜汁較為淡口豉椒象拔蚌，豉椒味重醬汁夠結可以掛到係象拔蚌身上，象拔蜆新鮮，炒得好整體小菜非常出色，夠熱有大排檔味道，絕對要黎試下。

琴晚師傅帶我地成班師兄弟食好野，原來呢間野之前每逢星期日休息，由2月份開始星期日會加開晚市首先來點小吃，黃金魚皮x3份，香脆可口，個個話好食，連碟底既鹹蛋清埋，做餐前小吃一流玫瑰金磚，個名好有氣勢的炸豆腐，豆腐滑外層炸得鬆脆輕輕帶點奶香，小甜清淡不油膩，好特別，上面炸蒜脆香百花炸大腸（例牌加大），大腸半饟花枝滑，大腸夠薄香脆，花枝彈牙，配上酸甜汁幾醒胃蒜香骨例牌加大，半肥瘦排骨，炸得香酥肉嫩，好香蒜味師傅訂左2條象拔蜆做刺身，刀工好，非常薄片，晶瑩剔透，象拔蜆非常鮮甜爽口，正到暈第2條同樣預訂貨，指定要澳洲龍蝦，芝士焗，香滑芝士好creamy,龍蝦肉結實味濃，啖啖肉，連蝦腳都可以原條肉起出黎食，份量十足，龍蝦頭爆膏似蟹膏滑但比蟹膏更鮮甜，下面手打烏冬底，相信至少落左5個烏冬餅，最後要打包蒜蓉粉絲蒸扇貝12隻，扇貝大過隻碗同碟非常巨型，大口大口食，非常爽，非常鮮甜，粉絲吸收扇貝精華，不淋不硬口感剛好，絕本地手切肥牛x4，好好食，牛味濃，肉質嫩，非常高質靚牛荔枝蟹x12，細細隻以為無肉食，膏多肉都唔弱，膏甘香肉鮮甜，第一次食，幾特別鵝腸肥美，桶蠔大大隻，韮菜餃值得試，皮薄餡靚，韮菜仲青bb

最愛黎呢度打邊爐，鍋底選擇多，食材新鮮外價錢優惠，平時先食雞煲後打邊爐，今次試新野，花雕醉雞鍋。鍋底未到先聞到花雕酒香氣，非常吸引除左酒香原來有埋藥膳味道，飲啖湯，藥膳味重，比台灣食既藥膳鍋更濃郁，色香味俱全半隻雞都唔少野，大隻好厚肉少脂肪，聞落非常濃烈酒香，煮熟後雞肉新鮮嫩滑，每件雞好香花雕味，證明醃既時間夠，加埋湯底藥膳味，夾到飛起!另加$38安格斯肥牛，咁既價錢有咁既質素係邊度搵呀! 齋睇都知靚野，脂肪平均半肥瘦，口感嫩滑新鮮牛味濃郁，實在難得!$88西班牙豚肉，雖然一睇就知急凍貨，但色澤鮮明，脂肪分佈好靚，食落好濃鮮豬味，口感同牛一樣幼滑，好出色雲吞拼韮菜餃，雲吞皮薄內有原隻鮮蝦，爽口彈牙豬肉新鮮韮菜餃一樣皮薄透饀，隻隻飽滿，即叫即做，新鮮好食有靚湯底一定要整返碟響鈴啦，放落去數1，2秒即攞起，外面吸收湯既精華，入面仲保持到脆口👍蟹籽墨魚滑，原來墨魚滑配呢個鍋咁好食，整細細粒，連湯一齊食同飲，最高享受😋菜既作用同響鈴差不多，吸味一流，湯底味配菜既青脆口感

#fridayla_sanpokong⠀⠀⠀⠀⠀⠀⠀⠀⠀⠀⠀⠀⠀⠀⠀早排同朋友去咗新蒲崗，試咗呢間老字號玫瑰餐廳，⠀⠀⠀⠀⠀⠀⠀⠀⠀⠀⠀⠀⠀⠀⠀齋睇喺普通茶記，沒有華麗的裝潢，唯勝在有人情味。⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣玫瑰餐廳陳儀興前身喺玫瑰餐廳，主打特色火鍋及潮州打冷，最新搞作喺玫瑰海鮮鍋，食材喺由老闆每天到街市採購新鮮食材，應有盡有😆😆⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣同老闆閒談間，完全能夠感受到他對飲食的熱愛及堅持，單是店鋪內的拉芝丸，就其實是經由他反復試驗，最後運用了Mozzarella及車打兩種芝士才營造到拉絲的效果😝😝⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣玫瑰海鮮船4人份💲238 (推介👍🏻)💭主要有8只蝦4只鮑魚4只細蟹😳😳💭同埋大量珍珠蜆同大蜆，全部都好鮮🤤🤤💭以蝦頭熬製的蝦湯😍😍💭加入了番茄粟米及南瓜等蔬菜😆💭建議先飲一口湯，再打邊爐🤤💭隨鍋附送一小碟油炸鬼😎💭食材主要視乎當天街市行情😆😆💭或會有少量更改😎😎⠀⠀⠀⠀⠀⠀⠀⠀⠀⠀⠀⠀⠀⠀⠀2⃣本地手切肥牛 (細)💲1