陳儀興玫瑰餐廳

营业中

休息中

天寒地凍🥶最愛大伙烚下烚下🥰餐廳位置在mikiki附近，唔算難搵～$298 雙爆膏活龍蝦🦞海鮮鍋，裡面仲有鮑魚、中海蝦、花甲且三星蟹，加埋蕃茄🍅同粟米🌽令個湯頭甜到爆，未落其他嘢前一定要飲返碗🍲個魚皮同響鈴上枱時係微暖卜卜脆，送🍻一流！仲有鮮鵝腸、黃沙豬膶、豬粉腸都係超鮮冇腥味🤤聽講呢度手切肥牛係每日由街市新鮮供應，大碟抵食，下次一定要order先😆食飽飽人均消費$200內，勁推😆😆

天氣漸漸步入涼爽,又是時候打邊爐了!雖然平時也吃了不少火鍋,但醉雞鍋在這個天氣吃就最滋補了!我們點了這個"好事成雙"套餐,很抵吃!!!有一碟安格斯肥牛和花雕醉雞鍋,只是$138!!!花雕醉雞鍋 非常足料, 雞味和花雕味都好出!!!雞肉好滑溜,啖啖肉呀!!!安格斯肥牛 油花充足, 雖是推廣,但絕不偷工減料!好吃!牛肉軟腍,牛味濃呀!!我們還點了鵝腸和其他火鍋料,整體都很滿意!每樣料都在濃郁的醉雞湯底浸完,滿滿的醉雞味,正!

今晚去新蒲崗探朋友，順便食個飯。朋友帶左我地去呢間火鍋店，話呢度個鴨煲水準唔錯，幾好食。本來以為間餐廳係工廠區，平日呢應該無乜人，估唔到原來都幾多客人。入位後，我地叫左個鴨煲同其他邊爐食材。 招牌娘惹鴨煲 – 一上台就聞到好香，湯底味道好香濃，有D似喇沙。隻鴨份量十足，肉質嫩滑，炆得淋，唔使點調味料都已經夠晒惹味。 牛柳粒 - 呢碟係叫鴨煲加 $1既。牛柳色澤紅色，有光澤，肉質有彈性。牛味好濃，肉汁豐富，煲左好耐都唔會話粗鞋乾硬。桶蠔 - 大大隻，肉質肥美滑溜且多汁，味道鮮甜花膠仔 - 口感彈牙爽口准山同唐生菜 - 夠曬新鮮爽口炸芋頭 - 鬆軟綿密

今日同屋企人係mikiki 行完街，見肚餓就順便係附近食埋野先返屋企，咁岩呢度有鴨煲食，平時雞煲就食得多，鴨煲又無咩試過，於是一於決定去試試。上菜嘅速度都幾快，我都叫左個鴨煲無耐就已經準備好。而且d 鴨嘅肉質都好嫩滑，唔會話好榎，加上佢嘅醬汁好濃鬱，夾埋d 鴨肉可以話係perfect match，仲佢有個份量都幾足，唔洗太擔心會話唔夠食。食完個鴨煲緊係要嗌埋其他料打埋個邊爐啦。呢度都有幾多唔同種類嘅火鍋配料可以揀。我就重點推薦大家可以試下佢個桶蠔同肥牛。桶蠔 - 都幾大隻，而且肥美多汁，蠔味都幾濃鬱。肥牛 - 肉色鮮明，同埋油脂分佈幾平均，食落肉質鮮嫩又唔會靱。除左呢d 之外，其他海鮮同菜都好新鮮，選擇又多又唔會話貴，推薦大家行過呢頭不妨去一試。

同朋友喺鑽石山行街，心血來潮，走去一間上次朋友介紹過，位於新蒲崗，走八分鐘左右，有啲似街坊茶餐廳，但係又有靚料打邊爐。我地點左個新山娘惹鴨煲，湯底有D似喇沙，好香好滑好野味，鴨肉好味。我地又叫左其他料，羊片，松露墨魚丸，不見天，金菇，咁岩做 promote 加$1 有牛柳粒。因為湯底濃郁，D肉滾一滾就好入味，幾乎不用豉油。最最喜歡松露墨魚丸，超香松露，又有墨魚爽滑。我見人地枱有叫雞煲，仲有海鮮煲，個賣相也很吸引呢！

同同事開完會...太晏！要搵晚飯食！見到有間茶餐廳門口有得打邊爐又抵食！不如試下！入去既環境好明顯係工業區既餐廳，但好多人收工黎食！仲明顯熟客！睇黎我冇選錯 😏😏我地選左侍應哥哥介紹既正鍋《招牌娘惹鴨煲》，再加左一碟$1 既 鹿兒島牛柳粒，仲有加多少少野！豉油同其他調味料同出面一樣，但原來完全唔駛點架！個煲已經好夠味！個煲黎左喇！好吸引呀！勁多蔥、豆卜同支竹，勁索味既野呀！個鴨寫明半隻，我地初時諗住半隻兩人份，應該鴨仔 🤣🤣 我太睇小佢喇 🤣🤣 娘惹既味道同喇沙好似！勁入味！個人大愛喇沙味，我地一路食一路讚呀 🤣🤣 味道好香濃，當然同喇沙係有唔同！但我唔識形容！鴨炆得好夠淋，又入哂味，我地真係冇點過豉油 👍🏻👍🏻👍🏻黎呢道最開心唔係價平有幾平，係有杯凍檸茶呀 😎😎 勁開心呢碟就係叫鴨煲可以加 $1 既牛柳粒，我真係有其望架！但驚喜囉！牛味好濃，仲好 juice，煲左好耐都唔會柴架 👍🏻生菜同冬瓜落左呢個湯道變得好邪惡 😏😏😎😎呢道仲有半碟叫架！岩哂我地人小小啦！同事勁想食韮菜餃，我梗係唔會左止佢啦！只要你食得哂係冇問題！😏 但我講漏左...食住既時候唔好同我講野！佢話勁好味呀！勁韮菜！

今晚到新蒲崗找食肆晚飯來到這家門面普通的餐廳想不到竟帶給了我們驚喜首先叫了特別的娘惹鴨煲味道濃郁而且鴨件量很多鴨肉肉質軟腍且炆得入味隨後點了一些配菜打邊爐有豬青脆肉鯇魚腩三寶丸滑牛片嚮鈴娃娃菜牛肉粒驚喜的是加一元便有的安格斯牛粒吃罷鴨煲後侍應便添加湯作火鍋用湯底雖然有點油膩但味道甚具特色豬青肉不肥脆肉鯇肉質厚實很新鮮滑牛果然很滑溜配上自調醬油一流加一元換購的安格斯牛粒絶不欺場新鮮有濃牛肉味份量大概有九大粒三寶丸有魚丸肉丸蝦丸都水準之上總括而言餐廳看似普通卻驚喜不斷

因為就朋友放工, 所以又黎到新蒲崗食飯啦~呢間餐廳唔係朋友介紹都唔覺眼呀, 因為平日既關係, 餐廳唔會好多人, 有卡位坐都幾舒服~朋友話試下呢個招牌娘惹鴨煲, 估唔到鴨既份量都有好多, 仲有好多豆卜係入面, 吸哂d湯汁好好味!鴨肉都好入味, 而且唔會好難咬, 同埋係大大舊鴨, 呢個價錢真係好抵食仲可以加一蚊既牛柳粒, 超抵食呀, 而且仲要有好多粒架~因為食個鴨煲都好飽, 所以叫左d簡單既火鍋料, 有芋絲, 墨魚滑同炸魚皮~唔好睇個墨魚滑好似好少, 都整到好多粒食架, 而且仲要係彈牙, 同出面既火鍋店有得比架食物價錢唔太貴, 下次可以再試下其他湯底呀

新蒲崗算係一個傳統舊區，但係隨着近年有啲新嘅大型商場同埋屋苑入伙，呢度多咗唔少新潮食店，當然係食物味道同埋價錢夠吸引啦。就好似今晚去咗呢間玫瑰陳怡興餐廳。佢位於新蒲崗爵祿街，其實從Mikiki行過去只係幾分鐘嘅路程，相當容易搵，呢度主打小炒同埋火鍋，當大家周圍去食雞煲嘅時候，我哋今晚就試咗呢度嘅鴨煲雖然係跑馬日，但係食客一啲都唔少，我哋一路食都仲有好多熟客入嚟幫襯，證明佢地嘅口碑應該唔錯，店員都已經認得啲客人。餐牌我哋兩個人叫咗一個新山娘惹鴨煲(半隻$168)加$1鹿兒島牛柳粒。由於鴨本身呢係比雞大隻不少，所以叫半隻呢都有一整鍋咁多。味道本身又香又濃，好似沙嗲咁鴨肉本身好淋，咬落去即刻離骨，唔韌又入味，非常好食鍋入面仲加入有洋葱同京葱，令湯汁更加香，呢個時候最精彩嘅當然係煲入面嘅豆腐卜同枝竹啦，索晒啲湯汁精華，無得頂，忍唔住係咁食。鹿兒島牛柳粒係優惠價加購，只係1蚊，上枱都有十幾粒，抵到爆，放入煲一陣就食得，牛肉味稱唔上好濃烈，但相當腍身，味道比賣相好。配料方面我地點左一碟安格斯牛肉$118， 價錢唔貴，質素都ok。推介冬菇釀墨魚滑有8粒，鮮冬菇上面釀咗墨魚滑，上面放有一啲魚子，咬落去

今日咁啱行到去新蒲崗，估唔到呢道仲有咁多街坊街里嘅地道食肆，咁我梗係要揾間坐低試吓啦！咁就入咗呢間喺爵祿街嘅玫瑰陳儀興，地道茶記格局，勝在夠寬敞，坐得鬆動唔逼夾。原來呢度係主打火鍋，而且堅多鍋底選擇。咁啱見到呢個好事·成雙，又有花雕醉鷄，又有安格斯肥牛，兩款加埋都係$176, 咁抵食梗係要試吓喇！湯底一上，D酒香同藥材香即刻攻晒上嚟。北芪、黨參、當歸、紅棗、杞子樣樣齊，仲配埋半隻用花雕酒浸住嘅滑鷄，份量十足。呢碟就係價值$38蚊嘅安格斯肥牛，有牛味，似模似樣，冇欺場。打邊爐又點少得美國桶蠔($158)，肥大肉厚。👍另外仲加咗一份唐生菜($18)同娃娃菜($18)，每新鮮得嚟，都好抵食。仲有我至愛嘅山根($32)超級大杯嘅凍檸樂($18) 與其幫襯千篇一律嘅連鎖快餐店，倒不如支持吓呢D地道小店，價錢實惠，選擇多多，口味又夠地道。

約左老友，打算响山竹來臨前食餐飽再閉關，於是去左新蒲崗食雞煲。呢間外表平平無奇的餐廳，老友話掂，我信佢。場內有圓枱和卡位，夠闊落企理。原來諗住食雞㷛，但見到竟然有娘惹鴨，唔係周圍有得食架，當然試吓啦！外表得，而且滾起上來好鬼香椰奶味，聞到都流口水。份量好多，足足有半隻鴨，絕不欺場。娘惹係馬拉菜式，用多種香料來煮，醬汁濃郁重口味。其實佢做法有D似辣雞煲，不過娘惹汁係更加杰身，有花生椰香味，好香，甜甜地少少辣。雖然撈定蒜蓉豉油，但全餐基本上冇乜點佢，已經好夠味。鴨肉好入味，夠淋唔會鞋。鴨瘦，唔會肥淋淋，對比起雞煲，鴨肉有獨有的香，食落更另有一番風味。食完鴨，加左少少湯就可以打邊爐，有成張紙的火鍋配料可以選擇。黑柏葉之前其他地方食的黑柏葉會切到好碎，可能來貨貴啦，切碎D感覺大碟D。但呢到食就唔會了，size 切得啱啱好。一條一啖，有口感得來又容易食，仲好彈牙。黑柏葉本身冇乜味，配上濃郁的娘惹湯底，超正！牛柳粒四四方方，脂肪與瘦肉的分佈平均。牛柳粒一般我會烚幾分鐘。雖然係咁，佢亦唔會煮韌，而且有牛味，肉質有口感。水魷鬚咪睇水魷好似檔檔一樣，其實有D地方的水魷，D肉係會鬆泡泡dur 曬咁，好難頂

新蒲崗其實真係一個好多好嘢食嘅地方。呢個月就算打咗好多次邊爐仍然要打..因為朋友今次帶我去食鴨煲🤣🤣娘惹鴨煲 $168平時好少食鴨因為鍾意鵝多D😂，但如果大家真係嚟我超推介呢個！因為佢超惹味，同味個汁混咗喇沙嘅風味嫁，真係要試，一試難忘，跟著要返個汁打邊爐一絕👍🏻！滑牛肉 $42$42質素好好，同時間我有叫安格斯但我覺得佢更好味，後悔叫咗碟大嘅安格斯應該叫兩碟滑牛😟。安格斯 $168其實唔係話佢唔好味，而係無特別，如果你唔抱太大期望係絕對唔會失望。所以我會寧願叫滑牛😂。牛柳粒 $1加$1有牛柳粒可以有幾多要求?所以我覺得以價錢同質素都係超班嫁！但大家要滾耐D😆，唔係會生到生嫁！！🍽7／10🔎 玫瑰餐廳陳儀興新蒲崗爵祿街33A-37A號百勝工廠大廈地下

今日收工去新蒲崗一田掃完貨之後。就行去咗爵祿街搵嘢食， 經過玫瑰餐廳陳儀興見到佢哋嘅裝修幾古色古香，門口貼左海報介绍幾款嘅邊爐湯底 ，望落好吸引 所以就入咗去試，真的一試難忘。首先叫左個冬瓜盅$228,買相很靓，材料夠豪華， 有鮑魚，花膠，海參，雞，冬瓜，湯味十分濃郁鮮甜。成㷛湯連餸都食清哂，正呀！另外叫了個著名醉雞鍋半只$138做邊爐湯底，湯底滲出濃濃嘅酒香味，有圓肉紅棗杞子黨參，好 滋補，鷄浸落湯底烚熟，鷄肉嫩滑帶有酒香味。打邊爐肥牛都係主角，叫了兩款牛肉，各有不同味道，安格斯和本地手切肥牛，安比較厚切牛味重，本地則入口脂肪甘香，两款都好正。其他火煱料都有好多選擇，而且價錢便宜，今日胃口大開，因為全部食物夠新鲜，非常美味。下次要再黎試埋其它特別湯底。

夏天最鐘意飲冬瓜湯，貪佢可以消暑解渴，冬瓜又甜又飽肚。平時都係食開一盅盅既冬瓜盅，同事話新蒲崗有間餐廳有冬瓜盅打邊爐，極力推薦話唔會後悔，仲提我要早一日訂。準時8點入去，已經坐滿晒，好彩有訂位先唔洗等台。個湯一上台，同行既朋友都嘩左一聲，首先係個湯好明顯落足心機，同時配料充足，鮑魚，花膠，海蔘，同埋好多紅棗。倒湯落個碗果時，D 香味簡直係吸引，老闆話係雞湯底配合埋冬瓜一齊煲，好鮮甜，飲緊魚翅個湯底咁！湯飲完一碗又一碗，停唔到口。又雞湯又花膠鮑魚，真係夠哂滋補。細既手切肥牛，淥幾下就食得，入口即溶，牛味又濃，好後悔無叫碟大。鮮炸響鈴，上台時熱辣辣，吸埋個湯再點豉油好好味。松露墨魚丸，以為佢係墨魚丸上面加少少黑松露，點知有驚喜，每粒丸入面都係溝左好多黑松露，一咬落去成陣松露味攻入個口到，粒丸又爽口彈牙，好食！其他野食都普通，不過不失咁！

某種食物總會令你諗起一個人，當某日見到文章介紹朋友最愛既冬瓜盅，仲要同我最愛既花膠雞湯打邊爐合而為一，即時預訂約聚、一呼百應。御前極品冬瓜盅 ($228)老實講呢次係我冬瓜盅既初體驗，意想不到冬瓜盅打邊爐原來係將原個冬瓜放係爐中央一齊滾。 雖然未幻想到一陣可以點淥野食，但眼前既鮑參翅肚極其壯觀，都係食左先講。冬瓜盅內有鮑魚、花膠、海參同鮮雞件，剛好係四人份量。 鮑魚夠彈牙，花膠軟腍香醇，鮮雞件亦夠彈性有雞味。 重點係原煲花膠雞老火湯極度足料香濃，有媽媽愛心靚湯既味道、完全唔會口渴，雖然有好多碗，大家都以搶奪既速度秒速清哂。冬瓜盅原來同雞煲原理差不多，食哂料就會再加入豬骨湯底繼續打邊爐。 本來以為會再添老火湯底，但原來邊爐湯底唔同味，所以一行三人急急清哂成煲精華，未打邊爐已經飽左大半，建議四人或以上分會好d。 店員會將冬瓜切開成十幾塊，由於幾佔位，我地拎起左大半，想食先再放返落去煲。招牌手切肥牛 ($158) 細又係一碟單睇色澤同油脂分佈已經知正既靚牛，輕輕淥幾秒就食得，軟腍甘香、牛味濃郁。 雖然份量都唔少，但一路食一路後悔冇叫到大size，單係呢碟已經足以令我地念念不忘到想再黎食。極品