影片
更多
2018-07-29
71 浏览
好耐冇食鐵板燒了， 香港要搵好味嘅鐵板燒，其實都幾難，雖然日本餐廳真係好多，但要做到好味嘅鐵板燒， 除咗要有師傅嘅功架之外， 仲好講求食材嘅新鮮度，處理嘅手法等等。今次食嘅呢一間鐵人旨花， 我諗係喺香港入面，水準算係幾高嘅餐廳，而且食物同處理手法都非常之高水準，就好似去咗日本一樣，食到當地原材料嘅鮮味， 仲可以睇到到師傅烹調嘅表演。一入到去環境非常之優雅， 而且仲可以好近距離睇住師父烹調食物。有唔同嘅日本擺設 ，亦有各種嘅酒類提供。同友人選擇咗伊勢海老鐵板燒套餐， 先嚟嘅係手作前菜，即是野菜沙律配芥末沙律汁，及三文魚子配帶子。沙律方面非常新鮮，蔬菜夠曬冰凍之餘，食落亦非常清甜嫩口，尤其是蘆筍同番茄仔，每粒嘅番茄都好似食緊水果咁，又甜又多汁， 而且蘆筍非常之清脆， 點埋酸酸甜甜嘅芥末沙律汁，非常之開胃清新。而帶子亦都非常大粒， 肉質鮮嫩之外，表面有輕烤過， 但仍能保留帶子肉嘅嫩滑口感 。底下有幾粒鹹鹹地又脆脆哋嘅三文魚子，一齊食落非常之夾。之後就有汁煮東星斑，師傅好細心咁介紹，先用牛油同醬油煮汁，加上洋蔥絲，再香煎香肉及魚皮，配上日本食用菊花，令湯汁有甜甜既花味同洋蔥味。而煎過既魚皮好脆
今次食嘅呢一間鐵人旨花， 我諗係喺香港入面，水準算係幾高嘅餐廳，而且食物同處理手法都非常之高水準，就好似去咗日本一樣，食到當地原材料嘅鮮味， 仲可以睇到到師傅烹調嘅表演。
一入到去環境非常之優雅， 而且仲可以好近距離睇住師父烹調食物。
有唔同嘅日本擺設 ，亦有各種嘅酒類提供。
同友人選擇咗伊勢海老鐵板燒套餐， 先嚟嘅係手作前菜，即是野菜沙律配芥末沙律汁，及三文魚子配帶子。
沙律方面非常新鮮，蔬菜夠曬冰凍之餘，食落亦非常清甜嫩口，尤其是蘆筍同番茄仔，每粒嘅番茄都好似食緊水果咁，又甜又多汁， 而且蘆筍非常之清脆， 點埋酸酸甜甜嘅芥末沙律汁，非常之開胃清新。
而帶子亦都非常大粒， 肉質鮮嫩之外，表面有輕烤過， 但仍能保留帶子肉嘅嫩滑口感 。底下有幾粒鹹鹹地又脆脆哋嘅三文魚子，一齊食落非常之夾。
之後就有汁煮東星斑，師傅好細心咁介紹，先用牛油同醬油煮汁，加上洋蔥絲，再香煎香肉及魚皮，配上日本食用菊花，令湯汁有甜甜既花味同洋蔥味。
而煎過既魚皮好脆口，薄到好似紙咁，魚肉就吸收曬醬汁，除咗保留魚肉既嫩滑，亦有香口既感覺。
而主角之一既伊勢海老，就用咗海膽汁煮既方式，師傅先用一小碗既海膽加上牛油煮成醬汁，再將原隻伊勢海老燒好切開，連埋海膽汁一齊炒。龍蝦既肉質爽口彈牙，而且非常鮮甜，亦有海膽既甘甜，雖然碟邊附有檸檬，但簡單就是最美，我比較喜歡師傅呢個原汁原味既食法。
非常大隻同新鮮既伊勢海老，好吸引。
鮮嫩多汁既龍蝦肉，非常好味。
另一個主角就係A5 和牛，採用熊本既和牛肉，配上蘑菇、南瓜、露筍同蒜片，靚既牛肉就唔洗搞太多花臣嘢，單純點上少少鹽，已經夠吸引，我就嗌咗五成熟，所以入口非常多肉汁。
和牛脂肪分佈平均，油花充足，所以食落入口即溶，亦滲出大量油脂肉汁，非常juicy。再加少少岩鹽，剛好帶出肉味，不得了。
隨後就係和牛炒飯同清酒煮蜆。飯就唔洗講啦，一碗靚既炒飯除咗粒粒分明，亦要夠乾身，呢碗飯除咗做到以上兩點，蛋汁亦包住每粒飯粒，差唔多做到「金包銀」既效果，加上和牛粒既油香，真係大滿足。
而清酒煮蜆亦都唔錯，清酒及昆布作湯，酒香配上蜆肉，非常暖身，但又唔會搶走蜆既鮮味，唔錯。
最後甜品為芒果檸檬雪芭，芒果雪芭加入點點檸檬皮，味道清新，但唔會蓋過芒果既甜味，為今餐劃上完美既句號。
张贴
