鉄人旨花

营业中

休息中

一直都想食即席有師傅在面前烹煮的鐵板燒，但無奈價錢太貴都不捨得吃。難得發了花紅成績不錯就決定跟同事豪食一次。餐廳環境很舒服，店面大概有4台鐵板燒爐，每台可以坐8人，點好餐後師傅就會在你面前即煮，非常新鮮。我們選了二人份的鱈場蟹鐵板燒，內容非常豐富。前菜是手作沙律配三文魚子帶子，沙律菜新鮮，加上一點黑醋又香又開胃。三文魚子入口即溶，第一次吃如此高質的，而帶子都好厚身鮮甜。汁煮東星斑。師傅很用心地把魚皮切下來再煎香，食落香胞可口。魚肉質是結實鮮甜，可以夾住煮得又軟又甜的洋蔥吃。清酒焗鱈場蟹，食落新鮮，完全不會有雪藏味。而且師傅已經把殼都剪開，很客易就可以起到成條蟹肉出來。熊本縣產A5和王牛，未煮前可以望到和牛雪花很細膩，分佈均勻。我點了7成熟，師傅把火喉控制得很好。外面煎得脆香，切開中間的肉粉紅色而又不會滲出血水。入口濃郁的油脂味和牛肉味湧出來，雖然有油脂豐富，吞下時卻完全不覺油膩。蟹膏炒飯，粉飯粒粒分明炒得很乾爽，入口有很香的蛋香和蟹膏味，非常不錯 😋清酒煮蜆，蜆肉肥美大粒新鮮，用清酒煮得很入味。宇治抹茶布甸，套餐有三款甜品選，我就選了布甸。布甸很滑溜，而且是清香的抺茶味，跟平時在街吃的

不需要等記念日，現在就想食。好彩即慶BOOK都有位, 好好彩。一入去, 好簡潔舒服的一間鐵板燒。值得一讚 : 店內無油煙味, 無燒野食味。手作前菜: 帶子+三文魚子，帶子係半熟, 口感好滑，魚子的小小咸味令帶子更加鮮美。沙律羅馬生菜非常新鮮配埋wasabi酸汁, 都幾醒胃架。海膽汁煮龍蝦: 第一個感覺 好大隻龍蝦呀仲郁緊架 (好想大叫出黎) 師傅三幾下手勢就已經將龍蝦肉起左出黎煎。上碟時既擺設好靚, 店只仲同我地講花瓣係可以食用架。龍蝦肉同海膽汁極度鮮甜，加上龍蝦肉本身爽口彈牙。真係好好味紅酒鵝肝: 師傅煎到底面焦香,真係好香, 連埋脆卜卜多士一齊食, 到最後一啖我都好唔捨得>< 日本A5熊本和牛, 等左你成晚喇。牛肉我揀左5成熟，靚牛唔洗搞咁多野架, 只需小小鹽同胡椒，已經好夠味(師傅功夫搭夠) 。裡面小小生加上外面小小焦脆，啲肥膏一啖咬落去入口即溶，好多肉汁，成口都係牛肉既香味。真係好滿足！和牛炒飯繼續延續成口和牛味。飯夠乾身同蛋溶合，加埋小小蔥後減少油膩既感覺。清酒煮蜆, 咁清甜又新鮮我梗係連湯都飲埋啦^^最後加多個黑松露芝士雪葩做甜品，成餐飯好滿足。

今日家姐話…想食日本嘢，我哋約咗晌銅鑼灣見，我想起，有座大厦，好多嘢食，於是就二話不說，同家姐行過去，一眼就見到，有兩間食日本料理。即管睇下，啱唔啱食啦，價錢會唔會太貴啦！當然，食得日本料理，都唔好諗住太便宜吧！又ok喎，我哋兩個人，order咗兩個唔同款套餐，埋單 $550.-,合理價錢，食物質素，超出預期……好！環境……好！招呼……好！絕對要再嚟，下次要帶埋最錫嘅人嚟。今次，我哋淨係食咗刺身、壽司，下次想試下鐵板燒。

老公在工作上將會有新發展, 為了好好慶祝一番, 同慰勞一下老公工作既辛苦, 決定食一餐好的晚餐, 推動大家一起勇往直前! 餐廳裝修充滿日式風格, 感覺優閒舒適!鉄人旨花主打鐵板燒和廚師發辦, 今次我地決定品嚐一下有師傅在我地面前烹調美食的鐵板燒!伊勢海老鐵板燒套餐(二人前) $2,088手作前菜沙律菜新鮮爽口, 配以日式醋同芥辣作為醬汁, 清新開胃!另一道手作前菜 ,  帶子拼三文魚籽！帶子煎至微焦, 內裏鮮甜嫩滑, 三文魚籽提升鮮味及口感！海膽汁煮龍蝦 嘩！主角龍蝦好大隻呀！睇住師傅將龍蝦放上鐵板時, 乍乍聲, 之後就聞到燒龍蝦的香氣，令人期待！龍蝦煎至半熟後, 師傅以純熟的手法將龍蝦起肉, 切件, 加入醬汁再炒勻! 我地可以欣賞整個過程及師傅的功架, 真的賞心悅目!賣相擺盤非常精美! 上面用上龍蝦鬚和溫室玫瑰作裝飾, 下面一抹海膽龍蝦膏醬汁!上菜時, 店員貼心介紹菜式, 溫室玫瑰原來可以食用!龍蝦肉質鮮甜彈牙, 煮得岩岩好, 再加上海膽龍蝦膏醬汁, 味道更加濃郁鮮味, 令人一試難忘! 超讚!汁煮東星斑 師傳先將魚皮煎香, 然後把魚皮拆下, 師傳花了很多心機反覆煎和擠壓魚皮, 令魚皮

之前同同事食飯，試過嚟呢間鉄人旨花食鐵板燒，今次再同朋友嚟，水準依然好高。我哋嗌咗個伊勢海老同和牛套餐，入面有前菜沙律，汁煮東星班，海膽伊勢海老，A5和牛，和牛炒飯，清酒煮蜆加個甜品，非常豐富。前菜好清新，有唔同既沙律菜加埋帶子肉，食落好開胃，尤其帶子肉好甜好厚肉，正。汁煮東星班，廚師將脆脆既魚皮插係魚肉，唔會被汁浸淋，而家魚肉好滑好實肉，點埋醬汁好好味。海膽汁煮伊勢海老，即係海膽汁龍蝦，海膽汁煮得好creamy，好甘甜，加埋爽口既龍蝦肉，食落甜上加甜，好夾，而且龍蝦肉好多肉汁，好鮮味。擺碟都好靚好有心思。而a5 和牛煎得好香，肉入面好有油脂，好香牛味，而且入面仲係好粉紅色，咬落去好多汁。仲有好飽既和牛炒飯，和牛粒同埋蛋花炒，加上唔同既野菜粒，層次分明。清酒煮蜆，粒蜆肉煮得好嫩，吸收曬清酒味，好正。仲有手製既雪芭，有香濃既芒果味同檸檬味，食到好飽，下次會再試下其他嘢食。

好耐冇食鐵板燒了， 香港要搵好味嘅鐵板燒，其實都幾難，雖然日本餐廳真係好多，但要做到好味嘅鐵板燒， 除咗要有師傅嘅功架之外， 仲好講求食材嘅新鮮度，處理嘅手法等等。今次食嘅呢一間鐵人旨花， 我諗係喺香港入面，水準算係幾高嘅餐廳，而且食物同處理手法都非常之高水準，就好似去咗日本一樣，食到當地原材料嘅鮮味， 仲可以睇到到師傅烹調嘅表演。一入到去環境非常之優雅， 而且仲可以好近距離睇住師父烹調食物。有唔同嘅日本擺設 ，亦有各種嘅酒類提供。同友人選擇咗伊勢海老鐵板燒套餐， 先嚟嘅係手作前菜，即是野菜沙律配芥末沙律汁，及三文魚子配帶子。沙律方面非常新鮮，蔬菜夠曬冰凍之餘，食落亦非常清甜嫩口，尤其是蘆筍同番茄仔，每粒嘅番茄都好似食緊水果咁，又甜又多汁， 而且蘆筍非常之清脆， 點埋酸酸甜甜嘅芥末沙律汁，非常之開胃清新。而帶子亦都非常大粒， 肉質鮮嫩之外，表面有輕烤過， 但仍能保留帶子肉嘅嫩滑口感 。底下有幾粒鹹鹹地又脆脆哋嘅三文魚子，一齊食落非常之夾。之後就有汁煮東星斑，師傅好細心咁介紹，先用牛油同醬油煮汁，加上洋蔥絲，再香煎香肉及魚皮，配上日本食用菊花，令湯汁有甜甜既花味同洋蔥味。而煎過既魚皮好脆

今天回到公司,老闆突然說今天請客,作為成日OT的補償,作為下屬的我地,當然很開心♥等到放工的時候,老闆車我地去銅鑼灣,...然後我同事細細聲說一句...會不會係銅鑼灣食米線,就當係請客...聽到我同事咁講.我心裡都有點擔憂...幸而老細剛好停車,指了前面的。鉄人旨花。佢充滿豪氣說就是這間。我和同事雙眼突然眼前一亮...日本野啊...不是食米線啊!!!嘻嘻...這裡的環境不但好大,而且佈置也很有日式的味道。這裡有幾張鐵板燒的桌子,可以一邊看師父即燒即食,又有一番的滋味。我和我同事就食這個「鱈場蟹鉄板燒 - 二人前-$2088」由前菜到和牛,炒飯,甚至甜品也應有盡有,看到這個餐單,馬上好多謝老闆的豪氣...嘻嘻-手作前菜很新鮮的沙律,加了醋,有點微酸,還有大大粒的帶子,附上又圓又有光澤的魚子,相當開胃的前菜-汁煮東星斑這碟的賣相已經好精緻,並將魚皮和魚肉分開,魚皮並煎乾,食下去香香脆脆,相當脆口。對於討厭魚的我來說,最害怕就是魚骨,但這裡的師父已經挑走所有魚骨,能夠每啖入,都是鮮嫩滑的魚肉,配上湯汁,不會覺得咸,湯汁也會有絲絲的洋蔥,食下去甜甜的,連討厭食魚的我,也覺得好好食。-清酒焗鱈場

在銅鑼灣頗有名氣的鉄人旨花，主打鐵板燒和廚師發辦。雅致的日式裝潢，予人輕鬆自在的感覺，能讓人放鬆心情好好去享受美食。老婆想食燒海鮮，所以我哋揀咗伊勢海老鐵板燒套餐，即係燒龍蝦套餐，有魚有龍蝦有蜆，仲有埋和牛添。手作前菜 - 芥茉酸汁沙律先來的是前菜，Order咗冇耐就送過黎喇。蔬菜新鮮爽口，Dressing微酸帶一點點的芥茉香味，令整體更清新，很開胃的前菜。手作前菜 - 帆立貝拼三文魚籽帆立貝表面煎至微焦，內裡半生熟，輕輕咀嚼，帆立貝的鮮甜味湧出。伴三文魚籽同食，鮮味以幾何級數提升，正到冇朋友。海膽汁煮龍蝦師傅先把龍蝦的觸鬚除下，加入少量食油，放上鐵板上煎至定型，放在旁邊備用。到處理主角了，原隻龍蝦開邊，放上鐵板時，傳來Ja Ja的聲響，隨之而來是燒龍蝦的香氣直噗我的鼻，令我口水直流師傳同時準備了一個小Pan，加入醬油、牛油、龍蝦膏和海膽，烹調醬汁。龍蝦煎半熟時，師傅像表演似的，以純熟的手法將龍蝦起肉再切塊。而我們就像小影迷般，一直欣賞著整個料理過程。把濃縮的醬汁加入龍蝦肉再炒勻，就開始擺盤上碟了。汁煮龍蝦肉，上面伴上裝飾用的龍蝦鬚，和一朵溫室玫瑰，下面一抹海膽龍蝦醬汁，賣相相當精美。

我一直都好想去有廚司即場整菜式嘅餐廳今次就同朋友黎到呢到一見到個鐵板就好興奮就算唔係自己落手整都好期待 我地第一次黎又想食好野就問下店員有咩介紹佢就話最近嘅白象拔好新鮮仲要係來自北海道我地就已係唔放過任何美食叫左呢個餐呢個餐真係樣樣都咁好食特別係呢幾個真係一試難忘 一開始就有手作前菜沙律好清新食落有少少酒味好開胃扇貝配埋三文魚籽好夾食落海鮮味好濃郁再加埋下面一層奶油好好味呢個日本白象拔好大隻仲大過我塊面廚師切開唔同部分再一齊炒唔同部分有唔同口感有D爽D 有D膏狀D但都好正而且炒得好新鮮 不得不提熊本縣產A5和王牛和王牛煎得好有口感外面脆脆地入面就好鮮味牛肉味好香配埋配菜或者唔同醬料食有唔同口味最特別既煮酒就一定係呢個清酒煮蜆好似睇緊魔術表演咁廚師會燒走D酒精其間好太火廚師完全處變不驚真係佩服佩服之後再落蜆湯去煮飲落清清地又有少少酒味飲完好暖胃而蜆都好新鮮好好味食落唔覺有沙製作得好完美最後就係甜品呢個柚子雪芭一送上就已經聞到好香我都幾鍾意食雪芭因為就算食得多都唔會好膩呢個雪芭既口感好滑真係好滿足呢一餐真係由頭滿足到尾食完心情大好

位於謝斐道嘅鉄人旨花，睇見樓下嘅門面都好靚，有條燈火通明嘅樓梯直上去坐𨋢，鉄人旨花位於大廈嘅2樓到門口招牌位都整得好靚直行到入店內，店內除左有三張半圓形吧鐵板燒吧枱位外，餐廳亦設有壽司吧枱位，獨立房我地今晚就坐喺第一張枱，一枱大概坐6個人蝦夷鮑魚鉄板燒呢個餐有鮑魚、鵝肝、仲有和牛好吸引呀是晚精選先嚟個沙律菜醒下胃先火炙帆立貝刺身加三文魚子稍稍炙燒過表面嘅帆立貝能帶出有香味，與刺身滑溜口感和鮮甜味頓時湧現晒喺口腔。日本蝦夷鮑魚成隻手掌咁大嘅鮑魚，肉質夠晒厚，師傅喺鐵板上慢慢咁燒熟燒到差不多熟，師傅幾下手勢就將鮑魚起殼，切成一片片厚薄適中嘅鮑魚片加少少鹽、胡椒粉，再洒返鮑魚本身嘅肝汁稍作調味伴碟有忌廉香草醬加啲三文魚子、雞冠草、仲有煎香左嘅鮑魚肝粒鮑魚好香口、好彈牙有口感呀，蘸埋呢個醬更加鮮甜無比作為配菜嘅鮑魚肝亦都好鮮甜惹味紅酒煎鵝肝師傅一邊煎鵝肝、一邊烘緊多士，見到鵝肝開始變得金黃色，油脂豐富，最後加點紅酒就可以上碟睇下隻碟佈置得幾靚，有幾片菊花、玫瑰花瓣，再放將鵝肝放喺多士上面，再唧啲醬汁作點綴，睇見都賞心悅目，胃口大增鵝肝厚度也剛剛好，咬落甘脆內裡軟熟即溶嘅感覺，油脂豐腴甘香，油份

大學同學即將到外國留學 今餐要食好啲同佢farewell 年幾前來過「鉄人旨花」 印象唔錯 雖然貴 但係超好味每個座位都pre-set咗紙巾 包裝入面嘅原來唔係濕紙巾 而係好薄嘅濕毛巾！我哋order咗「伊勢海老鉄板燒」2人餐首先係好有心思嘅「手作前菜」其中一份係以wasabi酸汁做dressing嘅沙律 入面有水菜、筍、生菜、車厘茄... wasabi唔嗆鼻另一份係半生熟火炙帆立貝 柔質有彈性 容易咀嚼 下面有一pat貌似沙律醬 係帆立貝味嘅醬料大廚開始炮製主菜啦 我哋一邊食 一邊睇煮大廚煮嘢食 心情特別興奮！而且佢可以mon住我哋嘅進食速度而決定幾時開始煮首先係「海膽汁煮龍蝦」真係方便 廚師將蝦肉起哂出來 平分兩份 只保留蝦鬚做裝飾 由於海膽汁混入龍蝦膏 令味道更能跟龍蝦肉相融 仿佛醬汁就係龍蝦本身嘅汁液第二道菜係「汁煮東星斑」唔知佢用咗咩汁.. 但係甜甜地好好味 以洋蔥拌碟 洋蔥煮得好淋好入味 無咗本來嘅刺激味道東星斑起哂骨 肉質嫩滑鮮甜 容易咀嚼插喺魚肉上面塊魚皮好似薯片咁脆！主角係「熊本縣產A5和王牛」上次食嘅時候 廚師落埋牛油煮 今次無再用 反而減去多餘的油膩感 因為呢度用

想食高級日本料理一定要有個理由，因為真的是高級享受，返工太辛苦就是一個好藉口讓自己享受一下🤣鉄人旨花非常有意思的名字，是鐵板燒和刺身，廳面很大，半圓台的設計，讓你一邊欣賞廚師的功架，一邊品嚐廚師的廚藝，一樣食物的由製作到成本，都在你面前程現出來，視覺同味覺的享受。手作前菜各種新鮮蔬菜在黑醋和麻醬的調味下，更顯鮮美。紅酒煎鵝肝，肥美的鵝肝在師傅純熟的手勢下變了微黃金色，鵝肝在紅酒的調和下非常滋味，鵝肝油滲入香脆的多士，沒法形容的口感。A5和牛7成熟，外焦裡嫩，只需小小鹽同胡椒，已經足夠鮮美。牛肉入口即化，肥花十分均勻，一啖咬落去，肉汁豐富，好滿足！無能媲美這口感。海膽汁龍蝦，每人半隻龍蝦，廚師兩三下手勢就會直接幫龍蝦起肉，未食賣相就已經好靚，每樣食物都精心擺盤，絕對唔馬虎，食落鮮十足，香味讓人垂涎三尺🤤爽脆的龍蝦肉。和牛炒飯，不油，粒粒分明，廚師真係不得了，沒有太多的調味料，但食起上黎鹹香宜人。最後食的清酒煮蜆，廚師用錫紙整左個兜,先倒入清酒，再點火燒著,就像表演一樣，好吸引，然後再放蜆入去煮。大蜆配上清酒更顯鮮味，整個清汁湯底都飲曬，回味無窮。一個甜品作結尾。對於我來說，這真的是高級享