影片
更多
2018-12-11
28 浏览
佐敦呢間超隱世，但好高質的拉麵店，賣既並不是一般的豚骨湯底，而係赤雞雞白湯底🐔！小店裝修似足日本的當地拉麵店，我最鍾意坐BAR檯望住師傅煮麵～ （有機會記得到訪小店的洗手間，裝修超有心思，好似一個後花園仔咁㗎⋯）招牌雞白湯拉麵（$98），湯頭係好厚身的奶白色，飲落去完完全全係濃烈既雞鮮味及香氣。店長話用左好多小時熬製，而且選用的是日本直送既赤雞。赤雞比普通本地雞更乾淨，所以話可以係超級安心食用。另外仲做左慢煮雞叉燒，食落啖啖肉得黎超級嫩，仲鴛鴦配埋黑豚叉燒。面頭仲有炸起的牛蒡，微微泡落雞湯可以吸收埋雞既精華，更配有拉麵不可缺少的溏心蛋。而我作為沾麵粉絲，當然要一試以雞白湯作湯底的沾麵（$138）。平時食豚骨呀魚介食得多，雞白湯沾麵真係第一次！！呢個湯頭比起拉麵再更加濃郁，而且配上粗麵都做到好掛湯，啖啖都有雞既鮮味。配料則同拉麵相若，有黑豚、慢煮赤雞及溏心蛋。而小食則點左明太子雞翼（$48/2隻），剛剛烤起超級燙嘴，咬開爆汁，裡面有滿滿的明太子～～ 夠晒惹味。
招牌雞白湯拉麵（$98），湯頭係好厚身的奶白色，飲落去完完全全係濃烈既雞鮮味及香氣。店長話用左好多小時熬製，而且選用的是日本直送既赤雞。
赤雞比普通本地雞更乾淨，所以話可以係超級安心食用。另外仲做左慢煮雞叉燒，食落啖啖肉得黎超級嫩，仲鴛鴦配埋黑豚叉燒。面頭仲有炸起的牛蒡，微微泡落雞湯可以吸收埋雞既精華，更配有拉麵不可缺少的溏心蛋。
而我作為沾麵粉絲，當然要一試以雞白湯作湯底的沾麵（$138）。平時食豚骨呀魚介食得多，雞白湯沾麵真係第一次！！呢個湯頭比起拉麵再更加濃郁，而且配上粗麵都做到好掛湯，啖啖都有雞既鮮味。配料則同拉麵相若，有黑豚、慢煮赤雞及溏心蛋。
而小食則點左明太子雞翼（$48/2隻），剛剛烤起超級燙嘴，咬開爆汁，裡面有滿滿的明太子～～ 夠晒惹味。
张贴
