陳儀興尚潮樓 (太子道西)

营业中

休息中

老豆唔係潮州人 不過鍾意打冷 農暦新年就快到 我地兩父女去太子花墟買水仙花之前 先幫襯嗰度一間樓高兩層 裝修新簇簇嘅潮州酒家-🍊#老藥桔 $20顏色同味道 係酸梅湯加羅漢果茶嘅合體 入口甘甜 對喉嚨有益 -🥣#金不換燉海螺湯 $78份量細咗啲 海螺片軟腍唔嚡 啱晒老人家 湯中加入金不換 味道清香 口感更好-🦪#汕頭煎蠔烙 $118蠔餅有多隻蠔仔 隻隻新鮮飽滿 蠔仔同薯粉比例拿捏得好 食入口少脆帶些少煙韌-🧆#鵝肉元蹄雙拼 $188潮州打冷 食鵝肉係指定動作 鵝肉質地柔軟 肥嫩鮮甜多汁 元蹄片肥而不膩 再配碗潮州白粥 真係👍👍-🥘#肚肉苦瓜煲128肚肉肥瘦適中 有油香有肉味 苦瓜炆得腍身 老豆食得非常滿意-📍#陳儀興尚潮樓太子太子道西179號地下

💬 提起潮州菜一般只會諗到打冷飲啤酒😌 呢間老字號卻臥虎藏龍, 帶出傳統潮州菜高雅嘅一面～ 謝謝前輩帶我去品嚐精緻潮州佳餚🥢▶️ 生醃瀨尿蝦 🌶️潮州嘅生醃螄蚶就比較常見～ 我第一次食生醃瀨尿蝦, 食落去嘅質感近似生醃蟹, 醬油味用料亦相近～有蝦膏嗰隻雙重口感, 特別好食～▶️ 魚露浸花甲 花甲冇沙, 肉質飽滿, 魚露味唔太重, 唔會蓋過花甲嘅鮮味～▶️ 鵝三寶 鵝肉嫩滑入味～ 鵝肝質感亦控制得唔錯～ 鵝腸清潔得乾淨之餘亦留返適量肥膏, 食落肥美～ 配菜有鹵水豆腐, 大豆芽～▶️ 炸蠔餅呢個正常水準, 蠔仔細細隻, 勝在冇沙, 炸粉唔會過厚～最後食咗碗白粥, 清清地結尾幾好🤭

睇IG知道有呢間食店好耐，終於趁住家人生日有機會可以一試，點知一試真係不得了，係好食高質到不得了。食過韓式生蟹，口感相似；只係韓式會多左麻油香味，但係正正係麻油味會將蟹嘅鮮味掩蓋。陳儀興嘅做法，除左將本身嘅蟹鮮味用酒香帶出，亦利用蒜同微辣將生蟹味提鮮，雖然同IG睇嘅蟹膏嘅鮮紅有少少距離，但味道搭救。生醃螄蚶。食螄蚶最怕係食完會肚痛去廁所。陳儀興嘅螄蚶唔單止雪白，食完仲無肚痛。而且去左一邊殼，食起上嚟非常方便，味道鮮，有螄蚶應有嘅鮮味，讚👍🏽。蠔餅，除左鮮味嘅蠔仔，仲加入埋小蝦同小魷魚乾🦑，將味道提鮮，重點係一啲都唔油，但好有口感，令你食完想再食。招牌嘅滷水鵝三寶係穩陣之選。鵝肉嫩，鵝腸爽，鵝肝係Amazing，食到滷水味，又食到法式嫩滑嘅質感。整個lunch，三個人，只係食咗$1000鬆啲，真係好抵食，因為性價比好高，服務又好，而且仲要唔駛加一，招呼朋友必選。

餐廳裝修古色古香，十分優雅 ，令人眼前一亮，原來餐廳 是活化保育建築物， 已經擁有80年歷史的古蹟， 在此享用精緻潮州菜，十分享受。鵝三寶$268食潮州菜不可能錯過鹵水鵝三寶， 鹵水汁已經用上好多年， 不停地翻添， 特別醇厚濃郁。 厚切的鵝肉， 啖啖肉 ，肉質嫩滑，滷得好入味，鵝肝滑溜細緻，有入口即溶感覺 ， 帶啖啖甘香 。鵝腸帶少少肥膏， 十分爽脆， 越吃越過癮。墊底的豆腐， 吸收了鹵水汁鮮味精華， 既香且滑 ， 雖不是貴價食材 ，卻令人津津回味。魚露浸花甲$158花甲肥美無沙， 完全浸泡在魚露之中， 既可以吃到花甲的鮮味 ， 又帶有魚露的鹹鮮， 大口咬下 ， 肉質鮮甜滑溜，鮮味在口中爆發， 我最喜歡的潮汕風味食法。汕頭煎蠔餅$118即叫即製的煎蠔餅， 煎至金黃香脆，上枱時， 熱呼呼，香氣十足 ， 令人垂涎， 蠔餅入口好香脆 ， 先是滿滿鴨蛋香，再是蠔仔的鮮味， 舐舐脷爆燈， 充滿潮汕風味。豆醬煮黃花魚$198size適中的黃花魚 ， 魚身被鋪上保寧豆醬來蒸煮， 雪白的 魚肉， 入口嫩滑細緻 ，豆醬的鹹香， 令到黃花魚鮮味提升 ，不需要沾豉油， 已經好好味。熱老藥桔20/杯老藥桔是潮

由於最近只有午市堂食，經過見到午市餐牌都好吸引，決定一試！舖頭裝修很古雅，牆身的裝飾看得出品味！點了一個潮州家鄉麵線，味道相當不錯，與潮州汕頭傳統家鄉麵線炒的鹹鹹香香的味道很相似，而且麵線的口感是有靭性彈性的那種🤩🤩，感覺是手拉出來的因為麵線粗幼度都不同，分量十足再配上紫菜湯很滿足。友人點了一個滷水雙拼：鵝腸拼鵝肉，鵝腸入味爽口，鵝肉滑嫰，油香十足，白飯略為少了點。如果有晚市堂食的話都會想來一試，

餐廳喺太子站附近，相當方便，下午茶時間黎食，唔算好多人，職員安排我哋坐地下嗰層，之前黎食晚市太多人要上一樓我地叫咗個生醃瀨尿蝦，第一次試食潮式生醃海鮮醃得非常入味，瀨尿蝦的水肉質有彈牙，而且已經預先幫你切開一節節，食起黎好方便魚露浸花甲花甲本身好大隻好肥，完全無沙，食落好鮮甜，又有少少酒的香氣鵝三寶：一定要叫的一道菜式，超級好味，特別係個鵝肝，嘩，入口輕輕一咬就溶化喺口入面，正甜品：反沙芋頭芋頭迷要試，外面包住一層薄薄的糖霜，入面的芋頭非常綿，好食

上次和朋友食過此店覺得好味，趁去花墟買年花，順道帶媽媽再來嘆潮洲菜。陳儀興尚潮樓頗多捧場客，下午二時仍有很多客人。很多似是熟客。尚潮樓環境典雅，背境音樂悦耳，令人心情偷快。因疫情關係媽媽少出外用膳，所以我決定今次不吃特惠午市套餐，叫些小菜俾佢嘆下。鵝三寶有水準和風味，一碟有齊鵝肝，鵝肉和鵝腸。鵝肝軟滑香甜，入口溶化，好食過法國鵝肝。鵝肉香，有肉味，鹵得入味。鵝腸爽有油香。鵝三寶好吃到令你暫時忘記膽固醇的問題。魚露浸花甲是個出色的冷盆。花甲鮮甜，清潔到位沒有沙，蒜片正。豆醬煑黄花魚很出色，魚肉鮮甜肥美不腥。唐芹，豆醬和冬菇絲為魚錦上添花，是今年出外吃過最美味的魚，媽媽讚不絕口。蝦棗拚粿肉有特色，雖是油炸但不油腻，味道口感俱佳。餐後來杯老藥桔，順口微甜，美味。老藥桔化痰止咳，有潤肺、潤喉、健脾生津之效。今餐吃得很滿意。新年可以來這店預訂個盆菜或佛跳牆回家吃。

I seldom had Chiu Chow Cuisine. To brighten up the day, we decided to come for a decent meal at this 陳儀興尚潮樓! Our first experience dining here was pretty impressive with the decent food in such a nice environment. This restaurant had quite an eye-catching Chinese-style front door on the ground floor. There were two storeys and we were seated on the second floor.Interior renovations and the furniture were very antique right? From details like even the tableware, you could tell that this restaurant

和老友lunch ，佢喜歡食物質素好的潮州菜，餐館裝修古色又優雅，高樓底空間感十足，環境寬敞座位舒適。我們點左生醃膏蟹，勁多蟹膏很甘香，蟹肉鮮甜，夠醬油味，極美味，值得一讚廚師的刀工一流，斬到每件蟹的肉很易挑出來吃。滷水鵝三寶，有鵝肉、鵝肝、鵝腸，鵝肉質香，肥瘦適中，鵝肝很軟滑又粉嫩，夠入味真好吃😋😋😋配白飯最岩。鵝腸勁爽脆，鵝腸內有些肥膏，油香味足，無得彈👍👍👍魚露浸花甲，魚露味足，花甲好新鮮，很鮮甜又沒有沙，超正。老藥桔，少少鹹帶甜，有鹹桔的香味，飲完喉嚨好舒服，更可解油膩。總結：食物高質又精緻，廚師廚㙯一流，所以老友回頭再吃。地址：太子太子道西179號地下及一樓

呢間滷水好得。帶咗媽咪黎幫襯😬。店員推介飲杯老藥桔。係潮汕飲品。味道甜甜地勁得意😛。主角🤩鵝三寶有鵝肝。鵝肉。鵝腸。鵝肝食落又香又肥美。為食妹👧🏻大愛❤️。嘻嘻。。膽固醇？唔記得係咩嚟lu🤣。太想食滷味。叫多碟元蹄X鵝腎。鵝腎比較出色。食落軟淋唔會un 。仲好入味Tim👍🏻。魚露浸花甲～甘多魚露浸住d花甲仲以為好鹹。點知又唔會喎。得番一半殼食落方便好多🥰窩心。花甲好鮮甜。一粒沙都冇。掂😝。梅汁炆🐷手～梅汁濃濃的。食落好開胃。一d都唔膩🤩。口感黏黏。滿滿骨膠原。女仕補品🥰。

高級的中餐廳，好有文雅的氣氛， 一入店內就有好香的味道。食物都好精緻好看，質素好高。鵝三寶 $198  包括有鵝肉、鵝腸及鵝肝。味道一流的潮式食物，份量都好大碟，大個人食真係可以慢慢嘆。鵝肉好入味，而且有厚厚的脂肪~真係好正~鵝肝的質地及口感好特別，鵝腸又夠爽，好味~金不換燉海螺 $78  呢個真係好特別的湯，估唔到金示換仍湯係咁香，海螺好稔食得到，湯非常清甜~好滋陰呢厚菇芥菜煲 $118    芥菜好滑又唔苦，個汁煮得好味，芥菜平時唔多機會食，估唔到原來係咁美味。厚菇質地也滑，成個小菜都好清，可以平衡一下鵝三寶，好味。五香頭粿 $48     潮州特色小食，有一個煙革刃的皮包著再煎香，配上辣椒醬，特別又好食。老藥桔熱飲 $20   酸酸的開胃熱飲，特別的飲品。

朋友介紹呢間潮洲菜餐館裝修古色古香，食物質素高，服務態度都幾好，所以趁住有時間就帶媽媽一齊黎試下新野。生醃膏蟹估唔到會有呢款！感覺睇落有啲似韓式醬油蟹。我地都係第一次生醃既蟹，蟹肉口感幼細嫩滑，蟹膏有入口即溶既感覺。咸咸香香，仲帶有好強既蒜香味，而且仲爆哂膏😍店員建議可以加少少辣椒醋，會更加惹味。潮式紅燒婆參口感十分軟糯，平時食既都係比較爽口彈牙，而呢一個係類似海綿既感覺，軟綿綿得黎亦稍為有咬口。潮式紅燒日本吉品鮑魚 30頭夠大隻，十分入味，濃郁香口，超級鮮甜😍汕頭煎蠔烙炸得鬆軟香脆唔油膩，好乾爽。蠔同脆漿份量掌握得好好，啖啖都食到蠔仔肉。加上少少魚露，簡直係畫龍點睛😆蠔仔方魚肉碎粥潮洲既粥另有一番風味，飯粒完整又飽滿，調味恰到好處。蠔仔同方魚乾都令到成碗粥帶有咸香既鮮味。福果甜芋泥其實我係一個芋泥控，所以我見到菜單上有呢個甜品就即刻叫左黎食❤️加上福果，姐係白果都係其中一樣我好鐘意食既野～芋泥做得香甜綿滑，但又唔會過份甜😋

喺香港食好食嘅潮州菜，其實真係搵唔到邊幾間，之前上網查過，啲人好推薦呢一間，所以我就決定嚟試一試。餐廳本身好近地鐵站，太子站行過去都好快，今次我就好想食佢嘅鵝三寶同埋梅汁豬手。一坐低嘅時候，店員的服務都非常好，餐廳用嘅茶都係好好飲，我哋叫咗香片，茶味清，有少少清香味，另外餐具擺設亦都非常典雅。我哋一開始首先叫咗呢度好出名嘅「老藥桔」，$20一杯，酸酸甜甜，嗰種感覺就似飲緊一個陳年嘅柑桔加上水，非常開胃。之後前菜打頭陣嘅，我哋叫咗呢度嘅鵝三寶，我仲指明要多啲鵝肝，呢度嘅鵝肝比較稔身，雖然稱唔想入口即溶，但就一定唔會係硬骨骨。滷水味非常香，令到呢一個鵝肝生色不少。鵝肉就更加不在話下，佢一啲都唔騷，肉質亦都好嫩口；鵝腸就非常爽，好好食😋食呢一個拼盤一定唔少得要叫白飯，我成餐食咗兩碗白飯。之後我哋叫咗個二十年老菜圃豬肚湯，$68，個湯真係冇花冇假，雖然細細碗，但用嘅料係非常非常足，個湯有少少鹹肉味，飲落去嘅時候非常開胃。最後就一定唔少得要提呢度嘅梅汁豬手煲，$138，豬手係非常入味，而且酸酸甜甜，再加上本身豬手嘅膠質，係好香好滑，而且亦都非常開胃。最後，我哋食咗呢度嘅白土水晶粿，粿入邊有紅豆沙

最近呢一年因為疫情關係，都好少出街食飯，但係忍口真係忍左好耐，今日趁住仲係六點前堂食時間去食個潮州菜過下口癮😉😉叫左鵝肉雙併（鵝腎、大墨魚），本來仲擔心鵝腎會好韌好難咬開，但絕對無呢個問題～大墨魚好爽口，下面有芽菜同滷豆腐😜😜汕頭煎蠔烙，呢個炸得好脆身，食完隻碟無一灘油係上面，即刻覺得成個菜唔邪惡，哈哈🤣🤣魚露浸花甲，超推介，一直都擔心浸住會好鹹，但其實最終佢鹹味係剛剛好，無太超過，而且花甲好滑好嫩😍梅汁炆豬手，好高質！梅子汁完美地中和左豬手嘅油膩，而且基本上大嘅骨已經起哂，女仔都可以放心有儀態地食😋😋

陳儀興尚潮樓已經聽聞很久了，一直沒有機會試，今日跟同事在太子開會後，經過見到，就跟同事商量後就決定入去一試才回公司🤪陳儀興尚潮樓，裝修帶中國風而又帶點高格調，有上下2層，但今日在樓下，不能試吓行長樓梯😝陳儀興是聞名已久的潮州菜，所以一定要是滷水拼盤啦😗😗鵝三寶，有鵝腸，鵝肉，鵝肝..滷水很入味而且不會太鹹，鵝腸夠爽口。鵝肉厚肉又大件，而且已經去骨。鵝肝很有油香味，口感軟滑👍🏻生醃賴尿蝦，第一次食，肉質鮮嫩，醬汁很香的酒香味，加點辣和蒜頭的味道一齊食，很開胃👍🏻汕頭煎蠔烙，煎得很香脆而不膩，蠔仔大隻肥美而且不少！另一驚喜就係白粥，很綿，不知不覺就KO了🙈😂😂