金鶴拉麵 (九龍城道) (已結業)

去完土瓜灣探朋友 就順度搜尋附近有咩隱世美食係一眾五金鋪之中搵到間拉麵店 地面層有bar檯 可以睇住師傳煮拉麵 上層有雅座 和風式裝修 有以日本吉祥物鶴為主嘅壁畫 環境安靜優雅 差啲以為自己去咗日本我就點招牌菜 金鶴 • 雞白湯拉麵 呢碗造型上已經加晒分 金黃色炸牛蒡充滿氣勢 店員好貼心溫馨提示牛蒡同雞肉唔好浸落湯牛蒡香口脆卜卜帶鹹味 雞肉同叉燒非常幼嫩軟腍雪白嘅雞白湯綿密細滑 無豬骨湯底咁油膩拉麵煙韌有咬口 軟硬度都啱晒我口味 朋友鐘意食辣就揀咗辛味拉麵 拉麵上檯就見到圖片與實物絕對相乎 一樣足料露筍 菇菌 溏心蛋 叉燒 雞肉 當然仲有主角拉麵 辛味湯底香濃 但無搶去雞肉同拉麵嘅原味朋友更大讚溏心蛋口感一流另外我地都叫咗個日本明太子雞翼 去骨雞全翼內釀滿明太子 滑嫩雞肉夾雜陣陣辣味 雙重味覺享受要數到餐廳最最最特別位置 應該要數到洗手間 日式馬桶坐便器 電視機 化妝棉 棉棒 洗漱用品 仲有女性衛生用品 貼心度💯 直逼日本 真係好羨慕土瓜灣區居民有間食物出色 服務貼心 環境高級嘅拉麵店