釜之魂釜飯專門店 (淘大商場) (已結業)

係九龍灣交收完之後揾野食,見到呢間幾特別,就入左嚟叫lunch set食, 由於係開放式廚房我一入到去就見到好多一個個鍋係到焗緊d飯 我叫左個汁燒牛肉釜飯,一打開個蓋d香味就出晒嚟牛肉份量好足,同牛肉汁融為一體既飯香真係冇得輸 真係好好食 份量睇落唔係好多但食完好飽食lunch set仲有送前菜同味噌湯 不過前菜係我唔岩食既泡菜嚟冇食到 返到屋企上網search返先知佢地係d飯係經過高壓蒸煮,唔怪得知咁香咁入味再嚟九龍灣一定會再食

朋友喺淘大新居入伙，當然去湊下熱鬧啦，到夜晚一齊去樓下搵食，見到呢間新開無耐，裝修又唔錯，於是就入去試下。我地三個人叫左一個銀魂(贅沢) 加$18跟茶漬飯、一個古味塩麴牛舌盛釜、兩串鹽燒鰻魚串燒、一碟黃金蕨餅。銀魂(贅沢)外表好吸引，一大塊鰻魚好厚肉，食落口有啲咸鮮，不過如果下次再食，我會食金魂，因為金魂多汁好多，我鍾意有汁送飯，個飯本身都幾好食，而且飯量好足夠，另外我地加左18蚊跟茶漬飯，我本身未食過茶漬飯，我覺得都幾好食喎! 古味塩麴牛舌盛釜牛舌份量都幾多，食落口比較淋身，唔會韌，唔係平時食咁爽脆，帶少少鹹香又幾好食。鹽燒鰻魚串燒用鹽去燒，又係有咸鮮，魚皮好有膠質，又脆又軟。黃金蕨餅普通，一黎到已經變左形，相比其他，呢個比較失色。

成日經過淘大商場, 見到封住裝修了好耐的"釜之魂釜飯專門店" 終於開張啦! 比佢個超大鰻魚圖吸引左來食!!甘岩我地果日睇完戲係下午茶時段, 有tea set menu~門口有禁取位的機, 好多人都禁左，等左好一陣都未見有店員出黎叫number, 之後有其他食客直接入去, 先知原來入邊有勁多位, 但冇店員serve, 可能新店開張, 店員仲有點生手吧😅我地係日式鰻魚控, 黎到就梗係要點佢的"招牌": 金魂蒲燒鰻魚釜飯 ($78)聲稱係最肥美, 唔知係咪因為下午茶較平的緣故, 鰻魚一咬落去, 好薄身, 無咩肉地~鰻魚骨通常都好細, 大骨都會被挑走左, 但我就好唔好彩地吞到條大骨, 拮到個喉嚨損左, 唔係講笑都幾痛下, 估唔到鰻魚會食到甘刺喉的骨~而鰻魚汁幾甜, 但汁太少~汁燒牛肉釜飯 ($58)牛肉唔算肥, 仲有d過熟，燒汁都算唔錯，不過夾埋肉整體一般...呢度唯一的好就是採用了日本珍珠米, 米飯確是幾煙韌, 下單後見到台面有介紹軟硬飯之分, 需要木蓋和飯勺的工具, 但上菜時無提供，由頭到尾亦都冇職員提過, 作為一間日食專門店, 確是有失專業!茶漬飯+$18, 台面有個介紹食法~加一服務收

夜晚七點嚟到淘大呢間釜之魂 有好多人排隊，埋去望下個menu原來係鰻魚飯🐟🐟🐟好吸引呀😍😍😍完全畀佢"超特大肉厚" 呢五個字吸引咗😆😆今晚一定要食佢!!!兩個女仔想試多啲嘢，所以嗌咗一個飯share (當然就係嗰個金魂飯啦😝😝😝!!!) 另外仲叫咗梅干手羽先🐔/黑松露玉子燒🐣/鹽燒三文魚頭🐟/甘露甜薯🥔饅魚大塊到冚住咗成碗飯😍😍😍😍 厚身肥美，燒得啱啱好! 檯面有張貼紙寫住可以免費追加鰻魚汁🙈不過我覺得原本上嘅已經足夠我地食曬成個飯 (係珍珠米嚟㗎!!!😎) 食完仲有餸淨!!!好滿足😋😋😋梅乾手羽先 -- 雞翼係炸嘅，不過唔油，有少少梅粉味😋 原來都幾襯喎 👍黑松露玉子燒 -- 個蛋燒得太耐有啲乾😫 黑松露醬汁偏淡，但只係$18都算係咁🙊燒三文魚頭 -- 原頭上!!!!! 😂😂😂 OMG 超級大有d驚嚇😲😲😲一影完相我地即刻返轉左佢無咁驚。 燒三文魚最驚過熟會好鞋 但係佢燒得啱啱好👍👍 加埋檸檬汁 🍋正 !! 不過記得千祈唔好連皮食(始終係鹽燒👅)朋友唔小心一啖咬落去結果成口鹽，笑死我😂😂😂甘露甜薯 -- 初初以為佢係甜品，點知原來係鹹嘅☻ 番薯唔甜，加埋個醬汁鹹鹹地😓成件事同想像中好

我自己未食過釜飯，一直都想試，依家有愈來愈多餐廳都有釜飯食，其實咩係釜飯？同香港既煲仔飯有啲似，可以話釜飯就係日本人既煲仔飯，但煮法有別於我地香港既煲仔飯，港式既煲仔飯係先煮熟個飯，然後先至再放其他食材，而日本既釜飯就係將所有野放哂入去，包括米、高湯、食材放入鍋入面，分別用猛火同細火慢煮，煮刑直至冇水蒸氣飄出，再掩上木蓋用真空原理再煮十幾分鐘。呢間新開冇耐既店就係專食釜飯，採用日本越光米，同埋用自家熬製既木魚高湯煮個飯。餐廳環境外面門牌好大個，比人一種幾Grand既感覺，而一入去就會見到師傅門同開放式廚房，餐廳都唔細。餐牌主攻釜飯，但都有啲小食提供，同埋可以加錢跟set。枱面教你點樣調節飯既軟硬度。金魂 $118呢款係最厚肉，仲有「特」$88(最焦香)同埋「極」$98(油份最高)。黎到點可以唔食佢招牌鰻魚，係用自己鰻魚場養既鰻魚，每條差唔多有80cm咁長！我就揀左蒲汁燒既鰻魚，睇相已經覺得好正好吸引，等左大約10分鐘就有。鰻魚真係好厚身好大塊，仲有一條可以食既炸魚骨同伴菜，呢款想試下軟飯口感，就咁「拔」黎食，粒粒飯分明而且沾上鰻魚醬汁，越光米好有咬口，比起壽司飯黏得黎又不失嚼勁，而鰻魚

約左友人喺淘大睇戲，睇完過隔離試下近排新開嘅日式釜飯店。同友人各叫左一個釜飯+$18升級做套餐，奉送前菜、麵鼓湯及飲品。前菜 - 日式漬物麵豉湯 - 飲落清淡唔會太濃味古味塩麴牛舌盛釜 - 牛舌雖然係薄切，但咬落有彈性仲幾有咬口。釜飯係用珍珠米整，食到最底有少少飯焦好香口。金魂 蒲燒鰻魚釜飯 - 贅沢版嘅鰻魚真係好肥美好厚肉，咬落魚肉嫩滑啖啖肉。附有一條炸魚骨，香脆又好味。黑松露玉子燒 - 淡甜的玉子燒配上咸咸的黑松露醬，友人好鍾意，我就麻麻地個醬。檯面上有貼紙建議食客享用釜飯方法幾細心。

為左一試佢既肥厚鰻魚😳☝🏻☺️終於黎左九龍灣淘大花園lee 邊搵食😌一落地鐵就要行過天橋☝🏻去搵第3期！💃💃💃一路行！行到最右邊既盡頭就會見到餐廳☺️☺️☺️嘩門口都好多人排隊😱都等左20分鐘左右🤔😳店員會比一張點野食既紙你☺️☝🏻自己跟番數字寫☝🏻咁食鰻魚就一定嫁啦🤗另一個朋友話想食牛牛🐮飯黑炎蕨餅 ($48)多黑芝麻粉，比較軟身汁燒牛肉釜（$58+$18) 飯量多，牛肉有8舊密鋪平面☝🏻飽肚子熱柚子蜜涷檸茶金魂最厚肉贅沢（$118+$18)超厚身既鰻魚肉☺️☺️☺️☺️肥！厚！大片！肉質滑🤤☺️重可以加燒汁laod 飯Total $289

九龍灣淘大花園呢頭真係越來越多新餐廳，而家仲多左間專食釜飯嘅日本餐廳添😼😼 門口勁搞笑，有只恐龍🦖做promotion!!有時又會行人舖頭，好得意！向扮嘅工作人員表示尊敬呀，大家都可以比d反應同讚賞佢😺😺😺 我就叫左燒雞釜飯，加左18蚊要set geh. 前菜係酸瓜，幾醒胃的。 湯就正常發揮啦(^^) 燒雞釜飯都幾大份下，雞好香同juicy!! 個飯上面有好多燒汁，食落甜甜地嘅，同白飯一齊食好夾好滋味🤤 底仲有d飯焦添，食落咬口十足😈😈 朋友叫左海之幸，其實就係有幾款魚干舖面，食落干身d.幾鮮味嘅，相信加湯變茶漬飯更好食⭐️ 加左29蚊要purple power!!由香蕉、紫薯整成，飲落不太甜 香蕉味比較出。

鰻魚飯就食得多，不過通常都離不開碗上、碟上、木盒上，至於釜飯，我都係第一次試。見九龍灣最近新開左呢間餐廳，當然要去試下。根據餐廳餐牌講，釜飯即係用特製既蒸鍋煮飯，利用鍋內密閉空間中流動既熱氣將食物既味道傳入飯，餐廳更加用左熬製高湯去煮飯，聽落好似好正咁。呢度既鰻魚分左白燒同蒲燒，饅魚飯更加有頭、中、尾三個部位可以選擇。蒲燒好多地方都有得想，專程黎到，所以試下坊間少見既白燒鰻魚飯，部位就揀左個中價既--極，應該係頭既部位。白燒既味道同平時食蒲燒好唔同，比平時更加食到鰻魚既鮮味！清楚見到鍋底既焦而又無痴底飯粒焦香既顏色好靚！另外點左一個黑豚釜下次再黎一定會再食銀魂！

老公今日話帶我食好野， 因為他上次同同事食完，話搵到間平、靚、正嘅鰻魚飯食。 總算玩樂過後還記得個老婆裝修同配套都好日本，位置都好闊，唔會有局限感。 一切木製，感覺會好舒服， 外觀上加唔少分當日7點左右，已經有唔少人入座，又一證明民意贏於一切。 睇到張單就知我叫咩啦！ 我叫左個 ： 金魂-最厚肉的。 （第一次嚟食當然要試個鎮店之寶啦！） 老公話食過一次，要試下其他，就叫咗個：原條汁煮豬軟骨釜再叫咗個：梅干手羽先依個梅干手羽先，姐係雞翼啦！ 份量雖少，有兩隻，不過口感好特別。當你呑落肚果個雞肉時，梅子嘅鹽鮮味會回甘咁湧上舌尖。 如果大家唔明我個抽象解説，可以叫一份試下我的主角出場啦！ 又真係好大塊好厚身喎鰻魚大到可以cover 碗飯吃落去真係好肥美，魚油充足滲入日本飯中， 鰻魚燒汁濃而不過火，真心好味唔好以為依條魚骨唔食得， 可以直接食咖！口感似 鮮炸魚皮，魚味好突出。 我影完相後，秒殺。 又一驚喜， 有飯蕉呀！ 點知咁香口啦！ 好香呀老公的豬軟骨釜，肉質淋而入味，份量超多。 一個男人食一個釜，係一定夠食呀！ 依一餐好滿意！ 我覺得一人去食都可以。

係九龍灣返工當然要留意下附近有咩好食啦，近日係淘大商場開左一間專食鰻魚飯既餐廳，當然要去試一試啦。餐廳內外裝潢都非常有心機，而且仲有類似BAR 枱比客人邊食邊睇。MEUN 其實除左最出名既鰻魚飯仲有好多唔同既選擇，而身為鰻魚飯既專門店當然對鰻魚既要求唔會低啦，MEUN 上面可以見到有多重唔同鰻魚既選擇，油份、厚肉、焦香等，比客人自己揀。金魂鰻魚飯賣相好靚，好有日本風味，而且份量唔少，鰻魚汁造得好出色，帶有鮮味，魚肉非常有份量，啖啖肉。汁煮豬軟骨釡豬軟骨煮得非常淋，入口即溶，而已醬汁好好味。汁燒牛肉釡牛肉燒得非常靚，配上特制既燒汁，咬開牛肉見到粉粉地，好有牛味。餐廳除左套餐之外仲有好多唔同既小食，今次我地就叫左三款，古吉列牛舌、榴槤炸彈、博多餃子。價錢又抵味道又好，鐘意食小食既真係可以叫多幾款。

Guts Soul Kamameshi is a newly opened Japanese restaurant in my neighborhood that serves kamameshi. Kamameshi literally translates to “kettle rice” and is a traditional Japanese rice dish cooked in an iron pot called kama.We ordered this Dirty Deep Fried Banana as dessert. However, it was served before the main. It was amazing though! The dirty part is actually chocolate powder, which is quite sweet. And the fresh hot deep fried banana is so delicious! It’s fluffy and moist instead of crispy. Su

去開九龍灣搵朋友，朋友係住開呢邊嘅地頭蟲，成日都會去淘大食野。佢話呢排開左間食日式飯嘅餐廳想試下，大家就一齊去試試有dinner set,感覺抵啲，覺得呢間似係主打食鰻魚飯，連我在內有3個人都想食鰻魚飯，於是叫左「油份最高」同「最厚肉」試試而dinner set係可以+$18有前菜/味噌湯/飲品金魂 極-油份最高$98鰻魚肉質淋身，鰻魚汁極入味微微焦香，鰻魚一大舊已夠送全部飯，而飯底也是一絕，難怪有人話佢係米飯專家同埋呢個飯好飽，我好大食但都是勉強才食完全個飯金魂 贅沢-最厚肉$118食落口真係特厚肉，肉質軟身，醬汁入味附送一條鰻魚骨可以食的，我覺得冇咩味只是脆卜卜，友人就話好好味係咁食前菜原來是醬脆瓜兩粒不過都係為左佢杯野飲同味噌湯才+$18而已～

一凍就想食個熱辣辣嘅飯暖身，同朋友分別叫左鰻魚(金魂)同牛舌兩款釜飯，再加18蚊升級做茶漬飯，一味兩食。鰻魚有幾款，金魂就肥美啲，但唔會膩。加上鹹度適中嘅醬汁，係幾好嘅。我個人幾鍾意食牛舌，呢度厚切令口感好滿足，分量都算多添。係筋位難咬啲，其他幾ok。初時睇落以為唔多飯，但原來個“碗”好深，都有碗幾飯喎，食到中間唔夠汁仲可以追加添。食咗一半同店員講可以加茶，焗一陣就可以落埋鮭魚乾同紫菜就食得喇!茶味偏淡，但有配料嘅味都算啱啱好啦。蕨餅一定要食，口感極度軟腍煙韌好鬼正!

出網見到介紹呢間新開既釜飯，專登黎試下先！餐廳位於淘大商場，好大個招牌，唔算難搵門口仲有個熊仔既公仔做生招牌餐廳係現代化既裝修，又有好多emoji 可以影相自己寫低想食啲乜，交比店員就可以。我點左一個金魂既鰻魚釜飯，揀左贅沢（$118),一份古味塩麴牛舌盛釜（$88),一份甘露甜薯（$28)店員解釋話金魂同銀魂既分別有汁燒同埋白燒既鰻魚贅沢即係全條鰻魚中間既位置，係最厚肉，而極就係鰻魚最頭既位置，特就係魚尾。有條玻璃魚骨跟埋，好脆好好食。贅沢既鰻魚真係好厚肉！好正。牛舌飯有驚喜，牛舌雖然係薄切，但超爽口，味道又好好，好出色！加埋一份甜薯為晚餐劃上完美句號