金田家

营业中

休息中

金田家，又一家來自日本的拉麵店數月前座落香港，選址登龍街豚王分店附近，勇氣可嘉，過江龍鬥本地薑，本以為好戲連場，可惜煞那間已見高下，豚王依然長龍，金田家雖然口啤不俗，但遠不及鄰居之受歡迎。香港有openrice，而日本就是Tabelog，據說每幾個日本人就有一個是Tabelog的用家，所以認受性非常高，而Tabelog 把金田家評分為4分，是九州第一，相信自有一番本領！可是，人人口味不同，何況是穿舟過洋到外地，雖說香港人喜歡日本美食，但從小習慣的口味總是改不了，相信不少過江龍皆難以決擇，是否需要略改烹調方法以迎合本地人口味!依我之見，日本巿場能夠支持衆多著名拉麵店是因為她們各有鮮明之個性，湯底以濃淡醬油分辨，配料以選材及自家配方，整體論配合，各省各區嗜好不一，自有喜好及地道個性。來到香港，因為市場細小，大眾口味不及日本廣泛，因此並非人人成功！話說過來，香港人消費能力高，生存尚可以，打出名堂，就不容易。周四七時半到達金田家，正門被人龍擋著，也許下班人仕等車之故，應該不是來自豚王，亦無意核實，只是打斷了我的大門照，只可以向上移。拉麵店玻璃大門上已有食物介紹，客人可以了解後方才決定光顧。踏入

聖誕節購物情緒高漲，行到攰，路經美食之街登龍街，見到金田家拉麵有位，在天氣寒冷的日子吃一碗也不錯，想也不想就跳進去。裝潢和一般拉麵店大同小異，服務亦是走快和誠懇路線。不過可能碰巧店員是女子，份外對我這個大肚婆細心，為我潻上暖水（枱面serve的是冰水），亦叮囑我不要點它們的糖心蛋，避免吃半生熟食物，超級貼心。下午茶時候來到，未見擠擁，枱面整齊乾淨。配料亦見衛生，不錯。我點了經典拉麵，即最入門的一款。麵可選四種硬度，我要了比普通硬一度。下單後不消五分鐘就來了，熱騰騰。叉燒四片，紫菜兩邊，木耳和日本蔥適量。先試一口豬骨湯，非常濃郁，見膠質，有豬骨味。麵條是常見的直身拉麵，點了硬麵，掛湯力不俗，麵彈牙有麥香。個人口味喜歡硬，覺得下次可以點超硬麵，應該可以更彈牙～拉麵靈魂人物二號之叉燒，金田家的叉燒半肥半瘦，厚朴適中，夾起不會散開。女士應該易可以一啖一塊，是我可以接受的肥脂。因為當日有點點趕時間，不能完成湯底，真可惜呢。不過其實女士要自己完成一碗也真的有點吃力，因為這裡的湯底實在是非常足料！

今天和老婆仔在銅鑼灣逛街走著走著來到這條有很多出名食店的街看到很多日式餐廳我提出不如吃日式拉麵最後選了這間菜單是一般日式拉麵店的設計有多種麵和硬度可選擇餐廳職員很貼心的介紹了不同拉麵她說經典叉燒是較肥的腩肉而至尊的則是瘦的脊肉我要了個78元的經典金田家叉燒拉麵肚餓的老婆仔就選了金田家至尊拉麵我再加12元要了個溏心蛋經典金田家叉燒拉麵是用較肥的腩肉先說腩肉雖然確實有點肥但這樣才更美味令整碗麵多了點油份不過老婆仔卻說若果減肥中的女生不應點這個再說湯底湯底真是滿分豬骨湯味非常濃但卻不會很鹹再配合質感剛剛好的拉麵在現今眾多同類拉麵店的時代這裡也算是其中一間製作得很好的拉麵店至於老婆仔的金田家至尊拉麵與我點的幾乎一樣唯一不同就是用了瘦的脊肉雖然脊肉很瘦但卻同樣美味而且厚薄度剛剛好值得推介不過這裡只有拉麵可選對於愛吃不同食物的老婆仔來說若果有其他小食提供就更好不過可能我們來的是下午茶時間所以這裡的人不多欣賞著這裡的環境感覺是融合了日式與港式的設計坐得很舒適可以和老婆仔坐著慢慢聊天

在長長的豚王面外的隊列旁, 竟然開了一家"不知好歹"的拉麵店挑戰者?!竟敢挑戰王者,想必有什麼過人之處,既然路過肚子又餓,不妨試一下自助冰水壺,從旁看去一直有凝結的水點在,個人覺得賣相很不錯,但吃濃濃湯底的拉麵,著實不應配冰水...不過每一家拉麵店都會這樣做,大概是日本人的堅持吧?想試一家拉麵店的身手?必先從最基本的試起,而且有1隻溏心蛋送,先呷一口奶白色湯底,有著非常濃郁的骨香,不如想像中油膩,據聞是經16小時精心熬製的豬骨湯,跟"豚王"不相上下!拉麵(硬度普通)也有很強的掛湯力,只用筷子已經吃到湯底鮮味,但如果想吃地道一點,必然要叫硬/超硬叉燒甘香軟糯,一口吃下去7瘦3肥,幾乎不用咀嚼就已經溶在口中了...份量個人略嫌不足,但原來重量跟豚王一樣?可能因為豚王的是一大塊吧溏心蛋醃得非常出色,清甜無比,半流心狀態活像心太軟!如果沒有贈送, 這道配菜必加!早前叫了替玉使我很是後悔,因為吃完第一碗已經很飽ORZ...替玉份量絕不欺場,真的像多吃一碗似的,而且並不吝惜,多送幾粒方型叉燒給你做餸~

近年香港多了很多日本過江龍拉麵店，有不少是曾經在日本得獎的。其中一家是金田家。這間開業不久的拉麵店，是晚不算人流旺盛。不用費時排隊。地方也較傳統拉麵店寬敞。侍應很耐心的介紹拉麵的種類及如何選擇，對於吃拉麵的初哥來說，很有幫助。拉麵有三款，由$78 至$98一碗，價錢是一般拉麵店水平，有四種硬度選擇，由軟至超硬。麵條只有細麵，沒有太麵。可選擇是否要葱，或分量多少。拉麵店的慣例，可追加配料，替玉及湯。飲品有汽水及樽裝綠茶，酒類是日本有名的Asahi 啤酒供應。我選了經典金田家义燒拉麵，普通硬度多葱，追加溏心蛋及紫菜。先嚐一口湯，湯底很鮮味，以香港人的一般標準，可能略鹹。湯面滿是泡沬，據店長表示這是顯示湯的濃度。薄切的义燒雖說是豬腩肉，但入口不覺肥膩。溏心蛋溏心蛋是原隻上，本來對它不抱特別期望，可能沒有期望，反而更有驚喜。溏心蛋沒有煮得過熟之餘，溏心也煮得恰到好處，有點半凝固狀，不會變了流心，可見拉麵師傅的功力。味道帶點微酸，很能調和拉麵的鹹味，也起了提味的作用。替玉也配有豬肉之後叫了替玉，雖然我不愛吃太硬的麵，還是選了硬的，想試試有甚麼分別。有些人可能不明白，為何替玉要也吃完麵後才另上，其

由前年嗰部Sony Xperia Z手機擁強勁影相功能開始，次次食嘢都影好多相，用唔同嘅apps將啲相做效果版面設計，透過whatsapp同親友分享；啱啱換咗部HTC Butterfly 2，結合音樂、相片，個人影像設計體驗更高層次，再上載到“ZOE影像匯流”及Facebook，但就仍然未正式執筆寫食評。成日都話要整一個自娛性質嘅拉麵排行榜，地區只局限銅鑼灣、尖沙咀、佐敦，就由呢間開始，其他嘅有時間就慢慢後補番。金田家－登龍街，陰。分別响10/8試咗芽菜叉燒拉麵(送溏心蛋)、11/4試咗至尊叉燒拉麵(加黑蒜)。麵揀咗超硬，除咗“MIST”(已結業)可以令到湯麵叉燒完美演繹三合一靈慾結合，本身唔鍾意幼身麵嘅模糊口感，但呢度嘅麵尚算討好，至少叫超硬比番符合預期嘅質感，咬落彈身，稍有麵香，掛湯度普通，但份量偏細。豬骨湯尚濃郁但質感唔算好漿口適中，比起“一風堂”重口味精、“豚王”過份太gel口飲多兩啖嫌“立”，呢度屬水準可接受；但個人更愛同街嘅“博多一幸舍”鮮明嘅濃厚豬骨味。加咗黑蒜嘅湯底仍然冇鮮明嘅性格，比起未退步前霎東街魂嘅“黑魂”仍有一段距離。叉燒試咗腩位同肩位，前者算做到入口即溶，後者

Ramen is often a good choice when it's still early or you're just not too hungry~Although the Kanadaya Ramen in cwb is just a sm5all shop, they still reserve some places for the ramen bar table~ If I come alone next time, I should be sitting at the bar!The menu is simple. 3 Ramen available and a few additional options. As this is the first time, choosing all "normal" sounds best!The Ramen has a suitable portion, should be enough even for the guys~ several slices of japanese pork on top, look nic

放咗工，約左人飲野又未夠鐘，搵少少野食下先~ 搵到間未聽過嘅拉麵店金田家，就貪新鮮去試下門面來講，相比起同一條街其他鋪頭，金田家冇大光燈、冇大招牌，反而成為咗登龍街最低調而又格調嘅餐廳!入面格局同門面一樣夠晒簡單。外牆只系掛住一D食物相片同獎狀，有吧枱、普通枱，開放式廚房，等你可以睇住佢地整麵﹗餐牌上有三款拉麵揀，而且可以選擇麵嘅唔同軟硬度、葱嘅多少、加唔加其他配菜、添唔添加麵底等。我就平平地叫左個經典叉燒，多蔥硬麵，店員話家陣優惠期，一碗拉麵送一隻溏心蛋，咁我就無端端多左隻蛋食，慳番$12，開心﹗等左陣，麵到啦﹗嗰碗麵，大大塊紫菜放系側邊，叉燒整齊擺系碗入面，奶白色嘅湯，有少少起泡，而且原來叫多葱係會多到成碗都青色，加埋D配菜同溏心蛋，個賣相都幾吸引下，D湯嘅香味重要系咁飄埋黎，本來唔太肚餓都突然好肚餓!麵望落好幼，但食落都有D嚼口(不過下次可以叫超硬~~)，又吸收左D湯嘅豬骨味，連埋D蔥一齊食，令到原又本已經充滿豬骨味之餘，仲有蔥香。之後食塊叉燒，厚度剛剛好，又唔會太乾，而且食落咸咸地，非常夾。湯底有少少起泡，飲落豬骨味濃，又香又滑~老實講，近年來，已經好少食到咁有質素嘅拉麵啦!

三個都豬骨湯底，腩肉部有入口即溶感覺，至尊則是肩位，啖啖肉，芽菜那個能中和湯底的濃味，拉面夠彈牙，不過我喜歡較粗一點的，點了腩肉，果然很滑，有入口即溶的感覺，湯底夠味，不似係味精造成的。不過這拉面店人流不多，但我覺得味道很好，食完仲有抽獎。

鍾意食野ge人都知，銅鑼灣登龍街，可以話系「銅鑼灣食街」。而拉麵店，都有幾間出名ge落戶呢到。試過唔少間舖又大又出名ge拉麵店，今次試間系香港未太出名但系日本個名就響當當ge拉麵店-----金田家。去到餐廳，裝潢佈置幾有特色而簡單，分吧枱同普通枱，共廿幾個座位，重有一個開放式廚房，保留左一部份日本風。牆上掛左一D佢地曾經得攞過既獎狀同拉麵相。簡簡單單，或者就系金田家創辦人金田先生ge風格。坐低之後，店員會用心同詳細向我介紹餐單上既食物，重會先問曾光顧與否而加以解釋應該選擇ge拉麵，服務態度一流。我揀左荳芽叉燒拉麵，硬麵，正常葱量~ 宜家一碗拉麵仲送一隻溏心蛋。等左一陣，拉麵就到啦。賣相，真系幾吸引，湯系奶白色兼有起少少泡，叉燒整齊擺好，紫菜放系側邊，加埋隻溏心蛋，睇落都想食。麵條雖然幼身，但由於系硬麵，食落嚼勁不錯，掛湯力強，湯同麵合埋一齊，絕配也。湯質感濃稠，豬骨味好濃，肯定好足料，煲左十幾個鐘都有可能。叉燒薄薄地一塊，入口肥瘦均勻又帶醃製過ge香味，唔「乾爭爭」，咸咸地，好醒胃。大量芽菜、木耳、青蔥，香而爽口，中和湯的濃厚味道。溏心蛋甜甜地，濃郁蛋香，咬開佢就有呈半流心狀ge蛋黃流

朋友曾經推薦金田家拉麵店，尋日去開銅鑼灣，一於就去試試~其實金田家呢個名我之前都略有所聞，佢所做既系「博多拉麵」，2011及2012年北九州拉麵節佢地系得獎名店，被選為人氣No.1。加上聽講由日本師父派過來主理，所以我都滿有期望!去到餐廳，裝潢佈置幾有特色，充滿日本風，猶如去左日本當地既拉麵店禁。由於是平日，去到的時候人不多，可即刻入坐。同其他日本出名既拉麵專門店差唔多，拉麵款色從來系「貴精不貴多」，只有三款拉麵，但就有唔同變化可以選擇，包括麵的軟硬度、葱既分量、加其他配菜等。我揀選了至尊叉燒拉麵，軟硬度就揀左「硬」，葱量「正常」等左3分鐘，拉麵就到。一片片薄薄既叉燒圍著鋪放碗既邊，湯既香味已經噗埋個鼻到，令我真系急不及待食第一啖!先試試麵條，系典型「博多風拉麵」，這個「硬」的硬度對我黎講啱啱好，有嚼口，而且麵條幾幼，掛湯力強，湯同麵合埋一齊，令人一嘗難忘。再嚐下個湯底，湯呈奶白色，濃度適中，豬骨湯味好重，質感好似牛乳同忌廉既合體，香滑無比，但唔油膩。試埋叉燒和配菜。薄薄既叉燒，幾大塊，有一種獨特的咸香，吃起來煙煙韌韌。而配菜爽口彈牙，溏心蛋單，蛋黃呈半流心狀，蛋香濃郁，甜甜地，真系可

系公司離開嘅時候，已經九點幾，又系加完班既夜晚，心身俱疲，正好系銅鑼灣，就來金田家享受下「一個人的晚上」。入到去，間舖一眼望晒，座位廿幾個，有吧枱、普通枱，重有一個開放式廚房，牆上掛左一D佢地曾經得攞過既獎狀同拉麵相。整體黎講裝修簡潔、乾淨，這個以食物為主嘅拉麵店，我諗已經足夠。望望餐牌，有三款拉麵揀，分別系經典叉燒、荳芽叉燒同至尊拉麵，而可以選擇有唔同變化，包括麵的軟硬度、多葱少葱、加唔加配菜同麵底等。我就叫左個經典叉燒，少蔥硬麵，加支Asahi，當放鬆下。等左無耐，個拉麵就到啦。侍應話而家正值優惠期，每食一碗拉麵，送一隻溏心蛋。有得免費食，真系唔錯! 無啦啦多左隻溏心蛋，梗係開心啦。睇落個賣相，都幾吸引，紫菜鋪系側邊，叉燒肥瘦均勻，整齊把好系碗入面，有幾片另上，呈奶白色嘅湯，有少少起泡，加埋D配菜同溏心蛋，重有陣陣湯嘅香味，成個畫面，引人入「食」。先食個麵，麵條幾幼，由於自己叫嘅系硬麵，食落都有D嚼口，又吸收左D湯嘅豬骨味，連埋D蔥一齊食，味道口感更豐富。之後食塊叉燒，薄薄地一塊肥瘦均勻，食落唔太乾，而且有D醃製過嘅香味。湯底雖然有少少起泡，但飲落，豬骨味濃又唔膩，好香滑。老實講，

好耐冇落過銅記搵食，行到赲，又難得近排街上面少咗咁多人，梗係食埋嘢先啦!聞說登龍街已經越來越旺，當然要走過去八吓啦~短短既一條街仔竟然有咁多日本嘢/拉麵店! 喺花多眼亂既情況底下反而入咗相對最唔起眼既金田家門面低調到我以為側邊條樓梯先係佢既入口 「いらっしゃいませ! 」鋪頭細細，大約有20個位左右，有普通枱、有吧枱；因為時間尚早既關係，唔使等位~ 店員帶咗我去吧枱，攞咗張MENU同埋一張落單紙俾我，仲好詳細咁講解三款麵既分別，話佢地既叉燒有兩種，一種脂肪比例重啲，另一種就冇咁重，湯頭亦都唔一樣 (唔記得叫咩部位 XD)鍾意食硬身麵條，我今次既選擇係: 經典叉燒拉麵，正常葱，硬，加溏心蛋嘢食未到，周圍望望，原來佢係日本九州拉麵節既得獎名店之一~!前面隔住塊玻璃可以睇到佢地煮我碗麵麵好快就送咗上來，排得好靚仔，影張相先!!用既碗設計簡簡單單，又不失格調~ 奶白色湯底配上份量適中既拉麵，上面再有幾塊不肥不瘦既叉燒，葱花、我隻蛋、同埋一塊紫菜先飲一口湯，味道濃郁得來又唔會膩，熱辣辣既湯加上粗幼拿捏得恰到好處既麵條食落認真唔錯，叉燒俾得一啲都唔孤寒，而且唔會乾"爭爭"，肥瘦剛剛好，口感一絕。自己

聽聞金田家於日本贏得不少獎項 名聲威震日本 難得來港設店 口碑亦不錯 而久久未有嘗過拉麵的我 見經過此地 便順理成章吃個麵 金田家豆芽叉燒拉麵 $85除了麵的質地選了硬身外，其他都選了個中間值。硬身的拉麵口感不俗，雖硬亦富彈性。木耳也挺爽口的。之後，整體質素都不過平平，湯底不夠香濃，油份卻甚多，叉燒肥瘦不均勻，只屬一般貨色。實在令人失望。

號稱九州第一拉麵的金田家登陸銅纙灣，小人今天特來一試。金田家提供三款拉麵，其中經典及芽菜叉燒拉麵的叉燒都是用豬腩肉造的，小人因為想吃較有咬口的豬肩肉，唯有選擇至尊叉燒拉麵$98。拉麵的賣相超漂亮，擺放得像是一朶花，戲言叫它做如花拉麵有點不敬，不過這還是第一次可以用色彩繽紛來形容一碗拉麵呢。如果純粹以濃郁芳香來形容這個湯未免不足，只因每一口湯都盡是豚骨湯精華，鮮甜得過份，入口滑而厚身，但又不會過稠，激正!!超硬麵的麵身夠硬夠彈性，而且不會因為浸湯久了而變淋。然而麵的份量的而且確跟X蘭是叮噹馬頭......的少!至尊叉燒拉麵的配菜有黑木耳、一隻溏心蛋、蔥以及五塊叉燒。其中因為是首次光顧，本來需另加$12的溏心蛋變為免費奉送。叉燒肥瘦適中，很入味，可惜太薄太細塊未能盡興。青蔥下得夠重手，超香；黑木耳普通水準；溏心蛋流心度高，但味道偏甜，加入一些辛子高菜和酸薑較易入口。吃完總數$103，收了5%加一。而當離開時有店員遞上幾組號碼，供客人選擇一組在門旁的抽獎機抽獎，小人抽到的是下次再來時送替玉一客。總而言之，金田家的拉麵水準不差，質素高，只是份量真的太少，看來下次可用得上這獎品了。