鍋処雪舟 (已結業)

星期六係銅鑼灣，行左陣街想食啲日本野～去到利園附近就走左上呢間日本餐廳到食個lunch～ 都食得幾豐富下😂😂環境真係好日式，坐房要脫鞋，所以記得唔好著穿隆襪黎！前菜賣相都好唔錯，好有食緊懷石料理咁～三色刺身都好新鮮，魚身嫩滑，口感唔錯！有專人為我地燒牛肉，唔就郁之餘有得食！牛肉質感都係嫩嫩的，富口感，牛味不俗！飛驒牛聽得多，但食就好少食！果然同傳聞中一樣，油脂比例相對均勻，入口小小溶化嘅感覺！shabu-shabu更加好食！同埋都係有專人為你服務，唔洗諗，只要食就可以！食埋個牛奶布丁，一個豐富下午就完了！正！

上星期又係一個悠閒的周末,老公話出cwb行下街食下野!呵,唔知又會單我食咩好野呢?我地係Time Square行左個圈之後,衰佬話肚餓,想去食野!佢話想去食日本野,上次食過鍋處雪舟好難望,好想再encore! 所以一於再去食好野!難得既周末,可以食高級日本料理,係好優雅的享受! 剛坐底後,店員就遞上熱毛巾擦手,以及送上熱茶,依然係好貼心的服態度,like!今次望見menu,見有somthing special, 果然menu係有定期update, 唔錯! 不過黎到雪舟又點可以唔食出名既"飛驒牛"火鍋呢?所以係必點既! 除此以外,今次老公點左"陶板燒御膳"!! 原來呢個set可以有3種肉選擇: 豚肩肉,牛小排,黑毛和牛", 我個咁好既老公當然選左最貴既和牛啦,真係識食前菜3點雪舟的前菜就算是lunch set都做得非常精緻:分別有醃茄子凍食,汁煮牛腩,南瓜蓉沙律!茄子其實煮得好入味,咬落去非常juicy,配埋木魚碎凍野,好特別! 至於牛腩就非常非常好淋,連平時少食牛腩既我都覺得好好味! 不想精髓係紅蘿蔔度,給滿牛腩汁,好好味! 而南瓜蓉沙律就非常fresh,南瓜蓉裡面有提子干&果仁,咬落

早前跟客戶到這裡吃飯，餐廳的服務態度及食物質素都極高，事隔多月，今次同老公再次黎到＂鍋処＂嘆返個午餐。　熟悉的環境加上貼心的餐廳職員，令我們有種親切的感覺！坐下來不久，店員先遞上熱茶及熱毛巾，認真窩心，還為我們做了個簡介，推介下，我選了＂本日之定食＂之＂陶板燒御膳 - 九洲黑毛和牛”套餐包括有刺身三種、小砵、沙律、白飯、味噌湯、漬物。先黎前菜，賣相相當精緻南瓜沙律 南瓜磨成蓉，加點乾果，口感非常幼滑creamy，配以新鮮的沙律菜及少許酸酸的沙律醬，確實好吃！酒煮矮瓜 、 汁煮牛脷矮瓜煮得很腍很入味，酒濃清甜！牛脷厚切，極富口感！質感爽口非常，非常意外刺身三點刺身非常新鮮，尤其是吞拿魚，入口軟腍！主菜來了 陶板燒定食 - 九洲黑毛和牛嘩！看肉色澤紅潤，脂肪分佈平均，考靚靚呀！（心心眼）首先將陶板燒熱，之後急不及待把黑毛和放上去一放落去，渣渣聲，聽到都已經好想吃啊！仲發出陣陣牛味，好香呀餐廳備有三種醬料檸檬汁酸酸地好醒胃、香草海鹽好香幾清新、燒汁好惹味嘩嘩嘩！基本上放上陶板燒1-2分鐘就可以吃了！師父之前已經加了少許鹽及黑椒，所以不用調味，就這樣吃也超級好吃的啊！那和牛口感軟腍，入口即溶

朋友相約出來食日本菜, 打算在銅鑼灣一帶，吃飽之後又可以在附近逛一逛shopping一下， 於是在openrice search一下找到這一間在開平道1号，Cubus 6樓的 "鍋処雪舟"。 步行到開平道這一邊我覺得特別舒適，比較在銅鑼灣地鐵站附近舒服寧靜得多，喜歡這邊靜中帶旺。這間餐廳佈置好舒适， 一開𨋢門就看見兩間榻榻米房間， 另一邊是有魚生吧枱和開揚座位， 枱與枱空間都好闊落。 餐牌上都有好多不同定食選擇， 價錢合理，配合這樣的環境， 性價比高， 但最緊要食物質素， 這個特選套餐非常豐富所以我們打算叫一個套餐share再加一個雜錦魚生飯定食。前菜南瓜蓉沙律，南瓜配有提子乾和合桃好清甜可口，鴨胸肉配芝麻豆腐，味道香濃。這個吞拿魚腩和縞鰺刺生，魚腩軟滑鮮甜，非常新鮮。香蔥吞拿魚蓉小卷， 魚蓉鮮味配軟軟的珍珠米， 這個小卷都做得很出色。這個火鍋有黑毛和牛，牛肉油脂分佈均勻非常嫩滑，牛味香濃，還配有廣島蠔松葉蟹鉗， 帆立貝， 野菜籃， 好豐富兼美味雜錦魚生飯，魚生種類多，份量亦不少，鮮甜美味。這餐日本菜吃得非常滿足，無論環境，食物質素，服務殷勤。我覺得物有所值

平時約朋友食lunch係好困難，因為朋友們都要返工，所以就約左朋友星期六食lunch，食咩？當然係大家都喜愛既日本菜啦！銅鑼灣食廈CUBUS 都有唔少食店，今次就食6樓既呢一間食店！餐廳內仲有房間，私隱度更高！坐左喺房入面有需要就可以按鈴，咁店員就會入來幫忙。午餐有定食，壽司，刺身或者鍋膳選擇，定食可以揀銀鱈魚西京燒，陶板燒御膳，三色丼同埋美國肉眼扒等。至於鍋膳就可以揀美國牛小排，日本雞腿肉，日本豚肩肉，日本A4九洲黑毛和牛，日本A5日本神戶牛同埋A5 飛驒牛。前菜有小鉢，沙律等，當中呢三款我較喜愛南瓜蓉沙律同茄子，當中南瓜蓉沙律既南瓜味道幾香濃。陶板燒御膳，朋友選擇左美國牛小排 ($320)，配上刺身三點。店員幫忙燒，很貼心。個人認為美國牛小排確實okay，肉汁多，肉質鬆軟，唔錯。白桃梳打，喺呢個夏天當中飲係幾清爽。鍋膳既 set 肉類選擇頭先講左，湯底選擇可以揀大蔥風味鍋，昆布清湯鍋或者壽喜燒 (suki-yaki)。A5 飛驒牛再配上野菜拼盤減低油膩感，感覺上健康點。當然，全日既重點就一定係呢款，A5 飛驒牛，望落睇到油脂分布多，睇落都正。食落質感柔軟得很，我喜歡。甜品就有牛奶布

週六爸爸要開會，靚靚媽咪一聲話想食和牛，細佬即上網覓食，好輕易咁就喺銅鑼灣家「鍋処雪舟」成功訂座，效率同平時工作時一樣咁堅！步出升降機門，即見左旁陳列架上擺滿名貴清酒o既酒樽，未入座已聞到高級食府陣味。餐廳佔用面積全層，門面流線形o既禪式設計和風得黎極富時代感。右手邊為樓底高高及空間感足之用餐大堂，近窗一排二至四人散座，中央則為圍繞著開放式廚房之吧位。細問下得知店內有三間私人廂房。最右方嗰間有窗透光o既可容納十至十二人。可能訂位時提過有意點食「和牛壽喜燒」，二人居然被安排入座其中一間榻榻米房內，豪華得很。房中架上o既日本清酒及紅酒酒樽全為名牌，更顯氣派非凡。不過最深得小肥心o既就係穿上鼻環o既飛驒牛公仔，超萌！埋位先有熱茶及熱毛巾，窩心暖手。好快仲幫兩口子落埋單添。由於房間長期關上敞門以增加私隱度，食客如有需要搵服務生，只要簡單按鈴即可。壽喜燒鍋膳之A5日本產飛驒牛（$480）：壽喜燒鍋膳原來大部份係由專人即場燒煮，所以上食材前要先備好爐具及醬汁。燒煮壽喜燒所需之醬汁包有木魚湯及師傅秘淆之壽喜燒汁。鍋膳包有三款前菜，其中甘薯沙律都幾飽肚。最有驚喜就係個香濃潤甜o既酒煮矮瓜，美味程度居然

Last Saturday, I went to this Japanese restaurant in Causeway Bay with my friend. The environment was first class, comfortable and clean. We ordered 2 lunch sets and the portion was just enough! Each lunch set comes with a salad, tiny starter, main course and a dessert plus drink. The potato egg salad looks like an icecream ball with egg whote inside, which tastes sweet. I ordered a sashimi plate with eight kinds of sashimi, including tuna, salmon, simmered shrimp, drag, scallop, left mouth fish

環境5分：高級餐廳格局，樓底夠高夠姿勢，Ｄ位又夠闊又唔會背對背，無分可扣。衛生5分：木地板乾爽，Ｄ枱呀櫈呀都好整齊，Ｄ碟有雲石紋，好靚，一樣滿分。服務5分：服務生超級有禮貌，果然係高級日本食府。味道5分：1)      壽司膳12貫，顧名思義有12件壽司。一字排開咁放，睇到都特別想食。唔知道係廚師特別鋪排，有心定無意，頭尾嗰兩件就係本人最愛，三文魚子壽司同埋大拖羅壽司。 好嘢要食先 所以次序都唔分啦。左口魚壽司煙韌，左口魚邊壽司卻非常爽口，甜蝦壽司同帶子壽司新鮮清甜。2)      前菜頭盤有紅蘿蔔牛肉粒，超級淋嘅茄子，同埋沙律。牛肉粒同茄子最驚喜，真係超級好食。3)      甜品奶味好香，甜甜涼涼。4)      凍齋啡好濃好提神。抵食4分：餐廳响銅鑼灣出名租貴間食廈，壽司午餐三百幾，包囇前菜，頭盤，甜品，凍飲，夠包肚，價錢係咁上下，可以畀四分。

有個朋友去日本工作左幾年最近返左來香港早排約我食飯話帶我食好野咁話佢對日本餐廳好有要求可能留o係日本都一段時間受到日本人認真嘅態度影響我相信佢介紹得一定係有高質素保證一來到就覺得去左日本咁呢度有超開揚bar檯、餐檯同廂房lunch set有好多選擇lunch set包左小砵、沙律同漬物我地點左飛驒牛同牛小排set大蔥醬油鍋膳（日本産飛驒牛）前菜非常豐富我第一次食飛驒牛非常驚喜口感軟綿嫩滑蔬菜非常豐富同新鮮個餐附送彈牙烏冬（可轉白飯）又滑又彈牙個大蔥湯底非常香係餐廳自家調製陶板燒定食 （美國牛小排）牛小排燒完肥美甘香牛肉味濃前菜南瓜同番薯燒到面頭帶微微焦香yummy:最後有甜品食牛奶布丁超滑好好食整體感覺好滿意環境同服務一流食物高質素高唔洗飛日本都食到好野真係太幸福啦ps.餐茶叫左熱咖啡口感香滑味道香醇

Went to this restaurant for me and my boyfriend's first anniversary. As im a person doesnt eat raw food, my bf will need to find a restaurant with both cooked and raw food to cater his and my taste bud. I ordered the wagyu hotpot lunch set, the beef is so soft and delicious, the price justify the quality of the beef, i gave it a thumb up! The set also include a vegetable basket, a rice and milky pudding as desset. Although the portion of the beef is small, everything added up and fill my tummy I

岩岩個星期六，跟朋友來吃日本菜，環境方面一流，舒適又乾淨。訓醒無耐胃口不大，只是分別點了兩份午餐套餐。每款午餐有沙律，小鉢，前菜及甜品飲品，薯仔蛋沙律如如雪糕球般，整球都是薯仔蓉，內裡還有一點蛋白，味道甜甜地。我就點了份刺身八種盛，八款刺身有吞拿魚，三文魚，剌身蝦，拖羅，帶子，左口魚同油甘魚。每款刺生都好厚，我首選當然係拖羅啦！我朋友就點了大蔥醬油鍋配日本產飛彈牛，飛驒牛肉質顏色非常討好，入口薄滑唔在話下，而且油脂分佈平均。我就先灼熟飛驒牛後才把蔬菜放入鍋，蔬菜藍約6至7款新鮮蔬菜。最後最後就食埋味道可口既甜品，牛奶布甸，牛奶味超濃！唔聲唔聲真係好飽肚！

星期六約咗個好耐冇見嘅朋友去食飯，咁耐冇見決定去食好啲。朋友帶咗我去利園附近一間嘅一間日本餐廳，一出電梯已經感覺到濃厚嘅日本氣氛。餐廳裝修恍如置身日本，地方大環境光猛，而且有獨立房間。午餐嘅款式相當之多，真係花多眼亂。開放式嘅廚房，見到廚師用純熟嘅手法處理緊食材。仲擺放左好多非常新鮮嘅海鮮。首先係前菜，前菜已經相當精緻，魚生厚切而且新鮮，茄子非常入味，南瓜蓉加咗乾果口感豐富。美國牛小排，脂肪分布平均，而且肉嫩多汁。到非常期待嘅飛彈牛，脂肪分布與幼鹿遍布非常美觀，入口即溶，店員介紹湯底特別調製，非常配合飛彈牛。仲配上鮮嫩翠綠嘅蔬菜，以及煙韌彈牙嘅烏冬。最後仲附送咖啡同甜品，咖啡味非常香濃，甜品係牛乳布甸口感幼滑甜度恰到好處。

Went to Nabe-Dokoro Sessyu for lunch last weekend, and love their food very much. The restaurant offers various lunch sets, mainly Japanese style hotpot with different kinds of high-quality beef.We ordered two lunch sets, which are the daily special grilled beef set and the soy soup base hot pot set. The set came with appetizer, sashimi, salad and miso soup. All of them were tasty. The highlight was definitely the Japanese HIDA beef. The beef was so juicy and tender, and there were various sauce

置身飛驒高山中好耐無去日本旅行，很懷念日本頂級的飛驒牛，今日到銅鑼灣買傢具，行到累一累，小女人帶左我去鍋処雪舟享受午餐。我地點左一份牛小排，一份飛驒牛。一上枱，非常精緻，每份大約4塊，配有白飯烏東。前菜的沙律拼盤非常清新，我地還加了一份魚生。每一塊牛雪花靚得令人讚歎。薄切後的飛驒牛牛香肉嫩，令人回味！牛小排肉肉味很濃，非常美味。鍋物還有新鮮蔬菜，2人份量。最後的甜品令人欣喜，嫩滑中一點甜！期待再訪是再吃這甜品。

又來到星期六，要同愛人出去食返餐好嘅。今日嚟到銅鑼灣依幢大廈，聽聞有好多好嘢食。今次就試吓日本餐，朋友話佢啲牛好出色。環境都很舒服， 10分舒暢和有日本風情。另外還有小房間可以給私人派對飛驒牛來了。肥膏同肉的分布非常均勻，也可以另配烏冬，放入火鍋滾一滾。另外仲有前菜，最喜歡的南瓜蓉沙律。另外還有不同的醬汁，自己最喜愛芝麻汁。仲有燒牛肉，侍應十分有耐性介紹這是由美國來的。這個還有一個飯配搭，非常滿意。甜品有牛奶布丁或者雪糕選擇。我選了曲奇牛奶雪糕。最後還有餐飲！整個午餐都十分滿意。