金鶴拉麵 (九龍城道) (已結業)

之前已經食過金鶴拉麵嘅雞白湯幾次🙆🏻🙆🏻次次食親朋友都極度推薦我試下鰻魚飯今日咁啱要去土瓜灣唔知食乜好嘅時候發現原來土瓜灣都有一間分店🤓🤓就決定入去試下個鰻魚飯☝🏻✌🏻之前食都見到師傅整鰻魚嘅時候大大嚿又厚肉已經好想食🤤 仲見到師父會每條鰻魚都慢慢挑的骨出嚟 真係好想試下😍😍土瓜灣分店依然都係日式裝潢🎎🏮🎐 比佐敦分店闊落行入去會係吧檯可以望祖師傅整嘢食行多兩步就會有樓梯仔上去座位 裝潢幾有格調😎😎仲有大大幅金鶴圖🍛活燒蒲燒鰻魚飯 $198鰻魚係即叫即燒好新鮮 🐠鰻魚好肥美夠晒厚肉 食落仲有焦香味 外脆內嫩啖啖肉😋😋 而且醬汁係薄薄一浸 唔會太甜太濃味👍🏻👍🏻 仲有啲魚油香好正  飯粒粒粒分明 好有咬口又夠彈牙😆 鰻魚飯仲配埋麵豉湯🍵同埋芥辣八爪魚🐙 🍜金鶴雞白雞拉麵 $98炸牛蒡唔會太濃味脆卜卜 雞白湯好滑溜🤗🙆🏻 慢煮雞肉🐥 口感軟淋 肉質嫩滑 🐷叉燒仲有炙燒過好香口 🥚溏心蛋啱啱好 配料仲有黑木耳同埋竹筍 口感豐富😋😋10% Service Charge💰

呢間拉麵店 機緣巧合 係附近做完野食既 叫左個白雞湯 一飲個湯底 好過分地滑 味道剛好 不咸 有帶甜味 拉麵個麵底彈牙 另外點左個炸雞小食 d肉係有肉汁架！值得一食再食 係食左會有幸福感既餐廳💚

今次去咗金鶴試雞湯沾麵 聽講佢出名嘅係鰻魚飯😍😍😍所以我同朋友一人一個 去試 真心冇得彈🤤🤤店內環境較昏暗 氣氛好高雅 牆上幅畫好有日本風 我地兩點半去到 食午餐🙈😂人唔會太多 環境不會太嘈 個個都好斯文 我地仲可以坐係畫旁 食呢個午餐 好貼心 一坐低 就放低 清香嘅綠茶 同濕紙巾 包裝很美吧😂坐四人枱 一人一分餐牌 有好多唔同小食啦 酒類都有好多唔同款我食嘅係鰻魚飯 好欣賞佢 燒得又滑又香口 一啖飯一啖鰻魚 超滿足 鰻魚汁咸甜適中 鰻魚冇腥味 有幼細嘅骨 唔多 食咗都完全唔覺 鰻魚厚身 所以份量同佢價錢都算合理 沾麵香港都多 但白雞湯 今次係香港第一次見到 上一次係日本食到 所以都幾罕見咁👀我比一百分 可以去試下 麵質 由相可見光澤滑身 雞湯白雪雪 好香濃 食到凍咗都可以翻熱

這間拉麵店在土瓜灣新開了一陣子，起初不知道在這個位置開了店，都是路經這條街才知道。既然開得那麼方便就腳，當然要來試一試吧。店內有分上下兩層，這次我在上層進食，覺得內裡環境別具心思，除了有一幅立體畫之外，還有一個投射屏幕展示不少日本料理的制作方法，令到客人在店內覺得舒適。在拉麵未上之前，先來一客餃子，確實不錯。這個是雞白湯拉麵，上面是炸牛蒡，牛蒡對很多人來說是用來煲湯用的，但這個是炸的會令未試過的人會有所改觀，很特別。而碗內有慢煮雞肉，吃起來肉質嫩滑，再配上雞白湯濃濃的味道，十分搭配。如果想吃得清淡一些，而又想吃慢煮雞肉的話，可以選擇醬油拉麵。我個人覺得這碗拉麵無論是湯底，材料等，都是做到恰到好處。吃過之後，我應該平常會過來吃的，因為慢煮雞肉及雞白湯實在太吸引。

喺香港要搵一間正宗嘅日本拉麵話難唔難，話易唔易！話說前幾日就去咗金鶴拉麵(土瓜灣分店)食晚餐，覺得佢係暫時香港來講最正宗嘅拉麵！首先講下佢個雞白湯沾麵，麵條滑脫脫，識落有種潤喉嘅感覺，同埋好有咬口，煙煙銀銀！另外，沾麵嘅麵條比普通拉麵較為粗身！在配料方面，有兩塊白雞，兩塊叉燒，兩個糖心蛋。沾麵最緊要就係個湯底啦，金鶴家的雞白湯湯底味道唔會太鹹，啱啱好，完全唔會蓋過左麵嘅味道，同埋佢哋真係好貼心，如果啲湯凍左，佢會幫你加返熱，唔夠湯嘅話都會幫你加返！所以雖然佢價錢唔平，但係都幾抵食！另外，我仲嗌左個雞白湯拉麵，麵條比沾麵麵條幼和滑，湯底大致上同沾麵冇乜分別，配料就有兩塊叉燒，一個糖心蛋，兩塊白雞。不過就有好多金色一條條嘅嘢（我都唔知佢係咩黎，不過食得嘅），打卡一流！

自從上次嚐過炭燒鰻魚後，一直念念念不忘，於是又忍不住想再去一次，但又怕佐敦店人太多，就相約朋友到土瓜灣新分店。新店位置不算方便，真的是隱世拉麵店！儘管有地鐵在附近，還是要走約10分鐘才到達，反而是乘搭巴士或小巴還接近。新店貫徹始終，店面有白鶴浮雕玻璃點綴的和式格局，座位較舊店闊落舒適，店內牆上白鶴畫像也很有氣派而洗手間仍採用日式座廁，設備一應俱全😌這晚8:30入座，其實讓我有點卻步。因為某次在舊店排了30分鐘，到晚上近10點，卻吃到令我失望的拉麵😭不知道是否那段時間在做買一送一，所以水準沒能保持.....但因為同行朋友還沒試過招牌雞白湯拉麵，所以這次也點了招牌菜😌幸好沒有令她失望！金黃色的脆牛蒡條，配上濃郁的雞白湯，香滑而不過於膩口，麵條配湯汁爽口入味雞肉雖比初試時少了份爽滑，入口也算嫩滑，水準依然，無論色香味俱全～🥰令我重新愛上🤩然後就是我朝思暮想的幸福鰻魚飯啦😚某次跟同事推薦後，他吃過也盛讚，並說起鰻魚嫩滑無骨的秘密—原來有師傅專人將鰻魚逐條起骨😱怪不得入口啖啖肉之餘，也沒有細骨了！其認真程度令我佩服！這次的鰻魚也炭燒味十足，肉質厚而鮮美多汁，想起同事說的話，更覺珍貴👍🏻前菜芥辣八

今日發現土瓜灣有一間新開間金鶴拉麵餐廳🍴，我同朋友都非常喜歡食拉麵，所以諗都無諗太多，就入左去一試究竟。鋪頭新裝修，裝修睇落去花過一番心機，唔講真係以為去左日本既拉麵鋪頭，雖然地方唔算太大，但對於我而言，就非常喜歡，因為個人比較安靜咁享受美食🙆🏻‍♀坐低左之後，第一時間拎起餐牌，睇下有咩重點推薦，竟然有我最鐘意既活鰻蒲燒飯！另外我地仲叫左個黑蒜油拉麵，一客唐楊炸赤雞。🙈先到嘅係 黑蒜油拉麵🍜，色香味俱全，散發出嘅食物味道令我深刻印象，佢個湯底唔算太濃，清清淡淡反而令個黑蒜油味更突出，可見餐廳對湯底烹既方法非常認真，而拉麵既軟硬度拿捏得非常好，叉燒賣相唔算太突出，但食落去有驚喜。總括而言拉麵都算係不錯，值得一試！主角出場，活鰻蒲燒飯。個飯另配一碗鰻魚清湯，同一客八爪魚刺身。個鰻魚清湯好鮮甜可口，加埋個八爪魚刺身真係絕配。鰻魚份量非常大份，可供兩人食用，鰻魚汁亦非常香口，性價比極高。唐楊炸赤雞 ， 炸得岩岩好，點少少鹽更令炸雞味道昇華。餐牌仲有好多小食好吸引，但實在食得太飽，唯有下次再食過！總括而言拉麵出色，鰻魚飯亦有驚喜。鍾意食拉麵嘅朋友可以一戰。

去完土瓜灣探朋友 就順度搜尋附近有咩隱世美食係一眾五金鋪之中搵到間拉麵店 地面層有bar檯 可以睇住師傳煮拉麵 上層有雅座 和風式裝修 有以日本吉祥物鶴為主嘅壁畫 環境安靜優雅 差啲以為自己去咗日本我就點招牌菜 金鶴 • 雞白湯拉麵 呢碗造型上已經加晒分 金黃色炸牛蒡充滿氣勢 店員好貼心溫馨提示牛蒡同雞肉唔好浸落湯牛蒡香口脆卜卜帶鹹味 雞肉同叉燒非常幼嫩軟腍雪白嘅雞白湯綿密細滑 無豬骨湯底咁油膩拉麵煙韌有咬口 軟硬度都啱晒我口味 朋友鐘意食辣就揀咗辛味拉麵 拉麵上檯就見到圖片與實物絕對相乎 一樣足料露筍 菇菌 溏心蛋 叉燒 雞肉 當然仲有主角拉麵 辛味湯底香濃 但無搶去雞肉同拉麵嘅原味朋友更大讚溏心蛋口感一流另外我地都叫咗個日本明太子雞翼 去骨雞全翼內釀滿明太子 滑嫩雞肉夾雜陣陣辣味 雙重味覺享受要數到餐廳最最最特別位置 應該要數到洗手間 日式馬桶坐便器 電視機 化妝棉 棉棒 洗漱用品 仲有女性衛生用品 貼心度💯 直逼日本 真係好羨慕土瓜灣區居民有間食物出色 服務貼心 環境高級嘅拉麵店

想不到連土瓜灣這個舊區也開了拉麵店，這家拉麵店的拉麵湯底不錯，叉燒也挺好吃，舖頭也頗有格調，可見老闆在店舖裝修上花了不少錢，哈哈。可是，我不太喜它們拉麵的質地，可能是個人口味吧。

一般的拉麵店的座位都很擠迫，每次去都很想吃完即走。但土瓜灣的金鶴拉麵，座位則難得一見的非常寬敞舒適。店面以黑色為主打，感覺很有日本武士風。沒想到拉麵店的服務都能如此周到，餐前店員會送上優質厚實的日本濕紙巾抹手，洗手間更有牙具提供。一般吃拉麵，我都比較鐘情豬骨湯，濃郁的味道令我忍不住一口又一口往咀裡送。金鶴拉麵以雞白湯為主打，湯頭以六小時熬製，熬成牛奶般的奶白色。試過雞白湯後，它成為了我心中比豬骨湯有過之而無不及的拉麵湯底。雞白湯拉麵雞白湯味道香濃得來，比豬骨湯少了一份油膩感，而且質感很幼滑。拉麵完份吸收了濃郁的雞白湯，味道好就肯定的了。雞肉嫩滑得出奇，原來是用慢煮的方式烹調，難怪又嫩又juicy。叉燒同樣肉嫩，脂肪位的肉味特別香。炸牛蒡不要浸進湯中，要趁脆快吃才好。活燒蒲燒鰻魚飯店家採用新鮮的鰻魚，即場在廚房生燒。即燒鰻魚的肉質保留著豐富的彈牙感，焦香的魚肉厚實啖啖肉。一客鰻魚飯，熱騰騰剛燒好的鰻魚蓋滿在飯上，份量絕對充足。跟鰻魚飯有漬物前菜和湯。八爪魚漬物味道不錯，湯品中加入了三文魚骨，令湯味道更鮮甜。如果獨自一人來店，在雞白湯拉麵和鰻魚飯之間選其一，實在是兩難！

自細係土瓜灣大，舊區小店係固有印象。隔左幾年再返去，桃花依舊，人面全非，想搵啲野食都要撳下openrice竟然比我發現金鶴拉麵係度開左分店，點都要試試兩個人入黎，環境相當唔錯，好有日式小店feel，分開兩部分，一入門口bar枱，上半層既普通餐枱，型格舒服一望個餐牌，定價都幾高，一個鰻魚飯竟然索價$198，雞白湯拉麵$98心諗土瓜灣咋啵，不過一場黎到，食就食啦！就叫一個麵一個飯！個鰻魚飯強調3cm厚，製作需時，所以一早叫左，等左真係成25分鐘開蓋後啲香味攻出黎，特登都睇下塊鰻魚有冇吹大左，3cm，唔夠都唔爭幾！有份量食落鰻魚燒得好透，但有小小美中不足係條尾略嫌燒燶左啲，有苦味！至於拉麵，第一次食雞白湯，好食個湯好creamy好滑，放面既炸牛篣好吸睛點湯食好夾，就咁食就有啲酸不過個叉燒就有啲雪味，呢個價錢黎講，爭啲啲！整體味道都可以接受，係有啲貴

再來一碗吧！🍜金鶴拉麵嘅雞白湯拉麵岀唒名好食 bookmark左好耐終於去左試啦！不過今次唔係去佐敦 係去佢嘅新分店食😛必須要為呢間正正拉麵店寫一個好評🤩🤩🍜 金鶴雞白湯拉麵 $98炸到金黃色嘅牛蒡非常吸睛呀店員仲同我地講要快啲食 脆卜卜 正呀！材料非常豐富 有流心蛋、木耳絲、慢煮雞胸、日式叉燒☺️先講講湯底 奶白色嘅湯底 用雞骨敖六個鐘 入口清甜又唔肥膩 忍唔住飲左好多🙈流心蛋夠唒流心 好味道 只要download佢嘅app 仲送多隻 一定要dl😆慢煮雞胸 係我食過甘多雞胸最好食嘅一間🤩超級嫩滑嘅雞胸呀 仲好juicy 難得一遇嘅好雞胸😍 日式叉燒中規中矩 相對普通😛麵條較幼 也能掛湯的✨🍗 日本明太子雞翼 $48雞翼裏面釀滿辣辣地嘅明太子 漲卜卜🤩雞翼外皮燒得脆脆地 呢款小食值得推介呀🥟 煎日式餃子 $33仲嗌左煎餃子 較普通 順綷過下口癮🙈✨ 呢到環境唔錯 燈光好足夠 令拉麵望落更吸引☺️店員服務有禮 下次有機會要試埋鰻魚飯 好似好厚身甘呀🤤🍽 金鶴拉麵🔎 土瓜灣九龍城道10-16A號聯業大廈地下B舖

成日都想去金鶴拉麵今日終於去試咗啦 就嚟行到去已經見到佢個門口勁日本feel入到去佢啲裝修都好日式 我最欣賞就係佢個廁所超級超級乾淨 仲要係日式嘅馬桶即係嗰啲會發熱電動嘅馬桶我都係第一次喺香港見到人用去到梗係試佢哋嘅招牌拉麵白雞湯拉麵啦 我想講佢哋上菜勁快5分鐘都唔使就有 我哋叫咗個兩碗拉麵就已經到咗啦 首先佢啲湯底係超濃同埋有啲稠身嘅所以基本上你每一啖飲落去都飲到好濃郁嘅雞湯味 之後佢啲拉麵都幾煙韌同埋佢啲拉麵都算多佢仲有兩塊豚肉兩塊雞肉佢個雞肉口感非常特別 豚肉佢就係燒過嘅 到佢隻蛋都係精粹佢係醬油蛋仲要係流心🤩 同埋佢仲有啲炸牛蒡喺上邊雖然佢係炸嘅但一啲都唔覺得好油膩 非常脆口另外我仲叫咗明太子雞翼雖然佢一客得兩隻但係佢勁好食佢裏面係包住好多好多明太子 而且裏面係冇骨嘅 同埋佢應該係即叫即整因為上到黎嘅時候係超熱所以呢個都好值得一試

一間非常低調但高質既日本餐廳！唔係同事介紹，我諗真係唔會識黎食！餐廳附近都唔係食肆，人流唔多，但入到去，竟然9成滿座餐廳裝修有格調，而且私隱度不錯，直行經過吧枱才見到有客人用餐，以為無嘜人，原來已經坐滿人吧枱我也喜歡，可以看到師傅製作過程！見到煮食地方及用具都非常乾淨衛生，作為客人都食得特別安心枱底有一級腳踏，所以唔會坐到腳fing fing，同坐餐枱一樣舒適午市限定👇主餐牌有拉麵、小食但最最最吸引我視線一定係呢個活燒蒲燒鰻魚飯同圖片係一模一樣唔係只供參考望到個樣，我已經流曬口水鰻魚份量十足，非常肥厚，咬落去啖啖肉有口感！邊位燒得微脆，內裡保持軟滑，入口充滿肉汁，真心超級好味$198絕對值得！！！真係好肥美而且燒得岩岩好嫩滑無骨。飯係選用七星米，粒粒分明，燒汁加埋鰻魚肉汁滲透係飯，每啖都十分滋味明太子雞翼$48熱辣辣，雞肉嫩滑唔乾，包住微辣惹味既鱈魚卵子呢個鰻魚飯真係令人非常驚喜， 一定會有下次

之前去過佐敦嘅金鶴拉麵食過，排隊排到痴咗線，仲要我夜晚太夜過去所以賣晒鰻魚飯。見到上網介紹真係好想試吓佢哋鰻魚飯，咁啱今日嚟到土瓜灣。諗都唔諗就試吓佢哋金鶴拉麵嘅分店，一坐落嚟即刻問佢有冇鰻魚飯， 今日勁好彩仲有鰻魚飯終於可以試到。除咗鰻魚飯之外都叫咗個雞白湯拉麵，雞白湯拉麵我都食咗至少五次，真係唔錯。講返今日嘅重點鰻魚飯先，鰻魚飯好厚肉， 真係同外面嘅鰻魚飯有分別，佢哋飯同埋鰻魚嘅比例係一比一，超級無敵大舊鋪左係上面係有兩大舊。唯一有少少不足嘅係我覺得鰻魚汁可以落多少少因為個飯唔係太夠味道，不過個鰻魚真係啖啖肉得來好Juicy成口油好正