釜之魂釜飯專門店 (淘大商場) (已結業)

行過見到新開一間食鰻魚飯嘅鋪頭，門面裝潢極具日式風格，令我懷念以前去大阪食嘅鰻魚飯，所以決定試試佢去到有好多人係門口等位，大約等咗半個鐘都算快，入到去緊係叫嘢食啦（排隊嗰陣有職員派餐單寫定食咩），可能太多人嘅關係，叫咗幾次侍應先過黎。叫咗個銀魂鰻同茶漬金魂鰻加小食，見到D飯真係好‘淋’好似煮爛飯加埋茶漬（茶漬冇茶味）真係成兜粥，鰻魚肉唔夠實，燒鰻燒得唔夠香，唔太值呢個價。小食方面：紅酒牛舌（都幾淋幾好食），苦瓜餃子（苦苦哋外冇特別），練梅凍蕃茄（D汁好甜 當甜品食都👌）總結：一次夠晒數

1. 鰻魚飯只有3分1條，仲要係魚尾，超級市場貨整熱放上面，味道就如自己解凍放上面...2. 飯煲得好乾，全部黐埋一舊，冇飯香，老實講，屋企個IH飯煲都煲得好過佢多多聲，根本不能上檯，仲話釜飯專門店👎🏽👎🏽👎🏽3. 餐具整不衛生，釜邊洗唔淨，釜底有上手食完既痕跡（乾左既汁同飯跡，好x核凸）👎🏽👎🏽👎🏽估唔到開左唔夠2個月都搞成咁，未食過咁差既日本料理👎🏽，第一次俾評價，如果唔係咁差都費事打200字，食物差都還可以忍，個飯兜真係好噁心，兩個人兩個釜都係咁👎🏽👎🏽👎🏽👎🏽👎🏽

呢間新開冇耐，每次經過都好多人，今次終於決心是一次！夜晚7:15左右到，排咗大概15分鐘，其實裏面都算多位，所以叫號碼都叫得幾快。門口個Menu唔係全部，坐低之後嗰本Menu有多啲小食。話明係鰻魚釜飯專門店，就梗係要是最厚嘅鰻魚啦，之後見到汁燒牛肉釜飯都好似幾吸引，小食又有甜番薯，甜品又有蕨餅，所以就叫咗好多嘢，食到好飽。Dinner的時段，釜飯+$18可以做套餐有湯、嘢飲和前菜，釜飯亦可以+$18變茶漬飯，不過如果你對日本嘅傳統茶漬飯有要求，咁我個人就不建議加錢試，因為呢個好麻麻，同埋其實個釜飯嘅飯好好味，** 軟熟得黎好煙靱 **，變左茶漬飯有啲嘥...如果再去，我會兩個人叫一個飯，因為飯嘅份量實在太多，叫一個飯之後，其實可以叫多幾款小食。超厚鰻魚真係唔錯，價錢都唔算貴，$118@。 牛肉其實呢個價錢都OK㗎，$58@。蕨餅就一般，口感略覺得未得。（其實賣日本飯圈外賣嗰間「乜乜結」個蕨餅其實好OK，價錢廿令蚊，味道口感good，有興趣可考慮吓。）Overall，都OK嘅～ 服務都正常。食左1個鐘左右到8點半，外面仲繼續有人排隊。

飯太淋冇飯香又冇汁，份量與相片相差很遠（要自己另外再叫才有）價錢不值，店員服務態度差，超級難食..............................

朋友飯聚，友人住九龍灣的，她提議到她家附近，新開一個月左右的餐廳。這間廳是日式廳，由於是新開的關係，環境很乾淨，日式裝修，但職員給我們的坐位是非常狹窄，看到就知稍後點的東西一定不夠位放。餐廳名已說明是釜，當然是吃釜飯。我們有五人，真的點了非常多東西。釜飯加$18蚊就可轉套餐，有前菜，麵豉湯及一杯飲品。我們點了好幾個小食，有五串吉烈牛舌，一客日式炸雞，四串黑松露玉子燒，兩串花生醬燒年糕，博多餃子及沖繩苦瓜餃子各一客，兩客鹽燒三文魚頭，一客甘露甜薯及一客紅酒牛舌。吉烈牛舌剛炸起，外面炸粉薄薄，牛舌不韌，好味。紅酒牛舌味道一般，我覺得跟紅酒不太夾，裡面有點配菜，應該是紅菜頭及紅蘿蔔，牛舌份量不多，牛舌不韌。黑松露玉子豆腐都可以，但我食不出有黑松露的味道。鹽燒三文魚頭很大個，熱辣辣，很脆，裡面有很多肉，非常好味，我很喜歡。甘露甜薯味道麻麻，蓄薯味道不夠甜。日式炸雞我覺得粉太多，味道可以，但我不喜歡。沖繩苦瓜餃子朋友說苦瓜真的好苦，喜歡吃苦瓜就會覺得好食。博多餃子沒有甚麼特別，味道一般。花生醬燒年糕很煙韌，加點花生醬令原本無味的年榚更好吃。前菜不知是甚麼，酸酸的。麵豉湯不是太咸，不錯。我們點了浦

根本唔係釜飯，店家煲定好多白飯，無錯，係白飯，係用清水煮而唔係用高湯煮，然後等客人點餐後就將啲餸料加係白飯上面。咁唔係釜飯都算，你整得好食，我理鬼得你係釜飯定丼飯。之但係你個白飯又爛又硬又實，難食到嘔喎。我點左個鰻魚飯，我老婆點左牛肉，我個女點左個滑蛋吉烈豬(懷念吉豚屋?) 。我同老婆食左唔夠一半，只有我個女個吉烈豬食得多啲。後尾個侍應話我知，個廚房怕趕唔出貨，所以喺繁忙時間整定啲飯，可以快啲上枱，唔洗等。我笑而不語，心唸，你有無見過煲仔飯係煮好個飯先架？麻煩比番吉豚屋我....

上次經過淘大，有位哥哥在街上派宣傳單張，原來附近開了一間釜飯。下面是lunch 同tea的menu，佢款式係一樣，只係有2個價錢。例如鰻魚飯lunch $98 tea $78 配一杯餐飲！ 叫了鰻魚飯，來得比想像中快，一般食釜飯，都要等15分鐘，今次唔駛，最岩趕番工的人。鰻魚肉厚，多汁，配上飯的確好味飯軟度剛剛好，而且有點多，令我剩低一半冇食，店員收餐時見到仲問我係咪唔好食。。真係唔好意思另外的是牛肉食，牛肉有一點硬不是soft 的 (圖中份叉燒係第二碗夾來的😂)叉燒反而味度好過牛肉。不過大家睇價錢，牛肉只係 $48

鰻魚飯不似預期 但叫了 總要吃 不吃就浪費了金錢 份量太少 唔夠飽 魚太細舊 想要多舊魚 好彩隔離有間m記 可以平平地填飽埋果一半嘅飢餓感。飯入面有舊菇，但係舊菇好似禁左20年咁 咬果陣完全冇菇味，吞果下先食到少少。雖然間舖幾靚，d飯又真係舖到ok，但個味道比吉x家仲要差少少，又貴又少，係唔抵食中嘅極品。店員方面雖然會講歡迎光臨同多謝曬，但係好基本，佢地除左呢d之外其他都係黑就黑面，好似系靈堂食飯咁，希望佢地會改進啦，難得淘大有新耶食

期待左一段日子終於開幕，過了新開張熱潮就黎食啦。點左三樣野試試水準。鰻魚(金魂)贅尺：據說金魂是用鰻魚最肥美的部份製作，食落的確肥美肉厚，如此厚身的鰻魚在香港的確好少食到，只可惜鰻魚汁太少。另一欣賞點是白米飯，吃得出是日本米，煮得香滑軟糯，食落竟有點像在日本福岡ごはん家椒房庵吃到的白米飯，相信店主對米飯的製作下了相當多的功夫。黑松露玉子燒：餐牌圖示有兩份蛋，上桌卻只有一份已有點納悶⋯而所謂的黑松露玉子燒只是蛋面的沙律醬上有一丁點黑松露，完全沒黑松露味，而蛋的質感怪又冇蛋味，係伏黎⋯黑炎蕨餅：蕨餅據說是人手製，質感不錯，唯芝麻味略少。四小粒要48蚊都幾貴，值唔值就見仁見智。

鰻魚飯唔錯。鰻魚分為三級，我依次品嚐嘅魚身中間最正嘅部份，真係做到厚身，正甜品係即整嘅，依個亦係我最欣賞嘅地方老闆妳關心我哋有無喺個甜品最佳嘅時候品嚐，比個讚老闆。

最近聽同事講開左間新野比佢講到好難食...咁啱早2日去打淘大打牌 成班人唔知吃什麼的情況下本住睇下你有幾難食去試下點知真係十分有驚喜!!!!!! 4條麻甩叫左4個飯!!個人認為最出色係個蠔飯 間直唔係人食的.......老實 同好多名牌中菜比....呢間野果蠔係我第一次感受到海水既鮮味....之前睇電視見D人成日講咩海水鮮味成日諗...乜海水有味架咩.......原來係咁個海之幸 櫻花蝦飯....真心沒特別......早之叫多個蠔...幔魚....主打飯.....唔係我杯茶.....但西位條友....狂食....佢話個魚好好肉....我只食D汁同飯蕉.....都好味!!豬軟骨飯....好入味好林....可以再食!!整體上其實係完全合格以上的!!一睇D食材已經知道呢間野都好用心的!睇樓上D評語.....咩飯底沒汁.....講真....一個釜飯既底....就梗係沒汁啦....底都有汁果D 叫湯飯呀!!!

今日行過見新開, 入去試下, 完全不好食, 伏, 我地食鰻魚飯, 同前編一樣, 汁超少, 魚皮超淋, 好難食, 另一碗炸雞, 油淋淋, 鄰枱是牛肉飯, 食吉野x仲好過佢。餐飲漏單提侍應跟進, 鄰枱遲過我地都有, 跟住竟然侍應大家對話, 等下啦, 等多兩個鐘啦, 真嬲, 跟住等多陣, 我就再問係唔係要等兩個鐘, ,佢轉頭就比, 但就唔好脾氣, 老公話了兩句, 個侍應就話, 新開業不夠人, 體諒下, 仲話做開尖沙咀, 同這邊地區有些不同, 好想問佢, 有咩分别呢? 都費事同佢嘈😓😓其實是品質問題, 我平時食野會影相的, 但賣相真差, 不會有下次😠😠

原先篇食評冇咗，又要再打過。新開左間餐廳，本身尋晚想去試，但係因為太多人，所以變咗今日嚟食下午茶。一開始想叫一份鰻魚，一份蠔。但蠔冇晒貨，所以叫咗兩份鰻魚。上菜時，見到下面其實係白飯，一啲汁都無。雖然服務員話可以問佢哋攞汁，但係個食慾都已經冇晒啦。到食落嗰陣，其實條鰻魚同啲白飯都係一pat pat，鰻魚唔夠厚，肉質太淋，啲飯唔香。總之唔好食，仲聽到隔離枱都係咁講🤦🏻‍♀️食到一半先記得影相，比大家參考吓。如果可以，我想要番吉豚屋....

不嬲都好鍾意食鰻魚，見淘大會間鰻魚飯，一直都好期待，今日經過終於開左啦！所以就同左男朋友入去試下。我地就叫左兩個鰻魚飯($118)同埋一串黑松露玉子燒($18)，因為新開張難免上菜都比較慢，但我地都覺得只要食物夠好食就唔緊要。黑松露玉子燒一黎到個樣就有d伏，因為睇落好乾，只不過係蛋上面有一條溝左少少黑松露既沙律醬咁樣，食落果然好乾，亦都無黑松露味雞蛋味亦都一般但我地無比佢打擊到，仍然好期待個鰻魚飯！鰻魚飯黎到，望落無咩特別，鰻魚汁好少，只係表面有汁，下面完全係白飯，食落個鰻魚味係唔錯同條鰻魚都幾肥，但見到個飯就唔開胃，個飯係勁硬同無汁，唔知佢係咪想做到煲仔飯有飯焦既效果，所以有d飯係焦焦地，但完全唔係煲仔飯飯焦個回事，佢係搞到成碗飯勁乾勁硬，好似落唔夠水去煲咁，食左一半就放棄左，好頂胃食完今餐，我相信唔會再有下一次，吉野家d饅魚飯都好食過佢！

唔知道係咪第一日正式營業, 服務員同㕑房嘅人都好生手, 落單比較慢; 等候食物和飲品亦要好耐, 所以見到好多客人等唔切就走咗, 而就算落啱order亦會上錯食物或飲品, 另外, 食物同Meau嘅相, 亦相差好遠~~如各位想去試食嘅朋友, 不妨再等一段時日再去試試