釜之魂釜飯專門店 (淘大商場) (已結業)

出網見到介紹呢間新開既釜飯，專登黎試下先！餐廳位於淘大商場，好大個招牌，唔算難搵門口仲有個熊仔既公仔做生招牌餐廳係現代化既裝修，又有好多emoji 可以影相自己寫低想食啲乜，交比店員就可以。我點左一個金魂既鰻魚釜飯，揀左贅沢（$118),一份古味塩麴牛舌盛釜（$88),一份甘露甜薯（$28)店員解釋話金魂同銀魂既分別有汁燒同埋白燒既鰻魚贅沢即係全條鰻魚中間既位置，係最厚肉，而極就係鰻魚最頭既位置，特就係魚尾。有條玻璃魚骨跟埋，好脆好好食。贅沢既鰻魚真係好厚肉！好正。牛舌飯有驚喜，牛舌雖然係薄切，但超爽口，味道又好好，好出色！加埋一份甜薯為晚餐劃上完美句號