影片
更多
2018-07-18
75 浏览
特別日子緊係要同特別嘅人一齊渡過啦 今晚我地選擇左銅鑼灣呢間食鐵板燒嘅餐廳慶祝 🎉到左餐廳樓下, 只要見到呢條發光嘅長樓梯, 就即係代表搵啱地方｡然後, 行到樓梯嘅盡頭, 搭專屬嘅電梯上 2 樓｡上到 2 樓, 一開電梯門, 就會見到餐廳大大個招牌, 天花掛左好多櫻花 🌸 做裝飾｡餐廳分左壽司區同鐵板燒區, 壽司區係一條好長, 可以坐十幾人嘅吧檯｡ 鐵板燒區有 3 張半圓形嘅鐵板燒檯, 而每張鐵板燒檯大約可以坐 9 位客人｡晚市時段有 4 款鐵板燒嘅二人套餐, 主要係海鮮部份嘅分別, 價錢大約要 2 千幾蚊起｡白象拔鐵板燒二人餐蝦夷鮑魚鐵板燒二人餐鱈場蟹鐵板燒二人餐伊勢海老鐵板燒二人餐 (我們最後揀左呢個)手作前菜前菜有兩款: 沙律 & 半熟帆立貝🥗 沙律菜好新鮮, 配上特製嘅芥末酸汁, 作為前菜, 真係非常開胃｡帆立貝上鋪左小小大魚籽, 帆立貝煮到半熟, 配埋忌廉白汁, 令食起黎好香滑｡汁煮東星斑師傅先將洋蔥炒至焦黃, 然後再加入日式上湯一齊煮個醬汁｡ 東星斑先煎香, 然後放入洋蔥汁裡略為再煮一下, 師傅將魚皮慢慢片出黎繼續煎至脆身｡師傅喺菜式嘅擺法都落足心機, 用左兩款食用花瓣
到左餐廳樓下, 只要見到呢條發光嘅長樓梯, 就即係代表搵啱地方｡
然後, 行到樓梯嘅盡頭, 搭專屬嘅電梯上 2 樓｡
上到 2 樓, 一開電梯門, 就會見到餐廳大大個招牌, 天花掛左好多櫻花 🌸 做裝飾｡
餐廳分左壽司區同鐵板燒區, 壽司區係一條好長, 可以坐十幾人嘅吧檯｡ 鐵板燒區有 3 張半圓形嘅鐵板燒檯, 而每張鐵板燒檯大約可以坐 9 位客人｡
晚市時段有 4 款鐵板燒嘅二人套餐, 主要係海鮮部份嘅分別, 價錢大約要 2 千幾蚊起｡
白象拔鐵板燒二人餐
蝦夷鮑魚鐵板燒二人餐
鱈場蟹鐵板燒二人餐
伊勢海老鐵板燒二人餐 (我們最後揀左呢個)
手作前菜
前菜有兩款: 沙律 & 半熟帆立貝
🥗 沙律菜好新鮮, 配上特製嘅芥末酸汁, 作為前菜, 真係非常開胃｡
帆立貝上鋪左小小大魚籽, 帆立貝煮到半熟, 配埋忌廉白汁, 令食起黎好香滑｡
汁煮東星斑
師傅先將洋蔥炒至焦黃, 然後再加入日式上湯一齊煮個醬汁｡ 東星斑先煎香, 然後放入洋蔥汁裡略為再煮一下, 師傅將魚皮慢慢片出黎繼續煎至脆身｡
師傅喺菜式嘅擺法都落足心機, 用左兩款食用花瓣 (日本坂本菊 & 溫室玫瑰) 作伴碟｡
洋蔥汁煮到非常香濃, 完全能夠帶出洋蔥獨有嘅甜味｡ 東星斑煮到剛剛好, 肉質仍然保持到好細嫩, 微微索左洋蔥嘅味道｡ 魚皮亦非常香口, 食落去脆卜卜｡
海膽汁煮龍蝦
睇住師傅煮龍蝦簡直好似睇表演咁, 龍蝦輕微煎過後, 師傅用純熟技術, 好輕易就將 D 龍蝦肉完整咁起左出黎｡
醬汁係用新鮮海膽同龍蝦膏一齊煮, 所以味道非常濃郁｡ 龍蝦煎香後仍保留到鮮味, 肉質結實得黎又好彈牙, 沾上少少海膽汁一齊食, 真係冇得輸呀
熊本縣產 A5 和王牛
師傅先問我地個和牛想食幾多成熟, 然後就開始將和牛同其他配菜放落去鐵板上煮｡
和牛每人有 5 粒, 生熟度啱啱好, 完成符合我地嘅要求｡ 師傅建議我地先食個原味, 然後再試沾上海鹽、Wasabi 或酸汁食｡ 咁靚嘅食材, 當然原味係最正啦｡ 肉質非常軟腍, 微微帶點和牛嘅油香, 肉味亦好香濃
配菜有大啡菇、蘆筍、南瓜 & 炸蒜片, 南瓜嘅甜, 蘆筍嘅嫩同大啡菇嘅多汁, 絕對唔可以睇少, 而炸蒜片更加唔可以錯過, 香脆味濃, 好想叫師傅 Refill
和牛炒飯
個飯炒到好乾身, 用和牛碎、蛋、洋蔥粒、蘿蔔粒一齊炒, 炒到粒粒分明, 蛋味較重, 同時亦食到微微嘅和牛油香｡
清酒煮蜆
清酒經慢煮後，酒精已經完成揮發, 然後放入蜆一齊煮｡ 蜆肉非常新鮮, 唔會煮到過老, 味道好鮮甜｡
京都培茶布甸
布甸嘅培茶味唔算好突出, 但勝在唔會好甜｡
清酒櫻花雪糕
可以食出輕微嘅清酒味, 但櫻花味就 …… 雪糕上面有 D 脆粒, 增加唔少口感｡
张贴
