陳儀興尚潮樓 (太子道西)

营业中

休息中

之前已經嚟食過一次晚飯，覺得非常好味坐得又舒服，今次嚟試埋lunch，原來都有好多熟客魚露浸花甲 ($158)賣相已經非常靚，每隻都冇沙，魚露味道唔會太鹹，但食咗一隻就會想不停咁食，食到停唔到口㗎！鵝三寶 ($228)滷水汁入味，好多年冇食過鵝肝，口感嫩滑；鵝腸又唔會太肥，食落爽脆金不換燉海螺湯 ($78)螺頭湯飲得多，加埋金不換真係味試過。海螺口感軟腍，而且有好多粒；金不換味道清新，原來呢個配搭係咁match㗎喎！豆醬煮海魚 ($198)微鹹嘅普寧豆醬更帶出魚嘅鮮味，魚肉細嫩，旁邊仲有一大條魚春，非常驚喜！相隔8個月再嚟，keep到質素，下次會再嚟食！

陳儀興尚潮樓·旺角依間平時夜晚係好難Walk in 食到就算有預約都要等😩😩每次都要等勁耐今次終於晏就黎食可以唔洗預約就食到仲要午市套餐勁抵食👍🏻👍🏻👍🏻平時晚市會叫份鵝頸肉 勁爽 勁滑同埋冇骨 加埋個汁 撈飯一流😋😋今次午市就叫左鵝三寶飯 $88鵝肝 鵝腸 鵝肉 都係好正👍🏻三樣都好中意 仲要午市個價錢平一半 一定要叫黎食🤪仲有蠔仔粥🦪$58 都係好好味蠔仔勁肥美 但唔食蠔既朋友覺得腥但我就覺得好鮮😋依個套餐送蝦米土豆粿 因為我唔太鍾意土豆 所以就覺得麻麻地依餐食左$150💕💕兩樣都係好好食😋比起晚市抵勁勁勁多平時經過旺角花園街 可以去試試👍🏻如果夜晚去就記得要預約啦！！#香港必食 #hkfoodie #旺角必食 #美食

Walk in入到去全店滿座，經理說要等半小時，我們唯有等位，剛剛看到兩臺客埋單，心諗唔使等咁耐，好期待，可惜兩臺客人比了錢，無意識離座，不斷傾計，經理侍應無特別提醒客人，我們等了差不多15分鐘，兩臺客完全沒有意欲離座，經理侍應完全沒有理會我們在等的感受，最後忍不住，同經理講唔等，他的回應是「哦」，這種服務態度前所未見！不知所謂！

攞自己嘅全名作為餐廳招牌，真係唔講得笑，真係冇極上功夫，都唔會咁樣做，所以真係要嚟＂陳儀興尚潮樓＂呢度試下。到咗秋天，蟹喺呢個時候最當做，但係天氣仲係熱熱地，最好都係食番啲涼既嘢，生醃膏蟹就係最好嘅選擇啦果然不時不食係好重要，而家嘅蟹，隨便攞一隻啲膏都多到爆炸， 呢度食到嘅膏蟹真係非常好味、新鮮、鹹鮮可口、酒香逼人配白飯一流，可以食三碗飯，吃一次，就上癮，非常推薦仲有個鵝三寶滷水拼盤鵝肉滷得夠晒入味又多汁鵝肝好軟滑口感似豆腐鵝腸爽口，唔靭，又半肥瘦，香口，正再配埋老藥桔真係好正化痰、止咳、潤肺、潤喉、健脾、生津，最重要係易入口，鹹中帶甜，好好飲最後叫埋個薑薯綠豆爽，講真，有啲食吾慣下次黎試下叫其他甜品先食呢啲傳統潮州嘢，最怕就係地方唔乾淨污哩馬查，但呢間光鮮企里，感覺好好乾淨坐得舒服

潮州打冷相信好多人都食過，今次朋友就就帶我去一間位於太子嘅高級嘅潮州餐廳。一入門口陳儀興尚潮樓已經俾到一種乾淨，舒適嘅感覺我，有別於一般潮州打冷店，唔會覺得擠擁同嘈吵。不論菜單，桌椅同餐具，都別具傳統中國特色。生醃瀨尿蝦（$144）瀨尿蝦食得多，生食嘅就真係第一次。開頭都有啲抗拒，但食落就真係停唔到口。瀨尿蝦好新鮮，蝦殼基本上唔使剝，一節節放入口，然後大大力吸佢出嚟。食落有少少酸辣，肉質好厚好滑，一食真係停唔到口。鵝三寶（$228）三寶指嘅係鵝肉，鵝肝同鵝腸。份量都幾多，四個人食都好夠。鵝肝好新鮮，有別於法式鵝肝，食落暖暖地，唔會太韌或者太軟，一般鵝肝食幾塊就會膩，但今次反而愈食愈多。鵝肉都好滑，食落唔會老，加埋啲白醋，酸酸地好開胃。最後鵝腸就好爽口有彈性，食落索索聲。老藥桔（$20）開頭見到個藥字以為會好苦，點知飲落好甘甜，帶少少酸，味道好特別。服務員話喉嚨唔舒服就最岩飲。

今天途經太子花園街附近，發現有一間食肆名為“陳儀興”，跟我認識位於新蒲崗的那間潮州打冷店鋪名字相同，於是即興入內用膳。店內布置古雅寬敞，富中國色彩。甫坐下侍應即奉上功夫茶，印象分已提升，再送一碟小食醃芥菜頭，肯定正宗。菜式方面必試鵝三寶，包括有鵝肉、鵝肝、鵝腸三樣招牌滷水食品，鵝肉來自潮汕正宗獅頭鵝，肉質鮮甜；鵝腸爽脆帶少許肥膏但絕不肥膩；鵝肝鮮嫩軟腍絕對不容錯過。再來一客二十年老菜甫燉鮮豬肚，湯底清澈，味道鮮甜，豬肚軟腍，老菜甫咬口感似瓜類，與平日吃的菜甫完全不同。然後來個香煎冇魚烙，對呀，真的叫冇魚，平日吃的是蠔烙，今日轉口味試一試，香脆可口絕無腥味，再蘸上魚露，更添惹味。侍應再送上肚肉苦瓜煲，苦瓜只留少許苦味，吃後帶甘，肚肉是五花腩肉，鬆軟可口，煲內更有數隻冬菇，非常入味，爆香的蒜頭更是非吃不可。最後再試招牌水晶白桃粿，鹹中帶少許甜味，非常配合，透明的外皮內裡包裹著鹹甜饀料，特別吸引，必須一試。今晚的餸菜真的使人感到滿意，下次必試那些需要預訂的手功菜。

嘩 有彩蛋主要是openrice 食評看得多，打算來試試，沒想過咁正。今日不太餓，就點了生醃膏蟹、𧐢烙與鵝三寶。有好幾個點值得讚，服務員態度笑容非常好、有問必答、而且醒目。菜式除咗外觀、還好吃😋，潮州打冷一般都不計較擺盤、但這邊有點潮菜fine dine style，選料、擺盤、上茶 都幾有heart 好少九龍有這種潮菜館。𧐢烙非常正，脆卜卜加新鮮肥美蠔仔。鵝三寶，質素與新蒲崗店大不同，實在是一個大upgrade 鵝肝是我喜歡好蔡館style. 非常滿意 唯有一個提醒- 吃完一晚好口渴。

這家本來在新蒲崗的出名餐廳，現在在太子也開了分店。一到餐廳就被它清雅的裝修所吸引，將進入了江南小鎮的感覺。魚露浸花甲、鵝三寶、汕頭煎豪烙、蝦枣拼蟹枣、芋頭焗飯、干貝春菜煲。總的來說每一個菜都很出色。魚露浸花甲：花甲肥美，加上了魚露的清甜，配合得不錯。鵝三寶：三寶當中有鵝肉、鵝肝和鵝腸。我最喜歡食的是鵝肝，鵝肝肥美，也很嫩，加上了滷水的味道，這個配搭不錯。芋頭焗飯：芋頭和蝦米炒得很香，飯也粒粒分明，配上了蔥花的香氣，我足足吃了兩大碗。

太子區食店不少，但主打潮洲菜而環境企理的，這間算係代表，午市有套餐供應套餐有湯送，紫菜肉碎湯，不過不失，勝在夠哂熱啦！這個蠔餅另外叫的，好香，蠔仔大小適中，煎得頗為香脆，但如果再加入薯粉及改用鴨蛋烹調，效果必定更香口，還記得20多年前，佐敦區廟街有二、三間潮洲打冷食店，門外設有火爐，有個潮州大叔在門外煎蠔餅，是落薯粉及鴨蛋，煎出來蠔餅十分香口，煙煙肕肕！店內二樓仲有雅座滷水雙拼，我哋選擇了鵝肉及大腸，鹵水味香，大腸夠淋芋頭焗飯，芋頭及豬肉都切得太細粒，完全唔覺有料，唔係潮式做法，相信是一大鑊飯炒完，如有客order便放入熱煲內而已⋯⋯今次只試午市套餐，下次會再試其他菜式，才能測試到水準

位于太子道西l79號地下，有一家正宗潮州菜飧廳一陳儀興尚潮樓。餐廳主打經典潮州菜，裝修雅致，菜式矜貴奢華，走高檔路線，幾有懷舊感，現在這樣優質而懷舊的食店巳不多了。食潮州菜一定要吃滷水，鵝三寶是好選擇有鵝肉、鵝腸和鵝肝。鵝肉嫩腍，鵝腸脆而彈牙，鵝肝入口即溶，口感豐富而滿足。豆醬煮海魚：普寧豆酱能提升海魚的鮮度又可減去腥味，魚肉又鮮又嫩非常好味。招牌菜生醃䯧蟹給到我驚喜了，賣相十足，紅紅的蟹膏口感一流，蟹肉Q彈鮮甜，醬汁落足蒜姜毫無腥味，吃了停不了口，真心好吃。三老板好熱情送埋杯老藥桔，甜甜的帶有桔的清香，飲落腸胃舒服，回味無窮。我以後會經常光顧！

周日愛懶床的小妹扭開電台回魂一下，某日訪問到潮洲菜頓時把小妹越聽越蠢蠢欲動！後來找一家「忠於原著」的老字號《陳儀興尚潮店》 有七選四套餐，可謂包羅萬有，令人垂涎三尺啊！由生醃海鮮、潮汕滷水、湯羹、潮洲手工菜、小菜、棵以至甜品都有。生醃瀨尿蝦 HKD 198 共有2隻富亮澤瀨尿蝦，配料秘製醬料、蒜溶、辣椒🌶️ 生醃最為關鍵就是醬汁，把一段段的蝦「絕」一口，鮮甜爽口蝦肉湧入口腔中，蝦膏也很多。 推薦！ 鵝三寶 HKD 198 滷鵝是潮汕的特產！三寶就最為適合 了—— 鵝肉、鵝腸、鵝肝！鵝肉厚肉而有嫩口，整體滷水入味也不會太搶。來再必食鵝肝！好有驚喜 😱 — 入口即溶化，好邪惡但真心好好味、真令小妹回味無窮 推薦！而鵝腸用上新鮮而不是冷凍，口感爽脆略帶點煙韌，清潔也很乾淨 魚露浸花甲 HKD 158 吐沙做到極致！ 除沾上魚露，重口味的小妹也愛沾上生醃蝦裡的醬水汁 😁 一甲兩食 汕頭煎蠔格 HKD 98 另一邪惡潮式家常菜！ 份量比想像中大😌 內裡有大大小小蠔仔而每不論大小都很肥美～ 最緊要碟底沒留下一堆油！ 老藥桔 HKD 40 冷熱同價，味道很輕而略帶桔味，很適合平衡油膩感 除外，環境挺

今日去再食呢間餐廳，食到個滷水豬腸是臭的，個侍應同我講臭是正常，因為是雪藏，可能洗不乾淨，我即時O左咀，我不是俾大牌檔價錢呀😂。再食滷水墨魚片就正正常常，新鮮爽脆，是個汁太淡，吊不起墨魚片個味跟住糖醋麵炸到半脆半不脆，都好難得。食落鹼水味重到放棄。個蝦早同蟹早都是垃圾，不冷不熱、不鹹不甜、鬆鬆散散，仲話是時令食物，直系好食到呢🐷惟一是服務態度好好，環境乾淨、坐得舒服，但再沒改善就應該好快收檔。

朋友介紹過呢間潮州菜館相當出色難得閒日放假 就特登出去試下喇地點非常方便 出咗地鐵站5分鐘內都到餐廳總共兩層 但唔算大 座位都唔特別多筆者今日就被安排坐樓上樓上環境都好典雅舒服再配埋淡淡嘅古箏音樂 成件事係個享受😙好喜歡佢用唔同嘅畫蓆嚟佈置樓梯嘅佈置同樣都好有心機♥️因此係午市嘅關係 除咗主餐牌外仲有個午餐餐牌仲要免加一 價錢相當吸引但因為抱住要嚟試多啲野食嘅心情 所以就放棄嗌餐嚕除咗環境佈置外 餐具都一絲不苟襯好晒真係未食已經加分😛✨魚露浸花甲 $158花甲嘅數量都唔少同埋呢種食法係出面都比較少見魚露嘅鮮味鹹味令到花甲嘅鮮味都更加突出咗以為係比較濃味嘅菜式 但原來都比較清淡✨鵝三寶 $228筆者係鵝肝狂迷 呢個係超級好食佢個鵝肝質地非常粉嫩 有滷水味之餘仲保持到鵝肝嘅香味真係好好食🤤🤤🤤另一個要大讚嘅就係鵝腸筆者敢講呢個係筆者食過最好食嘅鵝腸鵝腸好肥美 食落又爽脆 超級出色至於個鵝肉都正路啦 因為另外兩樣太出色 所以呢個就顯得普通啲😛✨生醃瀨尿蝦 $198賣相超吸引🤤🤤🤤一碟有4隻瀨尿蝦 會切開5嚿方便進食啲蝦勁多膏🤩🤩🤩滑捋捋嘅蝦肉同帶爽嘅膏 口感一絕配埋個啱啱好嘅汁 一啲腥味都無

今天上山集會前先和同伴去充飢，沿着去旺角花墟的路上看到潮州菜館尚潮樓，一心想吃潮州粿啊。開門前左邊有師傅在斬肉類、玻璃窗內大隻鵝懸着、灶台上數盤花甲; 右邊鐵閘拉開便進入用餐空間。室內樓底高，分上下兩層。好奇乘升降機至上層，竟有有蓋露台部分，盆松置於應是花梨木製的桌上，腦海就有家族共聚、特別是老人家樂呵呵的畫面。當時正午時分，只有零星客人，但離開時下午一時半，上下層座位陸續滿客了，真是客似雲來，建議先行訂座或早到! 落座後，點了冷盤、湯、鮮魚及粿，食材、做法看似簡單，但這般重湯輕油卻應是我們日常習慣，吃罷不由得身心舒暢。-潮汕滷水鵝肉雙拼(元蹄) $168其實我媽多在週日買半隻滷水鵝，也不知是不是潮汕口味。尚潮樓選的鵝脂肪不算多，因此連皮吃也不會覺得油膩，肉如連筋膜位有點韌，其他都易咬，可讚的是鵝肉沒有膻味，我媽買的就時有膻味，吃一塊肉便令人放棄了。滷鵝肉也正好伴白粥吃。元蹄和鵝肉都有淡淡滷汁味，此滷汁香料味不重，偏醬油味。驚喜肉下有4片豆腐，這豆腐妙了，咬下堅固卻不失柔軟，豆香味濃，絕!-湯羮胡椒鹹菜鮮豬肚湯 $58認為是必點的湯! 胡椒不似以往以顆粒入湯，搗成星形。胡椒味最出眾卻不

今日去太子行街，🤤見到間雅緻嘅中餐館！😻大大隻滷水鵝排列在眼前，牌匾係👉🏼《陳儀興》-🎏馳名老店在新蒲崗幾十年，今次開咗精緻版潮菜館，必須試番幾味！🥢先來生醃海鮮👉🏼楝左生醃瀨尿蝦，用了蒜同味醂生醃，鮮上加鮮！賴尿蝦💦爽口晶瑩，口感過癮！必食潮州滷水👉🏼鵝三寶～先讚下👍🏻個鹵水，味道豐富不會鹹！🦢鵝片軟滑入味，厚薄剛好！ 鵝腸爽口”索索聲”,最正係碟底嘅豆腐，滑滑的盡吸精華!😘🌊豆醬煮海魚👉🏼🐟又滑又結實,配上普寧豆醬提味又提鮮，配上靚仔🍚一絕！還有肚肉苦瓜煲，🍲五花肉煲到爽，苦瓜煲到好諗，苦中回甘！裝修升level 了，而味道依然！陳儀興👍🏻，名不虛傳！🥊