陳儀興尚潮樓 (太子道西)

营业中

休息中

有日同朋友傾計得知陳儀興係旺角開左中菜館, 叫陳儀興尚潮樓, 又好掛住打冷既味道, 於是就同埋朋友黎食個晚飯。中菜館有兩層, 店員帶左我地上2樓, 由門口入去至到坐低, 裝修有幾分氣派, 店員穿上整齊制服, 感覺堂皇。點菜後當然要先飲工夫茶, 茶味香濃。生醃瀨尿蝦 $198生醃海鮮始終要係番D有信心既餐廳先敢食, 依度有多款生醃海鮮, 今次揀左瀨尿蝦, 賣相精緻, 瀨尿蝦中間橙黃既蝦膏, 睇到人垂涎三尺! 食落有醃製既醬油同酒香, 蝦肉爽滑, 不失鮮味!鵝三寶 $198三寶分別係鵝肉鵝腸鵝肝, 鵝肝唔係度度有, 依度既厚身又大塊, 口感綿密。鵝肉鵝香十足, 皮位帶少少脂肪唔會OVER。鵝腸爽彈入味, 而三寶下面仲有豆腐墊底, 入味非常, 正。豆醬煮海魚 $198屋企食開潮州野係烏頭點普寧豆醬, 今次食既係黃花, 肉滑而香, 普寧豆醬個種獨特既味道為依條魚錦上添花。汕頭煎蠔烙 $98蠔餅偏厚身, 蠔仔之多真係有D誇張, 滿佈成個蠔餅所以蠔仔鮮味十分突出,亦夠香口。最後仲有潮州飲品, 烏豆水, 即係黑豆水, 平時都間唔中有飲, 可以減肥消水腫~ 朋友就要左杯潤肺潤喉老藥桔~

前排慶祝同男友慶祝週年紀念，感覺年年食西餐好似冇咩新意，於是佢話帶我嚟呢間位於太子既新派潮州菜館—陳儀興尚潮樓食好嘢😋頭盤揀咗呢度既招牌—魚露浸花甲（$158），呢度菜式係凍食😯花甲好新鮮，肉質爽口鮮嫩，而且洗得好乾淨，完全食唔到沙，中菜來講真係難得一見；魚露亦唔會過鹹，調味啱啱好，絕不蓋過花甲嘅鮮味！主菜就當然要試吓呢度遠近馳名嘅鵝肝😍潮汕滷水鵝三寶（$198）採用優質獅頭鵝，呢道菜包括鵝肉：肉質細嫩鮮美，無羶味，正！鵝肝：潮式製法比煎鵝肝較為健康，而且口感相對冇咁油膩，必試🤩鵝腸：爽口彈牙，估唔到配上滷水汁味道咁夾！ 😋食完鵝肝，店員細心遞上用瓦煲盛載嘅芋頭焗飯（$128）～一開蓋，香氣四散，光看賣相就知鑊氣十足🤤飯粒炒得乾身且粒粒分明，所選用嘅芋頭亦夠「粉」，不得不讚廚師嘅廚藝同用心❤️最後當然唔少得嘅就係潮式甜品，我哋試咗兩款，包括福果甜芋泥（$45）同薑薯海石花綠豆爽（$45）😎兩者比較下，前者甜度較高，芋泥口感綿密，而後者甜度較低，口味清新～總括而言，呢一間潮州菜館菜式新穎，服務周到，而且環境優雅，係香港少有高質嘅潮州菜館，絕對值得大家拜訪😌

朋友籍貫係潮州，今次佢話要帶我食間高級嘅潮州菜，我聽到當堂嚇一跳，潮州菜最多咪打冷，可以有幾高級？但當去到呢間係太子嘅，真係有眼前一亮嘅感覺。座位寬敞整潔之餘，裝修上面好有中式懷舊風格，正中間位置掛有陳儀興的書法字畫，好夠氣勢。剛坐底，服務員就為我地奉上功夫茶，茶味甘醇帶點酸，飲完好開胃。鵝三寶（鵝肉，鵝腸，鵝肝）用滷水汁浸超過數十小時嘅鵝，味道非之香，咬落口有陣陣滷水香味，鵝肉唔會太老，食落好軟熟。而鵝腸亦都好出色，食落好爽脆，有趙口。鵝肝我就最欣賞，食落唔會有腥味，入口有陣陣餘溫，同西式鵝肝比，味道更香，食落更滑。汕頭煎蠔烙潮州菜緊係要試下蠔餅，蠔餅煎到金黃色，鬆化脆香，而蛋香與蠔的咸鮮互相結合，非常出色。配埋魚露，蠔嘅鮮味就更加出位。陳年老菜甫肉碎粥聽到菜甫實以為係又酸又咸，但原來食落味道好特別。菜甫醃左應該好一段時間，顏色呈歇黑，味道淡而甘，配埋肉碎食落唔單調。福果甜芋泥芋泥同出面食開嘅唔同，一啲都唔會稀，食落口感好豐富，好香嘅芋頭味道，配埋蓮子一齊食，苦中又帶甜，厚厚嘅芋泥味道慢慢佔據在你嘅口腔，非常難忘。

聽聞新蒲崗老字號陳儀興於太子開咗全新概念店，裝修優雅脫俗、食物精心設計、手工細緻、不失潮州菜風味。今日去開太子果頭，當然去埋陳儀興尚潮樓啦。店舖果然如介紹一樣、環境舒適，而且服務非常周到。打開餐牌，雖然好多菜式想食，例如廿年老菜脯鮮豬肚湯、魚露浸花蛤、螄蚶、魚露浸花甲咁，但都係俾常食開嘅鵝肝、鵝腸、鵝肉、豬手等等吸引咗。鵝三寶：分別有鵝肉、鵝腸以及鵝肝，鵝三寶底下有豆腐。陳儀興嘅潮汕滷水好好食就已經係街知巷聞嘅事，我特別鍾意佢哋嘅鵝肝。鵝肝厚切，而且入口即融，非常之正。金不換燉海螺：燉湯好清，金不換新鮮清香撲鼻，而且本身同海螺好夾。清燉荷包鱔：清燉荷包鱔是潮州菜的王牌手工菜之一，鹹菜葉包裹住白鱔，然後加入上湯清燉。鱔肉肉質肥厚、鹹菜的鹹、白鱔的鮮、配合得天衣無縫，一流之作！梅汁炆豬手：充滿骨膠原的菜式。豬手軟淋，汁料酸甜好好味。而另一個顯示手工同細心嘅地方，就係豬手都起哂骨，入口每一啖都係豬手皮同豬手肉。豬手再配上一碗白粥，中和豬手骨膠原嘅黏口感。飲品方面，我哋點咗汕飲品烏豆水同老藥桔。烏豆水就甜味：而老藥桔就咸味、似咸甘吉咁，既好飲又健康。

其實我都幾鍾意食潮州嘢,但通常都要出街食,因為自己一定唔識煮,朋友話見我咁想食,就帶我去太子有間潮州正宗菜.食潮州菜又點可以無鵝嘅嘢呢,特別我勁鍾意食嘅鵝腸,不過多咗少少肥膏,但依然好惹味,又爽口,特別少少係佢仲有鵝肝食埋,平日食得多西式鵝肝,西式都係第一次試.估唔到又幾好味.金不換海螺一定要點,平日無咩機會飲到湯水,原來潮州湯水又幾好飲.超級甜啊,價錢貴少少,但真係值得飲.另外,第一次試魚露浸花甲,原來簡簡單單又幾好味,同朋友講都想試下自己整.花甲份量都唔少,魚露唔算好濃烈.味道幾清新.而甜品必點反沙芋頭,係屋企應該好難整到.不過真係有D甜,但反沙嘅特式就係咁.芋頭迷必試.

爸爸生日，帶佢食潮州菜😍正宗既潮州菜選擇真係唔多～尼間環境不失中國風，坐得舒服又乾淨，唔錯。坐低無耐，店員就為我地送上一壺功夫茶，香濃既茶味～鵝三寶（$198）包括有鵝肉、鵝肝同埋鵝腸，底下係滷豆腐，好豐富！鵝肉、鵝肝滷得好入味，最中意係鵝腸，夠哂爽口！汕頭煎蠔烙（$98）一貫既水準，冇特別驚喜，係蠔幾多，每一啖都食到有！陳年老菜脯肉碎粥（$68）第一次食款粥，老菜脯超夠味，成碗粥老菜脯既鹹香味😍福果甜芋泥（$45）超好食，成碗都係芋泥，整得好綿密，一個人食哂成碗真係好有罪惡感🙈

收工同媽媽黎太子撐枱腳。揀左黎呢間裝修超靚嘅潮州菜。門口仲係帶老香港特色嘅柱同石牌。呢度入面裝修超靚，感覺高級。餐具都係好似高級中菜。一入到黎呢度見到有個漁缸，有好多瀨尿蝦，已經好想食。見到餐牌有生瀨尿蝦食，即刻點左一份。生醃瀨尿蝦（$198）味道係好似韓國嘅醬油蟹，味道偏鹹，肉質好滑溜，又離殼，感覺新鮮！鵝肉雙拼（$168）選擇鵝肉拼大墨魚，鵝肉肉質鮮美嫩滑，完全唔乾！大墨魚係切開薄薄一片片，口感爽口，感覺竟然有啲似薄片魚蛋。鹵水味道唔算好濃，感覺係健康版嘅鹵味。豆豉煮黃花魚（$198）黃花魚大大條，肉嫩肥美。配合鹹鹹地嘅普寧豆醬，相信配飯係一流。沙茶牛肉炒裸條（$128）呢碟好大碟，裸條有如新加坡嘅炒貴刁，好似河粉咁。沙茶醬唔算辣，帶少許黑椒味道。牛肉軟軟薄片幾容易咬，份量都幾多。單叢茶（$13/位）另外我地點左份功夫茶，味道感覺似茶版嘅espresso，特別濃烈～呢餐係太子黎講唔算平，人均差不多$400，不過勝在裝修、服務同食物水平都唔錯。

今日同屋企人去食潮州菜。鵝三寶（$198)三寶包括鵝肉片、鵝腸、鵝肝，另外亦有滷水豆腐墊底。鵝肉片夠肥美，帶有濃濃既滷香；滷鵝肝柔嫩清香；鵝腸口感爽利；仲有豆腐雖然算唔上三寶，但同樣出色，豆味香濃。二十年老菜甫燉鮮豬肚（$68)菜甫有一陣獨特既清香味，而且菜甫放得越耐，營養價值同藥效都會越好。餐廳用左二十年老菜甫燉鮮豬肚，湯色泛淡紅色，湯頭非常清甜，而且有淡淡老菜脯既清香。護國菜（$48)護國菜係潮州菜既特色湯羹，雖然用料簡單，只係用蕃薯苗煮成蓉後用上湯煨制而成，但鮮味就令人難忘。普寧豆醬煮海魚（$198)普寧豆醬係潮汕一帶每一家每一户都有既調味料，而用黎煮海魚都係潮汕特色菜，利用豆醬帶出魚既鮮味，比起廣式清蒸味道截然不同。家鄉炒潮州麵線（$108)潮州麵線有啲似港式米粉，但感覺更幼細，所以炒得好唔好就好睇師傅功架。呢度既炒麵線炒得乾身唔油膩，而且麵線條條完整，食落有鑊氣。

魚露浸花甲揀咗呢個比較清淡嘅前菜。花甲肉肥美飽滿，鮮嫩無榨，魚露及蒜片辣椒🌶️有提鮮作用，帶出左花甲肉嘅鮮甜美味潮式咕嚕肉呢道潮式咕嚕肉同港式嘅有點不同，咕嚕肉呈薄塊狀，外層酥脆，內裏半肥瘦豬肉好香軟，口感獨特，配上醬汁及菠蘿🍍，酸甜開胃厚菇芥菜煲芥菜大大塊，炆煮得軟腍入味，配上金華火腿湯底，厚菇吸收晒湯底嘅精華，味鮮且滋味芋頭焗飯熱辣辣嘅炒飯粒粒分明，夠鑊氣，滿有嚼勁及米香！飯裏面嘅配料有芋頭、蛋絲、冬菇粒、蔥花等等，簡單又美味，芋頭好粉糯呢單叢茶茶味香濃，入口帶回甘甜香，解膩一流～

今日我哋去咗陳儀興尚潮樓食高級潮州菜，喺遠處已經望到呢一間古色古香嘅裝修，非常突出一坐低之後，店員就俾咗一小壺功夫茶我哋作為開胃茶一流少出去方面我哋叫咗一個鵝三寶$198，何謂三寶，就係鵝肉、鵝肝同埋鵝腸然後就叫左一個魚露浸花甲， $158呢個魚露 花甲係凍食甜甜嘅魚露加上花甲嘅鮮甜味，真係夾然後叫咗個潮州拼盤$88 ，分別有普寧豆腐、蝦棗、粿肉呢個潮州拼盤嘅脆漿非常薄，做到皮薄餡料多嘅效果，出色食晚飯點少得蔬菜，我哋叫咗個厚菇芥菜煲 $118果然叫厚菇，d冬菇又大又厚，好有口感，而且芥菜係比較少見，其實都只係一種掛慮，一直以來對佢嘅感覺都係會有苦嘅感覺，但係其實一啲都無！仲好好味最後仲有一個陳年老菜脯肉碎粥$68，呢個肉碎粥真係超多肉說，而且採用老菜譜，令到粥嘅鹹香味出晒嚟！最後仲有一個甜品就係馬蹄露，真係好滿足

入座時會先奉上少花生同茶品嚐。點了豆醬煮海魚($198)是沙追魚,魚好新鮮,蒸的時間剛剛好,肉質非常好,第一次食沙追魚,對此菜式十分滿意。家鄉炒潮州面線($108)佢用左冬菇,豬肉,芹菜同米粉一起炒,沒有加什麼特別的醬,清淡不油,十分好,附上辣醬,但我個人認為不用辣醬會更好。胡椒咸菜鮮豬肚湯($58)二十年老菜圃燉鮮豬肚湯($68)兩個湯用料十足, 豬肚分量多,湯十分有味,一個濃湯一個淡湯,岩晒不同人的要求。店內播放中國音樂,環境舒適,上菜速度岩岩好,食完一碟先上一碟,可以慢慢享受。

朋友前排同我提到太子有一間潮汕菜非常出色，見身為「架己冷」嘅佢都極力推介，相信都有一定功力，今晚總於有機會見識一下。陳儀興名下有幾間餐廳，價位檔次都有所不同，朋友帶我嚟嘅呢間尚潮樓走嘅係行中高檔路線，主打潮汕手工菜。菜館地下座位唔多，侍應帶我哋到樓上一樓，原來別有洞天，裝修簡潔，有種古色古香嘅感覺。入座後侍應送上功夫茶同前菜，功夫茶色澤金黃， 香氣濃郁，茶味甘醇；前菜係潮州三寶之一嘅鹹菜，咸脆可口，質感清爽，令人胃口大增！朋友推薦必食嘅滷水鵝肉雙拼，份量頗多，三四個人分享都唔成問題。鵝肉滷得夠入味，滷水汁唔算好濃，反而食得出鵝肉嘅鮮味，而且肉質軟嫩，配上蒜蓉醋令鵝肉食落冇咁油膩。新鮮墨魚片鮮味突出，口感彈牙，配上滷水汁相得益彰。墊喺底部嘅滷水豆腐同樣出色，夠入味之餘冇掩蓋豆香，口感亦非常嫩滑。朋友為我點咗三樣潮汕炸物，分別配以鮮韭菜汁同桔油。炸蝦棗外皮炸得酥脆，蝦蓉加入馬蹄碎，除咗令味道層次更豐富，更加令口感變得鬆化，配上桔油更添鮮味。普寧嘅黃豆出名靚，所以有著名嘅普寧豆醬，呢到嘅炸豆腐選用每日新鮮由普寧運到嘅豆腐，外層酥脆，內裡軟滑，而且豆味香濃，配上特製嘅新鮮韭菜汁更加點睛。炸粿肉

在疫市仍然敢大膽開張，可見其店主的膽量。但入來卻是令人印象難忘。原來老店是在新蒲崗，但這幢卻是用上戰前唐樓翻新。因此這店舖的舖面也忽一般店子輝煌。而且裝修都十分簡約，有潮州人一向的簡樸之風。此店幾乎都是吃潮州的功夫菜。平平無奇我豆腐，芋頭都居然能夠出大雅之堂。當然招牌的滷水是一絕。價格屬於可接受水平，未至離地，值得一試。很難得的美味，用心的潮州菜。位置很好，好去花墟能順道晚飯。不過由於是戰前唐樓，難免會有點破舊之處，但可接受。

在新蒲崗開業數十年的「陳儀興飯店」原來在最近開了一間名字時尚，走高檔路線的新菜館，名叫「陳儀興尚潮樓」。從友人介紹中得知後，便找了一個晚上前往用餐。到訪當日，這新店仍在試業期間，客人光顧，可有九折優惠。店舖地下一層地方雖不太大，幸好客人不多，仍能即時找到座位。店舖新開，自然光鮮企理，大大個的長幅「陳儀興」三字牌匾與兩旁的七字對聯，最是吸睛。這兒彩色精印，圖文並茂的餐牌上的潮州菜式非常之多，當中多款需要提早兩天預訂的潮州手工菜式，好像「清金鯉蝦」、「富貴石榴蟹」、「清燉荷包鱔」、「玉枕白菜」等，更是十分吸引，不過這晚我只是即興到來，而且只得夫妻兩人用餐，也吃不到太多，想一嚐這兒的手工菜的話，就要留待下次了。 「功夫茶」先上，味太清，不夠濃。「前菜」就挺不錯，好食。凍食的「魚露浸花甲」（$158）是這兒的推介海鮮菜式之一。整齊的賣相下鮮味的魚露帶出了花甲的甜味，爽甜味美，是這晚餐中我最喜歡的菜式。「鵝三寶」（$198）包括鵝肉、鵝肝與鵝腸。這「鵝三寶」的鹵水汁雖然不算十分香醇，都算不錯，夠味道得來不會過濃，不過鵝肉斬得不好，也不夠多；鵝肝雖有四片，但其中三片都偏薄身，亦未如理想；鵝腸幸仍

我好少寫食評，不過今次唔寫唔得！我以為自己睇錯，個碗粥小到，應該十啖食晒😨😨😨😨平心而論，味道ok,不過收得68係咪應該大碗小小🙄🙄🤔🤔🤔🤔⋯⋯⋯⋯⋯⋯⋯