陳儀興玫瑰餐廳

营业中

休息中

今日同屋企人係mikiki 行完街，見肚餓就順便係附近食埋野先返屋企，咁岩呢度有鴨煲食，平時雞煲就食得多，鴨煲又無咩試過，於是一於決定去試試。上菜嘅速度都幾快，我都叫左個鴨煲無耐就已經準備好。而且d 鴨嘅肉質都好嫩滑，唔會話好榎，加上佢嘅醬汁好濃鬱，夾埋d 鴨肉可以話係perfect match，仲佢有個份量都幾足，唔洗太擔心會話唔夠食。食完個鴨煲緊係要嗌埋其他料打埋個邊爐啦。呢度都有幾多唔同種類嘅火鍋配料可以揀。我就重點推薦大家可以試下佢個桶蠔同肥牛。桶蠔 - 都幾大隻，而且肥美多汁，蠔味都幾濃鬱。肥牛 - 肉色鮮明，同埋油脂分佈幾平均，食落肉質鮮嫩又唔會靱。除左呢d 之外，其他海鮮同菜都好新鮮，選擇又多又唔會話貴，推薦大家行過呢頭不妨去一試。