陳儀興尚潮樓 (太子道西)

营业中

休息中

High Quality Chinese Chaozhou Seafood Feast🥢..估唔到太子，都有一間高質既潮洲中菜館🥢。橫裝滿有中國風、環境雅致、座位寬敞、菜式精緻、服務十分優質啊啊啊，整體水準真不錯喔。今次趁Lunch🥢 約左朋友來試試他家各款特式精緻菜式：有醃海鮮🦀、魚翅🐋 or 鮑魚🐚、海參🐚、海鮮花甲🐚、潮洲粿條🍜、潮洲甜品🍨，海鮮宴 超級豐富 大滿足。.✨生醃海鮮：生醃膏蟹 $588✨魚翅鮑魚：潮洲紅燒翅 $388✨海參：潮式紅燒婆參 $158✨小菜：魚露浸花甲 $198✨主食：沙茶牛肉炒粿條 $138✨甜品：薑薯綠豆爽 $45.生醃膏蟹🦀，超級多膏而家滿有鮮味，好比韓國醬油蟹。如果你喜歡那種鮮味，就別錯過潮式醃蟹呢；下一道紅燒翅🐋，濃濃稠稠、足料而且口感濃郁鮮味；海參🐚 亦炆煮入味肉厚；浸花甲🐚 大大粒厚肉飽滿、而肥美有鮮味；主食有煙煙韌韌粿條🍜，🐮牛肉份量超多肉淋；最後甜品綠豆爽💚 清清被寵壞的味蕾，真的很爽。呢個下午既海鮮宴🥢，食得精緻高質又開心。因為Satff 💁🏻‍♂️ 服務真的超級細心又到位，反應超級迅速有效率，實屬不錯的中菜館呢。愛吃潮洲菜的你，別錯

時常聽人講食打冷就要去陳儀興, 咁啱今日有朋友邀請我們到太子陳儀興尚潮樓用餐. 餐廳是位於舊式大廈配新裝修, 格局精美. 坐低後, 問問服務員新蒲崗陳儀興與這間店有沒有關係, 他們回答是同一個老闆, 格局層次不同. 這麼真是一分錢一分貨😅 訂座時, 餐廳已說明用餐時間90分鐘潮式鹵水拼盤當然唔少得叫啦! 鵝六寶$388, 分別有鵝肉, 鵝肝, 鵝腸, 鵝掌, 鵝翼, 鵝蛋, 底層有豆腐. 這個鹵水拼盤份量也算多, 味道都不錯. 最深刻印象是鵝肝及鵝蛋的味道, 因為我是第一次食鵝蛋, 蛋白質地偏硬, 蛋黃味道很濃, 食完覺得味道幾特別😋鹵水墨魚$138鹵水墨魚當然有鹵水味啦! 墨魚質素好入, 質感也很彈牙, 爽口👍 底層也有豆腐魚露浸花甲(凍食)$158魚露都知道它的味道偏鹹, 平時加少少是提升食物味道. 不過這個浸花甲, 只吃得到鹹味. 份量也很少一碟只得14隻生醃瀨尿蝦$288味道與魚露浸花甲一樣, 只是主角由花甲變了瀨尿蝦. 瀨尿蝦看似著了一件透明的衣裳, 視覺幾特別😍 不過這道菜的味道&口感不懂太欣賞梅汁炆豬手$158非常濃郁的梅味, 不過豬手亦有好大陣豬味😕 食物味道覺得少少鹹

兩層樓高，佈置古雅。上層有騎樓，可供約十人座。餸未到，先叫小碟潮式前菜，醒胃清甜。滷水鵝片滷汁入味，肉質軟嫩，墨魚片白滑軟稔，豆腐吸融滷水汁，一咬豐潤。一碟煎蠔烙，份量夠，麵粉薄少蠔仔多，入口軟滑，不像一般的蠔餅，一整口也是炸粉。蟹棗香口彈牙，本來叫了雙黃，但漏了單，時間趕及，未能一試。

話說好耐都無夜晚出街食過飯，呢日揀左間高級潮汕菜撐枱腳 《陳儀興尚潮樓》！平時去開大排檔食潮汕菜，今次嚟左間乾淨企理，環境好好既地方食潮汕菜，感覺幾新鮮。✅ 生醃賴尿蝦生醃海鮮係呢度既招牌，叫咗個生醃賴尿蝦，第一次食賴尿蝦刺身，感覺特別，加埋獨門醬汁，味道酸酸辣辣，做第一道菜感覺好開胃，值得一試。✅鵝肉雙拼嚟到食潮州菜，點少得食鵝，今次叫咗鵝併鵝腸。鵝肉同皮中間有層脂肪，充滿油香，肉質煙韌，配合加上個滷水汁，夠入味；鵝腸爽脆，有少少肥膏連住，同樣滋味😋✅二十年老菜圃燉鮮豬肚湯豬肚入味爽口，老菜圃質感軟稔，湯水味道濃郁，鐘意豬肚湯既朋友必試✅汕頭煎蠔烙即叫即炸，用料新鮮，份量充足，加上香脆可口，潮汕菜必點。✅老藥桔似加糖版既凍咸柑桔，味道酸酸甜甜，開胃解渴👍🏻

上年試過陳儀興潮式食店非常高質 , 事隔咁耐 , 又想嚟回味一下 😋😋 ~鵝肉拼大墨魚 ($188) 黎呢度緊係要試下佢哋嘅滷水鵝肉啦 !! 每次黎必點 👍👍👍 啖啖肉 , 肉質結實 , 鵝味濃 , 無得彈 😍😍 新鮮大墨魚都好出色 !! 彈牙 , 爽口 , 食到墨魚鮮味 , 同時有淡淡滷水味 ~ 底下仲有 3 - 4 大片滷水豆腐 😏😏 ! 呢個雙拼拼盤好高質 , 份量又合理 , 大家一定要試 !! 🤗🤗🤗金不換燉海螺 ($78 / 位) 湯色清澈 , 味道好特別 , 金不換味突出 , 又香又清甜 ,  仲有 4 - 6 件螺肉 ~汕頭煎蠔烙 ($118) 好香呀 😲 ! 份量都幾多 , 外脆內軟 , 配埋潮州白粥 ($13) 好正 🤤🤤 !! 呢度嘅白粥清淡得黎有家嘅感覺 , 配埋濃味嘅潮州菜好夾  ~ 食完個白粥好舒服 普寧豆醬煮黃花魚 ($198)都幾大條嫁 ! 火喉掌握得啱啱好 , 魚肉好嫩滑 老藥桔 ($20)可以揀凍 / 熱 , 酸酸甜甜好開胃 , 個人覺得凍好飲啲 😄 ~整體嚟講 , 食店選擇豐富 , 潮州菜做得出色 👍👍 , 食完一定會想回頭 , 而且店員服務好好 .

太子陳儀興尚潮樓嘅潮州菜好有口碑， 今日同朋友嚟到品嚐，享用左一餐豐盛嘅午宴。🦀凍紅花蟹$688凍蟹幾大隻，蟹鉗好好食好厚肉，其他部位都好鮮甜。🍽️魚露浸花甲 $198 花甲夠大隻，厚肉鮮甜，調味剛剛好，魚露唔會太鹹。 🍽️潮式紅燒日本吉品鮑 $598 吉品鮑肉質好嫩，保留海鮮嘅鮮味，中間溏心😍😍。 🍽️潮式紅燒婆參 ($158) 本身好鍾意食海參，呢片海參好厚肉，大大片，充滿膠質。 🍽️蠔仔方魚肉碎粥$68蠔仔好飽滿鮮甜，肉碎粥充滿魚香。🍽️福果甜芋泥45好耐冇食過呢個經典嘅潮式甜品，好喜歡芋泥，呢個甜品入口綿滑，食到真係好開心❤️👏

今日去開太子花墟，沿路見到間食潮州野既餐廳，看見門口既潮州野食，心絲絲下就入去試一試。一入去感覺裝修好有傳統風味樓底又高而且餐廳有2層非常寬敞。生醃膏蟹：生蟹係韓國就食過而香港就第一次，感覺都似韓國醬油蟹，醬汁有少少辣加上厚厚既蟹膏醃得入味，非常好食。滷水雙拼（大墨魚拼豬大腸）：大大塊黑魚爽口，豬大腸肥廋適中，食潮州菜不過缺少。梅汁炆豬手：豬手紋得好淋加上師父去骨加上酸酸地既梅汁炆得好入味，食落啖啖肉。老藥桔：味道有d似王老桔但多左一種話梅味，飲完喉嚨熱氣感覺全消。

今日我哋去咗陳儀興尚儀樓食午餐，餐廳分開上下兩層，以中菜為名首先我哋叫咗一杯老我藥吉，係一杯熱飲，作用滋潤養生之後我哋就叫咗幾款出名必食嘅小菜一定要食嘅係魚露浸花甲$158 ，呢個花甲好有魚露味，係經過浸泡咗好耐，先至咁入味，而且好鮮甜另一個係必食嘅鵝三寶$268，裏面有三款哦嘅內臟，分別係鵝肉、鵝腸同埋鵝肝，而且份量相當之多幾個人都絕對食得晒，味道方面鵝腸非常彈牙，而個滷水汁亦都好出色另外我哋仲叫咗梅汁炆豬手$158同埋豆醬煮黃花魚$198豬手係用瓦煲上碟，熱辣辣而且醬汁亦都掛上豬手上面，真係女士因物，補充一下骨膠原而黃花魚魚肉亦都好嫩滑，雖然呢隻品種嘅魚會有少少細骨但係魚肉味係比較濃厚，代表着奧米加三亦都特別多，而豆醬去煮令到魚味更加出呢一餐中菜真係非常之出色，下次一定會再嚟一家人食飯，因為呢度枱與枱之間嘅距離亦都非常足夠，坐得非常舒服

剛開張的時候吃過一次, 感覺相當不錯, 想不到在疫情下它依然站得住陣腳, 甚至在這幾天去吃, 晚市Full House, 對我而言, 它比新蒲崗的本店, 無論在菜式和裝橫上也更Descent, 價錢也是, 唯一有點不太滿意的是, 不少菜式如傳統的蠔烙, 豆豉蒸雞以及不少魚類也沒有供應, 在第二輪晚飯剛開始的時候, 顯得有少少不是味兒.魚飯點了傳統的大眼雞, 咸鮮而肉質結實但不死實, 配以自家的普寧豆醬依然是開飯良品. 鹵水鵝三寶全部都鹵得很入味, 鹵水帶除了鹹香外也帶甜味, 鵝肉肉爽, 夠大塊而且無骨; 鵝腸更是一絕, 除了口感爽彈之外, 中間充滿脂肪的內膜依然保留下來, 處理得相當乾淨, 外爽內滑才是吃內臟的極致, 比起口感偏實的鵝肝更吸引. 梅汁豬手本是沒有其他菜選擇的代替品, 但吃下去甚有驚喜. 先說豬手去骨去生得很通透, 豬手的皮膚口感Q彈而肉則是入口即化, 梅汁酸甜平衡度夠, 中和了豬手本身的肥膩. 本想點醃蟹和醃螄蚶, 但思前想後, 感覺還是有點危險, 吃這些熟食已經很好味, 所以還是算了!

呢間潮州菜喺新蒲崗號係老字號，太子嘅分店新開左一段時間。環境好靚，坐得更加舒服😌而且服務仲非常周到！餐廳有兩層好闊落！我哋叫咗相當豐富嘅食物，全部都有水準!▶️凍黃花蟹，賣相非常之靚😍蟹夠大隻，佢嘅肉質相當新鮮又鮮甜，點埋醋食相當一流～食到停唔到口👍🏻▶️紅燒日本吉品30頭乾鮑呢個乾鮑肉質相當唔錯，最緊要係個鮑魚汁夠濃郁，仲配有菜▶️潮式紅燒婆參呢個海參相當厚肉，而且非常有口感，配合埋紅燒汁好正！感覺食完有好多骨膠原☺️▶️魚露浸花甲分量相當多，花甲夠新鮮無砂，而且帶有魚露香味，好特別▶️蠔仔方魚肉碎粥潮州嘢點可以冇蠔仔粥，呢度啲蠔仔都幾大粒，而且有方魚吊味，好食😋▶️福果甜芋泥芋泥唔會太甜，面上仲有啲白果，味道相當唔錯呢度嘅食物高質，環境好、服務又好，物有所值！同朋友、家人嚟食都相當啱！

呢間走精緻高檔路線嘅潮洲菜，原來係新蒲崗有一間經營四十幾年嘅潮洲菜老字號開嘅分店，分店裝修別緻，主打高級潮洲打冷，用料手工講究，聽講仲請黎名廚坐鎮，令人非常期待🤤🤤.◾️老藥桔 • $20 老藥桔係潮州特產，有潤喉、健脾生津功效，飲落鹹中帶甜，幾特別😂◾️魚露浸花甲 • $158花甲肉質飽滿新鮮，魚露更加可以提鮮，令花甲鮮味再提升🤤而且挑選嘅魚露味道濃郁鹹香，整體幾滿意嘅一道菜！◾️滷水鵝肉拼豬大腸 • $188滷水汁經過精心調配過，香料味都幾出，豬大腸及鵝肉入味得黎又唔會死鹹，再配埋醋同埋辣醬一齊食，送飯同白粥都好正🤫◾️汕頭煎蠔烙 • $118都算幾經典嘅一道潮州菜，外邊香脆內裡嫩滑，蠔仔粒粒肥美，淡淡都係蠔仔，絕對足料！◾️金不換燉海螺 • $78海螺燉湯雖然清清地，但係啲精華都係晒入面，加咗金不換嘅燉湯都幾新奇🤣飲落好清新！

諗住食潮州嘢，喺旺角搵間試吓，點知中咗伏，潮州餐廳冇咩潮州菜選擇，叫咗個花甲，點知份量咁少，餐廳員工唔識編枱，諗住開開心心食餐飯，點知隔到咁遠。很失望，不會再光顧。

🚩梅汁炆豬手💰價錢：$118.4 (*外賣有80% off)雖然份量唔算好多但都夠兩至三人食而且豬手已經去曬骨剩返都係皮(帶點脂肪)所以份量望落好似好少都係正常第一次食唔洗啃骨頭既豬手 好L正🤤啖啖肉💯豬手炆煮得剛剛好 口感淋得嚟又有點彈牙👍🏻醬汁味道偏重口味質地係非常杰身膠到痴嘴😂(證明足料)千祈唔好淨食會太鹹❌但撈飯味道就啱啱好 絕對一流❗️梅汁份量俾得勁多起碼夠我撈3、4配飯😋㊙️相信我一定要撈飯食‼️🚩招牌水晶白桃粿💰價錢：$52(*外賣有80% off)第一次試潮洲菜睇嗰名以為係甜點😅一件65克因為係外賣自取拎到返屋企打開嗰盒見到三件都破相😂係故意中間開花？定我自己唔小心整爛都唔知🌚外皮就係潮洲粉果隻皮餡料好豐富有綠豆蓉、蓮子、臘腸、蝦米、紅豆蓉味道似鹹肉粽😂再配搭埋甜既紅豆蓉甜鹹交錯 味道幾特別算係幾有特色既潮洲小食😙

諗起滷水🧐！陳儀興一定係我心水😍！呢度環境靚仔！坐得舒服！食物仲好高質Tim😎!鵝三寶～呢個係必點菜🤪！鵝腸x鵝肉x鵝肝!鵝肝食落齒頰留香，食兩件已經好滿足😋！鵝肉啖啖肉！味道岩岩好！好岩我口味😛！魚露浸花甲～花甲打開唒，食起上嚟好方便！花甲浸落魚露度，以為會好鹹😅！點知完全冇問題！正😛！豆醬煮海魚～呢條魚好滑🤤！大條又唔多骨！梅汁炆豬手～梅汁酸酸甜甜中和咗豬手嘅膩！呢個我好鍾意食😋！

由於爸爸是潮州人的關係，由少已吃到很多潮州美食，所以對潮州菜也有一定要求。今天和友人到花墟買完花，望過對面見到“陳儀興尚潮樓”，由於友人也是潮州人的關係，大家決定入內一試。店子共有兩層，樓底甚高，裝修清雅脱俗，2樓還設置露台雅座，以中式屏風相間，又光猛又舒適。菜牌除了有自選小菜16款，還有滷水自選套餐，粉麵飯， 湯羹，潮州手工小菜 ，砂窩焗飯和甜品，更設有午市商務四位，六位和八位套餐，以潮菜來說，價錢相宜，性價比亦高。魚露浸花甲$158~花甲肥美嫩滑，鮮甜美味，調製過的魚露不會過咸，反而更能提昇花甲的鮮味，好美味呀!非常出色。潮州方味拼盤$98~蝦棗，稞肉各2件。蝦棗由蝦仁，肥豬肉和馬碲剁碎炸成外面金黄香口，裏面粉嫩軟滑，十分滋味。稞肉是以豬網油包住馬碲，腩肉，肥豬肉和芫荽，先蒸後炸，表面十分鬆脆，裏面味道豐富，口感有層次，真是非常美味。鵝三寶$268~即滷水鵝腸，鵝肝和鵝肉。鵝腸~口感爽脆彈牙，越咬越有滷水汁香甜的味道，。鵝肝~質感軟滑香口，入口即溶，透着淡雅的滷香，令人回味無窮。鵝肉~色澤均匀有光澤，滷水味好香很入味，鹅肉肉質嫩滑，彈牙爽實有咬口，鵝味香甜，厚薄適中，好好味呀，真是