陳儀興尚潮樓 (太子道西)

营业中

休息中

之前去過一次覺得不錯，突然心思思想再去🥰鵝三寶（$198）基本上係呢到既必食～今次比上次食更好味、更入味😃我最中意食鵝腸 真係爽到不得了！朋友最中意食鵝肝 中式食法比起西式煎 更具風味 好特別～魚露浸花甲（$158）花甲每隻都脹卜卜，食落冇沙兼嫩滑🥰金不換燉海螺（$78）呢個湯有d失望，雖然足料，但味道偏淡，而且螺肉食落硬左d，較難咬開烏豆水 老藥吉兩款既味道好特別，而且差唔多味道咁,酸酸甜甜～老藥吉既味會較酸d，開胃解渴👍滿足一下想食潮州菜既慾望🥰

今日同屋企人去咗食潮州嘢呢間位於太子嘅潮州陳儀興潮尚樓 好多朋友推薦於是就嚟食下啦有別於一般嘅潮州菜館 裝修好靚有中式嘅感覺 枱櫈都用上木 非常典雅 生醃膏蟹 膏蟹大大隻 一隻都夠曬兩個人食 爆膏超誇張 膏鮮甜無比 有啲似食海膽嘅感覺 蟹肉 甜美十足 加上特製嘅醬料非常香蒜頭味鵝三寶 有鵝件 鵝肝 同埋鵝腸 鵝件煮得冧夠入味 而且鵝味十足鵝腸係帶有肥膏 十分惹味可口鵝肝煮得入味之餘 仲好似啫喱咁嘅口感 有啲似法式鵝肝嘅感覺 油香十足普寧豆醬煮海魚 用咗黃花魚 肉質嫩滑鮮甜 上面加上鹹香嘅普寧豆醬 非常正宗 送飯一流

今日食咩好？🐽🐽話去花園街食潮州嘢🤪呢間餐廳好官仔骨骨🤩好Surprise!!平時去開大排檔🤭今日黎個高級版潮州菜！潮州嘢點少🉐️**鵝三寶**分別係鵝腸 +鵝肉+鵝肝！滷水汁絕對係靈魂所在！鵝肝最得我歡心！😝梅汁炆豬手平時食開南乳味道！話梅汁堅係第一次！酸酸甜甜好開胃！🐽🐽大愛❤️豬手啖啖肥美！相當淋身！🦷仔弱d都食到！👍🏻生醃海鮮係呢度招牌菜！嗌咗生醃瀨尿蝦！凍食瀨尿蝦！個醬汁好夾！好窩心切開一件件。方便入口！👏睇真d仲有蝦膏架！大滿足！🤩

陳儀興尚潮樓1. 鵝肉雙拼大墨魚（$168）個汁送飯一流！鵝肉、墨魚下面仲有豆腐，所以一次過食到3樣野！鵝肉好肥美，有脂肪係皮同肉中間，墨魚爽得黎又彈牙！我喜歡，個豆腐好大塊吸左好多汁，呢個值得再食2. 金不換燉海螺（$78）金不換係一種香料，好清新，完全想像唔到個湯既味，有驚喜！海螺都唔少，$78一碗都抵飲，唔知有冇得一盅咁既呢？3. 豆醬煮海魚（$198）海魚係黃花魚，豆醬好清，完全將魚既鮮味帶出黎，原條上既魚，係岩岩蒸完即刻上枱，真係好鮮甜，呢個size 2-4個人食都okay! 雖然落左好少調味料，但完全唔會腥4. 汕頭煎蠔烙（$98）呢個是日最愛🤭 岩岩煎炸完上碟，雖然比較熱氣，但即食好正😳 好脆！啖啖都係蠔，d蠔仲要幾大隻架！粉唔厚，好少食到咁高質，不過一定要趁熱食，凍左油膩感會增加，脆度都會減低架5. 老藥桔飲落去好似夏枯草定酸梅湯既感覺，有一陣話梅味，唔好睇佢咁深黑色，飲落都唔錯架

難得放假今日同朋友聚吓，佢帶我去陳儀興食潮州菜，聽個名咁傳統以為係啲裝潢陳舊嘅老店，擔心有啲唔夠衛生。去到原來都幾新淨雅致，地方乾淨企理，高檔feel，憂慮一掃而空。【老藥桔】酸酸甜甜有啲似酸梅湯，生津止渴，化痰止咳。疫情期間，咳兩聲旁人都退避三舍，飲返杯潤一潤喉嚨就啱晒。【魚露浸花甲】花甲好鮮甜，配鮮味魚露真正雙重鮮味。凍食喺夏天就啱晒，涼透心。【汕頭煎蠔烙】蛋漿都煎到好香脆，蠔仔大粒飽滿數量亦都唔少。又厚又大份，三至四個人share都得～【鵝三寶】三寶係鵝腸、鵝肉、鵝肝，好鬼大碟。我最鍾意鵝腸，夠爽脆又有適量肥膏，邪惡但好正～【碧綠川椒雞】呢個係我食潮州菜必點，不過我鍾意嘅原因唔係雞而係珍珠葉，香脆惹味，同川椒雞係絕配。如果份量多返啲就完美啦～【潮州白粥】又係潮州菜必點，潮州菜味道比較濃，所以送粥就啱晒～今次我哋揀嘅食品比較熱門，餐廳都有啲比較特色嘅例如生醃海鮮、水果酒、手工菜等等，選擇都幾多，係一間可以encore嘅餐廳。

同女朋友食飯，為佢揀咗幾道佢鐘意食嘅小菜😋。首先揀咗一份鵝三寶 ，有鵝肉、鵝腸、鵝肝。滷水味香濃，餸白飯一流。鵝肉仲好鮮嫩。二十年老菜脯燉鮮豬肚湯 好特別。聽講陳年老菜脯係客家人古老相傳，傳聞可解毒，解酒，治咳。好彩味道都唔錯😚。「客家人蔘」食落甜甜地幾特別。最後仲有魚露浸花甲，賣相夠吸引，而且花甲好鮮甜！女友都大讚好味🤤。呢度環境好，服務又好，值得推介。期待再嚟食佢地嘅手工潮州菜，帶埋屋企人都啱㗎😀😀😀。

難得同男朋友出街食中餐，呢日揀咗太子一間環境舒適嘅潮汕菜撐枱腳👫🏻。.🍖鵝三寶 $198講起潮汕菜，最為人熟悉都係各種滷水菜式。「鵝三寶」包括鵝肉、鵝腸、鵝肝。鵝肉肥瘦適中，肉質軟腍又唔會鬆散。鵝腸比起平時食嘅多少少肥膏，油香更加重。.🥘二十年老菜脯燉鮮豬肚湯 $68「二十年老菜脯」夠gimmick，所以好奇叫咗一人份量。本身以為會好重口味，點知燉湯味道清甜，帶有好淡嘅藥材味。.🦪汕頭煎蠔烙 $98煎蠔烙香脆可口，蠔肉份量多，而且大隻又厚肉。但略嫌食落油膩少少。.🥣魚露浸花甲 $158花甲新鮮，肉質彈牙。潮汕出產嘅魚露味道清淡但不失鮮味，起咗「提鮮」嘅作用。.🥢陳儀興尚潮樓太子太子道西179號地下及一樓

聽老潮州人講潮州菜分兩種﹕平同貴見到太子呢間潮州嘢主打潮州手工菜，同平價打冷嘢唔同打冷嘢屬平民美食，而另一種就係二世祖去食嘅菜式重視原材料，款款矜貴極奢華，走高檔路線坐低飲返杯茶，茶味濃郁清香，有啖啖回甘味問問店員先知茶品原來叫單叢茶，後來喺門口見到係潮汕名茶嘅一種原本想試試生醃膏蟹、螄蚶或瀨尿蝦，應該幾鮮甜但目前仍然係疫情期間，安全起見都係盡量唔好食未徹底煮熟嘅海鮮，只叫咗少少地道手工菜式前菜必揀鵝三寶 $198，有鵝肉、鵝腸、鵝肝，但我唔食鵝腸店員容許轉一款，最後轉咗大墨魚滷水鵝肉配搭白醋，酸甜香味非常開胃，滷水汁好入味大墨魚夠爽口彈牙，蘸吓滷水汁或白醋都好適合至於鵝肝更加係極邪惡之選，滷水汁入口之餘鵝肝質感軟滑，勁creamy，入口即溶，唔會有羶味，香濃鵝肝味令人難以忍口，超吸引！金不換燉海螺湯 $78 入口清甜，好足料，連海螺都食得，因為海螺煲得軟腍，唔係好硬而金不換帶出啖啖清新味道，味蕾逐步散發幽香感難得配中湯都可以接受，無乜花巧調味，同時幾暖胃其中一款潮州手工菜係豆醬煮海魚 $198，以普寧豆醬嚟炮製一條沙錐魚魚肉鮮嫩，黃豆醬味道唔算太濃，僅有輕微鹹香味，比麵豉好得多可以帶

屋企人係潮州人所以特別鍾意食 潮州菜見到呢間旺角新裝修嘅潮州菜館環境好靚 專登搭車站去試😁.鹵水鵝片 $138分量好多 鹵水味好入味鵝片起曬骨啖啖肉 點特製嘅醬汁 非常之開胃胡椒鹹菜豬肚湯 $68鹹菜同豬肚呢都飲到胡椒味略嫌淡啲啱曬鍾意清淡嘅人 飲落去好清新好舒服咸檸檬燉鴨 $68飲到咸檸檬嘅味亦都飲到鴨味好清唔會有油膩 感覺好健康咸檸檬同鴨配合得好好碧綠川椒雞 $98啲雞好滑 有微辣嘅麻辣味少少落油炸咗 雞外皮有少少脆脆地入面就好滑同埋啲炸紫蘇葉一齊食 好惹味環境好復古棕色設計作為舒服非常之乾淨鍾意食新快潮州菜可以試一試☺️

相信愛吃潮州菜既人, 對陳儀興潮州飯店一定不會陌生! 媽咪話好耐無出過街食飯, 好掛住陳儀興d潮州菜, 疫情關係係限聚令之下, 今日都特登揀左一個無乜人既時間去食, 下晝5點鐘去食晚飯, 果然去到近乎包場, 食得安心。鹵水鵝肉拼鵝腸鹵水入味非常, 鵝肉油潤肥美, 鵝香充斥口腔, 每咀嚼一下都係濃濃既香味, 不得了! 鵝腸既肥膏唔會太多但又不至於完全無, 所以咬落除左本身鵝腸既彈牙之外, 仲有鵝肥膏既油脂香味, 正。魚露浸花甲 凍食既花甲, 賣相精緻, 魚露既味道更令本身新鮮既花甲鮮味提昇, 鮮甜回甘!梅汁炆豬手梅汁酸酸甜甜十分開胃, 豬手炆得剛剛好, 肉質軟腍又不失彈牙。招牌水晶白桃粿對於三角型既潮州粿有種情意結, 因為細個成日食! 可以係依度食番真係好開心, 粿皮係煙韌既水晶皮, 餡料有咸有甜, 有蝦米, 綠豆蓉, 紅豆沙等等, 手工精細, 食落口感豐富咸中帶甜, 好滿足!老藥桔老藥桔潤肺潤喉, 最岩係而家依個時候飲, 甘甜又帶酸, 餐後飲一杯不錯!

今日相約咗一個潮州朋友食lunch，佢推介呢間喺太子嘅潮州菜館，話坐得舒服味道又正宗，所以帶我嚟試吓。餐廳環境清幽，可能加上限聚令嘅關係，入面非常寬敞，完全冇侷促嘅感覺，仲可以同朋友靜靜哋傾吓偈享受一下寧靜嘅環境。餐牌嘅相影得好靚，睇見都吸引，加上朋友推介呢間陳儀興，令我充滿期待。杯碟等餐具都非常精緻，而且全部都印有同一個風景圖案，相信就係潮汕一帶嘅風景啦！先來一個前菜生醃賴尿蝦，帶微酸嘅汁醃製嘅賴尿蝦感覺非常清新，有少少似泰式生蝦刺身咁，食落好開胃！食潮州菜其中一樣主打就係食鵝片，所以我哋揀咗鵝片拼墨魚，估唔到佢嘅份量超多，下面仲有滷水豆腐，鵝肉嫩滑肥美，墨魚亦非常彈牙，我認為可以一試再試！潮州菜嘅第二主打就非蠔餅莫屬啦，呢個蠔餅充滿蛋香，啖啖蠔仔肉，而且做得好乾身，完全無油膩嘅感覺，真係好高質嘅蠔餅！就咁食餸有啲重口味，所以叫咗碗潮州白粥，雖然完全冇任何調味，但都食到有米香，感覺唔錯！店員推介我哋夏天最好飲番杯老藥桔，開頭聽到有個「藥」字以為會好重藥材味，但其實飲落去甜甜哋，有啲似夏枯草之類咁，生津止渴！最後食個潮式甜品，原本想叫反沙芋，但朋友話唔鍾意外邊一層砂糖嘅感覺，所以最後我

在太子最繁忙的地區，估唔到有一家非凡脫俗的優雅潮菜館，呢到有兩層，一上2樓雅座，真係令人忘卻了是身前處繁忙的都市。有另一包箱在陽台的位置，日光光線配上古色古香的中式裝潢，感範高貴雅緻。令人賞心悅目的擺設朋友介紹呢到既鵝三寶係必食的項目，所以一定要叫......先來兩杯飲品，是潮州特飲老藥桔，淡淡的中藥味配上酸甜的飲料，生津止渴好味。鵝三寶$198---傳說中的名物來LA~~~~~哇好大碟超爽既鵝腸，好~~~好~~~食呀~!!!!!!!!OMG~真係名物黎架~!!!!!鵝肝好大件，咬入口好滑而且好入味，呢個中式做法好好食~同西式係完全不同的風味。我覺得更O岩我地華人的口味呢~肚肉苦瓜煲 $128 --豬腩肉非常肥美，好正的動物脂肪~苦瓜好大條而且好有味，配上大大件的冬姑，係好正的中式小菜~!碧綠川椒雞$98--潮州名菜，我自小就最LIKE呢個因為佢既脆卜卜香葉~~雞肉好入味有微微的麻香味，同平時食既雞好唔同。汕頭煎蚝烙$98 呢個配白粥一流汕頭煎蚝烙$98---整得好靚而且好新鮮，脆脆的好好食~!呢到真係一流既中菜館，環境超正，如果有外國朋友，真係一個好地方去招待佢地呢~!

餐廳：陳儀興尚潮樓 (太子)地址：太子太子道西179號地下及一樓平時去開大牌檔或者菜館仔食潮州菜，今次去咗太子高級少少嘅陳儀興尚潮樓食飯🥢，估唔到又搵到驚喜😎餐廳佔兩層，個人覺得坐1樓比較舒服☺️，坐位闊落，靜靜地同朋友傾計幾好👬。難得黎到要試下餐廳名菜，佢地嘅滷水同生醃海鮮都好出名😎鵝三寶 $228三寶即係鵝肉、鵝肝同鵝腸🦢，仲有幾舊滷水豆腐，平時食鵝肝都係煎香，再配多士呢種法式食法，滷水醃製估唔到又係另一番風味😋；鵝肉啖啖肉，唔會好嚡；鵝腸連帶肥美嘅脂肪，但食落口無腥臭味👏，最重要滷水汁唔會好鹹搶咗鵝嘅鮮味生醃瀨尿蝦 $198頂級推介必定要試‼️一碟有三大條，仲已經斬開一件件，每一件都充滿蝦膏😍，放入口一吮就品嚐到新鮮嘅瀨尿蝦，自製嘅醬汁同瀨尿蝦好夾👍🏼，我同朋友都食到停唔到口😆汕頭煎蠔烙 $98煎蠔烙即係煎蠔餅，蠔餅煎得香脆，完全無油膩感覺😚，每一啖都有滿滿蠔碎🦪，將蠔仔先整碎，再混入蛋漿去煎，令兩樣野更加match，有合二為一嘅感覺🤤胡椒鹹菜鮮豬肚湯 $58胡椒湯辣得好過癮，比我以往飲過嘅較為嗆喉🔥，但當連埋鹹菜一齊飲，即刻中和咗嗆喉嘅感覺🤩，豬肚都清理得好乾淨，讚👍🏼食完咗豐盛嘅

呢間潮州菜館食物有驚喜，逐款介紹😊～魚露浸花甲 $158啲花甲好甜，而且冇沙，雨露味唔會過濃，面上有辣椒🌶️好食😋鵝肉雙拼，揀左拼元蹄$168鵝肉夠林夠香，連埋皮食充滿鵝皮膚油脂香。元蹄亦都好出色，唔會太肥個皮都好食。豆醬煮海魚$198海魚賣相非常靚，而且魚肉好滑。雖然有少少骨，但係慢慢食OK的。豆醬同條魚好夾，有潮州風味。金不換燉海螺湯$78/位湯幾清，面上有金不換，螺頭都算多較硬身，足料～

好耐冇食過潮州菜，就同朋友嚟到太子呢一間好出名嘅潮州菜館度食飯，係疫情嘅關係， 都無減呢一間潮州館嘅人流， 兩點鐘去到都仲係好多人。 菜館以為唔算大，但其實佢唔止一層，店員帶咗我哋上二樓，二樓超寬敞， 枱與枱之間嘅距離都好闊， 十分安全。坐低無幾耐， 侍應就已經送上茶水，佢嘅茶係靚茶葉，唔似出面嘅茶樓，飲落冇乜味，佢嘅茶葉有淡淡回甘味。我哋嗌咗個鹵水拼盤鵝三寶， 裏面有鵝肝， 鵝肉同鵝腸，墊底仲有索曬鹵水汁嘅豆腐， 佢嘅鹵水拼盤唔似出面d餐廳咁凍冰冰食落有微溫， 鵝肝大大嚿食落有好重鹵水汁，味道一流。 鵝腸爽脆唔 韌。 鵝肉軟淋香口， 簡直perfect。叫咗一個湯個湯係金不換燉海螺， 感覺兩個味原來 都幾match。我好少飲金不換煲嘅湯，其實感覺幾新鮮 ，而且成碗湯裏面有超多海螺肉，真係真材實料。另外叫咗佢兩個手工菜一個係富貴石榴蟹， 佢嘅手工菜係要預定嘅，好彩我去到嘅時候師傅有預備咗一份所以有得食。 富貴石榴蟹係用蛋皮包住蟹肉，芹菜，馬碲整成嘅餡料。 食落去口感豐富 好有特色， 配埋 鮮甜嘅 芡汁， 味道一流。另外一個手工菜係玉枕白菜，係用白菜包住餡料 整成嘅一個菜式 ，配埋特有嘅