鏞記酒家

营业中

休息中

依排日日都咁熱，有時候都冇咩胃口食嘢，上星期就去咗鏞記食飯，本身都諗住食少少就算，不過朋友咁啱叫咗個菠蘿咕嚕肉，話可以開下胃咁，咁咪試下囉。未嚟到就已經聞到菠蘿嘅香味，放到上檯已經所有人都畀佢吸引曬，酸酸哋嘅味真係即刻就令人忘記夏天有幾難頂，放到入口又酸又甜，但又唔會搶咗個味，而啲肉又唔會畀啲汁整腍咗，同朋友食完依道菜之後全部都胃口大開，又要再叫多幾道菜先夠。另外都有叫咗個陳醋骨，一樣係酸酸甜甜咁，但就食得出應該加咗陳皮，但係其他朋友都話冇加到。整體食落都係開心嘅。