金鶴拉麵 (閩街)

营业中

休息中

話說，上個週末終於和朋友試試這裡的雞白湯拉麵，香港做雞湯拉麵的店不多，對很多人來說應該挺新鮮的。雖然地方不大，但一進入店內，就覺得店主一定下了不少功夫去設計，環境好日式，門口的那隻鶴好美！然後不得不提，這裡的厠所真的超級乾淨。食物方面，和朋友點了雞白湯拉麵 ($98) 及活鰻蒲燒飯 ($198)。拉麵一到，覺得賣相好吸引，上面的炸牛蒡好香脆。這款拉麵含黑豚和慢煮赤雞，兩種肉質都不錯，夠冧，又不會太薄身，流心蛋蛋黃夠流心。雞白湯來說，喝下去偏creamy的有點忌廉湯的感覺呢。我挺欣賞的是拉麵，麵質彈牙，粗麵好掛湯。另外，鰻魚飯也隨即送上，配湯和前菜。鰻魚表面燒得帶點焦，很香口，吃下去脆脆的。可以見到鰻魚厚厚的，肉質吃得出是新鮮的，算少骨。最後，想讚一下店員服務態度非常好！

短短的一條閩街，原來「金鶴」有佳餚。除了活燒蒲燒鰻魚飯，仲有雞白湯拉麵。店舖採用台灣頂級鰻魚和北海道七星米。每條兩公斤重頂級鰻魚只能做4份鰻魚飯。開放式的廚房，讓我可以看見廚師小心翼翼地拔走鰻魚幼小的魚骨、先蒸、後烤再上色，整條鰻魚好厚肉，有豐厚肉汁和美味醬油，肉質嫩滑，鰻魚皮邊烤得香脆可口，吃光外脆內嫩鰻魚，再品嚐沾上肉汁和美味醬油的七星米飯，十分美味的活燒蒲燒鰻魚飯。（七星米粒大顆且晶瑩剔透，可比天上閃耀的北斗七星而得名，是來自種植於環境優良;空氣清新的北海道。）開放式的廚房的那邊廂，看到另一位廚師細心地將削得長長薄薄的牛蒡片，下油鍋炸香和塑造呈圓型的造型，金黃色牛蒡脆片，脆脆的好有口感和健康感，除了賣相吸引的牛蒡脆片，還有兩塊軟滑的慢煮日本赤雞；少肥多瘦黑豚肉和糖心蛋，拉麵湯都是整碟麵的靈魂，滑溜的麵質掛滿濃郁肉赤雞湯味，雞白湯拉麵吃來口感非常豐富，吃過後也沒有口渴感覺。

難得平日放假去搵一搵舊同事聚舊,他帶我來了官海街市旁邊一間隱世拉麵入到店內店員用日文同我哋打招呼, 唱片機播放著First Love等等90年代風魔一時日劇主題曲,令我回味當時喜歡日劇的美好回憶。我點了一個冬季限定雪之山拉麵, 我想它的概念跟雪山蛋糕一樣,蛋白打成的雪山,用火槍燒過,放在拉麵上。店員把拉麵送到我的面前，提醒我說:蛋白沒有味道的,請把蛋白按下雞白湯裏去,這樣才好味道。不得不讚他的雞白湯,有著濃濃的香味,但是他竟然可以把它轉成白色。另外它有兩件煎香三層肉, 食量好像午餐肉,但不論它的質量,味道,口感極佳。這個冬日限定雪之拉麵,十分推介。我們點了一些小食,每款加廿八蚊。日式煎餃皮好薄,餡料肉汁鮮嫩, 果然其他食家推介是正確的。枝豆, 分量都很多。他用鹽水煮熟,所以食完之後，嘴邊有鹽味。芥辣八爪魚,這個非常好食,用來伴拉麵認真一流。滿分為10分(1分最低，10分最高)食物：9環境：9衛生：8.5服務：9價錢: 8舒適度：9總分：8.5

ichiban Ramen✨💛🍜🥟🥢 for this cold winter🌬❄ Oishiii❤..呢幾日 天氣真係凍左好多好多，大家記得要小心保暖喔。而咁凍既天氣 最岩就係食一碗暖呼呼既熱湯拉麵。係一間充滿日式風味既`高水準隱世拉麵店，高格調又時尚既橫裝 為我在港找到一處拉麵新體驗。鶴立雞群的他 讓我真的感覺置身日本呢。金鶴雞白湯拉麵🐥🍜貴為餐廳招牌 當然不能錯過這碗拉麵。主角既雞白湯用上赤雞熬製6小時，做成既湯底濃而不膩`口感順滑，呈奶白色。一上枱已經覺得好吸引呢，而餐廳仲好貼心 把整隻碗預先弄熱，就算時間耐左未食 都唔會影響拉麵/湯底既溫度，飲落既雞白湯真係好香好滑好奶 讚！而面頭炸至金黃色既牛蒡，賣相好靚 脆脆的。提提你 要維持香脆口感，記得唔好浸落湯面裡頭喔。而慢煮既日本赤雞，是帶凍的 要冷食，同樣記得不用浸湯吃呢。經慢煮既赤雞肉 食落好鮮嫩`肉質好滑`一點都不會鞋，只需基本調味 已經吃到雞本身既鮮嫩味道 有驚喜。這裡用心製作既拉麵，真是一碗雞白湯拉麵既完美演譯！醬油拉麵🍢🍜另一款拉麵湯底 用上鰹魚高湯加日式醬油，味道較細緻清新`清淡得黎又帶點咸味。若然喜歡清淡一點既湯

佐敦實在有很多餐廳，最近也密密來，今天選了金鶴拉麵。餐廳已經有了聖誕佈置，坐在bar枱可看到廚師在細心煮食材。芥辣八爪魚 $33，芥辣夠辣，作為前菜也是一個好選擇。元祖煎餃子$33，店員會提示你吃時小心湯汁，餃子不錯，但有點小籠包的味道。浦燒活鰻魚串 $68，好好味，鰻魚汁配上燒得脆脆的皮，沒有骨，易入口，又可口。雞白湯沾面 $138，店員會為客人的沾面湯底加熱，當吃到一半已經涼的時候，雖然是用微波爐，但已覺細心。沾麵湯底是雞湯，我覺得魚湯會夾一點。餸有豬、雞和溏心蛋，豬有燒過，特別香。用膳期間，見到好多食客會專程駕車來吃拉麵，可在餐廳外免費泊車。另外，做會員可免費換一支汽水或溏心蛋。廁所日本風，廁所內有電視、電子感應垃圾桶、漱口杯、牙刷、等等衛生用品，很窩心。

拉麵食嚟食去都係個啲味道因為好多都係用豬(豚骨) 或魚介等等嚟做個湯底 有點悶但今次有啲唔同 因為佢我完全改寫我對雞白湯既印象!店舖位於佐敦 唔算大街大巷 有點隱世既感覺因為當你由準備踏入同踏入咗 你係完全感受到濃濃既日本風 再帶點高級食肆既味道你會發現所有用料 設計都係一絲不苟 而且眼見既用品都係日本製 可想然之店主對「外在」係幾咁重視亦可以令到食客感覺得到置身於日本一樣唔知佢既「內在」又係點架呢？有啲期待!入到去 侍應安排坐吧檯 可以全程好好欣賞廚師們悉心咁為你泡製美食🤪亦都好熱情招待 之後就會介紹佢地最出名既食物臨食前去個廁所先 唔去都唔知店主真係非常有心思廁所位於舖外 徹底打造咗日本風格一出去係石春路 再有幾塊磚比你行去入到廁所裡面真係嘩咗一聲😂媲美5星級酒店咁 因為入便有TV 日本坐廁 配柔和燈光 仲有一個架 入便既裝住既嘢 真係不得不佩服佢諗嘢好周全 完全係勁細心勁抵讚！講返食物先☺️🔻金雞•雞白湯拉麵當麵上檯時 好細心提醒牛蒡不要沾到湯 因為會無咁脆🙈 即刻食返條 嘩 好脆口 令原本對呢個食物怕怕既我 都覺得好好食 未食過既朋友真係值得一試👍🏻之後陣陣雞味飄嚟 原來係嚟自個

有驚喜既金鶴拉麵係香港要搵到一碗好食嘅拉麵，其實絕對唔容易，有時候真係要捐窿捐隙，先可以搵到一碗好食嘅拉麵。一入到裏面，成間餐廳嘅裝修富有日本味道，而且呢度設有吧枱，可以一邊望住廚師烹調，一邊同朋友傾計，在一邊品嚐美食，非常之舒服。雞白湯拉麵（$98）先唔講味道，一嚟到已經俾佢嘅賣相吸引着。由賣相睇得出，廚師係非常用心製作。廚師係碗邊放上炸牛蒡，本身我係唔食牛蒡嘅，但係因為佢賣相實在太吸引，而且望落好脆，一於試咗淡。結果就忍唔着係咁食，原來牛蒡係咁香咁好食！雞白湯非常香濃，但同時間濃而不膩，好少何食拉麵飲晒成碗湯，因為平時好多拉麵店都比較膩，今次既雞白湯真心好好好好好食！活鰻蒲燒飯（$198）平時閑閑哋食碗鰻魚飯都過百蚊，今次係呢間裝修咁有日本風味嘅食店，食咗呢個鰻魚飯，真心超抵食！望住廚師慢慢將條鰻魚由生燒到佢熟，一層一層咁加上鰻魚汁，好過癮。食起上嚟，鰻魚好有鮮味，食得出係新鮮鰻魚嘅質素，而唔係只靠鰻魚汁整出尼既鰻魚飯，真心好好食好好食！成個set其實仲有前菜同埋湯，都唔使$200！真心物超所值！

今日竟然遇到呢碗拉麵，真係好似天神食食吓唔覺意跌咗碗麵落嚟一樣呢碗就係傳說中嘅雞白湯拉麵，店長話果啲炸牛蒡同雞片唔好浸落去啲湯度食，我還是第一次食到帶點爽口感的白雞片，那片叉燒不見有燒過的痕跡，但卻做到有少許火炙的味道及感覺，入口軟而溶化卻不乏油脂質感，店長話佢地用了一種特別的燒法，將肉汁鎖住，雞片及溏心蛋都由日本直送。平日我不太喜歡濃味之湯底，但此湯卻是例外，沒想到濃厚湯底都可以做到如此境界，沒飽膩感，口感順滑，有如青咖喱、椰汁及花奶那種滑溜感，其他每一種配料都是一絲不苟，連筷子都是兩頭尖的，好認真呀！

上次試過他們的雞白湯拉麵之後，一直都很懷念他們的拉麵。這次來到時，8點半時已經全院滿座，要等上十五分鐘才能安排入座。我這次是坐bar檯的，本來想叫拉麵的我立刻改變主意。在我面前我看到師傅把一份份白雪雪的鰻魚，在一個面火爐上生燒，場面非常吸引。我最後點了一個鰻魚飯及一杯冰滴咖啡。這冰滴咖啡不是一般的咖啡可以媲美，簡直是另一個層次。等了大約10至15分鐘後主角終於出場啦。這個鰻魚飯真的是超級無敵香及非常，非常，非常厚身，一啖咬落去之後淡淡的鰻魚香味充滿著我個口裏面。一試難忘，不用5分鐘，我已經把整合的鰻魚飯清光。我真想叫多一盒，但無奈錢包叫救命了。唯有下次儲錢，再嚟食。如果要食鰻魚飯，這裏一定是最強，沒有之一。重點推介鰻魚飯！

我除咗鍾意食壽司之外，日式拉麵亦係我top priority list裏面其中一項。🍜入到餐廳打開Menu，就見到一句: 拉麵是追求曇花一現的美食。(瞬間感受到呢度廚師對美食嘅執着)我地首先叫咗個黑豚雞白湯拉麵同雞白湯沾面。前者有香脆牛蒡作伴碟，這個配搭第一次見喔。不得不提，個湯底真係非常之濃郁。後者有冷嘅沾面配上熱滾滾嘅湯，係冰火交融嘅感覺呀。當湯轉冷嘅時候，店員亦很貼心幫我再換上熱湯。小食方便就叫左份炸雞同蒲燒活鰻魚串。坐bar枱嘅關係，一路食一路可以睇住廚師燒鰻魚嘅過程。最後，我哋仲食埋份抹茶軟凍作結。今餐好滿足呀

佐敦呢間超隱世，但好高質的拉麵店，賣既並不是一般的豚骨湯底，而係赤雞雞白湯底🐔！小店裝修似足日本的當地拉麵店，我最鍾意坐BAR檯望住師傅煮麵～ （有機會記得到訪小店的洗手間，裝修超有心思，好似一個後花園仔咁㗎⋯）招牌雞白湯拉麵（$98），湯頭係好厚身的奶白色，飲落去完完全全係濃烈既雞鮮味及香氣。店長話用左好多小時熬製，而且選用的是日本直送既赤雞。赤雞比普通本地雞更乾淨，所以話可以係超級安心食用。另外仲做左慢煮雞叉燒，食落啖啖肉得黎超級嫩，仲鴛鴦配埋黑豚叉燒。面頭仲有炸起的牛蒡，微微泡落雞湯可以吸收埋雞既精華，更配有拉麵不可缺少的溏心蛋。而我作為沾麵粉絲，當然要一試以雞白湯作湯底的沾麵（$138）。平時食豚骨呀魚介食得多，雞白湯沾麵真係第一次！！呢個湯頭比起拉麵再更加濃郁，而且配上粗麵都做到好掛湯，啖啖都有雞既鮮味。配料則同拉麵相若，有黑豚、慢煮赤雞及溏心蛋。而小食則點左明太子雞翼（$48/2隻），剛剛烤起超級燙嘴，咬開爆汁，裡面有滿滿的明太子～～ 夠晒惹味。

我上一份工作在閩街附近開工已經有6年，在前年才轉了地區，金鶴的出現對於我這個拉麵愛好者有相逢恨晚的感覺。那個時期附近的拉麵舖都是我的飯堂。金鶴高貴形象，以及中環的感覺帶入平凡又多元化佐敦，那的確對於我是一個好消息，在此聲明，我是以正常價錢去光顧此店，我沒有受過此店任何優惠及招待，以及並沒有享用什麽免費試食，我並没有在此店得到任何得益。的確，金鶴提供高質素拉麵，我好希望此店長留下去。但我對閩街的熟悉，免有點擔心金鶴的經營。首先我在閩街見證了很多食店的起落，除了閩街和上海街角位的那兩間茶餐廳，以及廖孖記腐乳，其他的都做不長，論是火煱店、茶餐廳或東南亞菜式店，甚至那個近官涌街薄有名氣的Hello Kitty中菜店，都是兩三年便結業。另外，金鶴的價錢與同區拉麵舖稍貴及非大眾化，與尖沙咀海港城三大有名拉麵店看齊，加上要加一服務費，難免有點令人卻步。加上雖然此店鄰近西九文化區及高鐵站，從新聞消息收到這個地利因素並没有帶動附近地區高級食店的生意，午市閩街一帶都是街坊工友的飯堂，提供四餸一湯一飯只收$40的套餐到處都有，金鶴只能做晚市難免有點擔心及緊張。幸好佐敦是美食福地，你想吃雞煲，佐敦起碼有

第一次黎呢間食，唔算好大間，叫咗個鰻魚飯同金鶴拉麵，湯底濃，雞肉滑，配牛膀條幾特別，鰻魚燒得香不過有少少腥，店員服務好，有禮貌，推薦！佐敦隱世美食，價格適中，個厠所有電視，超豪華裝修

今日喺佐敦做運動做完運動，當然要醫醫肚，行出來不久的地方開了一間新的＂金鶴拉麵＂見到門口的裝潢已經覺得很有型，和附近樓宇比較突出，咁有特色餓到打鼓冇理由唔入去試吓😝黑蒜醬油湯拉麵$98（黑豚肉， 慢煮赤雞）黑蒜醬油拉麵蒜蓉獨特的芬芳，濃而不鹹，麵質彈牙爽口，幼麵吸取湯的精華，是一碗高質素的拉麵👏🏻👏🏻活鰻蒲燒飯$198坐在吧枱上望着廚師精心幫我炮製的活鰻心裏莫名的興奮又焦急，廚師真的用心地慢慢燒，落了一層醬料又再反一反，這樣來回的動作雖然等得耐少少但也相當值得，活鰻厚身肥美，入口甘油潤滑，外層還燒到美味焦香，醬汁稠稠撈黏黏的日本米，每一口也吃到食廚師的用心製作😋低溫慢煮日本蕯摩赤雞 $28這件雞是凍吃的，白白的雞肉看似很淡口但入口一點都不嚡，味道有陣淡淡的黑椒味幾特別

今日下晝同老婆送佢舅父去搭高鐵, 之後我地就行返去佐敦果邊搵食, 係官涌市政大廈附近見到一間門面非常華麗嘅食店, 原本以為係高級壽司店, 上openrice睇先知原來係今年大熱嘅雞白湯拉麵專門店, 價錢又平, 所以決定入去試試。😙我地6點入餐廳時餐廳剛閞始晚市, 我地係第一組客人, 餐廳唔大間, 只有20幾個座位, 當中有卡位亦有bar枱座位。餐廳裝修以鶴為主題, 配搭富有日式風格嘅裝飾, 感覺既華麗亦非常時尚。餐牌設計簡單, 不過每款食物都有詳細描述, 我地點左一客餐廳招牌嘅雞白湯拉麵同老婆最愛嘅鰻魚飯share食, 兩個人應該好夠食。😁金鶴.雞白湯拉麵 $98係香港主要食嘅都係豬骨或醬油湯麵, 以雞湯做拉麵比較少見, 不過係日本近年就開左多間以雞湯做主題嘅拉麵店。同豬骨湯相比, 雞白湯冇咁油膩, 金鶴嘅湯底係用日本赤雞熬6個小時製成, 因為材料天然冇多餘調味, 所以唔會太咸, 口感濃厚順滑。配料炸牛蒡非常香脆, 雞肉採用日本薩摩雞胸肉, 以低溫慢煮方式製成, 肉質鮮嫩多汁。除左雞肉之外仲有兩片火炙黑豚叉燒, 非常豐盛。😋活燒蒲燒鰻魚飯 $198鰻魚係餐廳即場劏即場燒, 係bar枱一