金鶴拉麵 (閩街)

营业中

休息中

我老公知我鍾意食鰻魚飯，而佢就鍾意食拉麵，所以呢間餐廳一直係我好想去試！有齊兩樣野、滿足晒我地兩個人嘅慾望先講下環境，拍拖梗係想坐得舒服、環境靚，呢度好日式。其實淨係睇圖已經流晒口水燒雞泡魚干，我老公食的，佢話好好味，之前响日本居酒屋食過雞泡魚干，佢就上左癮，呢度有令佢重拾日本嘅味道日本明太子雞翼，呢個係我叫嘅，明太子同雞翼都係我的最愛，果然冇令人失望，雞翼烤得好香主角要來了雞白湯拉麵，單係個造型已經覺得很高水準。湯底很濃郁嘅雞味，即係雞湯有雞味，但係唔會口渴，飲得出唔係味精湯；慢煮雞一點都唔老，好嫩；炸牛蒡感覺好特別活鰻蒲燒飯。即燒，係即。刻。燒鰻魚超厚超肥美的耶，燒得好香。聽師傅講係每日新鮮劏！我真係一啖都唔想同我老公分享，好好食下次再去食

之前睇youtube有人推介呢間，話呢度有神級鰻魚飯，鰻魚一向都係我最愛之一，一於去試下呢度環境都幾好，幾日式坐bar枱仲可以睇住師傅整野食，正桃酒桃味好香，甜甜地易入口，而且佢用左呢個銀杯，比起一般既酒杯更加keep到凍啲酒飲起黎更好飲其實呢度係主打雞白湯拉麵所以都叫左一個沾麵黎食個沾麵湯底非常濃厚，有著超濃郁既雞湯雞肉非常嫩滑，麵質爽口彈牙，掛湯能力高活鰻蒲燒飯鰻魚好肥美，而且好厚身油脂比較重，食到本身鰻魚既魚味，唔會淨係食到浦燒汁既味道呢個係其他餐廳好少食到真係好驚喜

尋日經開佐敦搵到呢一間新開嘅拉麵店於是入去試吓。門面個玻璃好靚，真係有一隻金鶴喺度，背後應該有啲故事。門面亦都好靚好高貴甘後冷個廁所好有日式嘅庭院風味🧐雖然呢間鋪頭主打係雞白湯拉麵，但我係專登為咗鰻魚而嚟嘅，因為佢嘅鰻魚飯賣相真係好吸引， 所以我決定兩樣都叫雞白湯拉麵$98，裏面有凍食嘅雞肉，叉燒，炸過嘅牛蒡，同埋流心蛋。雞湯非常之濃郁，有淡淡的雞湯味，麵條亦都好彈牙，牛蒡就揸到好鬆脆，叉燒就己有驚喜，好香濃嘅豬肉味，因為係其他面譜食嘅叉燒都冇咁豬嘅豬味，所以我覺得叉燒係一定要試吓到主角鰻魚飯登場啦$198 ，賣相真係極之吸引。鰻魚飯套餐有鰻魚飯，昆布湯，豚肉煮。鰻魚聽過朋友講係來自台灣，係新鮮嘅鰻魚燒成，大家可以睇到件萬裕係好大份好厚唔係來貨嚟嘅，咁唔使講味道同質感一定係好好多。大家睇到鰻魚咬開咗中間啲肉仲好雪白，好厚身，佢塊皮好煙銀好有咬口，同埋佢個鰻魚汁唔會好甜啱啱好，雖然個飯加咗好多汁但係唔會食到好滯。我自己去大阪食過一個鰻魚飯三百幾蚊雖然都係好食但係都冇呢個咁好食，真心！雖然呢一個飯要$200但係我覺得都係值得呢個價錢嘅相比起日本來講性價比高好多。本身自己去日本都係想食啲咁嘅

揸車經過響佐敦官涌運動場果邊，發現一間日風拉麵店幾特別，就停低食埋個晚餐先歸家！一開門精緻而有高尚環境睇睇menu同旁邊既食客大多點白雞湯拉麵&鰻魚扒飯，應該也是人氣必點項目！麥茶由茶杯外到內茶味道都好吸引，茶香一飲再飲，仲可以添飲！今日想食湯類，就點了雞白湯、黑豚雞白湯拉麵！其他湯底有鹽味、醬油、豬骨濃湯...湯底鮮甜，不用重油膩味（最怕成口油），食後絕對不用狂飲水果種！聽店員分享是日本優質赤雞做雞白湯，2-3天天就日本直送來港，味道與日本傳統湯底有點不同，呢款較淡香味，易入口！牛蒡先炸起放響碗邊，唔會浸湯浸到淋曬，食到尾都係脆脆的慢煮赤雞，肉係放表面層，建議食法是雞肉不需浸湯，嘩！真係超滑嫩！豚叉燒小小烤燒邊，烤香肉軟！可口可樂都超有心思，杯都雪好，可樂精髓係真係要夠透心涼👍🏻冰涼 有不同口味元祖煎餃子 有4隻，皮薄，咬落多肉汁！特別一提廁所外有日式內園，廁內嘩左聲！未見過拉麵店廁所都咁時尚，日式設計，暖廁板大電視...連棉花棒、牙線都有...我去了日本嗎？😂3百蚊高質拉麵店👍🏻

日本拉麵餐廳「金鶴」所處的位置，佐敦「敦閩街」的熱鬧食街附近，雖然地點有點輸洩和失色，但是我們誤打誤撞找到這拉麵店，確實值得下次再幫襯的一間日本拉麵餐廳。餐廳裝潢很日本風，於是我們二話不說，立刻叫店員寫單，選擇兩碗雞 白湯拉麵，然後再追加食店的小食套，明太子雞翼雞白湯拉麵有牛蒡、黑豚糖、心蛋、慢煮赤雞，實際的湯底味道，是熬煮出來的白湯，味道香濃而不油膩很好喝，而不像其他食店有混合其他湯料，沖調出來的雞湯味道。雞肉的口感相對來說，入口嫩滑感覺，豚肉薄薄的，入口軟綿，肉質嫩滑，肥瘦適中。我特別鐘愛半熟蛋的流心效果誘人，蛋的味道調得很好，蛋汁從那流心的蛋黃溢出，更有日本風味。牛蒡是第一次，是精髓。不得不讚！即叫即炸即食非常香口惹味。明太子雞翼即叫即做非常香脆，入面嘅雞肉咬落去口感十足，微辣明太子帶出豐富口感金鶴拉麵絕對會再度光顧的一間隠世小店，比起街上排隊打廣告的拉麵店，金鶴水準👍🏻

去完日本之後，對嗰便嘅雞白湯拉麵深深不忘。嗰份雞嘅香，湯嘅濃，絕對令人一試難忘。香港好少地方有得食雞白湯為主的拉麵，香港嘅拉麵最主要係豚骨、豉油、味噌為主。最近知道佐敦附近開咗一間新嘅日本拉麵店，主打雞白湯得行經過附近特意一試。一入店舖，招呼十分周到。喺店門口已經聞到香濃嘅雞湯味。坐低之後，店員先附上日本製嘅濕毛巾，俾你抹手。除咗吧枱之外，小店仲有幾張普通枱，悉隨尊便。除咗拉麵之外，店裏面仲有好多款小食。今次特登試埋日本新鮮海鰻！外脆內軟，加埋鰻魚汁嘅焦香，直頭係一流。到主角出場！雞白湯拉麵面頭金黃色嘅炸牛蒡，脆脆地，好有口感。店員仲提我地唔好將啲牛蒡浸入湯入面，咁樣先至可以維持香脆嘅感覺。麵質爽口，相信係自家製嘅。主角係雞白湯，濃而不油，呈現奶白色，一上枱已經feel到香味，就算用咗一啲時間影相都冇影響到湯底嘅溫度。飲落去好香又滑！另外，我要左呢一碗有幾塊慢煮日本赤雞。店員溫馨提示雞肉可能會有少少凍。驚慢煮嘅雞，食落去仍然好鮮嫩，肉質好滑，一啲都唔鞋！只用了適當嘅黑椒和鹽去調味，食到雞本身的味道。今次呢一次拉麵之旅真係令我十分難忘。而拉麵店原來係OpenRice入邊有做優惠，午市買優

呢間身處於佐敦既小店係我第二次黎鋪頭雖然唔大但係裝修得好靚同埋好乾淨座位舒適 今次坐吧枱 可以好清楚望到開放式廚房餐廳嘅濕紙巾都係嚟自日本 包裝美觀細節位上面感覺到佢哋絕不馬虎活鰻蒲燒飯($198)鰻魚好肥美 而且厚身油脂比較重 好juicy配上醬汁 送飯一流 我唔會講佢係我食過最好食嘅鰻魚飯但係佢嘅鰻魚飯比香港好多餐廳更為出色👍🏻👍🏻.沖繩阿古豬燒肉串($36)完全覺得自己食緊豬肉個味道同質感同鴨胸好似都幾好食.醬燒免治雞軟骨串($48）味道同坊間餐廳一樣不過不失 配上醬汁 幾啱送酒.

論大家對拉麵的認知，離不開連鎖式、由日本開來的形形式式都離不開豬骨湯底之類今次試呢間隱世拉麵店，主打係佢地的雞白湯地址不難找，係官涌街市附近，門口對正足球場一扇門的背後，第一個印象不是對餐廳的感觀，而係免費享受了的嗅覺，好香好香的味，我諗應該係來自湯底環境好舒服，光線柔和，地方不算大，有普通餐桌同bar台正常都會想坐餐桌因爲會坐得比較舒服，不過今次我卻想坐bar台，成件事覺得好好feel，好有係日本的感覺店員態度好好，送上獨立包裝的濕紙巾俾人客清潔手，又會問人客需要熱茶定凍茶完全做到日本店的服務講返食物，點了signature的雞白湯拉麵，店員主動講解返不要將炸牛蒡同慢煮雞浸落熱湯，因為會破壞口感，炸牛蒡呢種食法真係第一次，好香脆好似食緊薯片咁，但又真係食到牛蒡果種苦苦的味，慢煮雞口感都好特別，咬落去軟軟的，亦有雞味但最想分享的是，個湯底、第一啖飲落去，覺得似忌廉湯，好香滑，但又完全不覺得有半點油同肥膩感，同埋呢種湯底配拉麵，的確好特別，原來拉麵不是只配豬骨湯就係咁、成碗湯飲晒最後埋單果陣，老闆好好人咁送甜品俾我地食呢間店好有誠意、老闆好好人、會再光顧

位於佐敦既金鶴拉麵，朋友已多次推介，話我一定會鍾意，趁今日同老公要去佐敦買野，一於順便去試吓先。係品嚐拉麵之前，不得不讚嘆金鶴拉麵嘅裝修、擺設、餐具甚至連廁所位置都係一絲不苟，充滿日本風情之餘，又有高貴既氣氛，尤其利害的是通往廁所嘅道路，首先玻璃門前有一幅精緻嘅雙鶴嘅日本畫，推開門後會看到鋪滿日本嘅和石路，行過這條路，一個非常乾淨既廁所就出現在你面前，而且是酒店式的，還有電視，從來未見過有餐廳會將廁所整得咁靚，可見餐廳老闆嘅細心心思同重視客人嘅程度。這裏是開放式廚房，我和老公選擇了坐吧枱位置，可以看到拉麵師傅如何用心製作食品，實在係一種視覺嘅享受。看著看著，我的雞白湯沾麵($138) 遞送到我面前了。材料非常豐富，有黑豚、溏心蛋、慢煮赤雞，而麵質有D似烏冬，順滑但又有嚼勁，沾上濃郁嘅雞白湯，那種滋味係食完一啖再想食多一啖，好彩這碗沾麵份量大，啱曬我這為食鬼。溫馨提示 : 當雞白湯涼了，可要求拉麵師傅再加熱。屬於老公的黑蒜醬油湯拉麵($98)一點也不輸蝕，黑蒜嘅味道撲鼻而來，湯頭咸道剛好，配合著叉燒、慢煮赤雞、溏心蛋、海苔、蔥花，形成美味嘅拉麵圖畫，讓人食指大動。小食也是一樣出色，芥辣八

記得之前睇過開飯見到佐敦有豪裝拉麵店，湯底夠晒特別，並唔係普通香港食到的豬骨、魚介、蝦湯呀咁！係雞白湯專門店。陪阿媽去買經典腐乳順便食返一碗，睇Menu見到獨沽一味賣雞白湯，就知道店家對自己出品幾有信心。店內裝潢豪華，食日式拉麵似去咗日本fine dining 咁呀 OMG!一踏入舖頭門口就見到玻璃畫同埋一大幅金箔壁畫，空間寬敞舒適。好了～回正題！我哋每人叫咗一碗拉麵雞白湯拉麵 $98 金鶴的雞白湯底由日本製造直送，以全雞熬足6個鐘，每兩三日到港一次。來到金鶴再由師傅加工打成泡沬，入口每一啖湯都更加幼滑，清甜可口！店長仲特別提示我雞肉唔可以浸到湯，原來低溫慢煮雞胸肉即係雞叉燒啦！選用日本薩摩赤雞製成，只以黑椒、鹽調味已經好好食，入口嫩滑一d 都唔嚡。拉麵選用粗身麵條，特別在於麵條煮熟後以冰水過冷河，令到入口更加大牙同埋保持硬度。另一樣吸引眼球嘅材料是 即炸牛蒡，脆薄美味。而媽咪就揀咗 雞白湯沾麵 $138多啲花臣玩，沾麵湯以火爐上枱，相機先食就最啱啦！媽咪鍾意佢食到最後仲仍然保持熱辣辣。食拉麵又點可以少咗 元祖煎餃子 $33餐牌一目了然，小食我嘅首選係餃子，跟足日本食法，皮薄餡靚入口

活鰻蒲燒飯.在HK難得的高質鰻魚飯😍 不是一早塗上甜膩醬汁的急凍鰻魚 而是新鮮的鰻魚啊!! 看到師傅細心的把細骨挑起 以竹籤串起燒 再塗上一層薄薄的醬汁😚鰻魚偏厚身 因爲是新鮮的鰻魚 魚肉爽彈帶油香🤤 醬汁不死甜 份量剛好😌 皮再脆一點就完美了☺️ 加上珍珠米 好食😋唐揚炸赤雞.熱辣辣的炸雞! 炸衣不會厚重 雞肉juicy有肉汁 最特別是在旁的檸檬鹽 咸咸酸酸的 有解膩的作用 同時令感覺更清新~雞白湯拉麵.一條條的炸牛蒡 炸得不油膩 脆口☺️ 雞白湯濃郁creamy 喝下順喉👍🏼 慢煮雞肉有很濃的雞味 肉質爽彈 而黑豚叉燒經炙燒過 滿佈油香! 麵條就比較一般 略嫌不夠掛湯~ 但整體都很不錯! 欣賞師傅會把拉麵碗浸泡在熱水裏 令之後所放的拉麵能保持溫度😚

住在佐敦的好友報料，她家附近開了一間格局高級，而價錢大眾化的日式拉麵店。今天放假，加上入夜天氣微寒，就與她一起吃拉麵暖胃吧~餐廳裝潢雅致，以日本鶴為題，有獨特典雅的金鶴玻璃畫、金箔壁畫及掛畫，加上燈光幽暗，營造出高級感及舒適感。麥茶，嚐到濃厚香醇的麥味，入口微甜回甘，既能止渴消滯，喝罷更舒適怡人~雞白湯拉麵，麵條柔韌嫩滑，浸泡在醇厚細膩的雞白湯中，味道濃厚但吃後十分清爽，香氣四溢!配料也毫不遜色，牛蒡，酥脆香口，風味絕佳; 慢煮赤雞，軟嫩多汁，入口即融; 豚叉燒，肥瘦均勻，甚有嚼頭。醬漬日本溏心蛋，蛋白細軟入味，香甜微鹹，蛋汁流心，蛋香馥郁，入口即化! 我們也忍不住多點一客。鹽味拉麵，湯頭以鰹魚與及日本海鹽熬製，打造出獨特清香的海鹽風味，入口清香微鹹，引出食材的最大鮮味! 即使把湯汁喝下也不覺口乾~ 元祖煎餃子，皮薄軟滑，內餡肉汁豐盈，肉香四溢，再蘸上柚子醋，酸甜醒胃，香口惹味!雪碧，香甜冰爽，消滯解膩，配拉麵一流!每人只花百餘元，可在高級的日本餐廳用餐，更品味到芳醇爽滑的拉麵、香口滋味的小食及飲品，物超所值!P.S. 該店廁所乾淨企理，時尚新穎，採用日本新式馬桶，有按摩、暖厠板等等功

雞白湯沾麵真係想食好耐，但香港出名既都係要過海🚢，今次終於搵到間喺佐敦嘅金鶴拉麵  😉一於要去試一試佢！見到呢間有沾麵食，就揀個雞白湯沾麵食，呢個沾麵未食已經值得讚一讚佢，佢個沾麵汁會有火🔥慶住佢，維持番個溫度，唔怕啲麵令到個沾麵汁凍咗碗麵除咗有叉燒🐷之外，當然仲有雞叉燒食啦，店家提議雞叉燒唔好放落湯浸，不過真係覺得有啲凍，所以都試過放落湯食，都一樣好味，一塊嫩滑既雞肉再加埋濃濃既雞湯，我相信咁係我食過最雞味濃郁既一次🤩🤤如果食厭咗豬骨or魚介湯既拉麵，雞白湯絕對可以令你重燃番你對拉麵既興趣😍😘P.s 呢度第一次 down佢個app就可以兌換到一支汽水or完美既溏水蛋✌🏻🤤P.s2 個廁所真係好靚！第一次見餐廳廁所會有分體式冷氣同埋電視，仲有自動感應垃圾桶牙刷 牙線 牙膏 杯 棉花棒都有!!!!

今日同男朋友喺官涌體育館打完羽毛球之後就喺附近搵嘢食，搵到呢間拉麵店就去望下，去到門口已經畀佢個裝修吸引咗，好似幾高級😁入到去個檯面好似雲石咁，牆身有幅畫，裝修格局好日本風，睇得出花左好多心思，環境安靜舒適👍除咗雞白湯拉麵之外，店員話鰻魚飯都係佢哋嘅主打， 鰻魚係一開四即刻燒，拉麵上面嘅牛蒡都係即刻炸出嚟😍我叫咗一個鰻魚飯，男朋友叫咗一個雞白湯拉麵， 另外加咗一個燒雞泡魚乾😋鰻魚飯既鰻魚分量好多，超厚肉，即刻燒出嚟熱辣辣，直頭可以每啖飯都配鰻魚咁食，啲日本米索晒鰻魚汁，好好味，性價比超高！👏👏燒雞泡魚乾唔會一啲都唔乾身唔會過硬，燒得好靚😁男朋友個拉麵我淨係試咗牛蒡，雞件同個湯底， 牛蒡即刻炸好香脆， 雞件應該係慢煮出黎，一啲都唔“鞋”，成個口感同平時食到既好唔同😯 湯底有好濃郁嘅雞味，帶有少少西式忌廉湯既風味，比較厚身，我飲唔停🙈佢個碗好厚身超保溫😯呢間拉麵店睇得出上至裝修擺設，下至食材器皿都好用心，強烈推介👏👏

官涌市政大樓對面有間金鶴拉麵, 門面就咁睇已經知個格調唔同。藍色大帆布連白色嘅牆身好有日本風情 另外門口仲有一個彩繪嘅金鶴造型玻璃入到去以灰色為主調,再佈置一啲高級嘅家具。本來無窗嘅舖頭裏面會用燈光營造氣氛。不論係杯定係濕紙巾都係好用心。濕紙巾都好厚身好似毛巾咁😅就咁呢個格局已經令我好期待佢哋嘅嘢食呢度主打都係雞白湯底嘅拉麵。有得揀配豬肉定係雞 又或者係兩款都有另外再有以下呢一系列嘅小食不過我個日下午臨落場先到,好多都無 lu~~~我哋一個叫咗 赤雞雞白湯拉麵 $98不過我唔知點解會無左圖中既牛蒡😅赤雞雞白湯拉麵有四塊赤雞。雖然係雞胸肉但係我食過最嫩嘅雞胸!一點點都唔鞋!!!因為用左慢煮方法~~~絕對要試下另外,叫左碗雞白湯拉麵 $98就一次過有齊黑豚同赤雞。黑豚 帶少少油脂 燒得好香。 咬落去肥瘦得宜。兩碗拉麵湯底都係用雞湯,唔好以為雞湯就好淡 佢好濃郁 同有少少厚身~~令每一口麵都沾到湯。麵粗幼度亦剛好令到掛湯得來又不會太粗身 太多澱粉質。睇得出成碗拉麵都有設計。另外 叫了兩款小食~餃子$33炸雞$33非常有水準👍 🌟餃子皮薄 底做到剛剛好脆既效果。🌟炸雞外脆內軟。食嘅時候竟然仲有