鍋処雪舟 (已結業)

環境5分：高級餐廳格局，樓底夠高夠姿勢，Ｄ位又夠闊又唔會背對背，無分可扣。衛生5分：木地板乾爽，Ｄ枱呀櫈呀都好整齊，Ｄ碟有雲石紋，好靚，一樣滿分。服務5分：服務生超級有禮貌，果然係高級日本食府。味道5分：1)      壽司膳12貫，顧名思義有12件壽司。一字排開咁放，睇到都特別想食。唔知道係廚師特別鋪排，有心定無意，頭尾嗰兩件就係本人最愛，三文魚子壽司同埋大拖羅壽司。 好嘢要食先 所以次序都唔分啦。左口魚壽司煙韌，左口魚邊壽司卻非常爽口，甜蝦壽司同帶子壽司新鮮清甜。2)      前菜頭盤有紅蘿蔔牛肉粒，超級淋嘅茄子，同埋沙律。牛肉粒同茄子最驚喜，真係超級好食。3)      甜品奶味好香，甜甜涼涼。4)      凍齋啡好濃好提神。抵食4分：餐廳响銅鑼灣出名租貴間食廈，壽司午餐三百幾，包囇前菜，頭盤，甜品，凍飲，夠包肚，價錢係咁上下，可以畀四分。