釜之魂釜飯專門店 (淘大商場) (已結業)

每次路過淘大商場三期的釜之魂釜飯專門店都被門面豪華的和風設計吸引住，今次就決定在這裏吃晚飯！ 我見餐牌上的釜飯，除了鰻魚之外，仲有牛肉，五花豚肉，雞肉，海鮮。還有一些小食和甜品。 一場嚟到一定要試下鰻魚金魂極$98，古味鹽麴牛舌盛釜$88，黑松露玉子燒$18，髒髐炸香蕉$18。鰻魚金魂極 ~ 醬汁有金魂和銀魂兩款，我選了金魂， 肥美又厚肉的鰻魚蒲燒過既香味，配埋秘製的濃稠鰻魚醬汁，釜飯採用珍珠米， 食落 煙韌有咬口。古味鹽麴牛舌盛釜 ~ 牛舌質感彈牙， 醬汁香濃美味， 配埋珍珠米一起吃，正！黑松露玉子燒 ~ 玉子的味道幾香，但燒得有點硬，黑松露味偏淡。髒髐炸香蕉 ~ 味道偏甜，面層是朱古力粒，包住入面的是炸香蕉，味道普通。個人感覺幾欣賞餐廳的釜飯，鰻魚和牛舌都好好味，下次可以再試其他款式。

住九龍灣既朋友請食飯, 咁緊係就就佢揀返係九龍灣食啦見到唎到新開, 大定都想試下釜飯同鰻魚, 就揀左唎到唎到門口成大條鰻魚咁釘左係頂, 肯定做鰻魚做得好出色, 所以我地都叫左鰻魚揀左1個金魂同1個銀魂金魂就係平時食開有濃濃鰻魚汁既鰻魚銀魂就係冇鰻魚汁既鰻魚金魂既鰻魚汁係幾好味同幾甜口, 但汁太少, 鰻魚有骨, 同埋真係完全唔知釜飯即係將d食物放係白飯上面咁解, 件鰻魚只夠送3分2碗飯銀魂冇鰻魚汁既鰻魚, 我自己覺得同食茶記既蒸魚差唔多, 仲少左一份蒸魚既鮮甜味, 冇汁送唔到飯, 食完件鰻魚, 仲有半碗白飯剩價錢亦都唔平, 要$90-$120左右, 如果淨係一件鰻魚放上白飯黎講真係十分唔抵食, 如果真係想試既話可以加$18轉茶漬飯, 如果唔係單靠一件鰻魚, 即使係特厚特大都唔會夠送唒成碗飯

寒寒地，就想揾D野補充吓脂肪含量，揀左鳗魚飯專門店。金魂鰻魚釜飯 $118大條厚切肥美的燒鰻魚，係我食過的最好味的。有樣你睇，絕對不是supermarket 買到的一般貨式，沒有不好吃的道理。肥美、厚肉、味濃、十分滿意，係我所能夠俾的評價。仲有條魚骨，炸香左當脆脆小食，又幾好味，幾有特色。食左面層，冇曬鰻魚汁，問佢可否加汁，又得喎，一流的服務。五花豚肉釜飯 $78滿到瀉的五花腩，唔肥膩仲幾爽口，仲有半隻好香的玉子。大份夾抵食，高 CP 之選。白魚脆脆沙律 $38食得多肥膩野，當然要叫個沙律 balance 吓。白飯魚加類似蛇羹的薄脆，仲有沙律菜。新嘗試，又幾得意。跟沙律有個青醬，初初以為係泰式青辣醬，開心左一陣。食落原來係薄荷酸味沙律汁，酸野我一向麻麻地，落少少算。呢間會 encore, 下次試「銀魂」，想試試鰻魚的原汁鮮味。

放假悠悠閒閒hea到2點幾先食lunch，經過見到間新餐廳食釜飯喎，一於試下2:30開始係下午茶時段，有部份飯會平d~我地一行三人叫左兩個鰻魚釜飯一個汁燒牛肉釜飯，附送前菜、麵鼓湯、飲品首先個汁燒牛肉釜飯到左，相都未影，友人已經食左😂淨係影到食淨既洋蔥... 食剩得就知洋蔥有問題喇，洋蔥唔熟好硬。然後到鰻魚飯喇。鰻魚一咬落去，無乜肉，薄薄的... 但真心，個飯底係好食既。其實以下午茶咁既價錢泥講，個飯係抵食既。

住喺附近，見佢新開一直想試，但次次經過都要等位。今日早收，7點未到就到達唔洗等，好野！！！櫻花蝦炸豆腐 $22呢個好好味呢～～～豆腐外層佈滿炸過嘅櫻花蝦，好香口。上面仲有魚子，成個配搭好MATCH，豆腐仲好滑添！黎到一定要試下啊～～黑松露玉子燒 $18蛋幾滑同好香蛋味，但個黑松露醬偏淡。梅干手羽先 $28面頭撒上芝麻，呢個雞翼如果用黎送酒一流啊～我點左金魂厚肉嘅蒲燒鰻魚釜飯 $118D鰻魚經蒲燒過，配埋佢地秘製嘅濃稠鰻魚醬汁，唔夠醬汁仲可以叫佢地額外加俾你架～～而個釜飯有少少似煲仔飯咁，側面嘅飯會變到少少飯焦，有兩種口感嘅飯，而個鰻魚汁會令你忍唔住爬哂D飯XDDDD記得要食埋條骨啊，好脆好正架！朋友點左古味塩麴牛舌盛釜  $88牛舌燒得不錯～唔會Un，食落都仲好彈牙，而且個汁都好香濃，用黎送飯一流啊～食到後期我超級飽，逼我朋友幫我清哂D野食，哈哈！好欣賞呢度嘅侍應上菜時都會簡單講解一下，好細心呢～對呢間新餐廳整體感覺不錯啊～

前幾日放左工，同男友睇戲前係淘大搵餐廳食晚餐見琴好多地方都冇位，斧之魂仲有位，即刻入去搵食見到佢既主打係鰻魚飯，一定要試試佢鰻魚份量相當足夠，汁多而且惹味而且飯既份量都多！如果係女士黎講，足夠有突～飯係珍珠米，帶點點黏性似壽司既質地～另外再點左牛舌飯，個人認為鰻魚飯較出色，牛舌既份量都係多既，而且多汁，但食落係比較爽身唔係平時食開淋身既牛舌！怕唔夠食點左個梅干雞翅同汁煮鰻魚肝個雞翅好香口，梅味唔算重，但抵食！鰻魚肝係第一次食，略嫌個汁太濃鹽味有點重，但送酒應該會相當唔錯！食完呢一餐真係夠晒飽，如果兩口子黎講晚餐叫一個小食已經好足夠！！可以一試

朋友話自己發展新戀情，我呢D花生友梗係第一時間約佢出黎，聽下佢分享佢GE愛情故事。朋友住九龍灣，我又剛係係觀塘返工，於是我地就簡左係淘大商場，見到呢間釜之魂釜飯專門店個招牌好威風，有大大條鰻魚浮雕係木條上，望入去個裝潢都好似幾唔錯咁，呢個新店貌似唔錯咁，於是就入左去試啦。我同朋友叫左個金魂蒲燒釜飯 (最厚肉) $118，另外加$18轉做套餐，前菜、麵鼓湯及飲品，同埋加左$29，轉左個飲品做紫薯香蕉；叫左個五目野菜釜飯 $48加$18跟堆個茶漬飯，大家Share食，黎個健康人生，朋友話怕上菜慢，所以叫左博多餃子3隻 ($22)、黑松露玉子燒($18) 同埋 甘露甜薯 ($28)醫住肚仔先。我地點左菜一陣，博多餃子3隻一馬當先黎到，佢個餡主要有生菜同豬肉，剛煎起出黎，熱辣辣所以幾好食，所以秒被我地呢兩個餓鬼鯨吞。黑松露玉子燒其後跟上，我地朋友各人一半分左呢條玉子燒佢，玉子燒入面落左D味霖、鹽同砂糖去煮，個調味都OK，口感都實淨，唔會一就散，上面再加左少少黑松露係上面，黑松露GE味非常之突出，而佢本身帶少少鹽味，剛好同玉子燒GE甜作返個平衡。甘露甜薯，蕃薯表面茶上醬汁之後，再進行烤煮收乾蕃薯

極失敗鰻魚飯果日同女朋友去試下依間係facebook賣得咁行既鰻魚飯，點知最後都換黎失望。先講個鰻魚，平平無奇，唔覺得有咩特別，好多餐廳都做到依個水準，例如吉野家，板長......再講個釜飯，個飯同鰻魚係分開整，鰻魚整好先鋪上個飯到，而個飯係極難食，又乾又硬，食到牙都軟，加上係白飯，完全無味亦無飯既香味，唔明點解會叫釜飯。總括黎講，依個鰻魚飯，係我食過最差既鰻魚飯再講上菜速度好慢，我同女朋友等左45分鐘左右先到，服務員態度又好唔掂一定唔會再幫襯

今晚請友人吃生日飯，她想吃日本菜，我們就來了這家較新的餐廳看看。門面設計頗豪華，但看餐牌又不算好貴，就決定是它了。座位好多，設計屬簡單和風。這裡最著名的必定是釜飯，當中以有醬汁的金魂或銀魂最具特色。除了鰻魚，也有牛、海鮮等，選擇豐富。想好點甚麼後直接填紙下單就可以~本來想叫沙律的，最後還是選了特別的苦瓜餃子。我們選了充滿蒲燒汁的金魂，還是最高級最厚肉的那款。這裡的釜飯跟我吃過的不同，它不是從米及其他配料在面前慢慢煮成的，而是一上菜已生米煮成熟飯，不用經過那漫長的等待，很快就有得吃。鰻魚汁甜甜的帶點鮮味，完全包裹著厚肉的鰻魚，大口咬下去啖啖肉，嫩滑香口，味道頗鮮，都對得起118的價格。飯跟野菜及菇是預先煮好的，所以沒特別的調過味。汁量就只有鰻魚上的是不太足夠，幸好珍珠米煮得軟糯，吃前在鰻魚上沾點醬汁也可以~另一款是牛舌釜釜飯，是用鹽麴調味的。所以鹹香中帶點鮮味。我沒想過這裡的牛舌大厚身又大條呢！咬開後中間有點粉紅，肉質爽又有咬口，份量十足。飯底都是一樣~看到了沖繩苦瓜餃子的感覺新穎，就點來試試。上菜時沒有很焦，煎得不錯。苦瓜是切碎後混到豬肉中的，味道帶甘沒有很苦。除此之外，我還吃到有一丁

九龍灣淘大商場有一間對飯非常講究的日本料理餐廳，餐廳名叫「釜之魂鰻魚釜飯專門店」。究竟佢哋有幾講究，你睇佢哋嘅餐牌已經列出很多對飯的解說，並且在每張檯面上貼上如何調節飯粒的軟硬度。實在太厲害，真係解釋的好深入，而且餐廳對米飯、湯底、食材及烹調方法，非常有學問，原來食飯都可以令人增進知識。來到鰻魚專門店又點可以錯過叫鰻魚飯呢，朋友叫了油份最高“極”之鰻魚飯，果然白飯的味很香，鰻魚肥美很優質，加上秘製鰻魚汁，愛鰻魚的朋友食得很開心。 秘製鰻魚汁仲可以無限添加，真係好食又貼心。我就想食飯的原味，所以今次食個五目釜魂，配菜只是五目野菜，沒有肉，想吃清清地，又可以食到飯香。野菜份量都很多滿一碗，而白米飯份量更有差不多2碗飯，價錢都是$48，價錢非常親民，抵食又飽肚。真心認同，餐廳嚴選日本珍珠米很優質，粒粒米飯都好飽滿兼且吸盡了鰹節湯的精髓，令人一吃難忘。至於白米飯軟硬度，就是蓋之重要性，開蓋後打鬆飯或直接食，粘度及水份保存做法不同，直接影響米的彈性及光澤，真是要看你想要的口感來自我調整，感到很神奇。我們不單只吃釜窩飯還叫了小食，有黑松露玉子燒、甘露甜薯及櫻花蝦炸豆腐。我比較喜歡櫻花蝦炸豆腐，因為

星期三下班後, 同男友相約到淘大商場行逛, 見到呢間新開無耐既餐廳, 門前仲有唔少人等緊位, 原來係食日式釜飯, 一於一試!男友叫左: 主打飯 - 鰻魚, 叫左個金魂(特)$88,  鰻魚厚肉, 配上燒過既醬汁味, 飯粒煙韌又有日本米既黏。我就叫左: 鐵板燒雞魂$68, 係釜飯上面擺左份, 用左鐵板燒得幾香既厚身雞扒。小食: 鹽燒鰻魚串燒$38 (1串), 可能用鹽去燒, 食得出鰻魚既鮮味, 滑身又帶點彈牙。日式炸雞$38, 熱辣辣既炸雞配上檸檬汁同特調醬, 又幾好食! 

久違了的九龍灣N年前因為九龍灣返工既緣故經常去德福同淘大食飯，自從轉工後就已經好少黎呢邊。今日專程過黎探朋友，又知道淘大依家有好多新餐廳所以想試下。去到戲院附近就見到有間新既日本餐廳，外表屬於日系既裝潢，又多人排隊所以就試下啦！入到餐廳發現其實都幾大，枱與枱之間都唔算好迫，同朋友靜靜傾下計都無問題。午餐同下午菜都係同一個餐牌，只係價錢唔一樣，由於朋友同我都唔食牛，所以就叫左最出名既蒲燒鰻魚飯同炸雞飯。點完菜侍應姐姐就俾左兩碗麵鼓湯我地，啱曬鍾意飲湯既我地雖然有好多客人，但上菜速度比想像中快，首先到既係照牌鰻魚飯包括兩塊鰻魚同好多鰻魚燒汁，鰻魚唔會燒得太乾身而且都烤得幾香，以$98既價錢計鰻魚都算抵食，唔會太薄同飯既比例都可以接受，唔會最後淨返太多白飯，女仔既分量可能會多少少，但男仔就應該夠飽肚啦！等多陣炸雞飯都到左啦！！賣相唔錯，而且熱辣辣應該係剛炸起，雖然只係$68但炸雞件既分量都唔少，性價比相當高雞肉都幾嫩滑，炸皮又唔會太厚，都算吸引。值得讚下既係沙律醬，唔會太甜，配飯都適合如果下次再黎應該會選擇下午茶時段，可以避開返工既午飯時間又可以試下佢地既小食（睇到有我最鍾意玉子燒）

未食過咁難食既鰻魚飯。。。真係好難食。。。。超級市場買返去自己整仲好味。。。。除左飯硬之外，鰻魚一d都唔肥美，以為自己食緊鯖魚。。。。。一個字。伏完全冇服務，下午茶時段都收加一。。。。小食朱古力香蕉亦只係求其灑朱古力粉係面。。。。個野菜蛋蠔飯。。。。。勁似用剩既廚餘。。。一d都唔吸引。。。。D飯又硬又濕。。。。。好心裝修得咁好，花d時間研究下d野食啦。。。。。。真心冇下次。。太難食。。唔明點解facebook咁多打手話好味。。。。

可能我食過更好食既釜飯。。覺得呢間還好Waiter仲要倒瀉野。。成條裙烏糟左，不過我都曾經做過飲食，明白唔熟手好正常，所以冇怪佢地。叫左個鰻魚肝，炸牛舌，一個海鮮釜飯，一個鰻魚釜飯，可能我睇完新聞對佢地期望太高，冇想像中咁好食，個飯係敗筆，因為太淋啦，真正既釜飯應該飯係要挺身，有咬口，西利既係做埋果陣木味，而唔係水煮咁。以前係香港烏溪沙食過一個，佢個一個生飯上檯，一個計時器，等30分鐘等佢熟，果陣叫左個雞釜飯，雞汁流晒去個飯到，不過係應該好難再食返呢個水準男友話鰻魚肝好食，影低左，至於其他。。由倒瀉野之後就冇影到。。不過感覺到老闆好有心，佢會介紹不同菜式飯菜俾客人，希望佢可以研究下點樣整到一個好食既釜飯啦。。

雖然openrice見到好多負評，但本身幾鐘意食釜飯，所以決定一試。等位：2人比較快，5分鐘入座。.服務：職員睇唔到你舉手，茶漬飯既碗無跟餐一齊黎，要再舉手。原來係要另外加湯，又要再舉手，前後需要10分鐘，可改善跟餐出晒一個set。.出去埋單時，因信用卡機壞了，收銀員嘗試再碌，同時係咁同前面果位客人講：碌到張卡就係你好彩啦！但其實，確保顧客順利比到錢不是餐廳的責任嗎？難怪果位客人都話佢不知所謂！.食物：個飯底幾好食，飯粒煙韌有飯香。配料則屬一般水平，牛舌厚身但有鬆肉粉醃製的味道，感覺一般。鰻魚厚肉，但味道偏腥，醬汁搭救。.環境：枱與枱之間較近，意料之內。好在有一些emoji卡牌比顧客打卡拍照，幾有趣。.總括來說，嘗試過就算吧，畢竟香港咁多好吃的餐廳！