陳儀興尚潮樓 (太子道西)

营业中

休息中

今日行到太子花墟，見到一間食潮州菜啲店鋪，興起試食下，一入店鋪，古老嘅裝飾給人好舒適，店又大，有上下兩層，員工好友好，熱情！！因為係一人餐，因此就叫左兩樣菜：碧綠全椒雞-雞塊通過醃製成麻辣味，在經過油酥炸，又香又麻，好入飯而且好大份，好抵食！！普寧豆醬煮海魚-黃花魚好新鮮，肉質鮮滑，配上豆醬，一點都唔腥，而且好嫩滑，好好味！！叫菜有搭配白飯同飲品-老藥橘，因為本身店鋪就有茶水飲，我就拒絕服務員推薦嘅老藥橘。總體來講，今日食得好理想，味道真係不錯！！

太子道西有間潮州菜餐廳“陳儀興尚潮樓”好多人稱讚，餐廳裝飾好有古色，菜式豐富，鹵水鵝、潮州手工菜、粿等。必點啲鹵水鵝雙拼，揀佐鵝肉同鵝腎，鵝肉份量十足，肉質柔嫩細緻，鵝皮松化軟潤，入口油香豐富，鹵水汁香濃，滲透到鵝肉裡面，鵝腎軟硬適中有嚼勁，底下墊著豆腐同芽菜，整盤食落去唔會覺得油膩。豆醬煮海魚採用黃豆醬、芹菜、蔥來烹調，冇醬油，黃豆醬啲咸香讓魚肉更加鮮甜，一滴腥味都冇。梅汁炆豬手好軟綿，豬手去佐骨頭，讓人好方便食，加埋梅汁酸酸甜甜啲，唔會覺得膩。碧綠川椒雞色彩鮮明，綠色啲菜加黃色啲雞肉，紅色啲椒好好睇，呢度菜唔會太辣，雞肉嫩滑加小小辣好開胃。老藥桔睇起來黑黑啲，但是飲落去柑橘濃郁誘人，咸中帶甜，滿口醇香。呢次潮州菜食得好滿足，侍應生服務好熱情，下次會再來！

友人有喜事分享，知我喜歡潮洲菜，特意安排到花墟旁的古宅風潮食店共聚。食店分兩層下層可見水族箱內有鮮活龍蝦、紅蟹，又見潮式滷味櫃位。保持民初古典味的裝修。上層有大廳及利用舊樓特色騎樓設成的偏廳，包偏廳有最少收費，午市千五，晚市三千多。這日既然為慶祝，宴席包括鮑魚、婆參及我最愛的凍紅花蟹。一隻凍紅花蟹，對愛拆蟹之人來說供二人分享便剛好。鮮蟹由凍水下鍋至蒸熟再放涼，吃的是原材料的鮮甜，海洋的原汁原味，配上特製蟹醋更加能提鮮。清鮮味後便到以潮式紅燒炮製的兩道濃味菜式：30頭日本吉品乾鮑及婆參。老闆陳星年少時曾做海味貿易，在這品嚐到的珍味食材由發製至調味也是實在的傳統味。再來是肚肉苦瓜煲，以內地有機大苦瓜炆製，甘苦味重，不好此道者不建議冒險品嚐，好甘苦味者會大愛。主食棄蠔仔粥選沙茶牛肉炒粿條，味道豐富，分量十足，牛肉片嫰，是值得推介的主食。甜品薑薯綠豆爽，薑薯是長長的根，切片爽脆，是潮州人愛用的食材，一碗清甜綠豆爽把味濃膩感消去。

陳儀興尚潮樓路過花墟見對面有間鋪面裝修古雅嘅中菜館，原來食潮州菜嘅。櫥窗入面掛滿各式滷味同魚飯，仲要有生醃海鮮！見價錢唔太貴就入咗去喇。魚露浸花甲花甲肥美，花甲本身已經好清甜，魚露浸泡後鹹甜適中，加埋蒜片辣椒凍食非常鮮味。鵝三寶一次過試齊滷水鵝肉鵝肝鵝腸，仲有豆腐墊底。鵝肉厚身，嫩滑得嚟唔肥膩，滷得好入味，皮肉都夠香料味。鵝肝有三大片，非常厚切。口感軟糯細滑，好耐冇食過咁高質嘅鵝肝。鵝腸油脂適中，腸身夠厚，好爽脆。每咬啖都滿口鵝油香，非常滿足。生醃膏蟹醃蟹係我最期待，今晚最滿足嘅一道菜。香港唔係好多潮州菜館有做。膏蟹大隻飽肉爆膏。蟹肉雪凍後依然鮮甜，加埋蒜頭芫荽辣椒生抽五香醃料醃製多咗浸咸香，餸白粥食唔停口。老藥桔食咗咁多生冷好嘢，點左一杯熱嘅老藥桔。顏色好深，相信陳年已久。味道鹹甜適中，有啲似陳皮鹹柑桔，生津解渴化痰止咳，驅寒消滯一流。結束滿足的一餐。

.#哈比四圍食 #過年嘅時候同屋企人嚟咗老字號潮菜館 陳儀興尚潮樓食lunch，小店位置好方便又易搵，喺正花園街隔離，小店有上層同下層，但客人較多所以都係book定位好啲，員工安排我哋去上層，沿着樓梯上可以欣賞到餐廳嘅古色裝修。坐底後，員工介紹我哋試吓呢度嘅 老藥桔，即係鹹柑桔，啱晒過年嘅時候食太多煎炸野嘅我哋，可以化痰同埋舒緩喉嚨痛☺️🐚 魚露浸花甲 $158花甲脹卜卜，非常鮮味，另外浸喺魚露一段時間，但魚露冇遮蓋花甲味，反而令個鮮味再提升，呢個餐前冷盤幾特別，另外我想返屋企自己研究吓點樣整😆🥢 鵝三寶 $268分別有鵝片、鵝腸、鵝肝。鵝片肉質嫩口、鵝腸爽口唔太肥、鵝肝香濃軟滑，滷水汁嘅味道調校得啱啱好🍽 富貴石榴蟹 $78(位)新年當然要食啲好意頭嘅餸菜，呢一個石榴蟹，外層係蛋白皮，入面裝住滿滿嘅蟹肉同粉絲，新一年荷包脹卜卜😙

阿爸好中意潮州打冷，尤其係滷水豬大腸同鵝片。呢到啲大腸處理得好乾淨冇異味，兩樣都好入味又唔會太咸。不過我就中意個汕頭煎蠔烙多啲，因為好香口好脆，而且啖啖蠔仔食得好滿足。

今日去了太子！同長背食飯！老人家話想食潮洲菜！真的難到我！好彩朋友之前介紹我去食這間潮洲菜！今次就去食下！"陳儀興尚潮樓"我們點了生醃瀨尿蝦鵝三寶汕頭煎蠔烙魚露浸花甲生醃瀨尿蝦有兩隻，味鮮甜味美！好入味！配白飯絕了！我都是第一次食😍，好好味！鵝三寶有鵝腸，鵝肝，鵝肉鵝腸爽口彈牙，滷得好入味。鵝肝好棉軟滑香，入口就容化了。鵝肉鵝肉啖啖肉，肉質鮮嫩，滷得好入味。飲品老藥桔（熱）黑黑的味道有d 似陳皮充水，酸酸甜甜！

講到食潮州菜，我同屋企人就最鍾意一些老字號的，菜式較為傳統，又會充滿人情味。早幾日拜完年，同爸爸去了太子新開嘅潮州菜館試吓，裝潢比較新潮，還有假二樓。 $138，吃潮洲菜必食，鵝肉很香嫩，滲透滷水，底下墊著芽菜和油豆腐。 $68/每位，據說老菜莆有預防感冒、養生的作用，老菜莆燉鮮豬肚，湯底清甜且濃郁，一口接一口。 $78/每位，是潮州的手工菜，以白蛋皮包著蟹肉、粉絲等，賣相十分精緻。那口感飽滿，滿滿的蟹肉。(半份) $58，是我最愛的潮洲甜品，據說這裡的反沙芋日賣80份，反沙芋頭的手工繁複，鬆脆的沙糖與肉香的芋頭，令人一吃愛上，配合喝鐵觀音，有消除滯脹感的作用。離開的時候，留意到餐廳內的傳統建築，原來歷史保留下來的，非常具有特色價值呀！

來旺角向長輩拜年，午飯就順便在附近解決。有人話想食潮州菜，上網見到好多人推介太子道西呢間「陳儀興尚潮樓」，即刻打電話去訂位。餐廳位於一幢有超過八十年歷史，由古迹建築物改建而成的精品酒店內。室內設計帶古典格調，牆身上掛滿了潮州特色裝飾品及潮州刺繡，加上巨型黑白相片、竹簾、籐製屏風等，裝潢古樸雅致，令人賞心悅目。翻開餐牌，食物選擇都幾豐富，除了潮州菜館必備的滷水鵝、潮式粥品等外，還有多款精雕細琢的潮州手工菜，如清燉荷包鱔、玉枕白菜、富貴石榴蟹等。我哋點左兩碗潮州白粥 ($13@)、鵝肉雙拼 ($188)、汕頭煎蠔烙 ($118)、普寧豆醬煮海魚 ($198) 同 肚肉苦瓜煲 ($128)。白粥煮得啱啱好，是傳統的潮州做法，米粒剛開口，不會太綿，水的分量亦唔會過多，入口有米香。鵝肉雙拼：揀左鵝肉拼鵝紅，鵝件分量十足，肉質柔嫩細緻，鵝皮鬆化軟潤，入口油香豐富，蘸醋吃減低了濃膩感，令味道更鮮明。滷水汁非常香濃，帶八角香料味，跟鵝肉十分匹配。鵝紅水準亦唔錯，夠晒大件，夾起唔會散開，既滑溜又入味。另外呢客汕頭煎蠔烙亦很值得推介，廚師掌握煎的技巧十分了得，烙餅不散，外邊香脆、內裡嫩滑，蠔仔下得很慷慨，

認真來講平時好似真係冇乜點食過潮州菜，感覺其實而家香港都唔算好多潮州餐廳，都算有啲難搵，咁唔好講話係要搵到一間好食嘅潮州餐廳，所以今次就上網搵到呢一間好似幾多好評嘅潮州餐廳諗住嚟試吓。首先叫咗一份蠔餅，蠔餅幾好食，條邊非常脆，覺得係煎既唔係炸既，但而家應該好多都係炸嘅，所以煎嘅特別難得。另外叫咗一個檸檬燉鴨湯，不過不失，幾有味道既，不過就略嫌份量有d少。然後再嗌左一個滷水鵝片併大腸，大腸都幾乾淨，而且滷水都幾入味

今日係初十一，我地特登嚟朝聖呢間好出名嘅潮州菜館，諗住食餐好嘅。係鬧市中呢間裝修得古色古香嘅潮州菜館好特別啊。鵝肉拼鵝腎鵝肉未去到嫩滑，但係就好入味鵝味好濃。佢個陳年滷水汁好香，鵝腎同豆腐吸晒汁超正。豆醬煮海魚點菜之前唔知係咩魚，原來係黃花魚。原來豆醬同黃花魚係好夾咖，魚肉嫩滑岩岩熟，淋小小汁食，食到魚既鮮味。梅汁炆豬手豬手處理得好乾淨，無咩骨啖啖骨膠原；而且超級入味，味道酸酸甜甜食到梅子味，如果就咁食會有少少鹹，但係送飯就啱啱好。汕頭煎蠔烙好有驚喜，份量好大，而且超多蠔仔，煎得好脆又唔油，好有蛋香少面粉。我最中意係呢樣。白粥、白飯白飯好有飯香，潮洲粥好軟綿。老藥桔唔好比個名嚇親，其實係類似咸柑桔既味，酸酸甜甜少少咸味，我地揀左凍飲，好透心涼，喉嚨好舒服。其實好想試埋佢哋啲甜品呀，不過真係太飽啦。🤪

初七人日🧧🧨到老字號潮菜館～陳儀興尚潮樓午餐，地點位於太子太子道西179號地下及一樓。陳儀興潮州飯店在1963年於新蒲崗創立， 一直沿用於傳統的烹調技巧及口味作為餐廳的經營理念。 店內有兩層， 裝修古色古香， 菜式有鎮店滷水系列、潮州打冷名菜和潮式風味時令海鮮等等。 今日是人日就一於食豪啲，生醃瀨尿蝦$198、 魚露浸花甲$158、 鵝三寶$268、 梅汁炆豬手$158、 潮州白粥兩碗$26、 老藥桔兩杯$40。📌生醃瀨尿蝦🦐～ 醃的時間控制得很好， 鹹鮮味適中，味鮮甜嫩滑，淡而柔軟，更有一種特殊誘人的鮮味。📌魚露浸花甲🦪～ 花甲非常鮮味，藉著魚露令蜆肉更加提鮮，凍食開胃清新，鮮甜回甘。📌鵝三寶🧆～有鵝肉、鵝腸和鵝肝，靈魂當然是滷水汁，味道醇和清香，滷水恰到好處。鵝肉香滑入味，薄厚度適中。鵝腸口感爽脆， 鵝肝軟滑香濃，入口即溶，細軟入味。📌梅汁炆豬手🍖～ 膠質豐富的豬手， 炆得軟腍，入口啖啖肉， 配上梅汁的酸酸甜甜， 減少豬手的膩感。📌潮州白粥🥣～ 潮州粥口感軟綿綿好適合配鹹餸， 配上潮州橄欖菜， 襯托出白粥的層次。📌老藥桔🍊🍊～氣味濃郁誘人，鹹中帶甜的滋味，頓覺滿口淳香。在一個優雅脫

陳儀興不嬲係新蒲崗老字號潮菜館 已經有30多年歷史👀 而家係太子開咗分店 主打精緻高質嘅潮州菜 XXG入去試下老店嘅質素🤔▪️8/10▫️<< 鵝三寶 >> $198/例 包括鵝肉、鵝腸、鵝肝 滷鵝肝勁厚身‼️ 口感綿滑 唔起沙~ 鵝腸有驚喜 爽口 冇內臟味👍🏻 鵝肉肥瘦均勻 結實多肉 重點係滷水調味好濃郁 連潮州豆腐都入味到爆😝▪️8/10▫️<< 生醃瀨尿蝦 >> $198/例 瀨尿蝦十分鮮甜 貼心切好 一啜就食到蝦肉🥳 生醃醬汁絕對係靈魂 味濃但偏咸 極惹味 咸鮮味好出🤤 但份量少吾夠喉🥲▪️7/10▫️<< 魚露浸花甲 >> $158 浸熟嘅方式整花甲係香港絕對少見🧐 可令花甲肉質更彈牙 魚露汁唔會太濃 食到花甲本身嘅鮮味 大大隻啖啖肉 ▪️7.5/10▫️<< 豆醬煮海魚 >> $198 採用海魚 幾大條 時間控制剛好 魚肉離骨 肉質非常嫩滑 入口即化 ‼️用咗潮州特產嘅普寧豆醬調味 豆味香濃 唔會因過咸而蓋過魚嘅鮮味 一讚新鮮 小小腥味都冇👍🏻▪️7.5/10▫️<

依舊係邊度都去唔到，好彩嘅係過年後2人聚可以變4人聚喇，樂觀D一切都會好嘅。記得上個禮拜去間潮州菜館食唔到滷水鵝腸，令到我好唔開心，咁啱呢日來到花墟買花，見到陳儀興尚潮樓～之前朋友食咗推薦過，二話不說我同朋友就入去了。一定一定必叫滷水嘢，上次食唔到，今日叫咗鵝三寶，分别有鵝肝，鵝肉，鵝腸，滷水味濃郁，鹹淡度適中，食落口感佳，鵝腸爽爽脆脆又鮮又香；鵝肉肉質肥美，香滑入味；鵝肝細緻嫩滑，食完三寶人都開心番。湯就叫咗『金不換燉海螺』，好清香又滋補，『肚肉苦瓜煲』苦瓜煲到軟腍，不會太苦，連埋肚肉葷素配搭啱啱好，潮式甜品『反沙芋頭』，賣相吸引，乾爽皮脆，絕對唔係咁多地方可以食到的潮式美味。潮式飲品第一次試，佢係老藥桔，唔錯吖，而白粥也啱我胃口。

臨過年去左花墟買花 順便食個晏 見到附近呢間潮州野好似聽過呢個名 所以就試下裝修幾有中式FEEL 同埋好乾淨企理 有別於其他潮州打冷店MENU好多選擇 醃蟹睇落好吸引 不過得2個人真係食唔晒 唯有下次先叫啦～食潮州野一定要叫滷水 揀左墨魚同鵝件墨魚好驚喜！超軟滑又唔韌！好食過平時既好多！而鵝件都入味多肉～送飯一流！蠔絡都係必叫～呢個同平時又係有D唔同～無咁炸無咁熱氣 蠔肉都幾多 好食！2個愛甜之人叫左2份甜品 呢份招牌水晶粿入面有綠豆蓉／豆沙 幾款野 味道好豐富 又咸又甜 而且好好好煙韌！愈食愈覺得好味！本身未食過福果芋泥 但印象中無咁結身不過我就係鐘意咁糊咁結 芋香好香 食半碗都好飽 好好味！