鏞記酒家

营业中

休息中

服務態度好嘅酒樓而家真係好難搵，好多就算係貴價啲嘅都唔會成日有好態度，今次就真係幾滿意。所有員工都好有活力會主動同人傾下計咁，好有人情味，幫我哋落單嗰個侍應更加會主動同我哋介紹下啲菜式咁，真係幾好服務。食物方面都幾好，乳豬燒到麻皮，勁香勁脆口，而且又唔乾，蝦子柚皮更加係好少見嘅一道菜，柚皮煮到啱啱好，配埋濃香蝦子，一放入口柚皮清香配埋濃味蝦子成道菜好夾，我朋友第一次食佢話勁特別，完全估唔到個味係咁，期望之後可以出多啲粵式傳統菜式，畀啲後生試下依啲特別嘢。

中秋節去食飯 環境幾好唔會太迫有隔板 唔會聽到隔離枱講咩可以靜靜地食餐飯香酥陳醋骨- 食得出係新鮮炸起熱辣辣 就算落咗汁都唔會影響佢入邊嘅脆口 個汁唔會太甜或太酸味道剛好 份量亦都夠食蟹肉乾燒伊麵- 正常 多蟹肉 冇汁 江南百花卷- 其實就係炸蝦卷 裏面包着一塊葉 再炸 頗為特別 塊葉配上蝦都幾清新 在加配一個酸辣醬汁上湯竹笙浸菜心- 因為中秋節 豆腐菜苗都賣晒得返菜心 略貴略小 但食材新鮮 比較失望係個茶 茶葉非常淡 而甜品選擇比較少 所以冇揀到

話好食果啲唔知係打手定係未食過燒鵝啦，話晒佢係燒鵝起家，對碟燒鵝係有會期望，不過正正應驗左無期望就無失望既道理。其他食物唔講啦，預左貴夾唔飽，就講碟燒鵝。我地三個人去食，叫半隻，諗住會食唔晒要打包既，點知一上枱就知可以打消個念頭，我地一齊睇下張相。係唔係覺得唔錯呢，係我影得靚姐，現場一望就知瀨嘢，個樣同炸子雞差唔多，皮睇落完全無酥脆感，仲柴柴地，肉係白白地色既，食過燒鵝燒鴨既人都應該知道佢地啲肉係點樣。夾起一塊，以為自己食緊片皮鴨添，薄到呢...食落口，皮係柴既，肉係無味既，完全係無鵝香味，唔知佢地搵咩鵝黎燒，無論上下莊邊個部位都係咁既感覺。扒埋啖飯，掃埋碟鵝，三個人承恵千四。之前打電話去book位時個伙記仲好招積咁話要睇下full唔full，點知去果晚時完離開時都仲係空空如也。記得佢地分家前唔係咁既質素，又一個老字號的沒落。

難得同屋企人去鏞記食飯，就打算試下啲平時比較少有機會食嘅嘢，所以叫咗個銀芽蟹肉青瓜苗嘗下鮮，侍應話青瓜苗唔係好多時候有得食，秋天先會比較常見，而且多數人都係用嚟涼拌，不過鏞記就攞咗嚟炒，算係新嘗試咁話，佢口感比較脆身而且帶有少少苦味，不過夾埋鮮甜嘅蟹肉就啱啱好，同埋青瓜苗都係好健康好有營養嘅食物嚟，真係幾唔錯。另外叫咗個銀棯醬斑腩煲，仁棯醬酸酸甜甜，都係平時好少見嘅食材嚟，配合斑腩幾特別，聽侍應講銀棯醬最啱用嚟整魚，可以提鮮去腥，最後我哋好快就食曬。想食依啲平時冇機會食嘅嘢真係得啲老酒樓先搵得到，原來中菜有咁多嘢已經失傳咁滯，有機會真係要食多啲。

依排日日都咁熱，有時候都冇咩胃口食嘢，上星期就去咗鏞記食飯，本身都諗住食少少就算，不過朋友咁啱叫咗個菠蘿咕嚕肉，話可以開下胃咁，咁咪試下囉。未嚟到就已經聞到菠蘿嘅香味，放到上檯已經所有人都畀佢吸引曬，酸酸哋嘅味真係即刻就令人忘記夏天有幾難頂，放到入口又酸又甜，但又唔會搶咗個味，而啲肉又唔會畀啲汁整腍咗，同朋友食完依道菜之後全部都胃口大開，又要再叫多幾道菜先夠。另外都有叫咗個陳醋骨，一樣係酸酸甜甜咁，但就食得出應該加咗陳皮，但係其他朋友都話冇加到。整體食落都係開心嘅。

都食過鏞記好幾次，但係寫食評真係第一次，不過真係想分享下。頭幾次都係公司聚餐或者見客，侍應都係非常專業服務我哋，對佢哋印象都好好，今次第一次同屋企人一齊去就發現咗侍應熱心嘅一面。家父年紀都有咁上下要坐輪椅出入，門口知客見到就即刻過嚟幫手開門同埋問有冇咩特別要求去照顧老人家，之後都一直關心家父，好熱心咁幫我哋手，真係好令我有印象。食物就都係咁嘅高水準，招牌叉鵝雙拼一樣炭香，顏色，味道都有，雞紮好鮮味，啲雞勁滑，老人家都食到。而我自己就試咗個桂林炸蝦丸，炸得啱啱好，皮夠脆同薄，啲蝦都夠新鮮同大隻，鮮味同外層個炸皮一齊食落去好夾，一粒一粒咁食好快就食曬。成晚落嚟食得好開心，服務又好，食物又高水準。

酒樓除咗要創新之餘，一啲大路嘢都要做得好，之前去咗叫咗咖喱金錢肚同埋涼瓜炒牛肉，咖喱味濃得嚟唔會蓋過咗金錢肚本身個味，而且整得又入味又好入口，口味絕對適合所有人。涼瓜炒牛肉相對嚟講冇咁有驚喜，但係勝在涼瓜冇苦味，反而帶出咗牛肉嘅甜味，啱曬夏天吃食嚟消暑，下次再試下其他經典菜色。

今日同老爸去鏞記嘆茶，一入門口已經有賓至如歸的感覺。先叫了4款點心：豬潤燒賣味道非常出色，調味恰到好處；糯米雞果然不同凡響，一小塊既珍肝，久違了既味道；鵝絲炸春卷，非常鬆脆，唯獨略有點點油饐味；蝦餃當然係皮薄餡靚。最後本來想叫碟例牌乳豬，可惜星期六午市欠奉。員工推介炭燒义燒腸，老爸一入口就讚口不絕。老字號仍然保留水準既食店已買少見少，難得不論食材、衛生環境以及服務都保持高質，確實值得表揚。

食物質素唔錯。大部分服務員有禮貌（不過比較機械式）可惜一個員工不禮貌足以影響一間餐廳嘅名聲。入門口個阿姐非常不禮貌。11點得三枱客。見到有卡位就問下可唔可以坐啦。佢以惡劣態度回答「問下啦」「係咁坐架啦」「冇架啦」。有一刻以為自己去左茶記。本來諗住唔理佢。但佢講左好幾次我終於忍唔住問佢點解態度要咁惡劣。呢個時候其他嘅同事先上前幫忙。好失望。鏞記要保持競爭力唔該訓練下啲員工先啦。今時今日咁嘅服務態度真係差。

中午約朋友喺鏞記午餐，對上一次光顧已經喺兩年前，鏞記新裝修完感覺上坐得更舒適，不過樓上似乎仍未裝修完，只有地下一層開放。之前喺鏞記通常會點燒鵝、叉燒，今次只有兩個人，就試吓佢哋嘅中式點心。首先要講賣相已相當吸引，上湯黃金煎粉果外脆內軟，兩隻完全唔夠喉；筍尖鮮蝦餃大大隻鮮蝦爽口又彈牙。無食燒鵝，但叫咗燒鵝絲春卷一樣好味，香脆外層包住惹味非常嘅燒鵝肉絲，一啖咬落豐潤內餡躍然舌上。最重要係所有點心新鲜熱辣，即叫即炸/蒸，食得份外舒服

炒野唔算有鑊氣，但味道幾好。點心款式得4、5款可揀。整體選擇比較少。食寧靜+名氣為主。叫左點心好食，乾炒牛河真係茶記/大牌檔先有果種鑊氣🤣佢只是稱上好味。 斑球都鮮味。

朋友们特地来吃烧鹅，我却被他家的叉烧彻底征服了。这家的叉烧肥瘦相间，第一口到嘴里，叉烧的肥肉部分软糯香甜，我是第一次吃到这种肥肉是软糯的叉烧，好吃得连吃三块。烧鹅也很不错，因为是炭烧所以有独特的味道，再沾上秘制的酸梅汁，配上皮脆肉嫩的烧鹅，非常美味！！

镛记是一家名气很大的老店了，所以毫不犹豫的选择了他。烧鹅绝对是招牌，皮脆肉嫩，配上蘸料一点也不油腻，鹅的肥瘦正合适，不肥不柴，据说是专门饲养的，配上独特的烤制方法，和百年老炉还有果木碳，鹅的美味完美的呈现出来。酸姜皮蛋是一个开胃解腻的菜，有点像寿司配的姜，配合烧鹅吃正好，还有晶莹剔透的皮蛋。下次一定还会再来的。

爸爸生日，決定去鏞記試吓，見旅遊網站有優惠，1000 現金卷只需850就有交易，這些知名店通常好少有信用卡優惠，當然唔會錯過這機會，去前上openrice睇有咩食，見到有個鵝煲，評價不錯，於是打去book枱時順便問吓，個職員話鵝煲要訂，同先俾按金$300，由於在附近工作，所以收工去俾按金，我話因為我係用現金卷，可否到時攞返按金再俾現金卷，個職員好好，幫我諗方法👍🏻沒有俾面色我睇，覺得我麻煩🙈講返食物，叫了鵝煲、松花皮蛋配酸薑、鷓鴣湯、仙鶴懷中藏珍寶、銀湖翠岸千萬縷最後叫了糖水，個皮蛋配酸薑好夾，好味👍🏻，鵝煲好足料，有鵝的不同部位，個汁送飯一流，我們四個人，全部食晒，個職員也讚我們勁👍🏻個鷓鴣湯好清潤，清肺，好適合e個抗疫時間飲用，仙鶴懷中寶其實係乳鴿包咗四隻鮑魚，銀湖千萬縷其實係指冬瓜，總體而言，全部食物也不錯，服務也好好，值得一試👍🏻

最近多數喺屋企食飯，偶爾都係想食餐好嘅等自己開心下。今日就去左鏞記食飯，例牌叫左碟燒鵝，一如以往咁好食，鵝燒得好香，再加上佢地自家嘅酸甜醬，簡直絕配。再叫左碟XO醬炒蘿蔔糕，蘿蔔糕嘅粉同蘿蔔比例好岩，唔會太腍或者太實，外面煎到金黃脆卜卜，加埋XO醬，好惹味。另外加多個豆干毛豆炒蝦仁，蝦仁好大粒好爽口，調味相當好。呢度食飯最岩慢慢歎，非常滿足！