金鶴拉麵 (九龍城道) (已結業)

最近有個增肥計劃，男朋友開到聲要我肥多少少！我可以放肆咁食野啦！今日中午食飯，男朋友要番工，lunch得我一個人食飯，我去左我最愛的金鶴拉麵！我諗都唔使諗就叫左我最愛既活燒3cm厚切鰻魚飯！加點餃子和炸雞！一個女仔叫咁多，店員都嚇到呆左！厚切鰻魚餐廳講明有3cm厚，果然無錯！鰻魚即叫即燒厚切肥美，幼骨少量無阻味道。入口魚肉爽嫩爽口，油脂豐富甘香！飯粒用上日本米，加上出色醬汁和芝麻粒，完全是頂級享受！餃子皮薄，餡料肉汁豐富。最愛炸雞，大大件充滿肉汁！

今日落左成日雨，執好晒屋，到晚飯時間終於肯停雨。 唔想留家煮就外出行下揾野食。走到金鶴拉麵被門口吸引了，進内原來有兩層，服務員就帶我走上層安排坐位。上層也坐滿了客人，我的心就定了 點了醬油拉麵糖心蛋是我的最愛，除了日式叉燒外，還有兩片雞肉，雞肉十分出色，肉質嫩滑有雞肉的味道而拉麵的麵質十分彈牙。日式炸雞大大件，而且一點也不油膩，炸至外脆内嫩，肉汁也能保存，十分難得價錢親民，而食物也很不錯，下次會再來

呢間係土瓜灣既拉麵門面唔算好突出，但唔算難搵，入面既格局真係好有日式風格。佢既招牌拉麵都有唔少，日式便當都有，當然仲有日本酒同小食喇。我地就叫左個黑蒜醬油拉麵，黑蒜味唔會太濃但豬骨味好重，食得出係真材實料煲出來既湯底，豚肉質地冧而油脂重，麵既質地啱啱好，好好咬口又好掛湯汁，配料都好足，整體來講成碗拉麵係好有誠意。另外我地仲叫左個雞白湯沾麵，呢個麵，由個湯底去到麵質都係極高質素，沾麵用既係太麵，軟硬度啱啱好，而沾麵既汁又係極濃，有極重魚同雞既精華，最正既係無論浸豚肉定麵落去都係極之掛汁而且勁夾，係高誠意之作。除此之外先地仲叫左一碟溏心蛋，流汁既效果非常之好，蛋食得出係日本蛋，味道上面都係勁正，蛋黃滑得來唔怕太過黏口，好好食。下次經過紅磡一定會再來食

今日要外出工作去開土瓜灣，咁當然就喺呢邊搵食啦！行行下見到間日本野食拉麵嘅，個名熟熟地，但又記唔起係邊，呢個時候就緊係上網搵吓啦！一搵就就知原來佢喺佐敦都有分店，仲係要排隊嗰間，咁二話不說緊係衝入去啦。入到去右手邊就係拉麵師傅嘅主場，一張長嘅bar嘅枱，可以邊食邊睇住師傅嘅功架。不過店員無請我地坐嗰度，而且帶咗我地上咗幾級樓梯嘅位置，雖然呢度坐位唔算太多，但空間感十足，而且氣氛都幾好。坐定定就揀野食喇！太餓嘅關係，我地每人叫咗碗拉麵，再加三個小食。招牌雞白湯拉麵平時香港主打多數都係豬骨湯底嘅拉麵，得少以雞湯為招牌，一上菜就聞到雞嘅香味，香濃但無好油膩嘅感覺！ 賣相都極吸引，有一堆炸咗嘅野放喺旁邊，原來呢啲係炸牛蒡，都幾好味！另外一碗要咗黑蒜湯底，有時食黑蒜會好怕太咸。但今次呢個香味又幾好，女仔黎講呢個麵的size都唔錯！係大滿足除此之外，我同朋友就點咗餃子，炸雞同明太子雞翼推薦小食為明太子雞翼，香脆可口，而且又細心地在雞翼尖放有錫紙比客人拎住食，呢個細心位勁貼心。

今晚同呀媽去高山劇場睇舞台劇，又怕食得太heavy, 所以抽揀左間位於高山劇場附近新開既拉麵店食晚飯, 叫做金鶴拉麵, 原來呢間店就係響土瓜灣個新樓盤津滙下面, 好易揾!6點半鬆啲我地就到左, 未係太多人, 個門面好日式, 好和風, 店面所有裝潢都係日系, 想打開門前就有侍應幫我地開門, 好有禮貎, 而且一入去就見到啲 “Gar仔” 係bar枱煮野, 好正! 不過侍應帶左我地上樓, 其實係上左幾級樓梯, 又完全唔同feel, 響bar枱你會見到佢地係度煮野, 響上面你就完全同佢地隔開, 裝潢係高貴既全黑再加一啲金黃色既壁畫, 個感覺好舒服, 好高貴, 好日系, 我差啲以為自己去左京都….. 好掛住日本啊!我地坐低左好快店員就提醒我地如果想叫鰻魚飯就要早啲點, 如果唔係可能要等, 所以我地都點左應該係最多人會點既鰻魚飯同埋金鶴雞白湯拉面, 而且都聽到店員好細心咁同隔離果枱既食客講要早啲點鰻魚飯, 好細心! 而且好有禮貌呀!本身以為個鰻魚飯會好細個, 但點知黎到都唔細份, 有六塊鰻魚, 令我諗起響京都必食既鰻魚飯….. 問左店員拎山椒粉, 好彩佢地有! 食鰻魚飯一定唔少得山椒粉! 啲鰻魚面

前排睇電視講雞白湯拉麵 搞到得都好想食 雖然去唔到日本食 咁我就搵下邊到有喇 見到依間就即刻搵埋朋友同我一齊去食門面唔算好突出 都幾簡單 唔搵下係唔知有依間 但都幾易搵到 入到去都幾有日式風味 入面仲有吧枱睇師傅本野食 一心想食雞白湯拉麵 睇到佢份menu 搞到我心大心細 最後我同朋友就分別簡左兩款唔同吧拉麵金鶴雞白湯沾麵一黎到我就嚐左個沾麵汁🙈嚐完我都嘩左出聲 仲比左少少我朋友嚐 個沾麵汁係極濃 入面有好濃郁嘅雞同魚嘅精華 啲拉麵好掛汁 食落啖啖麵好濃郁 豚肉雖然唔係好厚 但佢輕輕燒過👍🏻唔錯 雞肉好嫩滑 唔會好鞋口 啲豚肉同雞肉都拎埋去浸下啲沾麵汁 都唔錯 係另一番風味黑蒜醬油拉麵黑蒜味唔會太濃但豬骨味好重 黑蒜油味好香 令人食指大動🤤 碗拉都配料都好豐富 紫菜好脆口 糖心糖係正 豚肉肥瘦均勻 油脂分布平均 食落好高質另外仲叫左小食溏心蛋啲麵嘅糖心蛋已經好正 所以特登再叫多份去食🤤糖心蛋個蛋黃仲係好糖心 仲有流心嘅效果👍🏻食落係勁正 有濃濃嘅醬油香味 蛋黃好滑 唔會黏口 下次經過要再去食埋佢地其他嘅款式呀🤤

🔥活燒蒲燒鰻魚飯 $198🔥聞名已久鰻魚飯，號稱於店內劏及生燒，即叫即燒，務求最新鮮最熱辣辣咁呈現喺食客面前！🔥店員一開蓋，我就知道係美味嘅開始😍🔥色 - 鰻魚塗滿燒汁上色，外皮燒到微焦🔥香 - 燒汁、蒲燒香湧出黎🔥味 - 一入口，外皮微脆有焦香，內裡鰻魚肉無骨、厚身、彈牙、豐油香。燒汁味道剛好，唔會過甜，食到鰻魚的食材味。日本七星米就正常，雖然唔算特別有米香，但混合燒汁同魚油，入口無得輸。🔥色香味俱全！唔單止食材新鮮，烹調亦出色，絕對唔係坊間啲乜乜乜原條蒲燒鰻魚飯可媲美。🔥湯係鰻魚骨麵豉湯，唔會太咸。小食有八爪魚，都係正正常常。🔥下次再試試另一個招牌 - 金鶴雞白湯拉麵Feast Level: 🔥🔥🔥🔥🔥/5

餐廳以黑色為主調，令人感覺環境好有格調而且帶點日本風味 ，而且仲播住日文歌。.招牌金鶴雞白湯拉麵奶白色的雞湯底好鮮甜，完全唔重口味，同一般拉麵店最常食到的豬骨湯底多左一份清甜。最吸晴同最有特色的一定係炸到金黃色的牛蒡！香脆可口的牛蒡完全係食唔停口，😋另外仲有半隻溏心蛋、兩塊叉燒同兩塊慢煮雞肉，薄片的叉燒用火炙熱過，帶點焦香，而且肥瘦比例好平均！👍🏻.估唔到係拉麵店的鰻魚飯竟然比起拉麵更深得我心❤️係香港成日食到貴價劣質鰻魚飯，但呢間的鰻魚飯是難得一遇的高質，肉質肥美帶油香，質感不是入口即溶，反而帶點爽口，用蒲燒汁燒過的表皮好香脆！鰻魚飯的套餐附送魚骨湯和芥末八爪魚粒，個芥末八爪魚作為前菜好開胃，一下就比我食曬口🤭

響香港想食一個真正得上日本人整既鰻魚飯其實唔容易，而且鰻魚飯其實煮法都有唔同門派，有啲會蒸熟左先燒，有啲就直接活鰻用炭火燒，整出黎既效果，口感同味道都各有千秋。為左滿足一下口慾，今次試左呢間拉面店既鰻魚飯，雖然份量無京都見到果啲鰻魚丼咁誇張，但係鰻魚份量都唔少。佢地既鰻魚好厚身，好多肉，鍾意啖啖鰻魚肉既朋友應該會鍾意。不過我就覺得用無咁厚肉既鰻魚有個好處，就係成條鰻魚剚可以入味啲，佢地呢度既鰻肉有肉厚既好處，但就令到肉既中間部份唔夠燒汁味。不過整體都算ok既。

本人是個拉麵迷但未試過吃雞白湯拉麵首先湯真是很白令人驚喜的是上面一點油都沒有上面還有脆脆的炸牛篣浸落湯再吃就更好吃 雞肉很嫩另外加了28元會有4件低溫慢煮日本赤雞咬下去和平時的雞不一樣 而且很重雞味每一塊雞肉都很大塊 真的很好吃 令人吃完又吃拉麵很彈牙爽口如果可以加麵我會想再加麵繼續吃 而我最喜愛的是溏心蛋 令我喜岀望外因為蛋黃是入口即溶 吃下去鹹香鹹香的整碗拉麵都很岀色 值得推介另外值得一讚的是廁所餐飲店的廁所一直帶來的印象都是不乾淨但這店舖恰恰好相反 廁所真的好乾淨 而且坐下去廁所板是暖的 真的和日本一模一樣 好貼心

作為拉麵控的我 得知土瓜灣開了新分店所以決定去這區探探店才行🤭🤭店裡面的燈光比較柔和 而且挻有風格在大堂還有一幅挻漂亮的壁畫🌟此時我腦海浮現"金壁輝煌"這組字·招牌雞白湯拉麵 HKD$98第一口飲個湯底 很濃郁的雞湯味道🤭這碗拉麵賣相太吸睛 我也拍了幾張裡面有雞肉和叉燒🤤🤤肉質不會太韌·辛味拉麵 HKD$88再飲一口這個湯 微辣但很香的湯底拉麵的麵質剛剛好 不會太腍😋😋·唐揚炸雞 HKD$28(午市跟餐價)新鮮做出來的雞件要馬上食才是棒棒噠食拉麵很多時候也會配這個小食來食🤭因為每一家做出來的味道也各有分別·煎日式餃子 HKD$28(午市跟餐價)這個是豬肉白菜餃子 配上醬汁增加口感很快被食清光了😂😂日式餃子也不錯·綠茶軟果 HKD$28(午市跟餐價)飯後來個甜品 快活過神仙🤣🤣微微冰涼的感覺 挻煙韌的口感🤭下次再試試其他味道的拉麵才行🤔

好少到土瓜灣覓食，今次有朋友帶路，黎到呢區搵野食。呢間日本餐廳聽講係新開的，入到去見到裝潢都好靚，一坐低，店員就馬上拎左個籃比我放手袋，好貼心❤️叫完野食之後，店員就一人派一包呢個（見下圖），一睇到以為係棉花糖🤣🤣原來係日本濕紙巾，比我地抹手，又係抵讚👍🏻但係同時又覺得好似有啲唔環保♻️等左約半小時，野食先到。我叫左呢度既招牌—金鶴雞白湯拉麵，拉麵既賣相好靚！啲炸牛蒡條炸得好靚，食落去又脆又甜，唔錯！但係建議快啲食，林左就無咁好食喇。聽講呢個湯係好出名，係奶白色的，即刻試啖湯先，果然 好 好 飲！啖啖都好濃好滑好甜，我全部飲曬😂😂😂好滿足！真係好值得試！呢碗仲有好多肉類，有叉燒同埋雞肉，個叉燒燒得好香，雞肉切得好厚，啖啖肉！朋友叫左鰻魚飯，鰻魚好厚身，外面少少脆，鰻魚汁份量適中，足夠用鰻魚汁撈飯食

今日黎到土瓜灣呢度想食日本野，其實交通都幾方便，旺角有巴士直到👍🏻而且附近都有個就開嘅地鐵站！見到呢間金鶴拉麵咁多人推薦，就一於試下佢！門面環境都十分靚，好有高級日本餐廳感覺，主要用黑色嘅木黎打造高級感，而入面都有鶴嘅圖案做裝飾，夾雜住傳統同現代嘅日本風格，而且座位都十分舒適，位與位之間都有個適當嘅距離，可以有返適當嘅私隱空間。食物方面，我地揀左店舖招牌雞白湯拉麵，仲有鰻魚飯。雞白湯拉麵嘅湯底相當濃郁，食得出肴製左好耐而且冇味精味，食完唔會口渴，好值得一試👍🏻鰻魚飯燒得好香口，飯嘅份量亦算多，仲跟個魚骨湯，食完飯再清清胃口感覺成餐飯都好圓滿！再有機會黎土瓜灣我都會想再食多次試埋佢個沾麵

之前喺佐敦總店食過呢間，覺得好堅，無端端俾大胃見到土瓜灣都有分店，心癮一起，加上好日本風嘅門面，把心一橫踩入去！點知裡面仲和式，地方闊落，令食客好有私人空間嗌返上次食過嘅招牌雞白湯拉麵先，真係好回味啲一條條唔係好記得係咩，脆得嚟有少少煙韌，好過癮！雞肉好似經過慢煮，超嫩口，配埋好濃郁嘅雞湯，成碗麵根本連湯都唔會剩鰻魚飯set有Wasabi章魚做前菜湯方面，佢係用鰻魚骨嚟熬，好有心思主角嚟喇，塊鰻魚真係超厚呀，厚而不膩確實難得睇檯墊先知，原來已經開多三間分店，希望佢可以努力keep住水準啦

最近電視節目介紹日本D拉麵，搞到我都即時想去食。無奈唔可以即時飛去食，只好係Openrice搵下拉麵店。搵到呢間金鶴好似幾吸引，就同女朋友去。除左有拉麵之外，仲可以選擇鰻魚飯。呢度有好多小食揀。我就叫左金鶴雞白湯拉麵，湯底好濃雞湯味，我建議一啖湯一住麵，就可以令湯底掛上d麵度。另外，有2片雞肉，個人認為係幾嫩滑幾好味。仲有2片豚肉添。最特別係有一堆炸左嘅牛榜，幾特別。我地仲叫左黑蒜醬油拉麵。湯底黑蒜味幾香，雖然無雞白湯咁濃，但湯底味幾香都好食。小食我地叫左碟餃子，即叫即整。餃子皮幾薄。日式唐揚炸雞好值得推薦，因為即叫即炸，好香口。雞肉都非常嫩滑。另外，有d鹽可以俾我地沾下，加強味道嘅豐富程度。