鏞記酒家

营业中

休息中

今日太遲收工，冇咩胃口，跟住同事去鏞記食飯。他們叫咗菜遠碧綠生魚片，魚片口感好扎實，唔會一夾就散，食落好新鮮。脆脆我不理呢道菜一上嚟，胃口都返晒嚟。類似薄餅，外皮酥脆，入面係韭菜、肉碎同馬蹄，好好食。最後叫個烚菜，長年喺出面食飯嘅我地，都係要叫碟青菜食下。呢度環境好好，服務又周到，的確係唔錯！

对这家店早就有所耳闻，去过的朋友都说生意太好，下午开市就会有人排队，排个半个小时一个小时很正常。因此我们选择逛好了铜锣湾再去，虽然已经没人排队了，但是招牌的挂炉烧鹅也卖完了，所以在此提醒要去的朋友还是赶早吧。不过既然来了就进去试试朋友推荐的别的菜吧：醋姜皮蛋酸酸甜甜的还不错；蜜汁叉烧有点老感觉一般；琵琶虾量不多只有六个，但是相当好吃，全都是用大明虾做的，在虾和面粉包裹的外皮之间居然还有菜和咸蛋黄，吃上去很香很鲜。名店的价格当然也是很贵的，人均几百hkd，不过推荐要去的朋友可以试试看套餐，还是挺合算的。

一家3口難得出門食下飯，就揀左去鏞記。鏞記燒鵝出名唔使講，叫左個例牌燒鵝，上嚟仲熱嘅，仲好香，忍唔住即刻食，相都唔記得影。另外仲叫左2個小菜，黑松露醬滑蛋炒帶子同枝竹斑腩煲。我本身好鍾意黑松露嘅香味，呢味簡直為我而設。個帶子炒得岩岩好唔會過熟，滑蛋炒到好香，入口滑過喉嚨，但仲有股黑松露香味留喺個口入面，好好食！支竹斑腩煲就梗係叫俾屋企人，斑腩好新鮮，處理得好好，唔會一夾就散，炆嘅火候都夠，支竹入曬味。下次可以試下同屋企人黎飲茶。

每次落中環都會去鏞記，今次點左兩個小炒試下。正秀素炒配料有白果、洋蔥、木耳、胡蘿蔔，全部都係我中意嘅，睇落好清淡但其實調味岩岩好。滑蛋炒蝦仁都好有水準，滑蛋同蝦仁都唔老，蝦仁爽口彈牙而且鮮味十足。另外一人叫左一碗雲吞麵，份量岩岩好，下次叫多Ｄ人黎食一齊試多幾味。

前幾日帶埋小朋友去鏞記飲茶，小朋友見到鏞記ge傳統裝修覺得好新奇，周圍望。坐低叫左艇仔粥、牛栢葉、蝦餃、燒賣同蛋撻。艇仔粥好足料，竟然有蝦球同鮮魚片，而且粥底好綿，小朋友平時唔鍾意食粥都食左碗仔，份量好足。牛栢葉好爽，唔會太咸。飲茶當然點蝦餃、燒賣係指定動作。蝦餃皮薄餡靚，蝦好大粒好彈牙；燒賣口感豐富，好紮實好好食。蛋撻好香，好滑，小朋友見到爭住食。貴少少不過唔洗同人逼，服務又好好，抵返啦！

喺門口見到掛喺燒味部嘅乳豬好似好靚，今次就決定捨棄燒鵝，再叫多個乾炒牛河同上湯時蔬。乳豬塊皮燒得好脆，d肉又唔會好肥，而且唔會太咸。我個人好鍾意點砂糖食，正過點海鮮醬，強烈推介！乾炒牛河唔會太油，d河粉都唔會痴埋一舊舊，牛肉本身好嫩好香牛味，唔係用鬆肉粉夾硬整腍ｄ肉。加埋個上湯時蔬，清清地，唔係味精湯。鏞記燒乳豬絕對值得去試呀！

阿媽話驚燒鵝肥唔食，於是叫左小菜。百花釀海參，海參好大條，食落冇怪味。炆嘅時間岩岩好，爽得來唔會好韌，冬菇好厚肉，好入味，嘴刁嘅阿媽都話好食。另外就叫咗個櫻花蝦魚湯竹笙浸勝瓜，湯底係魚湯所以好鮮甜唔會腥，上面仲放咗好多蝦毛仔，好香。從來無見過咁厚咁大塊竹笙，食落仲好爽，而且吸曬魚湯嘅鮮味，加埋清甜嘅勝瓜更加好味。加多個雲吞麵，兩個人食得好滿足！

約了好友飯局，約在鏞記。以前都有試過，但唔識人，傻傻的walk in。今次有老師傅帶隊，湯經理熱情招待推介，終於食到鏞記的真正實力。開局半隻皮蛋，眾多食評已經討論過，不用多言。配 Chablis Grand Cru 都好夾。鵝頸/鵝頭 - 吮吓過口癮，送住酒等齊人。蝦子扎蹄 - 清清地，好鮮味。鵝煲 - 要預訂。冇得食燒鵝原本有點覺得差啲嘢，但呢個鵝煲好掂。完全不覺得後悔。個汁好正，鵝肉唔韌，鵝腎鵝腸冇雪味，證明係新鮮（或處理得好）。帶隊的彭老闆連汁都飲埋。配一支好complex 的 vintage cava，好野！另外點了「洛神花骨腩」、「上湯浸豆苗」- 唔記得影。配上 Paulliac 產區的 Pontet Canet，零舍順滑。太子撈麵 - 即鵝脾油撈面。沒有花巧。在吃過濃味餸菜後，較清淡的撈麵，特別舒服。網上搜尋了一下，「太子」即是甘健成先生。甘先生還在跟爸爸後面做學徒時，經常忙到冇時間食飯，就匆忙只吃一碗麵，煮熟後在剛出爐的燒鵝脾上劃一刀，放一些鵝肉汁和鵝油滴在麵裡，再加頭抽醬油撈一撈，就成為了今天的 「太子撈麵」。亦可為上一代香港人勤奮拼搏精神的寫照。愉快的一餐，人均消費

夜媽媽喺中環想搵comfort food食下，於是就走左入鏞記。點咗份皮蛋酸薑同燒鵝拼燒肉雙拼飯。呢度嘅皮蛋酸薑真係百吃不厭，溏心皮蛋食落好滑，絕對唔會有奇怪嘅味道，配埋塊酸薑一齊食更加開胃，食完想再encore多份。

这里真的是是吃货的福利啊。真心觉得去了香港旅行有机会的话，都应该去镛记吃吃烧鹅。这里服务非常好，进了门之后就有服务员过来招待，带领我们去桌上，给我们端茶倒水的。上菜也非常快，非常满意。我们点了酸浆皮蛋，烧鹅，琵琶虾，捞面，都很好吃，特别是招牌烧鹅，真的堪称一绝。礼云子炒饭是第一次吃，礼云子像蟹黄一样，吃起来味道很浓郁，很鲜但不会腥。饭炒出来都金黄的，远远就闻得那种鲜味，非常惹味。饭炒得很干爽，粒粒分明，不会油。分量很足，不错不错。

終於有得去鏞記食燒鵝了，講左好耐但一直無時間來，今日早早落班叫屋企人過來攞好位，來到就有得食。皮蛋酸姜做前菜，好特別好開胃。一食完前菜啱好上燒鵝，齋睇就覺得好正啊！原來點咗燒鵝拼叉燒，燒鵝燒得好靚，皮好脆好多汁，肉厚得來唔會好柴，好啱送飯。蜜汁叉燒都幾好，好香，入口即化，好爽口，好好味。 仲有金鑲脆皮嫩豆腐，好夠味，外脆內軟。主食點咗蟹肉片面，啲面好彈牙，而且有蟹肉嘅鮮味，好唔錯。個人摯愛都係燒鵝，食過最好食嘅，下次仲要來試下燒肉。

收爐lunch，去左鏞記食燒鵝，當然要多謝老闆先～唔少得一定係燒鵝半隻，唔算好肥，脆皮，的確係我食咁多既燒鵝最好食之一。另外重叫左幾個小菜XO醬炒牛肉，正常水準，無特別～餐牌推介之一（唔記得咩名）其實都係蟹肉炒粉絲，炒得好干身，好食😋上湯竹笙豆苗其實重叫左個脆豆腐，正常，連埋配菜，類似大豆芽泡菜，開胃～其實同事重一人叫左個皮蛋姜，不過我個人唔識食，無要到😆佢地話好出名，話我唔識食🤔但我反而成餐飯，最欣賞佢個普洱茶，食咁多油膩野，配杯靚茶，啱晒～

鏞記已今非昔比 ，昨晚光顧前 看見門前燒鵝叉燒，其實賣相不吸引，不過每次嚟都想試下，今次的起心肝入內，價錢頂呱呱超貴，叫了燒鵝碟頭飯，叉燒碟頭飯 ，魚湯雜菜浸鮮腐竹 ($160) 但品質一般貨， 環境ok ，服務也可， 其實所有小菜都成二三百蚊一個 , 超不值，高尚食府 國金軒 價錢也差不多，但人哋好味好多 ，今次應該係我去鏞記食嘅最後一次🤣🤣

好耐好耐都冇嚟過呢度啦今次，係経朋友大力推薦，才再來光顧！我們訂的枱在3樓，環境依然頗闊落舒適！先上的皮蛋酸薑，酸薑爽夾甜多汁，兼醒胃！皮蛋流黃，糖心，食落吾膩口！兩樣夾埋一齊食，好正。薑汁炒芥蘭，薑汁夠香濃，芥蘭青嫩，掂！鵝肝蓮藕餅，精彩之作，鵝肝好有鮮鵝肝香味，混合煎香的蓮藕餅，味道互相配合，下飯或送酒最一流！叉燒，略嫌瘦，不過，本身肉質地好，有咬口！全晚最精彩的菜式，是臘味糯米飯，招牌之作，外觀已經好靚，糯米粒粒軟綿綿，鬆軟可口，臘腸鴨潤腸切成細細粒，有臘味香味又吾油油膩，加埋啲芫荽，旦絲，好味到食凊光！奉送甜品，紅黑，唔甜，紅豆煲透夠林，芝麻糊香很不錯的一餐

分家之後的鏞記, 再加上最近的社會活動, 星期天的人流, 和以前的假期天比少了不少, 待應服務也熱情了不少, 而且可以直接上二樓用餐, 常説鏞記的傳說是愈高層愈美味, 價錢相等的情況下, 其實是很不公平的. (笑)來到這裡就是吃燒鵝吧! 味道和口感其實不如其他老饕所說的江河日下, 當然鏞記的燒鵝, 不是追求香脆的外皮, 淋上鵝汁之後外皮軟化了, 但依然保持挺身. 肉質頗鬆化, 入口依然燙口, 起碼是新鮮燒成的. 鵝汁甘香也為提升了味道的層次, 實在比我想像中好. 對比起其他鏞記的分家, 有些已經消失在洪流之中, 她依然是最有代表性的一家.