金鶴拉麵 (九龍城道) (已結業)

去土瓜灣做D野，完咗啱好飯點，行過見到間拉麵，門口幾型，神神祕祕咁，就想去一探究竟。餐廳環境幾有日本feel，有種古風既感覺，近門口係吧檯位，入面就係普通位，都幾闊落。雞白湯拉麵（$98）哩個應該係招牌來，我點左來試。一上檯覺得幾得意，好好奇舖上面果堆咩來。原來係天婦羅（覺得似係茄子）長長一整條，好食又好玩。飲一啖湯，好驚喜！係好香濃既雞湯！！食耐D又唔覺膩之前食拉麵多數猪骨濃汩，雞湯我係第一次試咋。慢煮雞肉--麺入面既餸來因為本身惗住點慢煮雞肉其實，但店員話麺入面都會有，所以就轉點其他小食。其實我係好怕啖啖肉既人（比較鐘意食有骨）可能因為慢煮啦，唔覺得鞋，覺得好有心機。講真哩個麺都唔貴，個湯、天婦羅同慢煮雞，完全感受到廚師係好認真~日本明太子雞翼明太子釀係雞翼入面，雞翼已經去左骨，正~表皮好金黃同乾身，入面咸咸地，其實好適合佐酒^^雞白湯沾麵（$138）其實同上面既拉麵一樣搭配，不過係沾麺版，多半粒流心蛋添 XDMenu介紹沾麺最後係有經過冰鎮，所以係會彈牙D湯入面都係會有配菜既，作為好奇寶寶既我當然要試一啖。哩個湯比拉麵湯味道更加濃同埋厚身，兩個湯係有分別既整體來講，我係完全感覺到

話說在openrice搵食嘅時候，掃到呢間竟然有幾十個笑口，啲comment數仲高密度，好驚訝。就分享一下自己嘅用餐經驗。入去嘅時候，有幾個陸客離開，估計係附近酒店嘅住客吧。之後就得返我一個客。嗌咗碗雞白湯拉麵，$98，呢個價位係土瓜灣嚟講係幾貴。不過，試咗好唔好味先啦。習慣食拉麵先飲一啖湯，個湯唔鹹，但冇乜特別。麵上面有一條長長嘅炸牛蒡，店員話要脆食。個炸牛蒡係幾特別，如果浸咗湯食就會韌啲。雞肉個人覺得有啲淋，麵質普普通通。糖心蛋個味道係OK嘅。成碗食完之後再下一個評價？呢個味道，呢個價錢，喺土瓜灣食其他嘢吧。

好出色既拉麵店，首先餐廳既裝修格局已經可以比客人感覺到店主好用心去營造氣氛，而且感覺都好高級。我地叫左個招牌白雞湯拉麵同埋醬油拉麵。無論係白雞湯定係醬油湯都處理得好好，絕對會令人好有衝動飲晒d湯佢。佢既白雞湯相比起另一間都以雞湯作主打既連鎖拉麵店出色好多。而且都唔重味精，食完唔會覺得口渴。2碗麵既料同份量都好足，連我最愛既溏心蛋都有埋。小食方面，身為雞翼狂，我當然點左一份明太子雞翼黎試。明太子好足，而且伴有小小辣，非常惹味。除左雞翼之外，我地仲叫左一份唐揚炸雞。雞非常嫩，另外碟上備有鹽，等客人可以試另一種口味，因為佢既鹽好特別，係帶少少檸檬味的。飲品方面，呢間拉麵店都會有茶提供，十足十真係響日本食拉麵。

多次行經這段路，居然未有留意到原來這裡開了間金鶴拉麵，今日撞見朋友，順便一齊食個午餐，朋友推薦就一齊來到這間拉麵館。餐廳分上下2層，地下是吧枱，樓上一層原來有很多位的，裝修以黑色為主調，感覺有點日本Feel，比較優雅。金鶴雞白湯拉麵$98金鶴雞白湯拉麵，最顯眼的是炸牛蒡，炸到金啡色，牛蒡的造型酷似白鶴的造型，原來這就是金鶴雞白湯拉麵名字的由來。有流心蛋、雞胸肉、日本叉燒、黑木耳及炸牛蒡。湯底很清甜，拉麵煙煙靭靭，帶著麥香。流心蛋流心蛋黃軟軟滑滑帶著濃香，口感幼滑香。平時不太喜歡雞胸肉，因覺得比較鞋，不過這個雞胸肉就比較嫩滑。辛味拉麵$88辛味拉麵也是有流心蛋、雞胸肉、日本叉燒、黑木耳、蘆筍及泰菇…等。之前食過的日本辛辣拉麵辣度比較輕微，但這裏的辛辣拉麵顯得比較辣及辣得來味道帶香，正好滿足了我愛食辣的口味。凡惠顧任何拉麵加$28，可追加以下一款小食，午市限定。煎日式餃子$28內裏仍然很多肉汁，調味比較入味，餃子煎得也很香口。日式唐揚炸雞$28日式唐揚炸雞，大大件，炸到外脆內軟多汁。可口可樂$18有炸雞及煎餃子，當然會揀多一個可樂可口，消滯又好味。

土瓜灣呢個舊區，因為地鐵遲遲未起好，較少去嘅人會覺得交通唔方便，不過只要去過就會發現實情並非如此，就好似呢間新開嘅拉麵店，其實位置幾方便，行5分鐘都唔洗就有巴士出尖沙咀，車程都係十五分鐘左右，另外仲有去銅鑼灣嘅車，都係好快。餐廳裝修得好有日本feel，大至環境，包括洗手間，小至餐具，都令我覺得自己去左日本今次二人食左鹽味拉麵($78)，黑蒜醬油拉麵($98)，醬漬日本塘心蛋($12)，燒黑豚肉串($48)鹽味拉麵嘅湯底主要由鰹魚湯mix不同嘅日本鹽而成，濃郁嘅鰹魚味帶點鮮甜，又唔會過咸，適合覺得清淡口味嘅朋友至於鹽味拉麵，係相對而言無咁清淡，不過個人就較愛呢款，湯底充滿香蒜味，係由自家秘製黑蒜而成，menu仲話係適合轉季天氣食用而兩碗麵都有低溫慢煮嘅雞胸肉，十分彈牙，完全唔係平時食果啲又乾又唔滑，另外黑豚叉燒都係火炙過，好香口，不過塘心蛋各得半隻似乎唔夠喉，所以就加多一隻二人share麵條係較幼，食落都Q彈，唔會過軟或過硬最後呢串串燒都燒得幾好，但有啲肥，算係不過不失。整體而言真係性價比不俗，值得再黎

近日聽同事話金鶴拉麵好正，而且開了幾間分店，今日放工，約了去 食， 交通方便， 就在土瓜灣圖書館後面，好易找。見到隻鶴，已經知道係食日本菜了門口是地道日式高櫈，可以和廚師 零距離但揀了上幾級樓梯的坐位，可以坐多些時間傾下計，除了卡坐，亦有房間可以包廂食具和式 feel呢條濕紙巾， 彩虹包裝好靚🤩🤩黑蒜醬油湯拉麵餸料有紫菜 、溫泉蛋 、 慢煮雞塊、 木耳絲和豚肉豚肉肥瘦均勻， 肉質軟腍， 雞肉慢煮雖然是雞胸部分，但一啲都唔覺柴口， 醃得好夠味， 醬油汁味鮮，黑蒜香味濃，連湯都飲哂燒雞泡魚乾即燒雞泡魚乾上枱熱騰騰， 似豬肉乾有少少煙韌， 慢慢咀嚼可以食到魚嘅鮮味，加少許沙律醬， 更覺惹味活鰻蒲燒飯賣相已經滿分了套餐有魚骨湯和飯前小食八爪魚， 鰻魚烤得焦脆肉鮮嫩，用珍珠米做飯非常配合，加上特製鰻魚汁簡直是一流，如果汁可以加添就 perfect 了個飯雖然係貴左 d, 但物有所值

之前食過佐敦金鶴，今次係下鄉道做嘢，見到土瓜灣都開咗間，即刻入咗去！可能新開，未係好多人！門口好靚，入面都好有日本feel! 講咗嘢食先！雞白湯麵: 金鶴嘅signature黎, 湯底好濃，仲要唔鹹，連飲幾啖都唔覺口渴！唔同平時d豬骨湯，味道清小小，濃得黎唔漏，麵夠煙韌，再配埋d炸牛蒡，超夾！叉燒幾多，仲有雞肉，雞肉唔鞋，係好食嘅！炸雞: 正正常常咁，日本餐廳應有嘅質，上到黎熱辣辣！烤豬: 豬五花黎，第一啖有d肥，之後就ok，食落甜甜的，燒得都幾好！呢間金鶴d服務好到爆，個個都勁有禮貌，主動幫手refill 水！總括黎講，嘢食好食，service 好，鋪頭靚，一定會再幫襯！Btw, toilet 環境好好🤣仲勁貼心，好似日本咁有埋d女仔嘢，棉花棒，牙刷。。。甚至M巾！🤣

金鶴拉麵我最少已經食過3,4次喇前排佢有買一送一拉麵所以我成日去食一碗都係$50姐近排先知原來土瓜灣都開咗一間分店一入到去同佐敦嗰間比闊落好多 同埋裝修都好有日本嘅風味係咁靚嘅環境下食拉麵都幾舒服試過好多次拉麵今次想試吓佢嘅鰻魚飯雖然價錢有啲貴唔捨得 $198 但係上網睇人哋評論好似真係好好食咁喎 所以今次就的起心肝試吓個鰻魚飯估唔到又真係幾好食 鰻魚冇咩骨每一啖都係肉鰻魚嘅汁又唔會過重cum住咗鰻魚嘅味道同埋好似啲鰻魚係每一日新鮮烤嘅所以比起出邊嗰啲真係爭好遠另外都叫咗雞白湯拉麵同埋辛味拉麵大概都係$88 $98一碗雞白湯拉麵我已經食咗好多次啦 雞湯同佐敦嗰間一樣都係咁濃郁 去買啲拉麵真心幾鍾意 平時喺出邊食嘅拉麵通常都好油好鹹但係而家就唔會

最鍾意食日本拉麵，呢間拉麵出名食雞白湯拉麵（$98），當然要叫返一個雞白湯拉麵食來到有個炸得好靚嘅牛蒡，店員話要即刻食，因為如果唔係會苦，食落去好脆，幾好食雞白湯拉麵，湯係呈奶白色，真材實料，飲落充滿雞味，好creamy。而且糖心蛋都做得好出色，配料有雞，雞一啲都唔「鞋」，而且豚肉夠肥美。麵質係粗嘅，都幾有口感另外仲叫咗個醬油拉麵（$78），醬油湯夠濃， 麵質係粗嘅，都唔錯， 呢個拉麵仲有紫菜㖭。午餐加$28有芥辣八爪魚，份量都唔少，細細粒切成一碟，當小食一流。午餐仲有其他加配優惠，任君選擇呢度嘅鰻魚聽聞都係好食嘅，我就叫咗一串鰻魚串（$68）， 一串有三塊鰻魚，燒得好脆。最好食嘅係個面脆卜卜，入面鰻魚軟淋淋，夠多鰻魚汁，推介。餐廳環境幾大，而且坐得幾舒服，不失為一個食拉麵嘅好地方。餐廳一入去都有少量座位，而上去就有更多寬敞位置。

好耐都冇去土瓜灣，今日 同老公去探個朋友 所以去咗土瓜灣， 朋友介紹去食呢間日本拉麵， 話超級好食 ，所以探完之後，我哋兩個就去試下啦。 一入到去好舒服， 枱與枱之間好多空位 ，裝修得好靚， 有modern嘅日本風味。 我哋兩個人 叫咗一碗黑蒜油拉麵， 一碟 燒鰻魚串、 炸雞、 溏心蛋 、雞泡魚乾 。先來個溏心蛋， 好好食 ， 唔會太鹹， 但係好夠味 ，蛋黃仲係流心嘅， 必食推介。 然後主角拉麵出場啦， 我哋兩個食第一啖之後 都有啲愕然 ，因為喺香港真係好難食到有日本風味嘅拉麵 ，而呢到嘅拉麵真係畀到我 嗰種喺日本食到嘅味道一樣， 無論麵嘅口感 同埋湯底，都係水準之上， 實在太有驚喜 ，之後如果掛住日本嘅拉麵我哋會再嚟食 。雞泡魚乾好好食， 調味調得剛剛好 ， 炸雞都唔錯， 熱辣辣上枱， 外面炸得夠香脆 ，裏面仲有肉汁 ， 可惜唔夠鹹 。 燒鰻魚都 唔錯 ，食得出鰻魚嘅 質素唔係普通 幾十蚊一塊嗰種。總括嚟講 好好食 ，推介食拉麵、 溫泉蛋同埋雞泡魚乾。

超有日本的感覺我係俾裝修吸引入去既招呼好周到 待應都十分有禮仲可以望住師傅整拉麵，過程衛生可信超級香我地叫左黑蒜醤油拉麵同雞白湯拉麵都算係佢地呢度既推介就去試試佢仲叫左餃子同炸雞 飲飽食足佢現實同圖文係相符既，係一件值得開心既事兩碗拉麵都整到超級靚雞白湯既湯底係濃厚的有雞肉既味道 都幾足下見咁靚即刻就打左卡佢既麵質係爽口 而麵身係幼既除左叉燒之外仲有幾塊雞肉岩曬我呢d無肉不歡既食肉獸而佢既溏心蛋都幾正統既口感有醬油味餃子係推介的唔好睇佢色淡淡佢裹面既果調得岩岩好再加埋佢d醋 係一級捧的炸雞唔洗講 肯定係即叫即炸先得來熱辣辣而且香脆可口佢仲有d椒鹽沾住食已經十分足夠埋單2個人hkd288兩個人都食到好飽好似openrice仲有半價優惠未去即可以試下上次唔記得用半價大家可以試試佢

其實之前都食過一次佐敦分店，真心覺得唔錯！今次去開土瓜灣做嘢，一於再食啦！六點半左右去到，暫時唔係好多客！店內真係勁有日本餐廳feel，裝修得簡潔得嚟精緻！我Order咗雞白湯拉麵🍜，呢到嘅拉麵最有特色嘅係每碗麵上面都會有d炸牛蒡，整到靚一靚，除咗最啱打卡之外，牛蒡仲係高纖，健康😍。 雞湯底香甜濃郁，配埋拉麵真係加哂分！💯拉麵旁邊仲掛住d嫩滑雞肉，一d都唔”鞋”👍🏾。而我朋友就order咗雞白湯沾麵，一上桌見個份量真係好闊綽😍😍熱湯仲可以幫手翻熱！因為食沾麵係逐次將一小撮麵沾入濃湯度食，所以食到一半可能個湯就會比啲麵整涼咗！😋今次嘅沾麵朋友揀咗半雞半叉燒！朋友都大讚啲雞真係超嫩滑！叉燒亦好入味！仲有全隻温泉蛋😚食到一半叫咗師傅幫手加熱個湯，再加咗啲清湯去飲晒個湯！呢餐晚餐真係超飽超滿足！其實啲小食都幾吸引，不過太早食飯唔太餓食唔到！下次會試下！

一直好想試呢間拉麵🍜因為香港有雞白湯拉麵既地方寥寥可數。今日係土瓜灣辧完正事就想食碗湯麵就入咗黎。今日既目標明確，係你喇雞白湯拉麵🍜一上到黎奶白色既湯頭好吸精，細呷一口個湯濃又唔會好粘口，入口柔和又充滿雞湯既鮮香味，有種好補身既感覺炸牛蒡一絲絲好似脆片咁，含係口中耐咗有少少甘甜味出咗黎幾特別，幾蛋如果可以流心得勁少少同再浸耐少少醬油就好了，而個麵身好彈牙。而雞肉係經過低溫慢煮鮮嫩多汁，唔會柴。濃而不油既湯底。另外點咗個唐揚炸雞🍗炸雞熱噴噴咁，外層好脆口內面係多汁既肉，點個鹽食味道更加豐富仲有少少油脂既雞肉，雞味十足。友人就點咗呢個鰻魚飯，而店員同我地講要等15-20分鐘，因為會即叫即劏即燒。一黎到我就哇咗一聲，見到外皮燒得焦脆既鰻魚，散發住醬汁既誘人香氣。件件都厚實同肥美，入面唔會骨，配埋粒粒渾圓既日本米，令人一口接一口，而我都不停偷食。好大件！隨飯附送既鰻魚骨湯都充滿和風，以昆布、柴魚片、鰻魚骨煮成既湯，充分咁善用咁鰻魚全身！食物完全食得出店家對食材既用心，好想同佢地講聲加油！

一入到間鋪就已經見到一排嘅坐位，對住一個open kitchen，待應用日文同我地講咗歡迎光臨之後就帶左我地上1樓，呢度嘅裝修都配合左日系嘅風格，睇得出睇得出店主係依間鋪嘅裝修花咗唔少心思，營造一個日式高級嘅風格。一坐低侍應都好貼心問我地要熱茶定係暖水，之後仲提供左一個籃俾我哋放低袋。我哋叫咗一個招牌嘅赤雞湯拉麵，一個鰻魚飯同一份抹茶凍。首先講吓個拉麵，一定要讚下佢個湯底！十分濃郁，入口順滑，一啲都唔膩，一口接一口好快就飲晒啲湯。而當中嘅豬肉同雞肉都好滑！依個招牌鰻魚飯係即叫即烤，所以係好新鮮！塊鰻魚超大！鋪滿成個飯盒！而佢嘅醬汁都比較少，更加突岀鰻魚嘅鮮味，加上佢嘅米係用優質日本米，一啖飯一啖鰻魚，簡直係至高享受！最後既綠茶凍都好高質，抹茶味濃，甜到啱啱好總括而言，想坐得舒服，又想食高質野既話，推薦你嚟呢間餐廳

今日只有自己一個人吃晚餐。感覺雖然孤單，但品嚐美食總是愉快的！我點了一份金鶴雞白湯沾麵，配菜則選了火炙日本黑豚叉燒及慢煮日本薩摩赤雞胸肉各兩片。沾麵的湯是十分重要的。奶白色的雞湯聞起來十分香濃，質地濃稠，但入口仍然順滑。它的味道濃郁，不會過鹹，十分美味。麵條算是比較粗身、結實彈牙，麵條掛上白湯後濕度及味道均配合得恰到好處！配菜方面，我覺得叉燒的油脂香氣很重。它不是入口即溶，但一放進嘴巴便感受到油脂的香氣。雞肉方面，它稍稍沾上了叉燒油香，但質感上它十分嫩滑。當然不是雞腿的那種嫩，但這樣的雞胸可算是百吃不厭。