鏞記酒家

营业中

休息中

嚟到鏞記首先當然就係要試下個燒鵝例牌先啦，雖然我唔算係咩識食之人，但都食得出隻燒鵝係高質嘅，皮脆得嚟又唔會有好重油膩感，問返先知原來係用香港而家好少仲用緊嘅傳統炭爐嚟燒，對火喉嘅要求更高，不過就會更加香，仲話幾十年嚟都係同一隻味。睇真啲原來鏞記好多地方都有啲好耐歷史嘅藝術品同裝飾，同舊時香港嘅感覺，雖然已經過咗好耐但畀人嘅感覺一啲都唔會好舊，反而係歷史感好重有啲似回到過去咁，喺咁嘅環境食飯嘅感覺好特別，建議如果有機會嘅不妨嚟試下。

鏞記係充滿回憶嘅地方上年已經好想返嚟但遇正大裝修今次係裝修後第一次返嚟食懷著興奮心情睇完餐牌更加興奮😆因為好似貴咗一倍以上想食嘅蛋散亦已經無做唯有叫下特色燒鵝同其他小菜燒鵝皮脆但無咩肉絕對唔係肥美幾失望陳皮紅豆沙亦無咩陳皮味點解會係咁….係炒牛河ok石班都好味皮蛋都keep到水平但整體水準係差咗係親切嘅服務不變❤️市道係唔好但有回憶嘅餐廳我哋都唔想失去希望同業可以爭氣期望下次嚟無咁失望啦😋😋

從來都認為要找地方食飯是一件艱難的事，中環這間中菜酒家在我心目中算是很出色，難得重開後仍然保持水準*懷舊紮蹄酸中帶甜，食落啖啖酒香，正好喚醒味蕾*古早味蝦籽紮蹄腐皮包住滿滿蝦籽，皮香酥脆，餡料蝦籽鹹鮮美味*極品清湯牛爽腩用上牛腩中的極品爽腩口感爽滑，入口鬆化牛骨湯底濃郁，喝到唔想停口*炭燒黑鬃鵝皮脆甘香，嫩肉多汁很鍾意這裏的燒鵝，只嫌今次味道太重手了*禮雲子蒸蛋清禮雲子味道鹹香，蛋白幼滑味清跟白飯簡直天作之合*魚湯竹笙浸豆苗湯底鮮甜，豆苗鮮嫩無渣味道不錯，但價錢偏貴物值低*懷舊細蓉最喜歡這裏的雲吞呈金魚尾大地魚，蝦籽熬的湯底鮮味無比韭黃更令湯底生息不少麵有鹼水味，要加點醋才能把味減去

📍Yung KeeYung Kee’s supreme cha siu is definitely a guilty pleasure. The char on the exterior and the right fat:meat ratio make it the perfect combo. You definitely need a bowl of rice or noodles to go with it in order to wash the grease down 😆Again, I maintain that the supreme char siu is way better than their roasted goose. The skin was crispy but the meat was just too tough. Recommendations: • 至尊Cha SiuPrice: HK$300 pp (lunch) Revisit: 8/10 (for the cha siu)

今日午餐叫了半隻燒鵝，以為招牌菜守得住，肉質又瘦又硬，汁又冇味，相信太興都好食過佢！一個招牌菜差到一個點！碳燒义燒不過不失啦！炒河粉油多，肉絲用太多肉鬆粉，冇咗肉味！酸薑皮蛋，皮蛋冇香味！即場反映竟見，個經理居然話係咁架，最近都好多客話啲燒鵝有意見！😳以後可以唔洗再去！🤮值得一提就係員工服務態度好好！

仲好記得細細個同屋企人去酒樓飲早茶個氣氛好熱鬧，啲食客粗魯得嚟又唔會冇禮貌，而啲知客就個個服務態度都好好，有時啲點心車推出嚟就成班細路衝出去揀有咩啱食，都咪話唔過癮。不過而家已經冇曬依枝歌仔唱，連點心車依個童年回憶都冇邊間酒樓仲有，再加上依兩年疫情其實飲茶真係冇咩氣氛。不過今次同屋企人嚟依到飲茶，可能鏞記有好多年歷史，好似保留咗當時嘅氛圍，啲裝修翻新過之後都仲有舊香港嘅感覺。味道方面就更加唔使講，話曬價錢都唔平，點都要有啲水準嘅，就算只係一籠簡單嘅山竹牛肉球都好特別，入面加咗啲陳皮令到佢好香同中和咗比較濃味嘅牛肉，一放入口真係好香，雖然同細個食嘅味道有唔同，不過我覺得係好嘅改變嚟，希望依間酒樓可以繼續堅持落去啦。

朋友訂咗間VIP 房，私密度夠，服務當然好啦。坐得都舒服嘅，可惜冷氣唔夠（食到尾段先知跳咗掣）😂鏞記有太多招牌手工菜，樣樣都想試，今次叫咗其中幾樣。松子雲霧燻香肉 $495（8.5/10）呢個腩仔實在太邪惡啦，面嗰浸肥肉一啖放入口即溶，腩肉煙燻得又香又腍。禮雲子蒸蛋清 $495（9/10）睇落係咪似龍蝦湯，禮雲子係一種名為蟛蜞的淡水小蟹嘅卵，做一份要用上二百隻小蟹先做到。禮雲子好有鮮味加埋蒸蛋清，要配埋個白飯嚟食一流。呢碟餸絕對唔簡單，係香港好少地方食到。至尊壹品雛鵝煲 $2178（6.9/10）鵝煲一大煲有好多料，除咗鵝肉之外，仲有鵝紅、鵝肝、豆卜、鵝腎、鵝翼、鵝腸等。鵝紅好嫩滑；鵝肝夠軟滑；豆卜索晒啲汁好入味；鵝腎鵝腸都好爽脆。我哋6個人都食唔晒，淨返啲湯底用嚟煮瀨粉食，但可惜湯底太過濃味鹹咗啲。蜜味串燒金錢雞（4件） $312（6.7/10）蜜汁味道幾好，雞肝都做得唔錯，可惜肉嘅部份偏瘦，如果半肥瘦就正喇。松花皮蛋配酸薑（6份）$132（8.8/10）溏心皮蛋鮮甜冇苦味，酸薑爽口唔老冇渣好食。呢個都係必點之一。古早味蝦籽紮蹄 $144（7/10）外層脆脆嘅腐皮，裡面包住粒粒嘅蝦籽

當晚同朋友來左依間食，原因係早前佢哋裝修左，感覺有點懷舊得來，帶點華麗。每張枱之間相隔都好闊，好舒服。我哋叫咗酸薑皮蛋、燒鵝、炒豆苗、咕嚕肉。雖然每道菜式看似普通，無咩特別。但味道不錯。雖然酸薑皮蛋只係小食，但作為一個前菜，真係好食，好開胃。燒鵝係依間店嘅鎮店之寶，以前食過係幾好食嘅，特別啲汁係好得。當年每次買外賣，必定會買多枝汁 (即係前後共兩枝)，但今次食，感覺好似差了少少，啲肉有啲靭。炒豆苗同咕嚕肉都好食，但又不至於好特別。

中環鏞記，相信無人唔識，係中環咁多年都仍然健在，一定有佢原因。我哋當晚訂左佢4樓，VIP 房，地方非常寬敞舒適，唯獨個冷氣比較差🤣🤣但服務態度非常好，由點菜、介紹、上菜都有好有禮貌，同埋有詳細介紹菜式。松子雲霧燻香肉，脂肪部分入口即溶，有淡淡燻木味。禮雲子蒸蛋清，入口甘香，蛋味非常之濃。味道非常好，必食。至尊壹品雛鵝煲，鵝血非常鮮嫩同滑，可惜湯底太咸，之後用湯底煮瀨粉，更覺湯底更咸，可惜。蜜味串燒金錢雞，唔夠分所以讓比朋友食，但評價係太實同硬，味道一般。松花皮蛋配酸薑，鏞記名物，必定要食。古早味蝦籽紮蹄，用蝦籽和腐竹捲扎而成。蝦籽味不錯。 金銀蛋上湯豆苗，正常發揮。

秋風又起，突然涼咗好多，最啱就係食個蛇羹暖下身，廣州人吃蛇嘅歷史可以追溯到成千年前，以前一到秋天好多蛇羹舖都會排曬長龍，食個蛇羹再食個糯米飯可以話係好多人嘅童年回憶，今次畀我睇到鏞記有出就一定要試下係味以前隻味啦。唔同舖頭都會有自己嘅秒方整蛇羹，有啲會加中藥材令佢更加補身，行氣活血之餘降膽固醇，鏞記個正宗太史五蛇羹會加雞絲、冬菇、木耳、冬筍、花膠一齊切絲更加埋精心熬成嘅湯底，係最傳統同最補嘅做法。不過記得唔好食太多，小心太補會流鼻血，哈哈。

依一兩年嚟酒樓生意難做好多都捱唔落去，留得低嘅都係啲真材實料，鏞記係全香港最出名嗰一兩間就知佢有幾好，嘢食全部都係傳統口味，而且仲要好多都已經失傳，冇咩地方有得食，依個先係鏞記最出色嘅地方，普普通通一個紮蹄已經知佢有料到，外層輕輕帶啲煙燻香味，咬落口又同紮蹄好夾，香口又彈牙，好似紅寶石咁靚，精緻得嚟又好食，真係一試就見真章。另外個環境都係好靚，好傳統嘅粵式酒樓，而且有啲藝術品睇下，真係照顧曬味覺同視覺嘅享受。

老公問我想食乜，但重九嘅中環會有咩食呢？其實都有幾多！最後老公決定去鏞記，一間我從前就好想試，但永遠經過都唔記得嘅「新」酒家。鏞記對我唻講應該係「舊」酒家，但內裡嘅裝橫並無歲月嘅痕跡，係因為家族問題定係追上潮流，作為食客，我都無謂考究。兩大一小叫咗一份例牌燒鵝、一碗白飯、一籠帶子鳳眼餃、一碗柴魚花生粥、一籠原籠馬粒糕，最後唔夠飽叫多一碟本地生牛肉麵。燒鵝 - 例牌唻講都算細，係因為去咗大部份骨定係碟大？自家製醬汁帶微微花生味，幾香幾特別；燒鵝皮脆肉嫩，是為瘦鵝；伴碟可能係甜紅豆，都做得幾出色。白飯 - 正常。帶子鳳眼餃 - 近潮流？簡單鮮味。柴魚花生粥 - 唔係我鍾意嘅粥底，偏淡，有柴魚味，非傳統味道。馬粒糕 - 鬆軟香口，唔會甜到漏。牛肉麵 - 牛肉滑，生麵爽，但點解跟上嘅湯有疑似豬潤嘅腥味？呢度嘅價位唔低，三個人承惠$650。

很久沒有走進鏞記午餐，今天兩個人來過簡單午餐，走進三樓職員已經熱情款待，坐定定後，又親自上前拿著洗手液，讓你搓搓手，更付上口罩紙袋，很細心進食中時，也常替我們添茶由職員為我們發板，點了前菜，點心和燒鵝。前菜來鏞記一定必吃的，他們子薑和皮蛋的味道簡直係絕配點心蝦餃，大大粒，蝦仁十分彈牙燒賣，乾瑤柱配上頂春卷，新鮮熱辣炸出來，脆卜卜主菜燒鵝，記得舊時食鏞記燒鵝是肥琳琳的，今次就剛剛好，不太肥不太瘦配埋碗瀬粉剛剛好

睇新聞知道最近鏞記裝修完，諗住咁多年老字號都未試過就襯放假去試下啦，食完發覺真係幾唔錯同大家分享下。門面大大個金漆招牌都幾震撼下，老字號係有資格咁樣做。入到去都好靚，成個感覺會令人覺得高貴大氣得嚟又唔會太浮誇，真係未食就已經feel到係有啲料到。坐低之後叫咗個原隻花膠扒豆苗試下啲水準，花膠煮到好腍又膠質豐富，淨係個口感已經好突出，而且夠厚身可以鎖住啲汁，入曬味咁真係好好食，另外配埋啲豆苗口感又多層次咗，真心正。仲試咗幾道嘢可惜唔記得影底，不過味道都係相當唔錯，最後埋單差唔多2000蚊，係有啲貴不過真係對得住個價。

桂花蟹肉炒津絲真係必點，雖然份量唔算多但配白飯真係好滋味，鹹香得嚟又帶啲蟹肉嘅鮮甜，加上夠獲氣真係食唔停口，真係唔好畀佢普普通通嘅外表呃到，有機會一定要試一試。另外都叫咗個鹽香南澳鮮玉帶，中菜嚟講比較多用帶子煲湯，今次佢用鹽燒嘅方式嚟整依道菜其實都幾有新意下，而且外面煎到好香脆，但入面依然好滑同埋入口即化，的確係好有水準。而且大大粒咁食落真係好滿足，最後忍唔住又叫多一碟。另外都要讚下啲服務，好樂意幫我哋手又唔會黑面，我咃坐咗成晚都唔會想趕人走，真係加曬分。