釜之魂釜飯專門店 (淘大商場) (已結業)

之前見到有呢間介紹，好吸引，今日就同朋友試試一個鰻魚飯，一個叉燒飯。食物黎講，個鏝魚同汁都係高質，唔錯，有香味，個汁好水濃郁，同個鰻魚好夾，啲飯份量好多，食完勁飽，仲有意米係入面，增加口感，個叉燒細細塊，成碗飯都有7至8塊，仲有半隻老蛋，加埋啲蔥花都幾香口，呢度每個餐都包左湯，前菜同基本飲品，個咖啡味唔錯，但有以下確是做得十分差，好多隱藏事項，令印象分扣晒。1. 門口有機禁飛攞位，但見啲人直入先知入面大把位，如果你禁左飛，相信等一個鐘都無人會理你，因為其他人都會就咁入去，而門口都無指示係入內安排坐位，亦唔會有人出黎問你幾多位2. 人地台面有指示點食茶漬飯，加湯落飯蕉度食，但見唔到有寫，一問個店員先黑面話要加錢3. 枱面同樣有指示斧窩飯食法，等蒸氣焗一焗，即開就會濕啲，如果想啲飯乾啲就可以撈一撈，但留意只係叫蠔仔蛋先有呢樣野，其他餐既食材已放係飯上面，唔會有蓋4. 埋單要自己去櫃台，單上同枱上都無指示，見到隔離見埋單，個侍應即時西面「自己已去門口俾」唔該都無句，服務好差。5. 匙巾亂俾，唔會長形定圓形，總之你一人一個人佢是旦俾你，有得用就得啦，人地枱有餐具，我地無，係由店員拎俾我地6.

2019年第一餐飯之前睇蘋果介紹過呢間野，都幾有興趣試下咩係釜魂飯。位置係淘大戈頭12點到門口唔洗等位直接入。可揀既餐一眼睇曬，可以睇得出佢地既重點都係賣釜魂飯，可以話係無咩選擇可言，只好期待之後有更多選擇。諗住鰻魚咁貴應該無死，點知d鰻魚真係好普通，d汁話可以無限添加，但d汁實在太甜，完全唔好食。女朋友叫左個叉燒就唔錯，日款叉燒既汁食落有少少似港式叉燒既味道。咁我做咩黎呢間到食日本野。所以到最後間野最特別就真係係d飯到，粒粒分明，同埋好有口感，仲有d飯焦。枱上面仲教大家有茶漬飯食法，但係問店員先知完來係要加18蚊，所以最後就無加到了。最後仲有加一服務費，個人覺得服務真係麻麻，埋單都係自己拎出去埋。總結都幾失望，食物都係麻麻，服務麻麻仲收埋加一。完全唔值得得覆桌。

早排見上網介紹話呢間釜飯好抵食，即管去試試，點知真係失望到極致首次，明明下午茶去到5點半，4點入去已經話截人，仲一order就話要埋數比左錢先，員工態度極差食物方面，d蠔好生，同媽媽食完仲兩個都秒速肚痾，真係唔會再食下次!

鰻魚愛好者，又再出動！同男朋友去開九龍灣，順便食晚飯。之前行過見佢有好多人排隊，好彩今晚唔算多人，於是揀左佢試下。我地各自叫左一份金魂蒲燒釜飯，而且我地揀左最厚嘅鰻魚～鰻魚飯好大碗，除左多飯外，上面仲有大大塊鰻魚，真係好厚呀！除左鰻魚，飯入面仲有其他配菜，包括蛋絲、青瓜、粟米仔。如果唔夠鰻魚汁，仲可以要求加多d汁，好窩心～除左鰻魚飯，我地仲叫左其他小食。練梅凍蕃茄，非常清甜，而且蕃茄亦都好多汁，作為頭盤，或者甜品都非常合適。黑松露玉子燒，上碟個一刻，已聞到好濃嘅黑松露，配埋玉子，味道好夾。甘露甜薯，蕃薯切成一小塊，非常容易入口。而且佢唔算好淋，咬落去好有口感。睇落似係以蜜糖塗係蕃薯表面，再拎去燒。埋單價錢算合理，可以食到咁厚嘅鰻魚，都已經值回票價。

慕名而來但大失所望正確的釜飯製作，請睇片👇🏼不是白飯煲熟後再加汁料上面的，錯哂～白飯是由米跟湯汁一齊煮熟的，咁飯至會有味道只是外型似，食煲仔飯好過。個門面就真是好有裝潢，好搶眼，仲唔使點排隊㖭～一坐低未點菜服務員已奉上前菜及湯，好有效率的說，見到點菜紙的價目都好平宜，平時食開的釜飯都要過百的，這裡咁平原來就是製作的方法不一樣吧！飲哂啲湯至上飯，之後再發現原來湯是用來做茶漬飯的，我聽到旁邊的食客咁講：「點解唔同飯一齊上，咁咪知道個湯係有作用囉！」似乎10枱有8枱都唔知道湯要留一口囉⋯⋯

聖誕節一家人去淘大睇戲，睇完戲就去左附近新開釜之魂食飯吧！這裡主要吃釜飯,冬天吃就最合適不過了。除了釜飯外，也有小食，小女生被髒髒炸香蕉吸引住，立刻點了一份。所有飯加$18就升級為套餐，包前菜，湯和飲品。小女生點了汁燒牛肉釜$58，牛肉份量都頗多，牛肉雖然厚切，但都很軟很稔，微微的黑椒辛辣，提升了整體的味道層次，再吃一點飯焦，更香口。五目野菜釜飯$48我就選了野菜釜飯，雖然沒有肉，但蔬菜份量也不少的，清清的，啱曬注重健康的人士啊！金魂超特厚鰻魚飯$118爸仔點的金魂，鰻魚真的超肥美，很厚肉，燒得香香，不過吃一半已有點漏了！釜飯混入了鰻魚汁，熱辣辣又好味！髒髒香蕉，夠曬惹笑吧！外表炸得脆脆，內裡就香軟，內裡其實是香蕉糕，感覺很新奇，整體味道也不過不的失吧！

估唔到第一個食評寫係呢間垃圾，見佢新開裝修到扮哂喇咁就試下，一入到去想落單d waiters 扮見唔到好似未瞓醒咁, 見我地單叫三個飯就好串咁話每人最底消費$88喎，咁我地唯有加單，點知條男侍應過黎落單黑起塊面，勁串唔想答你咁款，又話跟餐（+$18）好過單叫嘢飲（$25），結果跟餐杯嘢飲仲細過吉野家杯外賣綠茶🙄，跟住條男侍應轉個頭唔L記得落單，要我催佢先即刻落返，仲明明睇住催左佢先落單仲扮哂記得:係咪仲只有兩樣嘢未黎 其實我地係加左三樣嘢囉 條男侍應繼續黑面。嘢食方面真係普通到無得再普通，牛舌個飯唔夠汁，面豉湯勁咸，飲品又少... 我地一食完，同一個黑面男侍應連飲品都未飲完就過黎收哂我地d嘢想趕我地走， 咁大間舖只收現金，唔知咩料，成個餐廳個feel 勁cheap ，服務態度極差，試過一次之後唔需要再返去食。正垃圾

仍然是圍板時已知道是吃鰻魚的專門店，就決定要試一試，從他們裝修、開業到光顧前的那一刻我仍是那麼期待....好不容易終於齊人開飯，當日在門外人還沒齊，店員跟我說這一刻不進去座下就可能要等多一會兒，基於我那邊有一位行動不便的成員，雖然人未齊但還是先進去吧，而且那麼多人，看餐牌也花了不少時間吧。的確，決定要吃什麼也需要點商量及時間，然後好不容易才點了菜式。金魂鰻魚套餐：先說說鰻魚，是很不錯的肉汁肥美，但並不是一吃難忘的那一種，餐湯只是普通的麵豉湯，要說一說那些飯.....實在是比較難吃，太濕了，不是被鰻魚汁影響那一種，而是米飯本身就是水份太高，影響了整體的口感。汁煮豬軟骨釜：都是同樣的飯就別多提了，那個醬汁之濃郁影響了豬軟骨十分咸.....難以入口。鐵板燒雞魂：原塊雞扒上枱這是正常的嗎？稍為一開二都不行？如果理由解釋是因為想原汁原味都算了，但為什麼肉質不足嫩滑。

收左工係付近搵野食，發現門口企左好多人，抱住8掛+唔好執輸既心態決定入去醫肚汁燒牛肉釜呢個極力推介牛既肉質鮮軟，唔乾，有肉汁，個汁既味道配埋飯，根本就係perfect鰻魚(金魂)特鰻魚鑫仲要有埋飯焦，識食當然要食哂d飯蕉梅干手羽先燒雞翅~我鐘意食~唔需要多講，炸雞翅呢味野，得2樣重點 香+唔好太油，呢2樣佢地都做到仲帶有少少梅子味，外香口，內肉質軟，仲要唔乾炸完仲好juicy 唔髒髒炸香蕉(朱古力)呢個好搞笑，原本仲以為係炸真香港蕉點知原來係香蕉糕，但就算唔係真香蕉都唔緊要因為佢地個香蕉糕一d都唔溜，個香蕉味同表現個朱古力味加埋一齊，剛剛好2個味都可以係我個口度共存甘露甜薯呢個個甜薯好特別，同我平時食開既味唔一樣，佢地表面個醬我食到淡淡既梅味，唔太甜，易入口賣單結帳都只係每人121蚊抵到爛，飽飽勁滿足以上食評，只係本小姐個人食後感0

朋友住九龍灣，我又剛係係觀塘返工，於是我地就簡左係淘大商場，見到呢間釜之魂釜飯專門店個招牌好威風，有大大條鰻魚浮雕係木條上望入去個裝潢都好似幾唔錯咁，呢個新店貌似唔錯咁，於是就入左去試啦。金魂蒲燒釜飯 (最厚肉)上檯時，鰻魚都仲出緊煙，證明岩岩整好無耐，即刻收收眼，上面GE鰻魚醬汁非常多，拎黎拌飯係個唔錯GE選擇，另外鰻魚亦都好厚肉，可以做到一啖飯，一啖肉GE程度。值待一提GE係，呢度係用珍珠米做釜飯，珍珠飯好有咬口，抵食。甘露甜薯蕃薯表面茶上醬汁之後，再進行烤煮收乾蕃薯本身GE水份，令到蕃薯GE甜味出哂黎，而因為烤走左蕃薯入面GE水份，食落口有D蕃薯乾，暖暖地而有好有咬口！梅干手羽先燒得雞皮脆身還帶點焦香, 雞肉口感很嫩滑，燒香後再加上些調味, 吃起來就更加惹味汁燒牛肉釜飯牛肉份量好足,同牛肉汁融為一體既飯香真係冇得輸 真係好好食 份量睇落唔係好多但食完好飽第一次食釜飯有令我愛上既感覺，飯既質感好好，係我中意食既質感，配上鰻魚汁/豉油，簡簡單單已經好好味，加上呢間餐廳真係唔算貴，佢lunch價錢仲會再平啲，想試下釜飯既朋友要黎呢間！

最近天氣有啲凍，想食下飯暖胃😂如果港式係煲仔飯，咁日式就係釜飯～淘大有間新開嘅釜飯專門店，特登約咗朋友黎一試究竟。店內裝潢清新，周圍有唔少emoji牌俾大家拎住嚟打卡😄😝木餐具更顯日式風情有烹調飯粒軟硬度嘅指示就唔使驚過淋過硬啦金魂特盛鰻魚飯嘅鰻魚唔會過於肥美食到成口油，啱啱好。附有鰻魚汁嘅珍珠米好香好有口感☺️博多餃子一口一個👍🏻皮煎得香脆雞翼皮脆肉嫩，係我最愛🤤加錢仲可以轉埋set，有味噌湯，前菜同飲品牛舌釜飯都唔錯；牛舌厚切有口感，爽脆之餘牛味亦好濃🤤加錢仲可以整埋茶漬飯，但我淨食個鍋巴已經好滿足！轉左特飲士多啤梨奶，滿足少女心之餘味道都唔錯。入口幼滑，士多啤梨味唔假

一直都好中意食鰻魚，見親有鰻魚既菜都會點，呢間新開既鰻魚飯專門店身為哈鰻既我當然要去試試 門口已有唔少人排隊，好在等左15分鐘就入得，都算快。入到去差不多座無虛席，真係好多人呢度好多款鰻魚揀，有厚肉，油份高d，最焦香既揀🧐仲有套餐揀。我就揀左最厚肉既 金魂贅沢鰻魚套餐🐟$118另加$18飲品，前菜同麵豉湯。鰻魚都幾大塊熱辣辣，好香💕鰻魚肉地好厚，真係好肥美鰻魚汁唔會好咸，亦唔會搶去鰻魚既鮮味飯質亦好有咬口，果然係岀名飯！真心好食朋友點左金魂極鰻魚飯 🐟$98呢個係最油版，味道同厚肉地果個一樣咁好味，唯一不同既係佢無咁厚肉地，厚度同平時食既差不多厚。但就嫩滑過平時食既好多呢個係麵豉湯同小食。麵豉湯都ok

瀏覽網評時，就已經留意到九龍灣開咗間主打釜飯嘅食肆【釜之魂釜飯專門店 】。一直沒扚起心肝幫襯！今日想找一點新鮮感，因為天氣轉冷難免想吃一口熱騰騰的飯暖胃。來到九龍灣既淘大商場三期地下舖。不用等位，太好了。.【釜之魂】以日本既釜飯為重心，釜飯源自大阪既奈良県，除左丼飯之外，「釜飯」都係日本有歷史風味既飯食，「釜飯」是日本一種傳統鍋飯，即是日本人的煲仔飯外型跟港式煲仔飯有點相似，做法卻有不同。是將米、高湯、所有食材放進鍋中，猛火加細火慢煮，直到沒有水蒸氣飄出時，再蓋上木蓋以真空原理再煮10多分鐘，而煲仔飯則是先煮熟飯，再放食材。.餐牌上「釜飯」款式多多，花多眼亂，心大心細喔！金魂•鰻魚浦燒釜飯 $118釜之魂既鎮店之寶金魂同銀魂，兩款既鰻魚飯，我就揀左金魂，金魂•鰻魚浦燒釜飯係較為原始式既鰻魚汁燒鰻魚，首先顏色上都知道夠濃味，鰻魚肉厚，而且口感較滑，食起黎帶小小既香烤風味，加上獨家調製既鰻魚汁，鮮味帶甜，鰻魚味更完美，簡真係完美既配搭。加入魚肉高湯煮熟既釜飯，飯粒帶有魚既鮮甜味，味道雖然唔似港式煲仔飯咁濃味，味道偏淡小小，但反而更能食到高湯帶岀既鮮，更原汁原味，係港式煲仔飯做唔到既獨有味道

我們一行四人叫了一個黑豚釜飯及其他菜式share，釜飯來的時候，㫰見一大塊黑䐁肉便問服務員有否刀义或較剪好讓我們可以切開，但他們說沒有刀义，因為唔預客人share喎！其實味道一般！叫咗個花生醬燒年糕，竟然個花生醬是益的！

在某天的下午收到朋友傳來訊息, 介紹了一間位於淘大商場的新日本餐廳, 餐廳是主打釜飯, 對於愛試新餐廳和喜歡吃日本菜的我，也立即抽空來看看。飲品選了柚子密，飲落甜甜地, 柚子味濃, 接著有麵豉湯和前菜。再來一客梅干手羽先, 燒得雞皮脆身還帶點焦香, 雞肉口感很嫩滑，燒香後再加上些調味, 吃起來就更加惹味。到了主打的釜飯項目, 點了古味鹽麴牛舌盛釜, 釜飯是即叫即煮的, 所以製作需時，過了一會, 香噴噴的釜飯送上來，將飯撈勻，先吃的，當然是飯，看上去粒粒晶瑩，軟熟可口, 牛舌燒得邊位呈焦香才拿上檯，賣相吸引且香味十足,質地爽口而富有嚼勁，且散發濃郁的肉香。