陳儀興尚潮樓 (太子道西)

营业中

休息中

I seldom had Chiu Chow Cuisine. This time my lunch partner brought me to this 陳儀興尚潮樓 to open my eyes! My lunch partner was quite a big fan of Chiu Chow Cuisine so I had been super looking forward to this lunch date.This restaurant had quite an eye-catching Chinese-style front door on the ground floor. There were two storeys and there was a lift to take us up to the second floor. From details like even the tableware, you could tell that this restaurant did try to offer more than just the quality

這次我們在太子覓食一番，期間看到這家門面挻中國風的餐廳環境特別，所以決定進去吃點東西吧。餐廳共有兩層，環境很光猛挻涼快的☺，這裡是吃潮州菜，有很多選擇🤤。💥二十年老菜莆燉豬肚 HKD$58，用陳年老菜莆做出來的湯很鮮甜，是個很滋補的湯水😋。豬肚口感煙韌，不會煮到過腍挻好。💥魚露浸花甲 HKD$158，魚露是傳統潮州菜用來做菜的靈魂所在，用來做花甲就第一次吃😆。味道酸酸甜甜挻開胃，吸入醬汁令到花甲更鮮味🤤。💥普寧豆醬煮海魚 HKD$198，這次所用來做菜的魚是黃花魚，魚肉肉質鮮嫰🤤。醬汁味道酸酸的很開胃，用來拌飯確實不錯🤤。💥反沙芋 HKD$58，聽就聽得多吃，吃就第一次，這個是半份份量。外皮甜甜的又脆卜口感特別，雖然沒有額外調味，但簡單吃也不錯，甜而不膩的口感。💥老藥桔 HKD$20，這杯飲品味道有點像咸柑桔，酸酸甜甜的味道挻好。這個具有滋補潤喉的功效，在這個抗疫時期飲用最好不過😆。

我係一個好鍾意養魚嘅人 所以旺角魚街係我嘅根據地加蒲點 今日同朋友出去睇完海魚之後順便食埋飯先返屋企 上網搵下有冇人有推介 見到呢間陳儀興尚潮樓 好似幾有特色而且又近魚街 所以就決定入去試下 入面嘅裝修非常之有潮州風格 而且座位好寬敞非常之舒服 值得一讚我叫咗一個生醃膏蟹 顧名思義 佢嘅膏真係非常之多 係頂角膏蟹 有啲唔鍾意食生嘢嘅朋友可能接受唔到一隻生既蟹 但係我覺得生嘅係有另一番鮮味 佢雖然冇熟嘅蟹感鮮甜可口 但係佢嘅質感非常之有特色 幾有新鮮感 而且佢嘅膏食落冇熟咗嘅蟹咁膩口之後就叫咗一個鵝三寶 包括鵝肝 鵝肉同埋鵝腸 鵝肝同埋平時食到嘅法式煎鵝肝唔同 呢個鹵水鵝肝一啲都唔油膩 我比較鍾意食呢個多過法國嗰隻 而鵝肉嘅肉味亦都非常之香濃 啖啖肉正啦！而鵝腸係有肥膏喺入面嘅 我個人鍾意食呢種多過冇肥膏嘅 最豆腐亦都比較硬身 係我鍾意食嘅質感最後就叫咗一個蠔餅 蠔餅煎得好脆口而且見到有好多蠔喺入面 唔似出面有啲餐廳咁樣得幾隻蠔仔或者淨係食一塊麵粉落肚

朋友生日想食最正宗潮菜， 不如去下好多年歷史的 陳儀興， 😂唔好以為入面好殘舊呀佢哋最近呢就裝修咗， 環境高級❤️， 地方空間感好大,可以同親戚朋友去！🏞️今日相約咗一個好朋友來食生日飯🎂，我地叫了前菜，一款賴尿蝦，碟內酸嘅汁， 佢哋仲好細心幫你剪埋 ，食落好開胃ga！🦐食潮州菜一定叫就係食鵝片，所以我哋揀咗鵝片拼墨魚🦑，下面仲有滷水豆腐tim，墨魚非常彈牙， 回味無窮！ 唔夠飽記得食埋佢哋附送嘅粥r😋

突然心癮起想食潮州菜。見到太子新開左陳儀興。就決定同陳儀興來一個約會。唔多潮州店會整生醃海鮮。一來衛生問題。二來好易食得出新唔新鮮。原本都1516食唔食。不過相信陳儀興有質素嘅保證。生醃膏蟹。一上枱橙黃色嘅膏勁吸睛。膏多肉厚。調味得宜唔會蓋過隻蟹本身嘅味道。蟹膏又多又幼滑。蟹肉爽口非常鮮甜。仲可以配白飯或潮州粥。勁好撈飯食。鵝三寶。餐廳選用潮州出名嘅獅頭鵝。三寶滷得入味。滷水汁香濃而不膩。食得出唔同嘅香料味。唔會死咸。鵝肉淋滑。皮下脂肪適量。有鵝香得黎唔會成口肥。鵝腸勁爽。一咬即開。鵝肝好香好滑。食完好有滿足感。二十年老菜脯燉鮮豬肚湯。第一次食老菜脯。湯口味偏甜。豬肚略嫌有少少乾。飲品叫左老藥桔。應該係醃左嘅桔加梳打水。唔會有藥味。有啲咸檸七嘅感覺。陳儀興嘅食物果然冇令人失望。價錢又適中。見到有好多手工菜都好想試。絕對值得再訪。

懷舊裝潢潮州菜入到店內已經覺得裝潢很懷舊有格調，很多水墨畫大字充滿藝術氣息，食潮州菜通常都係大排檔打冷，很少吃一頓高檔享受的潮州菜。餐廳員工好好，有電梯上樓上，帶老人家黎就唔洗怕啦，雖然冇出面向街既有景露台坐位，但入面都一樣舒服有格調.鵝肉墨魚雙拼 $168
超大份既潮汕滷水拼盤，滷水鵝肉很厚切又很新鮮而且滷得入味，最怕食到很霉感覺的鵝肉，這裡完全沒有這個問題，而且肉厚好咬口，墨魚就勁爽口彈牙，無論點滷水汁或者白醋都好味。.金不換燉海螺湯 $78大大片海螺，原來加入金不換/羅勒去燉湯會令湯更入味，燉出來非常清新鮮甜，而且螺肉養肝明目，味道鮮美
豆醬煮海魚 $198用咗普寧豆醬煮嘅海魚，係大黃花魚，媽媽食左之後話好入味，而且煮既時侯係好有難度，煮得好好，非常新鮮，鮮味十足。梅汁炆豬手 $138處理豬手過程繁多，單是刮洗程序已經不簡單，用梅子烹調過的豬手入味到不得了，酸酸甜甜令人更加開胃，豬手份量很多，性價比高。

老藥桔
夏人炎炎呢杯野真係好岩飲呀，氣味濃郁，上網搵搵係咩黎啦，有潤肺、潤喉、健脾生津功效，味道鹹中帶甜，所以消化不良、肚痛、胸悶時食都有效，飲完喉嚨真係舒服好多，而且好清爽，

想飲茶唔一定去酒樓。去食潮州嘢都可以嘆杯茶。😎鵝三寶～食潮州嘢一定要嗌滷水🤪。鵝三寶指定有鵝肉x鵝腸x鵝肝。份量多多。大🈵️足。為食妹👧🏻最愛鵝肝。鵝肝肥美。配上滷水汁真係Lam Lam 👅。膽固醇放埋一二邊先啦。🤭🤭汕頭煎蠔烙～😱wow~~原來甘大份。兩個人食真係有d難道。好彩🐽仔係蠔痴。勉勉強強食🉐️曬。👏蠔仔大大粒。蠔仔份量仲唔講🉐️少。啖啖蠔肉好滋味。呢度嘅蠔烙絕對係我心頭好。❤️梅汁炆豬手～梅汁酸酸mei mei 。估唔到同豬手甘鬼夾。

姨媽係一個傳統嘅潮州人今日就決定咗請佢係陳儀興尚潮樓食野地點方便門面就好靚入到去都感覺高檔環境舒服員工友禮感覺幾好重點到食物我哋首先嗌咗個鵝三寶已經有鵝肉鵝腸同埋鵝肝個人覺得一定要要推介呢個嘢食第一滷水汁非常之好味而且三樣食材都係非常入味鵝肉已去骨令到你一口肉咁享用而且肥瘦適中鵝腸入味低仲保留着爽身嘅感覺而鵝肝係最驚喜嘅入口綿，味足豆醬煮海魚佢選用左黃花魚而且個時間控制得好所以成條黃花魚細致既肉質更滑配上豆醬融洽入邊感覺又香又滑肥肉苦瓜煲開始以為得幾舊苦瓜係而比較平平無奇但係原來苦瓜已經一早吸收左鍋中入面嘅肥肉同埋大冬菇湯底夠甜令到苦瓜保留原味但又有湯既精華咸檸檬燉鴨鹹檸檬令燉鴨唔會有油再飲老藥桔喉嚨舒服甜甜甘香我同阿姨都非常鍾意依度環境同埋食物下次決定叫得更多朋友一齊嚟食

我愛吃潮洲菜。今天放假專程和妹妹去太子陳儀興尚潮樓嘆下。尚潮樓裝修雅緻，食物質優，价錢合理，服務不錯。我選了鵝肉拼元蹄。這店的鵝肉又香又有肉味，是我的至愛。元蹄也出色，不油腻充滿骨膠原。魚露浸花甲鮮甜美味，處理得很清潔，沒有沙，讚!普寧豆醬煑黃花好美味。鲜甜不腥，而且富蛋白質易消化，老少咸宜，識食之選。金不換燉海螺也出色，津補鮮甜，值得捧場。老藥桔和烏豆水都是有特色的飲品，好!潮洲白粥不錯。吃得滿意，優質食材，每人消費三百多元，合理。下次再來。

今日同朋友行花墟，見到有間店面裝潢嘅別緻嘅潮洲餐廳，menu都幾唔錯，決定一試。疫情之下，都有人等位，似乎有返咁上下名氣。我地上左二樓，餐廳內嘅裝修都如外面一樣，好典雅，播緊嘅bgm冇聽錯係我平時係屋企做野都會播住嘅「陳情令」...好有feel...先點左份「生醃瀨尿蝦」，酸酸地，微辣，好開胃。第一次食瀨尿蝦"sashimi"感覺新鮮，亦都好impressive有膏，佢揀嘅quality都不錯。然後當然唔少得潮式鹵水，「鵝三寶」鵝肝creamy, 平時食開西式，自己都幾好..而中式嘅做法感覺新穎入口融化..鵝腸，爽脆，帶點肥膏，油脂分佈平均，好香，三寶中我最喜歡。鵝肉正常發揮。墊底嘅鹵水豆腐，索晒精華最開心其實係店員好細心問我地要唔要粥或飯，我點左份潮洲粥配鹵水..好comforting..我地另點左份手工菜，「玉枕白菜」賣相已經話你知，背後嘅師傳功力十足..夾上手，感覺到好實淨..咬落口，一啲都冇散到..太利害，裡面嘅涵食得出係豬肉香菇，之後上網做過下research仲包括蝦膠、大地魚，難怪彈牙又香..真係好精緻嘅一道菜式。最後一道「梅汁炆豬手」，望見就知炆得夠晒焾..食落豬手已經去

生醃瀨尿蝦😎醃蟹就食過，醃瀨尿蝦就第一次食😉用上獨門醬汁，醃得非常入味😋瀨尿蝦膏多到爆😌膏仲多過啲蝦肉🥰而且仲要好晶瑩通透😛食落鮮甜綿密，味道相當獨特😚魚露浸花甲😏凍食花甲，新鮮甜美😚魚露味道適中，唔會覺得好鹹😆感覺清新開胃😉汕頭煎蠔烙🦪即叫即煎，香脆可口😉用料新鮮，份量充足👍蠔仔夠大隻，鮮嫩多汁😌二十年老菜脯燉鮮豬肚湯🥣豬肚入味爽口😚菜脯食落有啲似冬菇😉用料天然，湯色清澈👍飲落味道清甜😛陳儀興尚潮樓 (太子)太子太子道西179號地下及一樓

餐廳裝修好古色古香，由門口至樓面都別具特色，牆身嘅裝飾品同吊燈都行古典風，枱凳以傳統木色為主，餐廳有兩層，內有升降機及樓梯方便客人上落，午餐時段客人數量不多，整體環境寧靜又舒適－－－－－－1. 鵝三寶（鵝肉、鵝肝、鵝腸）$228 8/10正宗潮汕滷水，味道同外面潮州打冷餐廳差唔多，滷水味濃郁，當中嘅鵝肝算幾大件👍🏻2. 魚露浸花甲（凍食）$158 7.5/10好少食凍嘅花甲，佢凍嘅程度係類似普通嘅涼食，唔會太冰，件件花甲都浸滿左魚露味，而且餐廳好貼心，全部花甲都剪走曬個殼，賣相吸引🥰3. 普寧豆醬煮海魚 時價 7.5/10係一大條黃花魚配普寧豆醬蒸煮而成，豆醬咸咸地，幾惹味，食落魚質幾滑😋但黃花魚嘅魚腥味略濃，整體味道不錯，係送飯之選4. 乾貝春菜煲 $98 6.5/10春菜食落有點苦澀，味道同芥菜相似，但呢個煲偏油膩🙈菜嘅質感偏淋身，煲中除左乾貝之外，仲落左少量魚膏，食落幾爽口

自己真係好耐未試過去食一餐 Long Lunch，今日難得有機會見番啲舊朋友，所以就特登搵咗一間好好食嘅餐廳，當係大家一齊慶祝限聚令的放寬。我哋本身都鍾意食中菜，但係其實要搵一啲好嘅中菜餐廳，而又唔會太迫，坐得都舒服嘅，其實喺九龍嘅選擇都冇乜好多。所以我上網搵咗好耐，就搵咗呢間餐廳，呢間餐廳勝在近地鐵站，方便大家，太子站B出口行2分鐘就到。同人一齊食飯，如果間餐廳好隔涉，一定會俾人鬧。所以呢間餐廳正符合我嘅心水。一推開門入到去嘅時候，見到餐廳有8至10張枱，裝修亦都充滿着好古舊嘅中國風，然之後原來已經坐滿左，所以店員就慢慢地但係我哋上一樓，一樓的裝修同地下一樣咁雅緻，同埋一樓亦都會有專屬嘅店員，亦都比較寧靜。我哋坐低嘅時候，一開始就叫咗香片。餐廳嘅擺設亦都好靚。我地叫咗四款餸，我哋叫咗個鵝三寶、滷水雙拼、豆醬煮海魚同埋魚露浸花甲。呢到嘅老藥桔亦都好正，$20，特別係凍飲，味道有啲似嘉應子。特別解渴。鵝三寶，$198，有齊鵝肉、鵝腸、鵝肝，而且下面亦都有豆腐。佢呢到嘅滷水汁唔會特別鹹，應該精心調校過，滷水唔會冚過左食物嘅味道，所以呢度係食物質素為主，滷水係一種輔助嘅性質。鵝肉本身一啲都唔

今日去太子陳儀興尚潮樓食手工潮菜，之前都有同朋友嚟過，今日特登再嚟食上次想食嘅嘢。今次嚟到，餐廳安排咗我坐下層，下層環境一樣舒適。魚露浸花甲依個係一個凍食嚟，煮熟咗嘅花甲，浸入魚露雪凍。花甲好鮮甜，加上魚露、令花甲鮮味更突出。鵝三寶因為我都幾鐘意食鵝肝鵝腸、所以今次都有再返點依道潮汕滷水。鵝腸爽滑、鵝肉鮮嫩唔韌、鵝肝厚厚，而且入口即融。同上次食一樣咁好食。二十年老菜脯燉鮮豬肚湯湯色微紅，湯頭清甜，又有老菜脯的的清香。聽聞老菜脯可健脾養胃、止咳祛痰、開胃助消化等，老少皆宜。肚肉苦瓜煲依個係潮汕人夏季最鐘意煮嘅菜式，因為夏季係苦瓜當做嘅季節。以前喺屋企住嘅時候，屋企人都成日煮嚟食。煲底收埋咗好多肚肉同冬菇。配白粥一齊食，好有家嘅感覺。老藥桔上次飲過陳儀興嘅老藥桔同烏豆水，我都係掛住老藥桔多啲，所以都有再叫返杯。老藥桔都係潮州特產之一，有潤肺、潤喉、健脾生津功效，味道鹹中帶甜，好好飲嫁。

今日想食潮州野，朋友諗起嚟太子陳儀興食飯，皆因坐得舒適，食物又有質數。晚餐時段好多人，香港人對食物確係有一份執著，係好識食。我地揀咗「鵝三寶」有齊想食嘅鵝腸．鵝肝．鵝肉，鹵水好入味，底層仲有豆腐。真心好食👍🏻「魚露浸花甲」呢個我鍾意，凍食又有另一翻風味，魚露浸透後又唔會掩蓋咗嗰份鮮味👍🏻「豆醬煮海魚」一向都好鍾意食黃花魚，喜歡肉質好滑，仲新鮮，蒸得剛剛好，唔會太過熟😍「汕頭煎蠔烙」大大塊，即炸熱辣辣，脆卜卜，裡面滿佈大大隻肥美蠔仔，潮州菜必食。再加埋 潮汕飲品「老藥桔」為今餐添上完美句號。