金鶴拉麵 (閩街)

营业中

休息中

拉麵店的裝修精緻且具日本風情，細節連筷紙、濕紙巾也是日貨，相當用心。有機會可以去廁所，發掘一下隱藏小驚喜。雖然主打的是雞白湯拉麵，身為鰻魚控的我， 視線被餐牌上的活燒蒲燒鰻魚飯（$198+1）吸引了。店裡的鰻魚產自台灣， 要先凍暈生猛的鰻魚， 然後師父便生劏即燒，每日限量只有五條。 由於即燒的關係， 所以製作過程至少也要十五分鐘。鰻魚飯用傳統的漆盒形式上菜， 隨餐有前菜及昆布湯。厚厚的鰻魚扒烤至金黃油亮， 外層帶焦脆， 肉質具彈性， 與平日的現成鰻魚不同，相當新鮮，口內爆發幸福感。醬汁不會過咸或甜，味道精準。 用筷子夾開魚肉， 裡面的魚油立即流出，趁熱吃加上日本飯， 特別滋味。昆布湯也是用心製作， 裡面有鰻魚小骨及鰻魚肝， 與鰻魚飯很配合。

落到佐敦，友人話想食拉麵，上 openrice 望望，最近嘅拉麵店係金鶴，再睇睇D圖片，又唔錯喎，okay，起程去睇睇.一去到，餐廳唔算好大，好好彩有位，坐吧枱.首先點咗個金鶴雞白湯拉麵，一個黑蒜醬油拉麵，日式煎餃子，浦燒活鰻魚串，巨蜂有氣清酒一支.金鶴白湯拉麵：先飲啖湯底，味道鮮而濃郁，正！最後係飲完一啖又一啖，相信哩個湯底淆制十分需時，而且材料足夠，先有哩個味道，味道濃郁得黎唔會太咸，滿足！拉麵彈牙，再加上口感軟滑嘅溫泉蛋，大滿足啦！日式煎餃子：日本我只去過沖繩，當時試過兩間拉麵店(令我想起 Running man 去沖繩食拉麵！)兩次都點煎餃子，味道仍然難忘，今次係金鶴食日式煎餃子，口感，味道同我係沖沖繩食過嘅煎餃子極相似，皮薄，料足，令我回想返係沖繩嘅餃子.浦燒活鰻魚：由於坐吧枱，廚房係視線範圍，睇到佢地燒D饅魚超肥美，二話不說點個鰻魚串，果然肥美，入口即溶，推介！巨蜂有氣清酒：哩支清酒簡直係本人大大大驚喜！！！自己從來唔飲酒，但哩支清酒酒味極低，絕對適合怕酒精嘅我，攪到依家四處搵哩隻清酒！推介呀！重有驚喜係個超靓嘅廁所！係我去過地鋪餐廳中最靓嘅廁所，從哩個廁所可以知道，負責人

佐敦呢個地方俾人個感覺係好多貼地平民餐廳，比較難搵到高檔次食物，但估唔到呢個地方近來有高級拉麵店進駐，仲要主打雞白湯，又吸引左我呢個拉麵怪踩場「拉麵是追求曇花一現的美食」，實在講得好岩，唔好睇小一碗拉麵，湯底同材料都要花上不少時間去準備，而最後的製成品一定要趁熱一上檯就盡快食左佢，務求進食時係最佳狀態，真係名符其實「曇花一現」餐廳環境精美得叫人驚艷，特別係個洗手間，中間的小路都裝飾到日本庭院咁，使用自助式馬桶，而且仲有漱口水，絕對係五星級酒店質素Menu有湯麵亦有沾麵，我地就各叫一碗比較一下，另外仲有鰻魚飯，睇到師父埋頭處理鰻魚，再放入爐燒，香氣撲鼻，下次再到訪一定要試試飲品都有特別選擇，就係慢工出細貨的冰滴咖啡，鐘意飲咖啡的朋友就可以試一試而家下載手機會員卡就可以儲分，D分可以換汽水或者糖心蛋元祖煎餃子 ($28)食拉麵最好的朋友一定係餃子，餃子有4隻，外脆內軟 ，想食多幾隻添呀雞白湯拉麵 ($98)雞白湯濃到有漿口感覺，但又唔會太杰而令人飲滯，有兩塊十分嫩滑的雞塊同一塊叉燒，雞塊嫩到入口軟綿綿的，麵質彈牙，我成碗湯飲到底，感覺上好似飲完滴雞精咁補呀雞白湯沾麵 ($138)沾麵個湯就

【沾麵系列回歸了😂】-呢間嘅日本拉麵店 裝修幾有格調店內有提供拉麵 沾麵 飯 小食等沾麵有3款配搭 選一款💁🏽‍♀火焰黑豚叉燒x2 + 慢煮雞胸x2 或每款肉類各自4塊-🔸金鶴 • 雞白湯沾麵 ($138)麵質幾彈牙 不過賣相就唔夠吸引🤫沾汁 略嫌很快變凍🤔 (雖然可以要求翻熱)👧🏻選了兩塊雞肉+兩塊叉燒 的配搭雞肉偏乾身 叉燒普通 溏心蛋做得超好👍🏼 蛋黃晶瑩剔透🧡-🔸🗻雪ノ山拉麵⛄ ($138)❄冬日限定 賣相幾特別🤩 影相效果不錯喔📷面層燒過的蛋白 是賣點之一✨但友人認為 可以減少一半😐有兩塊叉燒🐷 脂肪分布平均 入口層次更豐富 較上面個款好👍🏼👍🏼雞白湯底 幾濃郁🥣 拉麵份量很足夠 感覺比之前介紹過的 #座銀 多如果溏心蛋有多半隻更好🤣- 🔸唐揚炸赤雞 ($33)即炸的喔 熱辣辣 配上檸檬鹽🧂感覺特別 酸的味道突出🍋－－－－－－－－－🏝環境：9/10🛋服務：8/10-🍴餐廳名稱：金鶴拉麵📍地址：佐敦九龍佐敦閩街三號地舖-

位處於佐敦嘅金鶴拉麵，街道唔算偏僻，但又有難得嘅寧靜環境。內裡裝修相當有格調，帶有日式整齊舒適嘅感覺，係呢度用餐，絕對有去日本拉麵店嘅感覺!呢度嘅招牌菜，就係呢款金鶴雞白湯拉麵，用上六小時烹調雞白湯頭，有日本赤雞、鰹魚等材料熬製，湯頭相當濃郁，拉麵掛湯能力亦強，所以每口麵都吸收到當中嘅精華，滿足感爆燈。而慢煮赤雞，肉質腍軟，肉色白淨，同呢個拉麵相當合拍。加上非常特別嘅炸牛蒡，賣相非常搶眼， 同洋蔥味道相似，浸一浸高湯進食都無問題。而蒲燒鰻魚飯賣相固然吸引，份量令人滿足之外，味道更加值得細味: 以經典嘅蒲燒方法，燒得鰻魚外皮香脆，加上秘製醬汁，燒得鰻魚入味香濃，每食一口都品嚐到當中細嫩而滑嫩嘅魚身，絕對物有所值。

由今年年中啱啱新開張嘅時候原本得雞白湯拉麵同鰻魚飯食依家越出越多菜式今次去到 已經有多種不同嘅拉麵冬天聖誕期間限定拉麵我地好好彩今次去到仲淨返最後一碗.雪山拉麵($138)毫無疑問係相機食先嘅拉麵😆用火槍燒過嘅蛋白山配上濃厚嘅雞白湯湯底個味道都幾特別 不過蛋白相對上甜左少少但係好有創意😆.辛辣拉麵($78)餐牌上唯一辣嘅拉麵辣得來好香 唔算好辣一般人都會食到叉燒都好入味 而且好嫩滑仲有少少菌類同糖心蛋當配料10分豐富👍🏻👍🏻👍🏻

今日去廖孖記幫老媽子買腐乳，見到旁邊有一間日式拉麵，又未食晏，就同朋友入去試下。安排坐在bar枱，可以看到師傅整麵的過程坊間的拉麵大都以豬骨湯底做賣點，呢間就以白雞湯，湯底比豬骨清，但不失香味，對比有時太濃味的拉面，呢間的雞白湯其實又好唔錯。麵質亦爽口彈牙，吸了雞白湯的香味，清新中亦不失日式拉麵的口感。今日同時亦order了兩款小食，低溫慢煮日本赤雞和燒雞泡魚乾，日本赤雞意外地好有雞味，口感稔稔的，配住個拉麵食，感覺不錯。至於個雞泡魚乾，非常香，雖然話係魚乾，但咬落有魚油香味，我非常推介的一款小食。呢間日式拉麵水準我會話係好好，但地點可能不是平時行街shopping會行過的地方，但如你喜歡試一點不一樣的日式拉麵，絕對值得行多兩步，一定不會令你失望

今晚氣溫急降，最適合吃碗熱騰騰的拉麵。不過吃飯之前先要買些禦寒衣物，因為我穿得過於單薄。當我買完保暖衣物時已差不多九時，沒想到接近九時的金鶴拉麵仍全場爆滿，太厲害吧。等了一會終於可以入座，店員問我們坐吧枱與否，最好不過，我可以觀看師傅烹調的過程，吃貨就是愛這樣。金鶴拉麵尤如其名店內盡是「金」，卻不俗氣，反而有種日式高雅的感覺。我想吃活燒蒲燒鰻魚飯的，可是太好賣了，今晚的份量已經賣光，店員說下次想吃最好打電話來預訂。在坐吧枱的時候，看見師傅處理鮮鰻魚的骨刺和烤的過程，知道其複雜性，難怪大家都想一嚐鰻魚飯，也包括我呢。日本明太子雞翼讓我們驚豔萬分，咬開雞皮酥酥脆脆的，裡面香辣可口的明太子一時間湧出，再搭配上嫩滑的雞肉，整個明太子雞翼超對味，必推大家吃。熱呼呼的唐揚炸赤雞外層炸得酥香不油，上桌時更香味撲鼻，是赤雞獨有的香氣。炸赤雞應該沒使用醃料醃漬去炸，原汁原味的，新鮮雞肉不需添加醬料提味，雞汁鎖在肉中，嫩口不乾柴，超棒。金鶴雞白湯沾麵先把麵條煮完再以冰水沖刷，保持彈性，朋友很喜歡這種帶有嚼勁的冷麵條，韌性極佳。而沾湯充滿雞肉的強烈香味，卻不會油膩，再把沾麵沾上白雞湯，麵條多了一份香味，特別

聽朋友介紹呢度有間專食雞白湯拉麵既隱世店,佢位於佐敦,地點唔係太顯眼但正正因為咁我更加期待食呢一餐呢度係主打雞白湯拉麵咁當然就要叫番一碗個人認為沾麵比較濃味,更加食到湯底既味道個沾麵湯底非常濃厚，有著超濃郁既雞湯雞肉非常嫩滑，掛湯能力高，而麵質爽口彈牙，絕對高質入面仲有隻溏心蛋,都有啲流心係正既活鰻蒲燒飯呢個朋友都好推介,因為佢係同出面既鰻魚飯唔同佢係即燒既鰻魚好肥美，而且好厚身食到本身鰻魚既魚味，唔會淨係食到浦燒汁既味道呢個係其他餐廳好少食到鰻魚串因為條鰻魚實在太正,所以Encore左個鰻魚串同鰻魚飯條鰻魚一樣,都係即燒,一樣咁正

男朋友一向喜歡食拉麵，今次專登帶佢試一間未食過嘅～ 見到門口已經有日式風格，餐廳有分bar檯同一般座位，雖然今次bar檯已滿，不過一般座位都好舒適同寛闊。睇完Menu，男朋友必試此店的招牌雞白湯拉麵。而店員推介下，我被「活燒蒲燒鰻魚」吸引，因說明是於店內新鮮處理，即叫即燒～男朋友的雞白湯拉麵先上枱，賣相精緻，炸牛蒡又薄又脆，雞湯湯味濃郁，黑豚叉燒以及慢煮雞肉都各有特色～ 最驚喜係冇一般拉麵的油膩感！以下是我的鰻魚飯，鰻魚比例超多，看到鰻魚表面燒烤到少焦的十分香，而且鰻魚肉厚、肉質非常彈👍🏼另外仲叫咗兩份小食，分別係燒黑豚肉串同埋唐揚炸赤雞，前者有鹹香味，而後者新鮮炸起， 十分香脆！我仲加$48飲支月桂冠有汽清酒，此店會準備凍杯飲用👍🏼細心～

星期日的下午，和朋友走到佐敦，一試金鶴獨有的雞白湯拉麵。下午時間到達，想不到人也很滿，餐廳雖然位置隱秘，可是人氣也不少。裝修風格更是走高檔路線，可見老闆花過不少心思，牆上的玻璃畫、餐廳內的屏風壁畫就連往洗手間的大掛畫，都完全配合餐廳格調。我們被安排坐吧枱，可以近距離望到三位廚師製作過程。 雞白湯拉麵先到，急不及待先嘗一口，完全沒有令人失望。濃郁得化不開，然而卻保留雞湯的清甜！ 湯頭奶白而濃郁，入口滿滿都是雞的精粹。流心蛋做得到位，橙黃色的蛋黃有漿口之感。那雞白肉嫩滑爽口，又夠厚！還有炸牛蒡，以為只是賣相的一部份，可是入口香脆帶卻清甜。所有配合起黎就是令人很驚喜，也敢說這碗雞白湯拉麵的美味，在其他地方絕對食唔到！ 朋友點的鰻魚飯，鰻魚厚厚的兩塊鋪在飯面上，附送熱騰騰的湯，看得人垂涎。難怪朋友看見別人點也跟著點了。鰻魚焦黃，燒肉味不會過濃，入口仲有鰻魚味。飯的份量也多，大食之人也不怕食唔飽！ 拉麵店來說，這裏的出品絕對有誠意，難怪不少人專程黎食！另外，這裏的也洗手間也是一大亮點，不得不提！乾淨是不用提，全雲石設計之餘是用日式自動助廁！還有那大電視播著日本流行曲，不說以為自己置身5星酒店內的

位於佐敦的金鶴拉麵，是一間主打雞白湯的拉麵店。在香港，豚骨湯是主流湯底，而雞白湯則屬非主流湯底。據我所知，現今只有兩間主打雞湯的拉麵店，兩間的人氣極高，是日便光顧後起的金鶴拉麵。餐廳的裝修骨子，有些地方更有金箔裝飾。設有吧台坐位，能清楚看到師博製作拉麵，感覺上吧台位置更有氣氛阿。金鶴雞白湯拉麵$98招牌雞白湯拉麵，賣相吸引又具霸氣，基乎每一位客人都是點這款拉麵哦。擺放得高高的炸牛蒡，賣相特別， 微脆微甜，可惜略油。兩片慢煮赤雞，肉質腍軟，有淡淡雞味。醬油溏心蛋滑溜入味，味道不錯。拉麵是曲身中粗麵，麵質不算彈牙，煮得偏腍，幸好掛湯能力高。主角雞白湯頭果然厲害，經六小時的烹調，利用日本赤雞，素菜，鰹魚等熬製，然後用攪拌器打至柔滑，湯頭濃稠，入囗濃郁鮮美，微微黏口，甜而不膩，美味得我全部都喝光光啦。餃子$33一客四件的餃子，外皮濕潤煙靭，肉餡不過肥過鹹，沾上醬油更惹味。炸雞$33一客三件的炸雞，炸至甘黃香脆，外皮脆卜卜，內裡肉汁豐富，味道可囗呢。

今天我去拉麵店沒吃拉麵，反而點了鰻魚飯，竟然很有驚喜－－超級好吃，要詳細介紹才可以！拉麵已經有很多選擇，光看文字很難決定的話，後面每款食物還有圖片看，每頁一款，介紹得很詳細。我就是看到鰻魚飯的圖片，覺得太吸引，一定要點，拉麵唯有等下次再來試了！活燒蒲燒鰻魚飯 $198太美味了非推薦不可！附上的湯並非普通味噌湯，而是鰻魚清湯，很清甜。還可以撈出兩片鰻魚呢！實物與那吸引的圖片完全相乎，鰻魚既大片又厚身，鰻魚竟然好像牛扒一樣厚，非常足料！因為即叫即燒的關係，等待時間稍長，但非常值得，新鮮鰻魚的肉質和味道真的不得了！而燒汁的味道也很出色，不會過鹹或過甜，突出魚肉本身的鮮味，建議大家都不要錯過！溏心蛋$12雖然今次沒吃拉麵，但也想吃溏心蛋。看著流心蛋黃就覺得很治癒。燒雞泡魚乾$48在店員推薦下嘗試的小食。雞泡魚乾燒得剛剛好，燒得惹味香口同時也不會太乾，很好的保存了肉汁。搭配沙律醬，很美味！可樂 (Free)只要下載手機app，就有積分可以免費換領汽水。然後每次光顧也可以累積積分。沒想到在拉麵店可以吃到這麼美味的鰻魚飯，下次一定要再來吃拉麵！

晚飯時間，唔知食乜，亂行就發現咗依間門面都幾日本嘅食店🍲，位置都幾奇怪，喺街市同公園仔附近，格局同整條街都唔係好襯，不過見佢門面幾吸引就試吓啦！入到去裏面裝修都好和風，雖然坐位都有啲窄，但都算坐得舒服，而且佢有bar枱位，一個人嚟食都唔會擺一張枱。招呼非常殷勤，入去又介紹有乜招牌菜，仲叫我哋join member, 即有一支細汽水🥤或者一隻蛋🥚而且仲可以儲分換嘢食👍我哋就跟佢介紹，叫咗個鰻魚飯🍱同雞白湯拉麵🍲仲叫多個雞泡魚乾鰻魚飯制作須時，要等10-15分鐘🕰除咗飯仲跟一個昆布湯同小食，飯面兩塊鰻魚冚住晒個飯，味道我就覺得不過不失，可能我鍾意較實肉嘅鰻魚啦！飯嘅份量比較少拉麵一嚟，梗係試吓個湯先啦！個湯唔油，都幾濃杰，但飲完唔好口渴，有兩塊义燒🐖，仲有啲燒香味，條邊都有少少脆，除义燒仲有兩塊慢煮雞肉，好滑唔乾🐔另外麵上面有幾塊炸脆咗嘅牛蒡，裝麵嘅碗，一般都會用碗口闊嘅碗，依度就用高身碗口較窄，夾嘅時候有啲難夾雞泡魚乾🐡味道同一般食店都差不多，但依度 切得好平均好幼條，唔洗好耐就吞咗店舖都好乾淨，本來想去厠所參觀🚻，因為睇openrice啲相，個厠所好靚，但見出面有好多人等位，費事攪攪

雞湯拉面 $98呢到嘅雞湯拉麵行是清淡路線，食完唔會太膩，我而且份量都非常足料，就算係大男生吃完整一碗都夠飽。拉麵有3件雞肉件2叉燒，店員提醒唔好將雞肉浸入湯裏面，原來係凍食的。雞湯沾麵 $138沾麵湯勁濃但一啲都唔會鹹，溏心蛋做得好出色，入味之餘非常流心。叉燒有火炙嘅香味，好香口，雞肉就非常之軟滑。沾麵麵質好掛湯，啖啖都食到濃濃嘅雞湯味，唯一缺點係個湯只係用普通嘅碗去裝，唔保温所以好快就凍。不過店員都好貼心，提醒可以幫手將個湯加翻熱。煎餃子(4件) $33餃子外皮香脆，煎得好有心機。不過只有4隻少咗啲。不過可能係平安夜呢晚比較忙嘅關係，上錯咗2次野食，希望下次再來呢個問題會改善翻。