影片
更多
2018-09-18
1719 浏览
約左老友，打算响山竹來臨前食餐飽再閉關，於是去左新蒲崗食雞煲。呢間外表平平無奇的餐廳，老友話掂，我信佢。場內有圓枱和卡位，夠闊落企理。原來諗住食雞㷛，但見到竟然有娘惹鴨，唔係周圍有得食架，當然試吓啦！外表得，而且滾起上來好鬼香椰奶味，聞到都流口水。份量好多，足足有半隻鴨，絕不欺場。娘惹係馬拉菜式，用多種香料來煮，醬汁濃郁重口味。其實佢做法有D似辣雞煲，不過娘惹汁係更加杰身，有花生椰香味，好香，甜甜地少少辣。雖然撈定蒜蓉豉油，但全餐基本上冇乜點佢，已經好夠味。鴨肉好入味，夠淋唔會鞋。鴨瘦，唔會肥淋淋，對比起雞煲，鴨肉有獨有的香，食落更另有一番風味。食完鴨，加左少少湯就可以打邊爐，有成張紙的火鍋配料可以選擇。黑柏葉之前其他地方食的黑柏葉會切到好碎，可能來貨貴啦，切碎D感覺大碟D。但呢到食就唔會了，size 切得啱啱好。一條一啖，有口感得來又容易食，仲好彈牙。黑柏葉本身冇乜味，配上濃郁的娘惹湯底，超正！牛柳粒四四方方，脂肪與瘦肉的分佈平均。牛柳粒一般我會烚幾分鐘。雖然係咁，佢亦唔會煮韌，而且有牛味，肉質有口感。水魷鬚咪睇水魷好似檔檔一樣，其實有D地方的水魷，D肉係會鬆泡泡dur 曬咁，好難頂
呢間外表平平無奇的餐廳，老友話掂，我信佢。
場內有圓枱和卡位，夠闊落企理。
原來諗住食雞㷛，但見到竟然有娘惹鴨，唔係周圍有得食架，當然試吓啦！
外表得，而且滾起上來好鬼香椰奶味，聞到都流口水。份量好多，足足有半隻鴨，絕不欺場。
娘惹係馬拉菜式，用多種香料來煮，醬汁濃郁重口味。其實佢做法有D似辣雞煲，不過娘惹汁係更加杰身，有花生椰香味，好香，甜甜地少少辣。雖然撈定蒜蓉豉油，但全餐基本上冇乜點佢，已經好夠味。
鴨肉好入味，夠淋唔會鞋。鴨瘦，唔會肥淋淋，對比起雞煲，鴨肉有獨有的香，食落更另有一番風味。
食完鴨，加左少少湯就可以打邊爐，有成張紙的火鍋配料可以選擇。
黑柏葉
之前其他地方食的黑柏葉會切到好碎，可能來貨貴啦，切碎D感覺大碟D。但呢到食就唔會了，size 切得啱啱好。一條一啖，有口感得來又容易食，仲好彈牙。黑柏葉本身冇乜味，配上濃郁的娘惹湯底，超正！
牛柳粒
四四方方，脂肪與瘦肉的分佈平均。牛柳粒一般我會烚幾分鐘。雖然係咁，佢亦唔會煮韌，而且有牛味，肉質有口感。
水魷鬚
咪睇水魷好似檔檔一樣，其實有D地方的水魷，D肉係會鬆泡泡dur 曬咁，好難頂。
呢碟水魷就唔同了，條條彈牙、爽口，係高檔貨。撈埋D娘惹汁，甜甜辣辣，十足十車仔檔的感覺，正呀！
脆鯇腩
大碟肥美，全部腩位件件厚切，放湯一陣就食得，好爽脆。不過脆腩其實同娘惹呢類甜湯底唔太夾，叫錯野潻，如果換做魚蛋便三寶齊備了。
蔬菜佢有冷門的番薯苗，翠綠新鮮，用來打邊爐要焯耐少少。
每人一大杯凍檸賓，爽！
埋單都係四百頭，吹水吹足全晚，抵啦。
價錢公道，惹味又飽肚，兄弟飯局啱曬！
张贴
