陳儀興玫瑰餐廳

营业中

休息中

早幾日, 同義工朋友去新蒲崗做完義工後一齊食飯, 佢話不如打邊爐, 所以我地揀左抵食既玫瑰餐廳陳儀興~~先黎一個冬瓜盅~~一黎到個冬瓜盅鍋，個賣相已經冇得輸啦，上面有鮑魚、海味，入面仲有好多雞～～本身湯底都好好味，我同朋友係咁飲佢既湯，之後食埋D 冬瓜，消下暑唔錯！鮑魚海味好爽口，鮮甜，入面雞肉亦嫩滑，真係唔錯～另外我地叫左本地手切牛肉，兩個人叫左個(小)，不過份量都好多，食落嫩口無比，唔錯！亦叫左芋絲、雜菜盤、手打牛丸～芋絲、雜菜盤係想健康D, 冇理由下下食肉～而手打牛丸都唔錯，爽口彈牙，必食呀！OVERALL 講真價錢真係好抵，而且飽到呢。。。下次有機會會再黎！！

兩公婆收工後走到這裡打邊爐因為之前食過好好味好掛店住個冬瓜盅特別帶老公來食囉A極品御前冬瓜盅👏🏻👏🏻👏🏻👏🏻👏🏻超級足料湯底勁夠味大大份真係要約多幾個朋友一齊食😂😂內有鮑魚花膠雞肉手切牛👏🏻👏🏻👏🏻👏🏻睇花紋都知靚嘢墨魚滑油炸鬼👏🏻👏🏻👏🏻👏🏻👏🏻足料彈牙，必吃大大塊炸魚皮 👏🏻👏🏻👏🏻👏🏻👏🏻淥一淥就食得！黑柏業👏🏻👏🏻👏🏻👏🏻新鮮爽口全城最巨型凍檸茶👏🏻👏🏻👏🏻👏🏻👏🏻超正！打住邊爐飲凍檸茶一間一大享受老公表示飽到上心口全部清晒最恐佈係冬瓜都食晒😂😂😂😂😂😂😂推薦

夜晚黑收工喺新蒲崗附近大有街成條街都差唔多閂曬門唯有行到去爵祿街尾嗰邊， 之前成日行過呢一間餐廳都未試過不如就試下佢哋個雞煲啦。成日都食辣雞煲，今次整個清淡啲嘅椰子雞煲，雞煲上到嚟見到好濃烈嘅椰子味， 真係香到震。 佢嗰度啲餃類如韭菜餃魚皮餃雲吞等都非常足料，應該係自己包(我估)其他牛肉蟹柳都到達中上以上👍不過呢間舖頭非常熱鬧，略嫌佢真係有少少嘈，坐埋同一枱人除非你真係好興高采烈，如果唔係其實你會感覺到四方八面畀茶樓仲要嘈。不過勝在夠地道同埋價錢真係唔算貴，所以我都會推介畀大家。

成個沒到過這邊覓食了，這天難得閨蜜放假，一於早點下班，跟他周圍逛逛吧。早幾天在網上找到了一家主打粵式手工火鍋的餐廳，決定入去試下。我地點左個海鮮濃湯黃金，唔洗$200就食到肉蟹煲，會唔會係太抵食啦！不過最好提前一日預訂！如果唔係就手快有，手慢無啦！見到個菜單呢款餃子好得意，芥末西芹餃，我地叫左碟，黎到嚇左一跳，太大隻喇，應該要叫雙拼，但呢個都好好味呀。宜家出去打邊爐少有唔收醬油費同加一，工廠區果然係抵食。下次一定繼續來食。

其實路經過呢間店鋪好多次 但都無入去 老實講 單睇店面同好多地道餐廳都好似 點知一次朋友聚會 極力推介呢間食雞煲 就一嚐一下 原來相當抵食兼好食！一枱十人 叫左個麻辣雞煲 雞件切好細 雞肉嫩滑 微辣既感覺食得好過癮 清晒雞件 當然加水落其他野食 點左成張大枱滿晒 又魚滑 又丸 又魚皮餃 又響鈴 真係好多好多 因為朋友遲黎 我地再點多煲雞煲 店員其實好貼心 驚我地太迫 當我地落完調味料 會幫我地收走去添正正因為係地道風味小館 所以成班人大大聲講野大大聲笑 都唔會比人歧視 成晚餐飯都食得好開心 埋單叫左十幾廿樣野 都係一百五十蚊到 真係超級抵食 推介推介

已經數不清黎過「陳儀興」幾多次！😂呢到主打火鍋、小菜，但菜式周不時都有更新，真係每次都有驚喜！店裡裝修如普通茶餐廳，但絕對是簡樸實戰形！😆座位大部份都係靠牆卡位，有電視掛在牆上供食客收看。夥計好親切，十足十街坊一樣！會為我們介紹是日新鮮海鮮來貨。😏我地平日晚上黎，呢到差不多滿座，仲有不少係遊客，可見餐廳都幾受區內歡迎！😎我地點左個海鮮濃湯黃金甲（$228）19:30前結賬仲有早鳥優惠$188，唔洗$200就食到肉蟹煲，會唔會係太抵食啦！不過最好提前一日預訂！如果唔係就手快有，手慢無啦！👻嘩，果然好足料，原隻鮮肉蟹，預先已由師傅砍好件，令肉蟹更容易入味，又方便食用，好細心喔～☺️睇下蟹爪幾大隻，好厚肉，肉質鮮甜味美，諗返起都流口水🤤～底層係半個新鮮南瓜🎃，仲有好多菇菌襯托，裏面仲要有各種是日海鮮如花甲等，湯頭鮮甜濃郁，飲得出應該係用左不少蝦頭蝦殼熬製而成，真係貨真價實嘅海鮮濃湯！😍我地每人都飲左起碼兩碗湯先繼續打邊爐，正！♥️安格斯牛肉（細）（$118）牛肉份量都算合理，雪花均勻，涮熟後入口爽嫩多汁，肉味豐腴！☺️自家韭菜餃，自家手包雲吞（雙拼$48）不得不提嘅係過左一年都無加過價，價錢好親民

好久沒到過這邊覓食了📍，這天難得老公🍋放假😴，一於早點下班👜，跟他周圍逛逛吧💞。早幾天在網上找到了一家主打粵式手工火鍋的餐廳📱，更標榜是由曾任職米芝蓮1星中菜廳的總廚掌舵😲，這晚一於就去試試看吧😏！晚飯時間🌛，店內人流蠻多😳，還好這裡的環境寬敞👏🏽，一點也不會有擁擠的感覺😌。🔹海鮮濃湯黃金甲🥘 $228原來老公🍋早有準備🤓，一早預訂了人妻🐷最愛的海鮮鍋🌊，以南瓜作底🎃，上面再放上了大大的青蟹🦀，裡面更加入了大量的花甲及菇物🍄，味道非常鮮甜😍！🔹超正牛爽肉🐮 $72輕輕一熝入口🔥，口感爽嫩😋，老公🍋對此讚不絕口👍🏽。🔹潮州手打牛丸🐄 $58輕輕一咬🤤，肉汁差點就濺到了身上💦，彈牙爽脆的丸子在中翻騰😳，越嚼越覺鮮美👏🏽。🔹潮州魚旦🐟 $43外觀平凡🙂，但口感爽滑🤩，吸收了海鮮湯汁後🌊，入口更為鮮甜🎊。🔹油麥菜🥬 $18一點的青菜絕不能或缺🌟，清甜的味道把油膩感一掃而空😊。🔹豆腐🥢 $18嫩滑的豆腐還是由老公🍋主理吧😅，畢竟人妻🐷的筷子功真的太差了💔，絕對會把它變成豆腐花🌼。🔹手打薯粉🍜 $13薯粉是火鍋的必點呀✨！煙煙韌韌的口感的確讓人吃得停不下來🤩。💭總結就是喜歡這樣周圍覓食🚗，能遇上了

夏天天氣熱，以為少左人打邊爐，點知入到呢間餐廳，見到幾枱都仲打緊！果然鍾意打邊爐的朋友係唔會理會天氣，哈哈！餐廳都推出夏日鍋底「海鮮濃湯黃金甲」，岩哂夏天唔想太heavy的人！海鮮就夠哂清新啦！大大隻肉蟹，厚肉得來又鮮甜味美！蟹下層係南瓜，南瓜中間放了大量花甲，配埋個海鮮南瓜濃湯非常正呀！每啖湯都是蟹和花甲的鮮甜精華！我地還點了胡麻鮮淮山，又係非常清新的菜式！胡麻醬配上冷鮮淮山，作為前菜一流！小菜方面點了避風塘粟米及避風塘脆腩，粟米夠甜，配上避風塘做法幾特別！脆腩爽口彈牙，有驚喜呀絕對！

約左好耐無見的朋友聚舊，揀左係佢屋企附近的玫瑰陳儀興打邊爐。我地點左最近新推出的新鍋底 - 海鮮濃湯黃金甲試下。 海鮮濃湯黃金甲 - 好足料，大大隻肉蟹係面，蟹下面有大大舊南瓜同花甲。肉蟹好厚肉好有蟹味。南瓜的清甜配埋肉蟹同花甲的鮮味，湯底夠曬濃，我自己忍唔住飲左三碗湯。 招牌手切肥牛 - 肥牛油花比例平均，紋路清晰可見，色澤紅潤，非常軟滑又夠肉汁，每片放入口都滑進喉嚨唔黏牙而且有嚼勁，牛味夠濃郁。 自家手包韮菜餃拼豆鼓鯪魚餃 -韮菜餃軟紮實，香汁四溢；豆鼓鯪魚餃咬落去微微透著豉香，相當惹味。 響鈴卷 - 薄身夠脆而且好有豆香。 唐生菜娃娃菜 - 份量多，新鮮翠綠。

食雞煲梗係揀一間好㗎啦，今次去咗呢一度試吓特別嘅雞煲。尤其是聽到呢間餐廳有椰子雞好味嘅同埋佢有有勁多各式各樣嘅湯底已經好吸引。餐廳環境好大，而且都好有親切感覺，除左火鍋餐廳仲有小菜。呢度嘅雞煲肉質鮮嫩而且雞塊非常多，配上其他材料例如蔥頭，蒜頭，青蔥，非常開胃。另外仲有洋蔥同埋椰肉都可以食埋。佢呢度嘅豬肉都唔錯，覺得比起牛肉更加好食，非常之滑同埋香濃嘅味道配埋每一塊份量剛好既肉，滋味無窮。呢度仲有大大杯野飲，同埋好多唔同嘅配料店員嘅服務態度都好好。最鍾意一定係呢個麻辣丸，會食到唔同嘅質感再配上麻香，開胃之餘又提升味蕾，必點之選。

今天來到了陳宜興在新蒲崗的另一間餐廳，玫瑰餐廳，上次吃過打邊爐，今次我們選擇了特色小食。叫了一種新煮法的粟米，避風塘粟米。用避風塘，即蒜頭辣椒的煮法去煮粟米，別有一番風味粟米好像海鮮的口感一樣，吃起來沒有海鮮那樣的罪惡咁，因為始終也是蔬菜。安格斯牛柳粒有蜜糖的味道牛肉很有咬感，薯仔加上蜜糖起來很好吃。最後我們吃了鹹蛋魚皮，新鮮做起的當然比新加坡某牌子的鹹蛋魚皮更好吃。雖然很邪惡但也忍不住吃了半碟。佢這家店唯一的缺點就是交通不是很方便，希望沙中線開了之後會去得容易一些。

是日同埋小胖女一家去打邊爐做晚飯,黎到間位於新蒲崗既玫瑰餐廳陳儀興,呢到鋪面就唔係咩新派野,係好地道小菜館模樣,估唔到非常有驚喜,坐底就叫左火鍋底先,見推介係御前極品冬瓜盅,就叫一個試下清清地,黎到真係嚇一跳,係成隻冬瓜,放左向個鍋到,真係好足料,另外配料都唔講得笑,有有鮑魚,海参,花膠仔,杞子,紅棗 ,真係食完清熱消暑唔上火精選,另外其他特色火鍋配料都好出位,有餐廳招牌菜豆豉鯪魚餃,呢個道真係好夾,豆豉鯪魚味配埋豬肉真係別有一番體驗,其他仲有炸芋頭,雪花安格斯牛,即炸響鈴,手打黑松露墨魚丸,每樣份量十足,非常抵食,飲埋大大杯檸樂唔會濟住濟住,岩哂對打邊爐有要求既朋友一試

見到食評讚得咁好 大鄉裡出省由將軍澳日出康城特登轉2次車出嚟新蒲崗一心諗住食雞煲 點知原來唔係我想嗰種味道 雞煲味道麻麻 其他食物非常精緻份量極少 但係都有驚喜食咗個 大腸釀白花 呢個真係唔錯值得介紹畀大家可惜冇影相

身為無飯主婦, 間唔中都會喺新蒲崗搵食, 有日男人路過話要試下呢間玫瑰餐廳, 點知朋友過兩日就約我黎呢度打邊爐。首先講講, 原來新蒲崗有幾間"陳儀興"，另一邊係食潮式打冷, 我當然係去錯咗先知啦😂😂😂大家記得打邊爐係去玫瑰餐廳喇😂餐廳有幾款不同既鍋底選擇, 有冬瓜盅、 椰子雞、 雙龍吐珠鍋等, 幾款都好吸引。 見冬瓜盅評價唔錯, 而我地又未試過冬瓜盅打邊爐。 🔸冬瓜盅🔸一黎到個冬瓜盅鍋淨係賣相都無得頂啦！👍🏻未開始打邊爐前, 可以先飲湯同食鮑魚海味, 個大冬瓜稍後店員會幫手剪開, 因為好大個冬瓜想留返位淥其他野食, 我地夾起咗一半, 到最後我地都清哂。本身湯底都好好味, 加埋鮑魚海味好清潤, 原來冬瓜盅湯底係咁正, 去到尾加咗幾次湯都會覺得湯底好夠味但又唔似平時既湯底咁漏或者油膩, 試過就會明我講咩😂🔸麻辣豬手🔸黎到先知咁大大大碟, 鍾意食辣男人就好鍾意, 勁多炸蒜係幾正既, 啖啖肉。🔸豆豉鯪魚餃🔸韮菜餃🔸第一次見到有豆豉鯪魚餃就試下, 點知又幾好味喎, 連我至愛既韮菜餃都比下去, 下次黎食都會揀豆豉鯪魚餃😂🔸招牌手切肥牛🔸係我鍾意食既肥牛, 好味。🔸不見天🔸店員哥哥推介, 好爽口,

今日在新蒲崗收工平日私勁少在這邊開工問下朋友附近有咩好食朋友介紹來「玫瑰餐廳陳儀興打邊爐」入到門口覺得這小店好像有些歷史幾乎坐滿人打邊爐及食小菜唔知有咩出名問下一個眼大大哥哥佢介紹我地食「冬瓜盅」🌟🌟🌟🌟🌟🌟今次我要比六粒星完全係驚喜之成鮑魚花膠雞混合冬瓜勁吸晴👏🏻👏🏻👏🏻👏🏻👏🏻色香味俱全我地四個女仔猛話下次再食💯💯💯之後大眼哥哥介紹「避風塘豬手」🌟🌟🌟🌟🌟份量好巨大😂😂😂😂超入味👍👍👍👍我即時影相比老公睇佢嬲我唔叫埋佢去食大佬。點知你肯出來食喎之後叫了一堆火鍋食物豆豉鯪魚餃子🌟🌟🌟🌟美味好特別我試起小時候返大陸無咩好食一罐豆豉鯪魚食左三碗飯😂😂😂不見天🌟🌟🌟🌟係豬肉切得好靚呀我好似未食過勁爽口和彈牙架肥牛🌟🌟🌟🌟雖然唔係切出來都好好味加埋冬瓜湯底三鮮味呀🐷👏🏻窩荀🌟🌟🌟🌟🌟我超愛的蔬菜類自從愛上窩荀只要有這窩荀我一定點來吃鮮魚卜🌟🌟🌟🌟🌟第一次打邊爐遇到咁大隻魚卜非常有誠意的小店我好鐘意食呀同伴一見到就幫我落單💕💕💕I love my girl💕💕💕脆肉魭🌟🌟🌟🌟🌟好厚身及新鮮唔係薄薄一塊咁先好食嘛真係脆架（無影到相，掛住食）唔知以為我係食神😂😂不過我食嘢係要求高嘅一邊食一邊約下次