影片
更多
2018-01-12
1571 浏览
一連幾日的寒流，實在令人忍受不住。寒流下最令人興奮的活動，莫過於同三五知己去打邊爐，烚下烚下。步行距離內，最喜歡就係陳儀興。小小的餐廳，湯底同配料選擇好多。最重要係價錢親民，而且無加一。親切又熟悉的圓檯，陪我地渡過多少個寒冷的晚上。不同的湯底都有做推廣，每一款都好抵好吸引。但凍冰冰，最適合就係食個醉雞鍋，藥膳加花雕，諗到都㷫烚烚。醉雞煲好足料，一上檯就傳來陣陣酒香，藥材味好濃郁。半隻雞份量都幾多，雞件用花雕酒浸住，確保每件雞都入晒味。加$38的肥牛亦絕不遜色，係高質貨，每一件都見到均勻的油花。個個都係牛魔王，一客細肥牛當然唔夠分啦。我哋揀咗客大的手切肥牛，上檯非常靚仔，每一件都切得好均勻。輕輕淥一淥就食得，入口有融化的口感，而且牛肉味非常濃郁。其他食材亦有一定水準，而且價錢都好相宜，蔬菜更加係由$18起，坊間絕跡。脆肉鯇魚腩真係卜卜脆。豬頸肉的份量好多。羊肉稍為失色少少， 脂肪部份太多，影響口感。午餐肉同竹笙都好好味，每件切得細細， 正好吸收晒湯汁。手打丸有得揀三寶，一次過試晒三款口味。最鍾意墨魚丸，口感好彈牙好正。游水海鮮方面我哋就揀咗象拔蚌，每人一隻過下口癮，鮮味十足。蔬菜雖然每款
步行距離內，最喜歡就係陳儀興。小小的餐廳，湯底同配料選擇好多。最重要係價錢親民，而且無加一。親切又熟悉的圓檯，陪我地渡過多少個寒冷的晚上。
不同的湯底都有做推廣，每一款都好抵好吸引。但凍冰冰，最適合就係食個醉雞鍋，藥膳加花雕，諗到都㷫烚烚。
15 浏览
0 赞好
0 留言
醉雞煲好足料，一上檯就傳來陣陣酒香，藥材味好濃郁。半隻雞份量都幾多，雞件用花雕酒浸住，確保每件雞都入晒味。
23 浏览
0 赞好
0 留言
加$38的肥牛亦絕不遜色，係高質貨，每一件都見到均勻的油花。
22 浏览
0 赞好
0 留言
個個都係牛魔王，一客細肥牛當然唔夠分啦。我哋揀咗客大的手切肥牛，上檯非常靚仔，每一件都切得好均勻。輕輕淥一淥就食得，入口有融化的口感，而且牛肉味非常濃郁。
其他食材亦有一定水準，而且價錢都好相宜，蔬菜更加係由$18起，坊間絕跡。
26 浏览
0 赞好
0 留言
脆肉鯇魚腩真係卜卜脆。
16 浏览
0 赞好
0 留言
豬頸肉的份量好多。
8 浏览
0 赞好
0 留言
羊肉稍為失色少少， 脂肪部份太多，影響口感。
11 浏览
0 赞好
0 留言
午餐肉同竹笙都好好味，每件切得細細， 正好吸收晒湯汁。
11 浏览
0 赞好
0 留言
手打丸有得揀三寶，一次過試晒三款口味。最鍾意墨魚丸，口感好彈牙好正。
12 浏览
0 赞好
0 留言
游水海鮮方面我哋就揀咗象拔蚌，每人一隻過下口癮，鮮味十足。
9 浏览
0 赞好
0 留言
蔬菜雖然每款只係$18，但絕不欺場，份量足而且亦好新鮮。
食得飽足的晚上，每人二百多，肚仔飽飽，身體暖暖，係驅寒的好活動。約定朋友仔，下次寒流再聚。
张贴
