陳儀興尚潮樓 (太子道西)

营业中

休息中

是日經開太子警局附近, 見到哩一間潮州酒家，主打潮州菜，陳儀興尚潮樓，佢的裝修真的令你感覺去左酒店食潮州菜一樣，同朋友點左幾個不同的潮州菜~鵝三寶，生醃瀨尿蝦，梅子豬手，同埋甜品反沙芋頭一坐下，職員給左功夫茶同埋小食，真的果然系潮洲茶~~生醃瀨尿蝦生醃瀨尿蝦真的好正，現在炎炎夏日，真的食個冷盤系好舒服的感覺~~仲要隻隻都切好，免左自己開的煩惱，同埋好多膏~真的好好食，鵝三寶鵝三寶鵝肉：哩個肉質軟軟，真的一口食一口正的感覺~~鵝肝：潮式製法同西式的煎鵝肝比，我更愛哩個中式的鵝肝，較為健康，而且口感相對冇咁油膩，真的只欠白飯哈哈鵝腸：爽口彈牙，果然新鮮的真的無得比，滿滿的肥膏真真的好邪惡~~~梅子豬手梅子豬手真的好正，梅子豬手真的好LUM，一食就骨肉分離，同埋啖啖肉~~梅子汁好酸酸甜甜，甜品反沙芋頭甜品反沙芋頭真的好耐無食了，現狂好少地方可以食哩個甜品，作為最後的甜品，是日的潮州菜真的值得一試~~

好耐冇食中餐喇，今日屋企人生日。於是就去左一間朋友介紹，係太子既一間食潮州野既餐廳。黎之前真係要BOOK位先，因為去到7點幾左右D時間開始FULL。餐廳都幾大，望落乾淨舒服。仲有地下同1樓，上一樓仲有LIFT搭, 十分方便。我地叫左2個菜同2款湯。因為有小朋友吾中意飲茶，我地另外試左佢D飲品。分別係烏豆水同老藥桔。烏豆水就甜D，小朋友幾中意飲。每杯都只係$20，吾貴。湯我地就叫左金不換燉海螺同鹹檸檬燉鴨，個人就比較中意金不換燉海螺多D，比較清新。主菜我地就叫左豆醬煮海魚同乾貝春菜煲。個豆醬煮海魚好入味，加上黃花魚魚肉鮮甜，煮完既肉質入口即溶，連骨都好易可以甩到。至於個春菜煲都幾抵食，大大煲，有好多菜。之前食既煲都比較油膩，但依到食到既菜式都係比較健康而又不失食材既鮮味。

今日小編同左屋企人岀太子食飯，發現依間潮州菜飯館都不錯。環境有古曲風，座位都坐得好舒服。🍵功夫茶 - $58我地揀左鐵觀音，茶香十分濃郁，入口甘香。🐚魚露浸花甲 - $158依個係凍食的。花甲鮮甜，魚露亦不失其鮮味。🦢鵝三寶 - $198必叫鹵水，十分入味。鵝肉同鵝腸都吾韌，肥瘦適中。🐷梅汁炆豬手 - $138依個菜用黎送飯真係一流。梅子味亦都十分入味，豬手炆到好淋，一咬就爛。酸酸甜甜甘，真係好滋味。🥒肚肉苦瓜煲 - $128下個有好幾隻大大隻的冬茹。苦瓜都好淋，啲冬菇同豬肉吸收曬苦瓜既味。

📍#陳儀興尚潮樓 📍Chan Yee Hing Sheung Chiu Lau.#太子 #中菜 #MFJ太子 #MFJ中菜 #潮州菜 #PrinceEdward #ChineseFood #MFJPrinceEdward #MFJChineseFood .人均消費: HKD518.味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️回頭率: 🔆🔆🔆.一直想試陳儀興尚潮樓的生醃膏蟹🤤餐廳地理位置方便，門面不大顯眼比較低調入到餐廳後又另一景象，燈火通明，感覺乾淨舒服.陳儀興尚潮樓由祖藉潮州人創立，著重原汁原味，不時不食打開菜牌的確好多潮汕美食選擇，花多眼亂！.💯工夫茶 原來工夫茶叫工夫茶，不是叫功夫茶😅十分喜歡工夫茶，茶味香，口感滑，回甘味重，特別清香！.💯醃苦瓜其實我不肯定是不是醃苦瓜😂口感十分似，但味道完全不像苦瓜！超級超級爽脆！味道有點像手拍黃瓜的味道，有趣又開胃！.💯#生醃膏蟹 HKD388人人都喜歡食韓國的醬油蟹，其實潮汕生醃海鮮真係好出名！今次來陳儀興亦為了生醃海鮮！潮汕醃海鮮用頭抽，蒜頭，辣椒，魚露等調味料醃製，醃完不會過咸

喂！會唔會太快又黎呀？冇計啦！好食嘛～同老實講，唔貴！請客又見得人！講真我成日上網周圍昅野，佢個蟹真係良心價！我知十八斬，韓式醃生蟹，醉蟹，各有做法，師傅餐廳出唔出名，都可以令價錢好似搭咗白金升降機嘅分別，我偷偷地望到某府隻蟹成千八，我係呢度成半圍先兩千多嘀！你可以話我cheap，因為我係哎～我唔講啦！你自己睇！一陣又話我幫住佢！嘀膏多到爆，又鮮又甜，先三舊幾！重多肉喎！我上次見到有醃生蝦！但佢話已經唔再做生蝦啦～咁我今次黎呢就試吓佢個賴尿蝦，唔算好大隻但竟然佢入邊都有膏㗎螄蚶呢家野！女嘅覺得鮮！男嘅覺得腥！唔係好多男人鐘意食！但我半個潮州人嘛！由細食到大～螄蚶唔大隻，佢幫你開哂！個醬汁亦調得好好，帶出咗螄蚶嘅鮮味，放心嗌出黎啦！冇事嘅！獅頭鵝上次已經叫過！都仲係啖啖肉，正呀！一個廿年菜甫王湯同金不換響螺頭湯，一打開好香金不換同藥材味～但一飲，好清甜呀！不過好少燉湯唔好飲㗎啦！兩面黃呢嘀煎煎炸炸嘢，我就好少食嘅～佢地話唔油膩，整得好好食喎！另外果個芋餅，我以為係甜㗎，原來係咸，佢仲加咗五香粉，但你明啦！當你諗住食甜野，點知係咸嗰種感覺怪怪地真係抵食又好食，服務仲好好！我個人非常推介

花墟對面的古蹟戰前樓從來都不起眼，某日買完花後忽然傳來一陣滷水香，原來是在新蒲崗扎根已久的陳儀興在這裡開潮州飯店，就是這一抹滷水香味吸引我在這已番新的飯店後補與娘親的節慶。飯店為於戰前樓宇，業主已為整幢樓宇番新，有lift 有廁所，用餐環境樓底高，坐得舒適，以深木色配上光鮮明亮的環境，加以不同中或擺設，用餐環境非常一流。鵝三寶（鵝肉鵝腸鵝肝）一入門口即聞到香而不濁的滷水味，當然要先叫一碟滷水拼盤。吃一口滷水鵝即覺得肉質軟滑味道香，醇和不涸喉，鵝肉軟滑有彈性又夠入味，香料的味道平均，鵝腸清潔乾淨，口感爽口，味道香甜。厚厚的鵝肝，質感粉嫩細滑，-`金不換燉海螺湯頭呈金黃色，海螺味甘性平，配合清新的金不換燉湯味道鮮美，可滋陰補腎，清熱潤肺。蝦棗拼粿肉蝦棗蝦肉鮮甜，外皮炸到金黃酥香，蝦棗裡加入荸薺，讓整粒蝦棗口感提升，爽脆可口。粿肉外皮炸得香脆，真正皮脆餡鬆化，內裏有馬蹄、豬肉等餡料，口感豐富，配上蝦油更提升粿肉味道層次。豆醬煮海魚海魚是指黃花魚，以普寧豆醬煮帶出其咸鮮。 黃花魚一吃就知道何其鮮味，潮州半煎煮，即單煎一面，另外一面是煮，以輕力揭起魚皮，雪白的魚肉呈現眼前，一吃下去就透出的嫰滑魚

現在疫情開始遠去，終於可以外出吃好東西朋友突然間想食請潮州菜 好吧就上網找找有什麼好餐廳選擇了這間已經有超過50年歷史 特地在太子再開一間潮州菜館 一場來到當然要吃滷水鵝肉雙拼配大墨魚 $168 鵝肉下還有幾塊豆腐 吸收了滷水汁 墨魚彈牙 鵝肉肉質鮮嫩 很久沒有吃螄蚶 也叫了一個生㽢螄蚶$138一客大概有30至40隻 薑蒜下得多 一點腥味也吃不到 細隻易入口 當做一個開胃小菜也不錯因為喜歡吃海鮮關係也要一個魚露浸花甲 花甲已經開了 方便進食 吃得出海鮮的鮮甜另外小菜叫了梅汁炆豬手$138 份量夠大一客大概五六隻非常多骨膠原 配上梅汁酸酸甜甜非常開胃我們吃了兩碗白飯呢亦都叫了兩杯潮州飲品試試看 烏豆水及老藥桔味道特別之餘又不難喝 感覺相當神奇這間店舖質素高 侍應態度好 頻密碗碟 每人又有一雙公筷和私筷 方便進食 非常推薦呢

遊走太子找地方吃午飯，走過此店門前，一位溫文有禮的女店員向我們推介此店午餐，我們都愛吃滷水鵝，便入內一試。午餐包括珍珠菜海鮮湯或紫菜肉碎蛋花湯，還有絲苗白飯或潮州白粥。我們點了：鵝肝拼新鮮大墨魚：鵝肝不夠鮮香也下夠嫩滑，墨魚也沒什麼味道。鵝肉：鵝肉鵝味不足，肉質一般。兩碟食物下均墊有滷水豆腐，味道也是比較淡。食物還伴以酸菜和豆芽，潮州食店那又酸又甜的酸菜一向是我的最愛，可惜此店的酸菜只微酸，沒有那種酸甜酸甜的味道，用來沾鵝肉的醋也是味道一般。我們二人都選了海鮮湯，湯中食材有魷魚和蠔等海鮮，那蠔雖細小但有鮮味，反而湯則十分清淡，結果我沒飲完。我們選了一粥一飯，粥綿密，飯沒特別。可能因為我們喜愛味道較濃的食物，覺得這店的滷水食物只屬一般，愛味道清淡的人，可能會較合心意。

今日行開太子, 見之前有朋友介紹開呢一間潮州酒家， 咁我就同朋友一齊試下呢一間， 入到都幾寬敞坐得都幾舒服，之後侍應就放低咗啲功夫茶畀我哋飲，啲功夫沖得幾好味同香。咁我地叫左以下:鵝三寶：包括有鵝肉、鵝肝，鵝腸， 佢個鹵水汁整得幾好，又唔算太鹹而且佢啲鹵水汁夾埋個豆腐食，我覺得豆腐吸曬啲鹵水汁味非常之好食亦带有豆味。 不得不提就係佢個鵝腸因為真係幾爽口及彈牙， 佢個鵝肝雖然唔係煎 ，但係都充份咁樣保持到個鵝肝嘅原味。 呢一個係我推薦之一。梅汁炆豬手: 食落去個豬手，我已經充分感受到嗰種骨膠原嘅味道， 我自己覺得都幾滋補 ，而且我會覺得佢個汁用嚟送飯真係唔錯，師父炆到個豬手幾淋 ，可能因為個汁酸酸哋，令到我要多咗一碗飯嚟食。魚露浸花甲： 花甲肉好爽呀，最緊要就係新鮮，雖然係凍食，但係不得不提就係佢個汁調得好好味，師傅清潔到個花甲好乾淨，因為入面冇沙。 更加放心去食， 而且我覺得佢個肉都幾鲜嫩。豆醬煮海魚: 佢個魚我覺得都整得唔錯，肉質亦都幾鮮嫩同新鮮，可能因為食呢種煮法嘅魚比較係潮州酒家嘅特色菜，所以我覺得佢呢條魚都煮幾有特色同地道。最後食完曬所有餸 ，我建議大家可以嘆一嘆佢個茶，因為佢

在太子這間陳儀興尚潮樓，古典優雅！環境舒適。大大塊海螺非常之爽身，咬落去又q彈。湯頭非常清甜入味！ 又夠熱辣辣！非常滋潤滋補！ 加咗香葉之後令到味道更為突出！鵝三寶，包含鵝肉，鵝腸鵝肝！ 鹵水汁為我嘅重點~ 濃而不膩！ 鵝肉香又濃郁！ 鵝肝厚切質感嫩潤！ 鵝肝爽到不得了！正呀。老藥桔 aftertase有點咸甘桔香，又健康又清！芡汁的味道完全滲透到白菜外面， 白菜仔包住冬菇豬肉蟹香！ 整體入口感覺非常良好！係咁高格調既餐廳食潮菜，真係第一次👍

食潮州菜前一定先喝杯工夫茶，味道濃厚，回甘強勁，我好喜歡飲。鵝三寶鵝肉，鵝腸，鵝肝鵝肉軟腍，夠肉味。鵝腸處理得好好，沒有多餘脂肪位，有嚼口。鵝肝入口即化，好有驚喜。富貴石榴蟹手工菜，賣相好靚又吸引。外層是薄透的蛋白，內𥚃是蟹肉，混入了馬蹄粒，爽脆有口感。梅汁炆豬手估不到採用梅汁炆豬手如此夾味。醒神開胃。豬手骨膠原爆燈，多吃皮膚靚靚。豆醬煮海魚魚肉鮮甜滑溜，特色的豆醬煮，鹹香十足。不少潮菜用豆醬佐料調味的，另味道更加鮮美。

預祝母親節，同媽媽黎到呢間朋友推介既中菜，食傳統潮洲菜。一講起潮洲菜，大家都會諗起大排檔打冷，環境唔理想之餘，更分分鐘無冷氣，亦唔好講咩服務。但今次朋友介紹呢間陳儀興尚潮樓不但裝修又靚又新，而且服務一流，餐廳內播住傳統既中樂，感覺輕鬆有意境。生醃獅蚶$138 潮汕生醃海鮮係非常出名既！潮汕人眼中，生醃可以保留海鮮既原始風味，令人越吃越想吃、越吃越上癮。呢度既生醃獅蚶每隻都肥美之餘，味道帶少少酸辣，非常開胃！獅蚶既汁呈血色，味道極鮮美，肉質脆嫩，而且無腥味，超正。鵝三寶 $198 三寶包括鵝肝、鵝片、鵝腸，鵝片雖然帶骨，但味道唔錯。滷水帶有光澤，而且富有藥材既香氣。鵝皮鬆化，肉質柔軟。鵝肝、鵝片味道香濃，油香豐富；鵝腸口感爽脆。汕頭煎蠔烙 $98潮洲話既烙即係指用鏟在鑊度煎野食，而蠔烙就即係我地平時講既蠔餅。呢度既蠔烙香脆可口，香酥不油膩，質地要帶煙韌，而且有勁多蠔！！食既時候點啲潮州魚露，令蠔仔鮮味更突出。魚露浸花甲 $158 魚露帶出花甲既鮮味，花甲肥美飽滿，味道鮮甜，口感爽脆，凍食更加適合夏天既天氣

以前讀書時每次到 新蒲崗踢完波就會到附近的陳儀興打冷，多年後跟其中一位波友聚舊，一於到新開有格調的尚潮樓。先來一碗咸檸檬燉鴨，鴨肉味不算太濃入口鮮嫩，與咸檸檬燉湯很平衡。湯底沒有過多的油很清，咸檸檬有種甘香令鴨的微微的肉騷味消除。鵝肉拼豬大腸，又有滑有豆腐舖底鵝肉肥瘦均勻鹵水味足，鵝肉香滑有彈性，非常入味。而刀工恰如其分，不會太厚或太薄。鹵水豬大腸十分新鮮，油而不膩。豆醬煮黃花魚，含有豐富的蛋白質和維生素，有健脾開胃、補虛益精的滋補作用。雪白的魚肉，嫰滑口感。 而豆醬帶出其咸鮮味。完全不需要再另加豉油調味。  順帶一提這裡的白飯及白粥的好高質素，白粥很綿而白飯亦很爽口。飯後甜品反沙芋頭配一壺單叢茶，細味甘甜與老友聚舊最合適不過。這幢大廈已列為活化保護的建築物，集跨世代的氣息。這三個門更是指定要保留的，邊吃晚飯邊欣賞到差不多打烊關門了。臨近母親節，用一個精美紙袋外賣一碗 20 年菜脯燉鮮豬肚孝敬媽子。湯清純不油膩，蘿蔔醃製十年以上就是陳年菜脯，老客家相傳陳年菜脯是窮人的人蔘。有改善糖尿病，心血管疾病等功效。老菜脯含有酵素，不添加一般添加化學藥物、防腐劑，喝完這個湯留有餘甘，滋潤喉嚨。

又上網見到醃生蟹，我又情難自控啦！係限聚令完嘅第一日！我已經book 好哂位，預備大刷特刷一餐原來呢間陳儀興同新蒲崗間陳儀興有關係㗎！新蒲崗嗰間，就係一間好傳統地踎嘅打冷舖，食下凍烏頭，蠔仔粥嗰嘀！但呢間係佢仔仔開嘅～新派精緻潮州菜！嘩！我打開餐牌，老實講，有好多餸都好精緻！未見過。我訂枱嗰陣時只係訂咗一隻醃生蟹，同佢介紹嘅荷包鱔，其實我唔知係乜，不過我見係功夫菜應該都係好好食呱啐啐啐！你睇下！你睇下！嘩～個醃生蟹靚到？大家都掛住食！唔得閒俾評語！真係好多膏，又鮮！嘀肉甜到～重要都幾大隻，8個人，個個都食到3舊左右！個凍蛤蚧都好食！但佢唔好彩丫！同醃膏蟹一齊上，失哂色，但好彩都有知音人，當然都係食哂啦！佢個滷水比較清淡，但食食下發覺係啱啱好！因為佢嘅材料相當新鮮同揀手，淡淡嘅滷水先唔會掩蓋到佢嘅鮮味！因為太好食！我淨係食到鵝肝同幾舊鵝肉，已經冇晒啦，佢個潮州鵝肝真係好滑呀⋯⋯之後到鵝頭頸，佢用嘅獅鵝頭相當大隻！我未食過起咗肉嘅鵝頭頸！嘩嘩嘩！冇頸骨嘅頸肉，原來可以咁多肉㗎！！omg！佢個欖菜炒飯，嘀欖菜夠晒多！個飯一嘀都唔油！炒到勁乾身，好好食呀～～我已經好飽啦！但係我都食咗成碗飯呀！

有一段時間冇食潮州菜，身為潮州妹的我，某天行經花墟，見到對面開了一間新的潮州菜館，所以今天相約友人來到這裡試試有沒有家鄉的味道!餐廳感覺高貴古典，共有3層，我們安排坐於1樓的位置，餐廳有電梯，可乘電梯上樓。座低後，店員為我們送上功夫茶和小食。功夫茶茶味夠醇夠甘香，小食比平時一向街外俾開的不同，不是咸菜蕎頭，而是苦瓜，但味道跟醃製蕎頭差不多，食落爽口，沒有苦味，很特別!生醃螄蚶，係香港真係好少會見到有螄蚶食，螄蚶的味道有點像生蠔，帶有少少腥味，但由於用上生醃的方法，螄蚶帶有酒香，加上有生蒜，令味道帶有辣味，令人有吃完一粒再一粒的感覺，十分刺激味蕾。鵝三寶，鵝三寶包括了鵝肉、鵝肝和鵝腸，滷水鵝肉味道濃郁，是半肥瘦的，令肉質不會好鞋口。滷水鵝肝好似是第一次食，是入口即溶，好香濃的鵝肝味，令人回味!而鵝腸入味又爽口，底下還有嫩滑的滷水豆腐，十分惹味!金不換燉海螺，這個湯非常清甜，有淡淡的金不換的味道，而海螺螺肉爽口，十分有口感。鹹檸檬燉鴨，這款湯味道很特別，聞上去有陣陣的咸檸檬味，飲落帶有少少酸味，好開胃。湯也是很清甜，鴨肉亦很入味!蝦棗拼粿肉，由細到大都很喜歡食蝦棗，而且還有種情意結，每不停